Шэраг парушэнняў выяўлены КДК у гандлёвых аб’ектах Бабруйска, Касцюковіцкага і Хоцімскага раёнаў.
Кантралёры КДК Магілёўскай вобласці праверылі гандлёвыя аб’екты і выявілі шэраг парушэнняў:
у трох гандлёвых аб’ектах ІП горада Бабруйска дапушчана завышэнне цэн больш чым на 30 найменняў харчовых тавараў;
на некаторыя тавары адсутнічалі дакументы, што пацвярджаюць іх набыццё, якасць і бяспеку;
у двух гандлёвых аб’ектах (Касцюковічы і Хоцімск) выяўлены тавары з пратэрмінаваным тэрмінам прыдатнасці на суму больш за 270 рублёў;
выяўлены факты неабгрунтаванага спагнання платы за спажывецкую ўпакоўку не ўпакаваных вытворцам тавараў.
Сітуацыя, увогуле, не новая. Хочацца толькі адзначыць, што, распавядаючы пра праверку, дзяржаўнае СМІ зрабіла акцэнт на парушэннях, дапушчаных індывідуальнымі прадпрымальнікамі. Не вельмі верыцца, што ў крамах аблспажыўсаюза, які знаходзіцца пад абаронай уладаў, парушэнні ўжо выкаранены.
У Магілёўскай вобласці 5,1% насельніцтва жыве за рысай беднасці, што больш, чым ва ўсіх іншых рэгіёнах Беларусі.
Паводле даных Белстата за трэці квартал 2025 года, за Магілёўшчынай па долі такіх грамадзян ідзе Гомельская вобласць – 5%. Затым Берасцейская – 4,8%, Віцебская – 4,6%, Менская – 2,5%, Гарадзенская – 2,4%. Менш за ўсё жывучых за рысай беднасці, як і мае быць, – у сталіцы. Там іх 1,1%.
У сярэднім жа па Беларусі гэты паказчык знаходзіцца на ўзроўні 3,4%. Гэта 309,7 тыс. чалавек з 9 млн 109 тыс. 280 насельніцтва краіны. Прычым у гарадах жывучых за рысай беднасці – 2,7%, а ў сельскай мясцовасці – 5,6%.
З асноўных выдаткаў беларусаў 37,2% ідзе на харчаванне, 35,9% – на набыццё нехарчовых тавараў, 24,7% – на аплату паслуг. З паслуг 5,4% займаюць жыллёва-камунальныя.
Усе яны маюць прамое дачыненне да ранейшых правалаў.
Усе новыя кіраўнікі трох раёнаў Магілёўшчыны – выпускнікі сельскагаспадарчай акадэміі. У іх шмат дыпломаў аб «вышэйшай адукацыі» і не менш правалаў на ранейшых месцах працы.
Дыплом за дыпломам
Краснапольскі раён узначаліў ураджэнец Чавусаў Аляксандр Яфімчыкаў. На ягоным прыкладзе зразумела, адкуль у беларускіх кіраўнікоў бяруцца па тры дыпломы. Сельскагаспадарчую акадэмію ён скончыў у 2006 годзе, а ўжо ў 2007 атрымаў другі дыплом. Само сабой, у набор уваходзіць і акадэмія кіравання.
Яфімчыкаў працаваў галоўным аграномам, старшынёй двух сельгаспрадпрыемстваў, першым намеснікам старшыні Касцюковіцкага райвыканкама і нават два гады ўзначальваў Чавускі райвыканкам. А пасля – раптоўна пайшоў у фермерства.
Хоцімскі старшыня стаў Асіповіцкім
Для Геворга Мелканяна прызначэнне старшынём Асіповіцкага райвыканкама – крок уверх, бо Хоцімскі раён не самы прэстыжны ў вобласці.
Мелканян працаваў інжынерам-гідратэхнікам у Чачэрску, узначальваў сельскагаспадарчае прадпрыемства «Батвінава» і нават Чачэрскі фізкультурна-спартыўны клуб «Ураджай».
