Хроніка прыхаванай рэальнасці. Суды, зняволенні, вызваленні

Звесткі пра пераслед паводле праваабаронцаў, мэдыяў і родзічаў тых, хто зазнае яго.

Канстанцін Ермаловіч, Віталій Мінкевіч, Ігар Казлоў, Павел Нікіценка, Сяргей Кірыковіч.

Прызнаныя палітзняволенымі.

Праваабарончая супольнасць лічаць іх справы палітычна матываванымі. Яны асуджаныя на закрытых працэсах.

Праваабаронцы настойваюць: разгляд палітычна матываваных крымінальных спраў на закрытых судовых пасяджэнняў груба парушае працэсуальныя правы абвінавачаных і зводзіць да мінімальнай ацэнку праўдзівасці, дастатковасці, дапушчальнасці доказаў абвінавачвання.

Вадзім Слівінскі

Затрыманы.

Паводле праваабаронцаў нагодай для зняволення стаў бел-чырвона-белы сцяг.

У відэа сілавікоў Слівінскі кажа, што фатаграфаваўся з ім, калі скараў Эльбрус, а таксама ва Узбекістане і Кіргізіі падчас вандровак у горы.

Слівінскаму 38 гадоў. Ён дырэктар ТАА «Муссорт», якое займаецца перапрацоўкай адкідаў. Ён аматар экстрэмальных відаў спорту.

Міхаіл Юрынок

Затрыманы.

Паводле праваабаронцаў нагодай для зняволення сталі сталі татуіроўкі. Пра затрыманне 20-гадовага заўзятара паведамілі праўладныя тэлеграм-каналы.

Хроніка прыхаванай рэальнасці. Суды, зняволенні, вызваленні

Звесткі пра пераслед паводле праваабаронцаў, мэдыяў і родзічаў тых, хто зазнае яго.

Алесь Бяляцкі, Валянцін Стэфановіч, Уладзімір Лабковіч

13 месяцаў праваабаронцаў утрымліваюць за кратамі. Усе трое праваабарончай супольнасцю прызнаныя палітвязнямі.

Іх зняволілі 14 ліпеня 2021 году і выставілі абвінавачванне ў «нясплаце падаткаў у буйным памеры».

Днямі Алесь Бяляцкі даслаў вестку з няволі.

«У мяне ўсё з большага нармальна. Здароўе – больш-менш. Цяпер – лета, шчабечуць стрыжы, іх тут, аказваецца, у горадзе, багата. Гагочуць чайкі, бо Свіслач недалёка. Так што і тут адчуваецца жыццё прыроды. Лета сёлета было негарачае, дый мабыць ужо і не будзе спёкі. Вось такія ў мяне навіны», напісаў  ён.

Праваабаронцы заклікаюць дасылаць зняволеным калегам лісты падтрымкі: СІЗА-1, 220030, Мінск, Валадарскага, 2 (Аляксандру Віктаравічу Бяляцкаму, Валянціну Канстанцінавічу Стэфановічу, Уладзіміру Мікалаевічу Лабковічу).

Мікалай Статкевіч.

На паўгода пераведзены ў адзіночную камеру.

Пра тое стала вядома з допісу жонцы Марыне Адамовіч. Паводле яе за паўтара месяца ад мужа атрымала адразу два лісты.

Яна кажа, што яго кінулі ў адзіночку 5 жніўня у якасці пакарання.

Мікалая Статкевіча арыштавалі 30 траўня 2020 года і асудзілі па «справе Ціханоўскага» на 14 гадоў асаблівага рэжыму. У чэрвені 2022 году яго перавялі з гомельскага СІЗА ў Глыбоцкую калонію.

Яўген Кіслейка.

Паводле праваабаронцаў, пераводзяць з «хіміі» у папраўчую калонію. 

Да этапавання туды яго будуць утрымліваць у мінскім СІЗА №1.

35-гадовы Кіслейка адбываў пакаранне ў сталічнай папраўчай установе адкрытага тыпу № 36, куды прыбыў 9 верасня 2021 года.

Яму прысудзілі паўтары гады абмежавання волі за крытычны каментар на адрас кіраўніка Міністэрства ўнутраных спраў Івана Кубракова. У допісе ўгледзелі «гвалт або пагрозу гвалту ў  дачыненні да супрацоўніка органаў унутраных спраў».

