Талоны да доктара ў Крычаве сталі даваць толькі тым, хто прайшоў дыспансэрызацыю

Але ў афіцыйным каментарыі кіраўніцтва раённай бальніцы адмовілася гэта прызнаваць.

Крычаўская раённая газета публікуе сведчанні жыхароў горада, якія заявілі, што ў цэнтральнай бальніцы ім не даюць талон да доктара ў паліклінічным аддзяленні, пакуль яны не пройдуць дыспансэрызацыю. З такой заявай да рэдакцыі звярнулася дзяўчына, якой не выдалі талон да неўролага. Супрацоўнік самой рэдакцыі па той самай прычыне не змог атрымаць у бальніцы даведку для страхавой кампаніі.

У афіцыйным каментарыі выданню кіраўніцтва Крычаўскай раённай бальніцы дало задні ход. “Талоны ў паліклінічным аддзяленні на прыём да ўрачоў-спецыялістаў выдаюцца пацыентам у незалежнасці ад праведзенай дыспансерызацыі ў бягучым годзе” – гаворыцца ў адказе.

Дыспансэрызацыя насельніцтва актыўна праводзіцца ў Беларусі ўжо другі год, па-сутнасці адразу пасля заканчэння пандэміі. Яе сутнасць заключаецца ў прафілактычным аглядзе і анкетаванні жыхароў, прыпісаных да раённых паліклінік. Відавочна, што ад кіраўніцтва медычных устаноў сталі патрабаваць колькасных паказчыкаў, вынікам чаго стала самадзейнае рашэнне начальнікаў крычаўскай бальніцы не пускаць на прыём да доктара тых, хто не прайшоў дыспансэрызацыю. Але, паколькі гэта незаконнае рашэнне, у афіцыйным каментарыі гэтую з’яву былі вымушаныя абвергнуць.

Фота ілюстрацыйнае

Суд Соломона – председатель кричевского райисполкома помог отремонтировать стиральную машину

Андрей Седуков научил уму-разуму кричевлянку, которая пришла к нему на прием. История, достойная личного вмешательства председателя райисполкома.

Continue reading “Суд Соломона – председатель кричевского райисполкома помог отремонтировать стиральную машину”

Жахлівая аварыя пад Крычавам, загінулі двое

На трасе пад Крычавам адбылося смяротнае дарожна-транспартнае здарэнне. Паводле папярэдняй інфармацыі кіроўца аўтамабіля МАЗ з цыстэрнай не справіўся з кіраваннем і выехаў на сустрэчную паласу. Там ён у лабавую сутыкнуўся з аўтамабілем Lada. Кіроўца і пасажырка легкавога аўтамабіля загінулі на месцы. Ім было па 42 гады. Яшчэ адна пасажырка, 38-гадовая жанчына, дастаўленая ў шпіталь – піша прэс-служба абласнога УУС.

Фота: УУС

На пераходзе ў Крычаве збілі жанчыну – у кіроўцы практычна не было шанцаў

Прэс-служба абласнога УУС выклала відэа дарожна-транспартнага здарэння, якое адбылося ў Крычаве раніцай 16 студзеня. Кіроўца, 48-гадовая мясцовая жыхарка збіла на пешаходным пераходзе па вуліцы Камсамольскай іншую жанчыну, 53-гадовага ўзросту. 

Як можна пабачыць на роліку з відэарэгістратара, перад сутыкненнем кіроўца была часткова аслепленая фарамі сустрэчнага аўто. 53-гадовая жанчына, апранутая ў светла-шэрую куртку, на нейкі час злівалася з светлай плямай ад фар, а ад таго моманту, як яна адасобілася і да сутыкнення прайшлі лічаныя імгненні.

Фота: УУС, скрыншот

Некаторыя заяўкі чакаюць яшчэ з сярэдзіны лета – што не так з камунальнымі службамі Крычава

На 1 студзеня 2024 года ў камунальных службах Крычава засталося каля 400 незакрытых заяваў ад грамадзян. Прычым 310 заяўленых парушэнняў не былі выпраўленыя на працягу больш чым месяца.