Пазней ён пераехаў у Бабруйскі раён, дзе з 2016 года працаваў намеснікам дырэктара і дырэктарам ПМК-84.
У ліпені 2021 года яго прызначылі старшынём Бабруйскага раённага савета «дэпутатаў», а потым – кіраўніком Хоцімшчыны.
У Хоцімску – Дзівакоў
Ураджэнцу Слаўгарада Аляксандру Дзівакову – 50 гадоў. Сельскагаспадарчую акадэмію ён скончыў у 1997 годзе і пачаў кар’еру чыноўніка інспектарам па ахове працы ў райсельгасхарчы Лёзненскага райвыканкама.
Пасля працаваў у аблсельгасхарчы і быў першым намеснікам старшыні Шклоўскага райвыканкама.
Хоцімшчына далёка не самы «перадавы» раён вобласці, аднак цяпер Дзівакоў атрымаў даволі самастойную пасаду.
На першы погляд замена Лукашэнкам адразу трох кіраўнікоў раёнаў – сур’ёзны кадравы крок. Аднак біяграфіі Яфімчыкава, Мелканяна і Дзівакова сведчаць: вялікіх прарываў ні ў Асіповічах, ні на Краснапольшчыне, ні на Хоцімшчыне чакаць не даводзіцца.
Урэшце, Лукашэнка, мяняючы шыла на мыла, гэтага і не чакае. Пры прызначэнні ён не выпадкова заўважыў: усе прызначаныя кіраўнікі маюць прамое дачыненне да раней дапушчаных правалаў.
Чарговы этап адраджэння вёскі на Магілёўшчыне: продаж раней закінутых дамоў.
За трыццаць гадоў дзеяння праграмы па адраджэнні вёскі закінутых дамоў на той самай вёсцы стала столькі, што чыноўнікі ўжо не ведаюць, што з імі рабіць. Прынята рашэнне прадаваць дамы па 42 рублі.
Народ спакушаюць тым, што разам з дамамі ідуць зямельныя ўчасткі і ёсць магчымасць вырашыць – жыць у развалюхах, ці будаваць новае жыллё.
Бяда ў тым, што дамы закінутыя не выпадкова, а па вельмі важкіх прычынах: адсутнасць дарог, крамаў, школ і нармальных прадпрыемстваў паблізу.
Варта таксама ўлічваць, што, купіўшы такі бясплатны сыр у мышалоўцы, вы апыняецеся ў поўнай уладзе сельвыканкамаў, якія адразу прыйдуць замяраць вышыню травы, правяраць, ці не паліце вы лісце на агародзе, і абавязкова прыцягнуць вас да добраўпарадкавання чагосьці.
Таму прывабная цана – не больш чым пастка для дурняў, кім сваіх грамадзян і лічаць беларускія ўлады.
Раней сядзеш – раней выйдзеш: у Хоцімску прайшоў тэлемост паміж школьнікамі і выхаваўчай калоніяй.
Прапагандысты Магілёўскай вобласці прывіваюць вучням законапаслухмянасць, адразу хапаючы быка за рогі: паказваюць, што жыццё за кратамі – не мёд. Па сутнасці, палохаюць школьнікаў зонай. Яны лічаць, што менавіта такі прамалінейны падыход да выхавання будзе самым эфектыўным.
У СШ №2 Хоцімска адбыўся тэлемост паміж вучнямі школ Хоцімскага раёна і выхаваўчай калоніяй №2 дэпартамента выканання пакаранняў МУС па Магілёўскай вобласці.
Што менавіта паказвалі вучням, раённая газета не ўдакладняе, але і без лішніх дэталяў зразумела: «законапаслухмяны лад жыцця» такімі прымітыўнымі метадамі не сфарміруецца.
Але займацца правым выхаваннем праз вывучэнне асноўных палажэнняў Канстытуцыі і заканадаўства, правоў і свабод чалавека і грамадзяніна ў Беларусі не прынята, паколькі вельмі часта “не да законаў”.