Бабруйскі суд прызначыў працяглыя тэрміны зняволення для групы абвінавачаных у «тэрарызме»

Справа разглядалася на закрытым працэсе, які пачаўся 15 ліпеня. Вырак яшчэ не набыў моцы і фармальна абвінавачаныя не сталі асуджанымі. Праўладныя медыі абвінавачаных называюць «злачынцамі» і «тэрарыстамі».

Тэлеграм-канал «MOGILEVNEWS» называе імёны абвінавачаных і тэрміны, якія ім прысудзілі.

Канстанцін Ермаловіч – 16 гадоў пазбаўлення волі;

Віталій Мінкевіч – 15 гадоў пазбаўлення волі;

Ігар Казлоў – 14 гадоў пазбаўлення волі;

Надзея Полькіна – 2 гады пазбаўлення волі;

Наталля Кед – 2 гады абмежавання волі.

Паводле «MOGILEVNEWS» ім інкрымінавалася спроба ўчынення акту тэрарызму, абраза прэзідэнта і супрацоўніцтва з арганізацыяй, якая ў Беларусі прызнаная экстрэмісцкай.

Пра матывы ўчынкаў абвінавачаных не паведамляецца.

Паводле праваабаронцаў 30 верасня абласная міліцыя выпусціла відэа, на якім Віталь Мінкевіч прызнаецца ў закладцы «вучэбных мін» на чыгунцы.

Праваабаронцы паведамляюць, што Канстанцін Ермаловіч, Віталь Мінкевіч, Ігар Казлоў былі затрыманыя 26 верасня 2021 года і яны былі змешчаныя у бабруйскае СІЗА-5. Траіх КДБ унёс у «спіс асоб, датычных да тэрарыстычнай дзейнасці».

фота: wikimapia.org

Хроніка прыхаванай рэальнасці. Суды, зняволенні, вызваленні

Звесткі пра пераслед паводле праваабаронцаў, мэдыяў і родзічаў тых, хто зазнае яго

Алена Балтрукова

Асуджаная на тры гады «хатняй хіміі».

Мінскую ціктокерку суд Маскоўскага раёну сталіцы прызнаў вінаватай у грубым парушэнні грамадскага парадку.

Яе затрымалі 5 мая за антываенны цікток і ўдзел у пратэстах 2020 году. Доказамі віны сталі два фота, дзе яна стаіць на дарозе падчас пратэстных маршаў.

Ігар Банцэр

Рок-музыку забралі 4 жніўня, паведамілі сваякі.

Прычына затрымання невядомая.

Банцэр адседзеў 1 год і 6 месяцаў абмежавання волі ў калоніі адкрытага тыпу («хіміі») за хуліганства, бо ў верасні 2020 году станчыў без штаноў перад міліцэйскай машынай.

Падчас суду трымаў сухую галадоўку 16 дзён, на той момант гэта быў беларускі рэкорд.

Алесь Рамановіч

Аштрафавалі на 960 рублёў за распаўсюд «экстрэмісцкіх матэрыялаў». У яго канфіскавалі тэлефон.

Праваабаронцы пішуць, што ў Пінску, адкуль Рамановіч, трапілі пад пераслед 11 чалавек. Некага арыштавала, а некаму прысудзілі штраф. Людзей вінавацілі ў распаўсюдзе экстрэмісцкіх матэрыялаў і супраціве міліцыі.

Мікалай Аўтуховіч

1 жніўня спыніў галадоўку, паведаміла дачка арыштанта.

Паведамляецца, што яму ставяць кропельніцы і ён п’е вадкасць. Аднак, у яго праз галадаванне пачаліся праблемы з ныркамі.

59-гадовы палітвязень абвясціў сухую галадоўку 11 ліпеня, паведамляе незалежная прэса, спасылаючыся на адміністрацыю гродненскай турмы, дзе ўтрымліваюць Аўтуховіча.

Ён пратэстуе супраць таго, што яму не перадаюць лісты і газеты.

Чатыры дні запар Мікалай не наведваў судовыя паседжанні, бо не меў сілаў дайсці на іх, сёння таксама не быў на судзе. Учора яму паставілі кропельніцу.

