Tag: расследование

У Касцюковічах прааналізавалі лужыну і адклалі да вясны

Навіна ад

Лужына каля шматпавярховага дома ў Касцюковічах стала “прычынай для хвалявання”, дэтальнага аналіза і стратэгічных рашэнняў.

Касцюковіцкія журналісты, вядомыя сваёй настойлівасцю, правялі чарговае расследаванне. На гэты раз яго прадметам стала лужына ў двары дома № 1 мікрараёна, які ў горадзе называюць АБВГДэйкай.

Нягледзячы на тое, што жыхары Касцюковічаў, звыклыя да зменлівасцяў лёсу, на лужыну не скардзіліся (“лужына не перашкаджае жыхарам перасоўвацца па двары, але ўсё ж псуе знешні выгляд шматпавярхоўкі”) газетчыкі ўсё ж вырашылі разабрацца ў праблеме і запрасілі ў якасці эксперта намесніка старшыні райвыканкама Аляксандра Сідарэнку.

Ён прааналізаваў лужыну і адразу зразумеў, што “вада з лужыны нікуды не сыходзіць, бо тут гліністыя грунты, а не пясчаныя”.

Чыноўнік паабяцаў, што да канца тыдня будзе зроблены адвод вады “ў выглядзе латка або траншэі, каб па існуючым рэльефе вада магла сцякаць ніжэй па ўзроўні”.

Канчаткова ж з лужынай разберуцца вясной – завязуць грунт, выраўняюць яго і засеюць праблемную тэрыторыю травой.

Вось такая касцюковіцкая пятрушка, а дакладней – АБВГДэйка: чыноўнікі вырашаюць праблемы па меры іх паступлення, на вока. Аб тым, што глеба гліністая, даведваюцца толькі пасля з’яўлення лужыны, або, як кажуць, хрысцяцца пасля таго, як грымне гром.

Фота раённай газеты.

Бабруйскія падлеткі-неанацысты зарэзалі наркамана, трэніруючы нажавы бой пад мастом

Навіна ад

Сталі вядомыя шакуючыя падрабязнасці жорсткага забойства, што адбылося ў Бабруйску ў сакавіку гэтага года. Як паведамляе “Следчы камітэт”, двое бабруйскіх шаснаццацігадовых падлеткаў вечарам 31 сакавіка трэніравалі нажавы бой пад адным з мастоў праз Бярэзіну. Недалёка ад месца трэніроўкі яны заўважылі незнаёмага мужчыну, паводзіны якога выдавалі ў ім чалавека пад таксічным ап’яненнем. 

Падлеткі вырашылі “разабрацца” з незнаёмцам і перанеслі на яго сваю трэніроўку, якая стала смяротнай. 51-гадоваму жыхару бабруйска былі нанесеныя шматлікія нажавыя раненні, ад якіх мужчына памёр на месцы. Яго залітае крывёй цела толькі праз два дні знайшлі мясцовыя школьнікі. 

Падлеткаў-забойцаў, якія аказаліся навучэнцымі бабруйскіх каледжаў, знайшлі па камерах відэаназірання. Ведамства падкрэслівае, што прынамсі адзін з іх, ініцыятар трэніровак на нажах, цікавіўся нацысцкай ідэалогіяй. 

Абодвух 16-гадовых бабруйчан асудзілі да выхаваўчай калоніі, на тэрмін 9 і 10 гадоў.

Фота: “Следчы камітэт”

У Краснаполлі невядомыя шпурлялі тратуарныя пліты з моста ў раку

Навіна ад

У Краснаполлі хуліганы скідаюць пліты ў раку, міліцыя бездзеяннічае, а журналісты вядуць незалежнае расследаванне.

У Краснаполлі бурляць жарсці вакол пешаходнай часткі моста на вуліцы Антонава. Хадзіць там стала цяжка, таму што пліты ляжаць так, як ім захочацца.

Мясцовы камунгас усебакова прааналізаваў сітуацыю і паведаміў, што:

  • пешаходную частку маста рэканструявалі вясной;
  • нейкія вандалы неаднаразова вырывалі ўсталяваныя пліты і скідалі іх у раку, але перакінуць за парэнчы адну з пліт хуліганам не ўдалося; 
  • пліта ляжала няроўна, блакіруючы адток вады праз ліўнёўку; 
  • у выніку была парушаная цэласнасць усяго пераходу.

Камунгас таксама раскрытыкаваў РАУС і папрасіў краснапольцаў паважаць чужую працу. Журналісты ж правялі сваё, незалежнае расследаванне і знайшлі пад мастом скінутыя пліты.