Дарэчы, ад беларускага рэжыму можна чакаць чаго заўгодна. Бо сам Лукашэнка прызнаваў: законапаслухмянымі яго кіраўнікі становяцца толькі пасля таго, як насёрбаюцца турэмнай баланды.
“Магілёўаўтадар” правёў паспяховыя выпрабаванні расола тэхнічнай солі ад галалёдзіцы. Досвед могуць распаўсюдзіць на іншыя рэгіёны.
Як піша партал abw.by са спасылкай на “БелдарНДІ”, вадкія супрацьгалалёдныя матэрыялы вырабляюцца і выкарыстоўваюцца зімой у Магілёўскай вобласці як у чыстым выглядзе, так і для змачывання сухіх супрацьгалалёдных рэагентаў. “У цяперашні час вядзецца праца па распаўсюджванню паспяховай практыкі РУП “Магілёўаўтадар” на іншыя вобласці Рэспублікі Беларусь” – кажуць у “БелдарНДІ”.
Падрабязна аб выкарыстанні расолаў у Магілёўскай вобласці пісаў “Транспартны Веснік”. Мяркуючы па водгуках на артыкул, адзначае abw.by, эксперымент можна лічыць паспяховым. Адзначаецца, што выкарыстанне вадкіх рэагентаў экалагічней і больш эфектыўнае, чым выкарыстанне сухіх, паколькі канцэнтрацыя солі ў іх ніжэй, а ўздзейнічаюць яны хутчэй. Аднак яны эфектыўныя толькі пры невялікім марозе: расоламі апрацоўваецца праязная частка пры тэмпературы не ніжэй -5°С. Калі слупок тэрмометра апускаецца яшчэ, расолам змочваюць сухія рэагенты, а ў вадкім стане не выкарыстоўваюць.
Магчыма, цяпер у тэставым рэжыме выкарыстанне расола тэхнічнай солі як супрацьгалалёднага сродку паспрабуюць у іншых абласцях Беларусі.
У Краснаполлі хуліганы скідаюць пліты ў раку, міліцыя бездзеяннічае, а журналісты вядуць незалежнае расследаванне.
У Краснаполлі бурляць жарсці вакол пешаходнай часткі моста на вуліцы Антонава. Хадзіць там стала цяжка, таму што пліты ляжаць так, як ім захочацца.
Мясцовы камунгас усебакова прааналізаваў сітуацыю і паведаміў, што:
пешаходную частку маста рэканструявалі вясной;
нейкія вандалы неаднаразова вырывалі ўсталяваныя пліты і скідалі іх у раку, але перакінуць за парэнчы адну з пліт хуліганам не ўдалося;
пліта ляжала няроўна, блакіруючы адток вады праз ліўнёўку;
у выніку была парушаная цэласнасць усяго пераходу.
Камунгас таксама раскрытыкаваў РАУС і папрасіў краснапольцаў паважаць чужую працу. Журналісты ж правялі сваё, незалежнае расследаванне і знайшлі пад мастом скінутыя пліты.
Увогуле, чалавеку збоку цяжка разабрацца ў тым, што адбываецца ў Краснаполлі.
Мясцовыя звычаі і норавы не паддаюцца класіфікацыі стандартнымі метадамі этнаграфіі. Аднак пры справе ўсе: і камунгас, і міліцыя, і газетчыкі, і вандалы.
І хто ведае: можа, усім было б лягчэй, калі б у вандалаў хапіла б сілы шпурнуць тую самую апошнюю пліту да канца – у раку.
Фота раённай газеты “Чырвоны сцяг”.
КДК Магілёўскай вобласці праверыў горацкае УКПП «Камунальнік». Вынікі ўражваюць і шакуюць.
Незаконнае атрыманне больш за мільён рублёў бюджэтных сродкаў выяўлена Камітэтам дзяржаўнага кантролю Магілёўскай вобласці пры праверцы горацкага УКПП «Камунальнік».