Аўтуховіча вінавацяць ва ўчыненні «Акту тэрарызму». Нібыта за падпаламі дому міліцыянта ў Ваўкавыску і падрывам аўтамабіля супрацоўніка міліцыі ў Гродна стаіць групоўка, якой ён кіраваў.

Па «справе Аўтуховіча» судзяць 12 чалавек.

Уладзіслаў Плюшчаў

Гітарыст «Крамбамбулі» і Pomidor/off асуджаны на 2 гады за паклёп і абразу прадстаўніка ўлады.

Яго затрымалі 12 красавіка. На праўладных тэлеграм-каналах паказалі «пакаяльнае» відэа. Затым прызначылі 25 дзён адміністрацыйнага арышту за ўдзел у пратэстах і што быў падпісаны на «экстрэмісцкія» каналы.

Таксама ён быў аштрафаваны на 6 400 рублёў. Суд пастанавіў канфіскаваць у яго асабісты аўтамабіль.

Хроніка прыхаванай рэальнасці. Суды, зняволенні, вызваленні

Звесткі пра пераслед паводле праваабаронцаў, мэдыяў і родзічаў тых, хто зазнае яго.


Мікалай Аўтуховіч

20 дзён у няволі трымае сухую галадоўку. га апошніх двух судовых пасяджэннях яго не было.

Прызнаны праваабарончай супольнасцю палітвязнем, ён галадоўкай пратэстуе супраць абмежавання яго ў ліставанні. Яму перасталі даходзіць лісты нават ад састарэлай маці.

29 ліпеня з ім сустрэлася адвакатка. Як дазналася дачка зняволенага ён схуднеў на 20 кілаграмаў. Па яе словах, бацька схуднелы, моцна асунуўся. Ходзіць павольна і ў напаўсагнутым стане.

Аўтуховіча вінавацяць ва ўчыненні «Акту тэрарызму». Нібыта за падпаламі дому міліцыянта ў Ваўкавыску і падрывам аўтамабіля супрацоўніка міліцыі ў Гродна стаіць групоўка, якой ён кіраваў.

Па «справе Аўтуховіча» судзяць 12 чалавек.

Начальнік турмы запэўнівае, што лекары на месцы адсочваюць яго стан фізічны і таксама псіхалагічны – трымаюць сітуацыю пад кантролем.


Аляксандр Фядута, Рыгор Кастусёў, Юры Зянковіч, Вольга Галубовіч, Дзяніс Краўчук

Яны фігуранаты справы аб «змове з мэтаю захопу дзяржаўнай улады неканстытуцыйным шляхам». Крымінальную справу разглядае Мінскі абласны суд. Працэс зрабілі адкрытым. На ім старшынюе суддзя Ўладзімір Арэшка.

Як напісала «Белта» Аляксандр Фядута на першым судовым пасяджэнні прызнаў віну «у змове з мэтаю захопу ўлады неканстытуцыйным шляхам».

Паводле жонкі Фядуты муж «схуднеў, дрэнна ходзіць, бо падагра адолела, дазволілі перадаць палку для хады ў СІЗА, пры ўсмешцы не назіраецца зубоў 5-6 і пастрыжаны адпаведна, кораценька, кругі пад вачыма».

Працэс працягнецца 1 жніўня.

Аляксандр Фядута і Рыгор Кастусёў абвінавачваюцца ў змове з мэтаю захопу дзяржаўнай улады неканстытуцыйным шляхам.

Вольга Галубовіч і Дзяніс Краўчук у актыўным удзеле ў групавых дзеяннях, якія груба парушаюць грамадскі парадак і звязаны з відавочным непадпарадкаваннем законным патрабаванням прадстаўнікоў улады, якія прывялі да парушэння працы транспарту, прадпрыемстваў, устаноў або арганізацыяў пры адсутнасці прыкмет больш цяжкага злачынства.


Аляксандр Казакевіч, Сняжана Рогач

Паводле праваабаронцаў абодва затрыманыя за «знявагу прадстаўніка ўлады».

Музыка Аляксандр Казакевіч адбывае паўтарагадовае пакаранне на «хатняй хіміі» паводле таго ж абвінавачвання. Яго затрымалі 26 ліпеня.

Сняжана Рогач – магістр гісторыі і былая выкладчыца БНТУ таксама трапіла ў няволю за знявагу прадстаўніка ўлады.