пліта

Увогуле, чалавеку збоку цяжка разабрацца ў тым, што адбываецца ў Краснаполлі. 

Мясцовыя звычаі і норавы не паддаюцца класіфікацыі стандартнымі метадамі этнаграфіі. Аднак пры справе ўсе: і камунгас, і міліцыя, і газетчыкі, і вандалы.

І хто ведае: можа, усім было б лягчэй, калі б у вандалаў хапіла б сілы шпурнуць тую самую апошнюю пліту да канца – у раку.

Фота раённай газеты “Чырвоны сцяг”.

 

Праваабаронцы патрабуюць расследаваць смерць палітвязня ў магілёўскай калоніі

Навіна ад

Пяць буйнейшых праваабарончых арганізацый Беларусі выступілі з сумеснай заявай з нагоды смерці палітвязня Андрэя Паднябеннага, якога знайшлі павешаным у папраўчай калоніі №15 у Магілёве.

Як адзначаюць праваабаронцы, на дадзены момант абставіны смерці Паднябеннага дакладна не расследаваныя. Аднак, паводле папярэдняй інфармацыі, ён падвяргаўся жорсткаму абыходжанню ў калоніі №15.

З 2021 года гэта дзявятая смерць палітвязня ва ўстановах Дэпартамэнта выканання пакаранняў Міністэрства ўнутраных спраў Беларусі, адзначаюць аўтары заявы і робяць выснову аб неабходнасці неадкладных і канкрэтных захадаў улад для выпраўлення сітуацыі.

Таксама, паводле праваабаронцаў, з боку міжнароднай супольнасці наспелі тэрміновыя намаганні па вызваленні людзей, якія знаходзяцца ў Беларусі ў месцах несвабоды па палітычных матывах.

«Мы працягваем падкрэсліваць, што кожная смерць палітвязня ў месцах пазбаўлення волі з’яўляецца следствам сістэмнай дзяржаўнай палітыкі бесчалавечнага абыходжання з людзьмі, заснаванага на палітычных матывах» – сказана ў заяве беларускіх праваабаронцаў.

Ад Генеральнай пракуратуры і Следчага камітэта яны патрабуюць распачаць крымінальную справу па факце смерці Андрэя Паднябеннага, правесці аб’ектыўнае і ўсебаковае расследаванне для ўстанаўлення прычын дадзенай трагедыі і праінфармаваць грамадскасць аб яго выніках.

Дакумент падпісалі Праваабарончы цэнтр “Вясна”, Беларускі Хельсінкскі Камітэт, Беларускі ПЭН, Прававая ініцыятыва і Беларускі Дом правоў чалавека.

Фотаздымак: БелаПАН

Очередное “сельхозхищение” раскрыто в Шкловском районе

Навіна ад

В Шклове заведующий ремонтной мастерской и водитель полгода торговали запчастями своего сельхозпредприятия.

Схема хищения, которую выявили правоохранители, стара, как мир. С одной стороны – “народное”, а значит, ничье имущество. С другой стороны – частник, готовый скупать по дешевке все, что угодно. И, наконец, связующее звено – лица, которые горят желанием злоупотребить служебным положением, которых в лукашенковской Беларуси именуют крепкими хозяйственниками.

Очередное хищение на сельхозпредприятиях Могилевщины было раскрыто в Шкловском районе. Там заведующий ремонтной мастерской и его подельник-водитель шесть месяцев через свой колхоз покупали автозапчасти для предпринимателя. Запчасти, шины и моторные масла уходили налево, а потом списывались в отчетной документации. Украденное оценивается в 10,5 тысяч.

Выявление схем хищений в системе, которая порождает эти самые хищения, давно превратилось из победы над преступностью в повседневную рутину.

Фото иллюстративного характера из открытых источников.

Праваабронцы анансавалі новае расследаванне аб катаваннях у шклоўскай калоніі

Навіна ад

Новае грамадскае расследаванне аб сістэматычных катаваннях, здзеках і рабскай працы ў шклоўскай папраўчай калоніі №17, дзе гінуць палітвязні, плануецца прадставіць 24 чэрвеня.

Як паведамляе MediaPort Belarus, новае грамадскае расследаванне прадставяць Міжнародны камітэт па расследаванні катаванняў у Беларусі і Праваабарончы цэнтр “Вясна”. Дакумент грунтуецца на 18 глыбінных інтэрв’ю з былымі палітвязнямі, якія адбывалі пакаранне ў гэтай калоніі са снежня 2020 па чэрвень 2024 года.