Continue reading “Некаторыя заяўкі чакаюць яшчэ з сярэдзіны лета – што не так з камунальнымі службамі Крычава”

У Крычаве ўсталявалі новы памятны знак з нагоды 100-годдзя чыгуначнай станцыі

Памятны знак да стагоддзя станцыі Крычаў урачыста адкрылі 8 снежня ля будынку станцыі. Але парадокс у тым, што чыгунка ў Крычаве з’явілася раней. 

Спачатку ўсіх прысутных ганаровых гасцей, работнікаў і ветэранаў прывітаў паравоз, які прайшоў па дарозе і даў некалькі ўрачыстых гудкоў. 

Пасля адбылося ўрачыстае адкрыццё памятнага каменя, на які прымацавана невялікая жалезная шыльдачка з тлумачальным надпісам. Чырвоную стужку на адкрыцці перарэзалі першы намеснік начальніка магілёўскага аддзялення беларускай чыгункі Алег Болбас, начальнік станцыі Крычаў І Сяргей Скачкоў, ветэран працы і ганаровы чыгуначнік Ірына Курачкіна. Апошняя між іншым яшчэ і прамаўляла на публіку, дзелялася сваімі ўспамінамі пра працу, і давала параду сённяшнім супрацоўнікам крычаўскай чыгункі паведамляе раённая газета “Крычаўскае жыццё”.

Ад рэдакцыі. Сапраўды афіцыйным адкрыццём крычаўскай чыгуначнай станцыі лічыцца 1923 год, аднак першы рабочы цягнік у горад прыбыў яшчэ ў 1921 годзе. Гэта значыць, што ў гэты час чыгуначныя шляхі ў горадзе ўжо былі. Больш за тое, першы здымак драўлянага чыгуначнага вакзала Крычава датуецца 1922 годам, пра што пісалі mogilev.media.

Пагэтаму ўзнікаюць пытанні наконт гістарычнай правільнасці гэтага памятнага знака, бо магчыма 100-годдзе чыгуначнай станцыі Крычава трэба было адзначаць на адзін ці два гады раней.  

Фота “Крычаўскае жыццё”, з адкрытых крыніц.

Крычаўская будаўнічае прадпрыемства ПМК-264 прабіла чарговае дно

Жыхары дома па адрасе мікрараён Камсамольскі 44 скардзяцца на касякі будаўнікоў, якія ствараюць ім зручнасці, а тыя не спяшаюцца выпраўляць свае недапрацоўкі і агрэхі. І гэта нягледзячы на тое, што дом на “асаблівым кантролі” ў кіраўніцтва раёна.

У некаторых кватэрах дома цячэ дах, а ў пад’ездах вада ліецца па аконных праёмах, асела адмостка, адышла плітка пры ўваходзе ў пад’езд, вакол паціпавярховіка дагэтуль не прыбрана будаўнічае смецце. Недахопаў вельмі шмат, але мясцовая будаўнічая арганізацыя ПМК-264 не імкнецца іх выпраўляць. 

Кіраўніцтва ПМК-264 спасылаецца на тое, што няма грошай, альба па просту не хапае часу. Жыхары дома, якія чакалі рамонту, на нацярашні час канчаткова расчараваліся ў абяцанках прадстаўнікоў будаўнічай арганізацыі, бо тэрміны рамонту пераносяцца ўсё далей і далей паведамляе раённая газета “Крычаўскае жыццё”

Тым часам, злашчасны дом далёка не адзіны ў «скарбонцы недахопаў» будаўнічага прадпрыемства. Менавіта будаўнікі ПМК-264 займаліся капітальным рамонтам дома на мікрараёне Камсамольскім, 3, падчас чаго аблажаліся на ўсю вобласць, пра што пісалі mogilev media. Не лепш выглядае карціна і з будаўніцтвам дома па адрасе Камсамольскі, 37а, які будуюць ажно два гады, парушаючы правіла бяспекі і забруджваючы будаўнічым смеццем ўсё навакол, пра што выйшаў асобны матэрыял на mogilev media.