Андрэй Галавырын

Грамадскі актывіст з Наваполацку чацвёрты раз запар арыштаваны на 15 дзён.

Праваабаронцы высвятляюць, што яму інкрымінавалі гэтым разам.

Яго затрымалі 15 чэрвеня за «распаўсюджванне экстрэмісцкіх матэрыялаў». Быўшы ўжо зняволеным яго яшчэ двойчы каралі паводле таго ж абвінавачвання.


Сяргей Вайцюк

Асудзілі на 2,5 года калоніі за намеры стаць добраахвотнікам ва Ўкраіне.

Ён першы грамадзянін Беларусі якога пасля 24 лютага 2022 году, пачатку вайны ва Украіне, пакаралі за такія планы. Яго абвінавацілі ў «стварэнні экстрэмісцкага фармавання або ўдзел у ім».

Хроніка прыхаванай рэальнасці. Суды, зняволенні, вызваленні

Звесткі пра пераслед паводле праваабаронцаў, мэдыяў і родзічаў тых, хто зазнае яго.


Мікалай Аўтуховіч

28 ліпеня яго не даставілі на судовым пасяджэнні.

Ён 18 дзён трымае сухую галадоўку – не п’е нават вады. Днямі яму стала блага ў судовай зале, а дзе ён цяпер невядома.

Прызнаны праваабарончай супольнасцю палітвязнем Аўтуховіч пратэстуе супраць абмежавання яго ў ліставанні. Яму перасталі даходзіць лісты нават ад прэстарэлай маці.

26 ліпеня дачка Аўтуховіча казала, што бацька аслабеў і паваліся, калі яго вялі на суд.

Аўтуховіча вінавацяць ва ўчыненні «Акту тэрарызму». Нібыта за падпаламі дому міліцыянта ў Ваўкавыску і падрывам аўтамабіля супрацоўніка міліцыі ў Гродна стаіць групоўка, якой ён кіраваў.

Па «справе Аўтуховіча» судзяць 12 чалавек.


Раман Качына

17-гадовага хлопца ГУБАЗіК затрымаў за «распальванне варожасці». 

Пра тое пішуць праўладныя тэлеграм-каналы.

Сілавікі сцвярджаюць, што ў 2020-ым годзе ён удзельнічаў у акцыях пратэсту, а таксама «распальваў варожасць у адносінах да жыхароў Расійскай Федэрацыі». Пра тое затрыманы кажа ў «пакаяльным відэа».

Аўтара газеты «Прэсбол» сёлета скончыў школу і збіраўся паступаць на журфак. 


Аляксей Грыцкевіч

Асуджаны на 2 гады калоніі за паведамленні ў тэлеграм-чаце.

37-гадовага Мінскі абласны суд абвінаваціў у абразе Лукашэнкі і «распальванні сацыяльнай варожасці».

На судзе зняволены віну не прызнаў.

Праваабаронцы паведамляюць, што яго затрымалі 6 сакавіка. 28 чэрвеня КДБ унёс Грыцкевіча ў спіс асобаў, датычных да тэрарыстычнай дзейнасці.


Яўген Бабак

Уключаны КДБ у спіс асобаў, датычных да тэрарыстычнай дзейнасці

12 мая яму прысудзілі чатыры гады калоніі.

Экс-пракурор вядомы тым, што ў жніўні 2020 года ініцыяваў праверку людзей у форме ДАІ, якія збівалі байкераў ноччу 11 жніўня. Праверка ні да чаго не прывяла, а сам Бабак звольніўся.

Яго затрымалі ў чэрвені 2021 года і пазней абвінавацілі ў актыўным удзеле ў групавых дзеяннях, якія груба парушаюць грамадскі парадак і распальванне варожасці.


Аляксандр Трафімаў

На волі.

У тэлеграм-каналах паведамляецца, што ўрача-гастраэнтэралога, які вядзе блог у Інстаграме, вызвалілі па адбыцці 72 гадзін з моманту затрымання.

Умовы вызвалення і яго статус невядомыя.

 

Хроніка прыхаванай рэальнасці. Суды, зняволенні, вызваленні

Звесткі пра пераслед паводле праваабаронцаў, мэдыяў і родзічаў тых, хто зазнае яго.


Галіна Дзербыш

61-гадовую жанчыну, якую вінавацяць у тэрарызме і датычнасці да «групы Аўтуховіча» змясцілі ў карцар на 7 дзён.