неабгрунтавана завышалі планавыя выдаткі пры фарміраванні планавых разліковых цэн на паслугі па цеплазабеспячэнню;
уключалі ў акты выкананых работ па ўтрыманні вулічна-дарожнай сеткі лішнія сумы да аплаты;
парушалі правілы бухгалтарскага ўліку пры прыёме лому чорных і каляровых металаў;
хімічылі са здаваемай у арэнду дзяржаўнай маёмасцю;
парушалі правілы праезду цяжкавагавых і буйнагабарытных транспартных сродкаў па аўтамабільных дарогах агульнага карыстання.
Вынік – мільён рублёў, незаконна атрыманы з бюджэту. Здаецца, няма такога правіла, якое б камунальнікі Горак не парушылі. Карацей кажучы, наш пастрэл усюды паспеў.
Вось толькі фармулёўка «вінаватыя ў парушэннях службовыя асобы і прадпрыемствы прыцягнуты да адміністрацыйнай адказнасці» наводзіць на думку, што растраты сродкаў падаткаплацельшчыкаў не спыняцца.
У суд пайшла крымінальная справа трох жыхароў Магілёўшчыны і аднаго жыхара Мінскай вобласці, якія стварылі канал незаконнай міграцыі замежных грамадзян у Расію.
Паводле пракуратуры, чатыры падзельнікі арганізавалі транзітны праезд у Расію прыбыўшых у Беларусь самалётам дзесяці грамадзян дзвюх краін Цэнтральнай Азіі.
Паколькі забарона замежнаму грамадзяніну ўязджаць у Расію распаўсюджваецца і на забарону ўезда яму ў Беларусь, яны распрацавалі схему, калі пры праходжанні памежнага кантроля прыхоўваўся факт такой забароны, у тым ліку шляхам замены пашпарта замежніку.
Беларусы сустрэлі замежнікаў ў мінскім аэрапорце, перавезлі іх у месца начлега, а потым адвезілі да мяжы з Расіяй. Праўда, у адну з такіх паездак 7 красавіка 2025 года іх затрымалі ў Мсціслаўскім раёне.
Праваахоўнікі падлічылі, што такім злачынным шляхам здабылі ў пераліку 6,7 тыс. рублёў.
Справа аб арганізацыі незаконнай міграцыі ўжо накіравана ў суд. Трое фігурантаў знаходзяцца пад вартай, а адзін – пад асабістым паручыцельствам.
В Быхове начались масштабные работы по благоустройству – местные власти обещают новые объекты, ремонт улиц и хорошее настроение.
Обширные работы по благоустройству ведут в Быхове усилиями властей, организаций и местных жителей, сообщает БелТА.
Само собой, сделать город еще комфортнее власти собираются в год благоустройства.
Они обещают:
благоустроить парк 50 лет Победы;
сделать капитальный ремонт улицы Советской;
изменить облик площади Героев в микрорайоне Быхов-1.
Что касается парка 50-летия победы, то организации и здесь предприятия района помогали устанавливать лавочки и малые архитектурные формы. И самое время. Лавочки, установленные там к Дню письменности и названные Аллеей городов, были беззастенчиво украдены теми же “организациями и предприятиями”.
Улицу Советскую в Быхове, которая выглядит так, словно ты попадаешь в 60-е годы прошлого столетия, собирались отремонтировать давно. Не один раз формировались всевозможные планы, но их претворению в жизнь что-то постоянно мешало.
Последней преградой на пути налаживания повсеместного комфорта в Быхове стало задержание в марте директора УКП “Быховский жилкомхоз” Дмитрия Липского.
Теперь специалисты сферы ЖКХ района работают без директора и собираются поддерживать достопримечательности города в надлежащем состоянии, поскольку “они играют важную роль в сохранении исторической памяти и патриотического воспитания молодежи”.
На всякий пожарный случай чиновники быховского райисполкома признают, что “за один год закрыть все вопросы невозможно”.
При этом, подавляющее их большинство занимает свои кресла по несколько десятков лет и всячески препятствует тому, чтобы в самом анархическом районе Могилевщины было установлено хотя бы подобие советской власти.