Гэта ўсё не стварае добрага іміджу дзяржаўнай будаўнічай структуры. Яе рэпутацыя падае ўсё ніжэй і ніжэй, а будаўнікі не толькі страцілі давер у вачах простых крычаўлян, але і ў кіраўніцтва раёна: капітальны рамонт ім ужо не давяраюць, і чарговы шматпавярховік будуюць будаўнікі суседняга раёна, і паліклініку ў горадзе таксама ўзводзяць не мясцовыя.

Фота “Крычаўскае жыццё”

Настойка глогу, гематаген і нават сурвэткі – пара крычаўлян здзейсніла 11 рабаванняў на раёне

Двое раней судзімых жыхароў Крычаўскага раёна амаль поўгады рабавалі нежылыя, альбо рэдка наведваныя дамы ў ваколіцах райцэнтра. Пачалося ўсё ў лютым 2023 года, калі першы з іх, жыхар вёскі Канцы, скраў дзіцячы ровар. Разам з жыхаром вёскі Цінькоў, яны прадалі і прапілі веласіпед, пасля чаго заняліся закінутымі сядзібамі на раёне. Звычайна бралі прадукты харчавання, спіртное, вопратку, пасцельную бялізну, посуд.

Аднак у вёсцы Асавец яны “паднялі” сталоўку прадпрыемства “Маляцічы-Агра” і мясцовы фельдшарска-акушэрскі пункт. У апошнім спіс нарабаванага стаў больш разнастайным – настойка глогу, валяр’янка, парашкі ад прастуды, таблеткі, спрэі для горла, вільготныя сурвэткі. А таксама – гематаген, злакавыя батончыкі, дзіцячы бальзам для вуснаў, глюкометр і пульсакрыметр.

Мужчыны атрымалі па 2 гады і 3, 6 месяцаў зняволення – піша раённая газета “Крычаўскае жыццё”.

Фота ілюстрацыйнае

В Кричеве с территории предприятия похищено 1700 литров дизельного топлива

Когда водители утром собрались заправить свою технику, выяснилось: цистерна пуста, сообщает MogilevNEWS.

Милиция установила, что окрашенную солярку похитили 18-летний слесарь и его ровесник, проходивший на предприятии производственную практику.

Ночью они принесли канистры, слили в них дизельное топливо, вывезли его и спрятали дома, в гараже и подвале.

Стоимость похищенного – 3500  рублей. Возбуждено уголовное дело.

Фото УВД Могилевского облисполкома.

У Крычаве жыхары некалькіх дамоў старой часткі горада ўсталявалі сцягі СССР

Адразу гаспадары некалькіх дамоў прыватных кварталаў старога горада ўсталявалі савецкія сцягі на дахах сваіх жытлаў (або побач). Гэта паказвае ў якой парадыгме жывуць людзі, а менавіта ментальна знаходзяцца ў савецкай мінуўшчыне, а не ў цяперашняй асобнай краіне Беларусь.

Прычым на адным з дамоў ў раёне сэрца горада (старой часткі Крычава пад народнай назвай “Горад” ядро паселішча, якое сфармавалася ў XIII-XVIII стагоддзях) сцяг Савецкага Саюза спалучаны з афіцыйнай сімволікай цяперашняй беларускай дзяржавы чырвона-зялёным сцягам. 

Такое спалучэнне сцягоў наўпрост сведчыць як ўспрымаюць сваю дзяржаву частка грамадзян нашай краіны (і ў тым ліку некаторыя жыхары ўсходнебеларускага Крычава): як абноўлены варыянт Савецкай Беларусі, бо шмат якія парадкі з таго часу моцна не трансфармаваліся.

Фота mogilev media