Пенсіянерку з інваліднасцю з-за праблем з сэрцам і анкалогічнай хваробы адміністрацыя гродзенскай турмы №1 пакарала за тое, што адмаўлялася праходзіць праз сканер.

Жанчыну судзяць за «змову з мэтай захопу ўлады неканстытуцыйным шляхам», «удзел у злачыннай арганізацыі ў любой іншай форме» ды «акт тэрарызму».

На адным з пасяджэнняў яна заявіла, што падчас следства ёй увесь час пагражалі і прымушалі агаворваць сябе. Праваабарончай супольнасцю прызнаная палітзняволенай.


Анджэй Почабут

Не выйшаў 25 ліпеня на волю па сканчэнні тэрміну зняволення.

Ягоная жонка дапускае, што мужу працягнулі тэрмін утрымання пад вартай.

Журналіста і актывіста не прызнанага ўладамі Саюзу палякаў Беларусі затрымалі 25 сакавіка 2021 года. Яму выстаўленае абвінавачванне ў «распальванні варожасці ці варажнечы».

Праваабарончай супольнасцю прызнаны палітвязнем. Утрымліваецца ў Гродзенскай турме №1.


Міхаіл Добыш

Змененае пакаранне на больш жорсткае – яго пераводзяць з «хіміі» у калонію.

Паводле праваабаронцаў суддзя Дзмітрый Сасноўскі Круглянскага раённага суду пастанавіў перавесці Добыша ў калонію тэрмінам на 10 месяцаў. 

У Круглянскай папраўчай установе адкрытага тыпу ён утрымліваўся з 12 чэрвеня 2021 году.

Быў асуджаны за тое, што 17 верасня 2020 года ў прадуктовай краме пагражаў учыніць гвалт міліцыянту.

Праваабарончай супольнасцю прызнаны палітвязнем.


Аляксей Парэцкі

Асуджаны за распальванне варажнечы і нагавор на Лукашэнку на 3 гады калоніі агульнага рэжыму.

Нагодай для крымінальнага пераследу сталі апублікаваныя паведамленні ў інтэрнэце. У сукупнасці, мужчыну было прызначанае пакаранне ў выглядзе трох гадоў пазбаўлення волі ў калоніі.

Камітэт дзяржаўнай бяспекі ўключыў Парэцкага ў спіс асоб, якія маюць дачыненне да «тэрарыстычнай дзейнасці». Прычыны такога рашэння невядомыя.


Сяргей Красоўскі, Вольга Сыраватка

На волі

Паводле праваабаронцаў абодва былі затрыманыя па справе аб блакаванні чыгуначных шляхоў і развешванні пудзілаў з надпісамі «АМАП».

Праваабарончай супольнасцю прызнаныя палітзняволенымі.

 

Дзень у гісторыі: 27 ліпеня. Прыняцце Дэкларацыі аб дзяржаўным суверэнітэце Беларусі. ВКЛ перамагло крыжакоў пад Меднікамі. Памерлі Яўхім Кіпель, аўтар кнігі успамінаў аб ГУЛАГу і Уладзіслаў Дыбоўскі, збіральнік беларускага фальклору

1320 год. Войска Вялікага княства Літоўскага перамагло ў бітве пад Меднікамі рыцараў Тэўтонскага ордэна.

Крыжакі страцілі ўсіх 40 братоў-рыцараў і іх дапаможны кантынгент. І гэта адбылося за 90 гадоў да Грунвальдскай бітвы, пасля якой ордэн перастаў існаваць.


1900 год. Дзень нараджэння гамбургера. 

27 ліпеня амерыканскі гастраном Луі Лесінг прадаў першы гамбургер.

Страва займела шырокую вядомасць у 1904 годзе на Сусветнай выставе ў Сэнт-Луісе. Пачала ж імкліва распаўсюджвацца па свеце з 1948 году з заснаваннем сеткі McDonald’s.

Гамбургер нароўні з джынсамі застаецца сімвалам амерыканскай культуры і самай дэмакратычнай ежай.


1910 год. Памёр Уладзіслаў Дыбоўскі.

Прыродазнавец, палеантолаг, фалькларыст.

Збіраў беларускі фальклор. У штогодніку «Zbiór Wiadomości do Antropologii Krajowej» апублікаваў «Беларускія прыказкі з Навагрудскага павета», «Беларускія загадкі з Мінскай губерні».

Даследаваў выкапнёвыя рэшткі Усходняй Прыбалтыкі, Сібіры, флору i фаўну Навагрудчыны i іншых мясцін Расійскай імперыі.

За ўдзел у паўстанні 1863–1864 гадоў адседзеў у турме.


1922 год. У Бруселі заснаваны Міжнародны геаграфічны саюз.

Міжнароднае навуковае аб’яднанне географаў. Месца размяшчэння Сакратарыята – Дэлі, Індыя. Першы Міжнародны геаграфічны кангрэс прайшоў у 1871 годзе ў Антверпене.

Геаграфічны саюз аб’ядноўвае больш 88 краін.

7 сакавіка 2022 году прыпынена членства Рускага геаграфічнага таварыства з прычыны расійскай агрэсіі ва Украіну. Беларускае геаграфічнае таварыства – член Міжнароднага геаграфічнага саюзу з 1991 году.


1955 год. Нарадзіўся Барыс Лазука.

Мастацтвазнавец, педагог.

Даследчык беларускага мастацтва XVII–XVIII стагоддзяў, барока.

За­гад­чык ад­дзе­лу ста­ра­жыт­най бе­ларускай куль­ту­ры Ін­сты­ту­та мас­тацт­ва­знаў­ства, эт­на­гра­фіі і фальк­ло­ру НАН Беларусі, дырэктар Музею старажытнабеларускай культуры.

zviazda.by


1969 год. Памёр Яўхім Кіпель.

Педагог, дзеяч беларускай эміграцыі.

Член Навукова-тэрміналагічнай камісіі пры Наркамасвеце БССР, сакратар аддзелу прыроды і народнай гаспадаркі Інстытуту беларускай культуры.

Двойчы арыштоўваўся савецкімі органамі ўнутраных спраў. Быў фігурантам сфальсіфікаванай крымінальна-палітычнай справы «Саюзу вызвалення Беларусі». Рэабілітаваны 10 чэрвеня 1988.

Аўтар кнігі ўспамінаў пра савецкія лагеры «З іхняга раю».

Стваральнік Аб’яднання беларускіх вязняў савецкіх лагераў.

Член Беларускага кангрэсавага камітэту Амерыкі. Публікаваўся ў беларускай эмігранцкай прэсе. Успаміны Яўхіма Кіпеля захоўваюцца ў архіве Беларускага інстытуту навукі і мастацтва ў Нью-Ёрку.


1990 год. Вярхоўны Савет БССР прыняў Дэкларацыю аб дзяржаўным суверэнітэце БССР.

Ініцыятыва належала Сойму Беларускага Народнага Фронту «Адраджэнне». За прыняцце Дэкларацыі прагаласавала 229 дэпутатаў.

25 жніўня 1991 году пасля спробы дзяржаўнага перавароту ў Савецкім Саюзе Дэкларацыя аб дзяржаўным суверэнітэце набыла статус канстытуцыйнага закона і захоўвала юрыдычную сілу да 15 сакавіка 1994 году.

Ад 1991 да 1996 году галоўнае нацыянальнае свята – Дзень незалежнасці, быў прымеркаваны да даты прыняцця «Дэкларацыі». 

У 1996 году з ініцыятывы Аляксандра Лукашэнкі быў праведзены рэферэндум, у выніку якога Дзень незалежнасці быў перанесены на 3 ліпеня.


2008 год. Памёр Валерый Міронаў.

Артыст, Народны артыст Беларусі.

Вядучы саліст Дзяржаўнага тэатру оперы і балета Беларусі, выканаўца роляў у шматлікіх пастаноўках «Князь-возера», «Лебядзінае возера», «Спячая прыгажуня».


У публікацыі выкарыстаныя звесткі з рэсурсу «Вікіпедыя» і іншых адкрытых інтэрнэт-рэсурсаў.


 

Хроніка прыхаванай рэальнасці. Суды, зняволенні, вызваленні

Звесткі пра пераслед паводле праваабаронцаў, мэдыяў і родзічаў тых, хто зазнае яго.


Аляксандр Лучыновіч

Асуджаны на 2 гады калоніі за дасланае ў адзін з тэлеграм-каналаў відэа з расійскай вайсковай тэхнікай, паведамляюць праваабаронцы.

Паводле выраку пакараны за «садзейнічанне экстрэмісцкай дзейнасці».

Аляксандр Лучыновіч прызнаў, што здымаў расійскую тэхніку на відэа, але адпрэчыў абвінавачванне ў інкрымінаваным злачынстве.

Справа разглядаламя ў судзе Гомельскай вобласці пад старшынствам суддзі Аляксандра Хлышчакова.


Кацярына Іванова

Пакараная на 2 гады «хатняй хіміі» за абразу Лукашэнкі

Разглядалася справа судзе Баранавіцкага раёну.

Праваабаронцам не ўдалося высветліць, у чым выявілася абраза.


Сяргей Канановіч і Аляксей Арцецкі

Фігуранты «карагоднай справы» выйшлі на волю.

Сяргея Канановіча затрымалі 24 сакавіка 2021 года. 31 верасня асудзілі на 1,5 гады за арганізацыю і падрыхтоўку дзеянняў, якія груба парушаюць грамадскі парадак, або актыўны ўдзел у іх. Адбываў пакаранне ў калоніі адкрытага тыпу, гэтак званай «хіміі».

Вызвалены 25 ліпеня, паведамілі праваабаронцы.

Аляксею Арцецкаму 15 сакавіка 2021 года прысудзілі 1,5 гады пазбаўлення волі ў калоніі агульнага рэжыму. За кратамі ўтрымлівалі больш за 16 месяцаў. Ён выйшаў на волю 23 ліпеня, дазналіся праваабаронцы.

«Карагодная справа» стала адной з самых масавых палітычных спраў сучаснай Беларусі. У ёй праходзілі больш за сто фігурантаў. Ужо асудзілі 114 чалавек у 11 групах.

13 верасня 2020 году людзі вадзілі вялікі карагод пад музыку, спявалі, танцавалі. Удзельнікі, гаворачы пра тыя падзеі, успамінаюць «атмасфэру свята».

Хроніка прыхаванай рэальнасці. Суды, зняволенні, вызваленні

Звесткі пра пераслед паводле праваабаронцаў, мэдыяў і родзічаў тых, хто зазнае яго.


Аляксандр Жук

На волі.

Фігурант «карагоднай справы» выйшаў, адбыўшы прысуджаны тэрмін зняволення, паведамляюць праваабаронцы.

Быў затрыманы 24 сакавіка 2021 года ў межах крымінальнай справы, узбуджанай па падзеях акцыі пратэсту 13 верасня 2020 года ў Брэсце, калі пратэстоўцаў разганялі вадамётам.

«Карагодная справа» стала адной з самых масавых палітычных спраў сучаснай Беларусі. У ёй праходзяць больш за сто фігурантаў. Ужо асудзілі 114 чалавек у 11 групах.

13 верасня 2020 году людзі вадзілі вялікі карагод пад музыку, спявалі, танцавалі. Удзельнікі, гаворачы пра тыя падзеі, успамінаюць «атмасфэру свята».


Поліна Шарэнда-Панасюк

20 дзён правяла ў штрафным ізалятары.

Яе этапавалі з Гомельскага следчага ізалятару №3 у жаночую калонію, якая месціцца ў вёсцы Зарэччы, Рэчыцкага раёну.

Праваабаронцы пераказваюць словы мужа Андрэй Шарэнда, які даводзіць, што ў калоніі жонку па прыбыцці адправілі на 20 дзён у штрафны ізалятар. Увесь гэты час родныя не ведалі, дзе яна.

Грамадская актывістка з Брэста праваабарончай супольнасцю прызнаная палітвязнем. Яе затрыманая 3 студзеня 2021. Асуджаная на тры гады калоніі агульнага рэжыму за гвалт у дачыненні да супрацоўніка міліцыі, абразу прадстаўніка ўлады і прэзідэнта.


Цімафей Ярошчык

Праваабаронцы, спасылаючыся на праўладныя тэлеграм-каналы, паведамілі пра затрыманне ў Магілёве хірурга, якога абвінавачваюць, нібыта, «у зліве» асабістых дадзеных супрацоўніка МУС.

Зняволены мае 15-гадовы стаж працы ў медыцыне.