Падчас анлайн-прэзентацыі на платформе ZOOM будуць агучаныя ключавыя высновы:

  • новыя сведчанні і падрабязнасці гібелі Вітольда Ашурка — палітычнага актывіста, які памёр у ПК №17 пры загадкавых абставінах;
  • фізічны і псіхалагічны гвалт над палітвязнямі;
  • «мецэнацтва» як схема вымагання грошай у асуджаных;
  • прымусовая праца ў інтарэсах ваенных ведамстваў Расіі;
  • функцыянаванне нефармальнай турэмнай іерархіі з удзелам адміністрацыі ўстановы.

Як указваюць арганізатары, анлайн-прэзентацыя носіць закрыты характар і прызначана для СМІ. Для ўдзелу ў ёй патрабуецца рэгістрацыя.

Пасля прэзентацыі, якая запланавана на 11:00 па менскім часе 24 чэрвеня, удзельнікі змогуць задаць пытанні аўтарам расследавання і атрымаць дадатковую інфармацыю для сваіх матэрыялаў.

Нагадаем, што зараз вядома аб смерцях двух палітвязняў у шклоўскай папараўчай калоніі №17. Так, у траўні гэтага года прыйшла вестка аб тым, што памёр Валянцін Штэрмер. Ён быў асуджаны да пяці гадоў пазбаўлення волі за тое, што каментаваў агрэсію Расіі супраць Украіны, асуджаючы расійскае ўварванне. Па звестках, Штэрмер быў вельмі слабы, пасля інсульту, але ў калоніі яго кінулі ў штрафны ізалятар.

21 траўня 2021 года ў гэтай жа калоніі пры невысветленых абставінах загінуў Вітольд Ашурак – першы беларускі палітвязень, які стаў ахвярай нечалавечага абыходжання ў зняволенні. У гонар Вітольда Ашурка дэмакратычная беларуская супольнасць адзначае 21 траўня Дзень салідарнасці з беларускімі палітвязнямі.

Фотаздымак: MediaPort Belarus

Кто стоит за сетью каналов «Главное»: следы ведут в Россию, а управляют уроженцы Могилева

Навіна ад

Сеть каналов «Главное» создает видимость локальной журналистики в регионах Беларуси, однако исследование показало, что ее корни ведут в Россию, что подтверждается еще и ярко выраженной пророссийской риторикой.

“Главное” – 7 телеграмм-каналов и 21 сообщество в «ВКонтакте» с разным количеством подписчиков: от десятков до сотен тысяч.

Самый крупный из телеграмм-каналов – минский. Он имеет почти 127 тысяч подписчиков.

В “Главном” пишут о разных новостях Беларуси, но обязательно с российским оттенком. Например, новость о дне рождения Лукашенко, сопровождается ремаркой о том, что его поздравил Путин.

Зарабатывает это сообщество на рекламе, сотрудничает с “Яндексом” а прямое отношения к нему имеют два уроженца Могилева.

Первый – 43-летний могилевчанин с российским гражданством Максим Войтенков (на фото слева). К его номеру привязаны новые соцсети сообщества, созданные после 2022 года, пишет “Наша Ніва”.

Максим работал в структурах правительства Москвы с 2011 года, а в 2023 году занялся собственным бизнесом.

Номер, на который зарегистрирован контакт сети «Главное», это контактный номер в строительной фирме «Арм Строй». Ее  директор, еще один могилевчанин – Вадим Попель.

До 2015 года 45-летний Попель работал в Беларуси, в холдинге «Серволюкс», основанном “куриным королем” Евгением Баскиным.

Фото: “Наша Ніва”

У Гаазе ствараецца цэнтр па расследаванні ўварвання Расіі ва Украіну

Навіна ад

Міжнародны офіс па расследаванні ўварвання Расіі ва Украіну адкрыўся сёння, 3 ліпеня, у Гаазе. Гэта першы крок да трыбуналу над маскоўскім рэжымам паведамляе The Guardian.

У Міжнародны цэнтр судовага пераследу за злачынства агрэсіі ўваходзяць пракуроры з Кіева, ЕС, ЗША і Міжнароднага крымінальнага суда.

Цэнтр правядзе расследаванне і збярэ доказы як прамежкавы крок перад стварэннем спецыяльнага трыбунала, які прыцягне да адказнасці крэмлёўскіх чыноўнікаў за развязванне вайны супраць Украіны.

Высокапастаўленыя чыноўнікі правядуць прэс-канферэнцыю ў штаб-кватэры судовага агенцтва ЕС Еўраюст.

Сярод іх генеральны пракурор Украіны Андрэй Косцін, пракурор Міжнароднпга крымінальнага суда Карым Хан, памочнік генеральнага пракурора ЗША Кенэт Палітэ і камісар ЕС па пытаннях юстыцыі Дзідзье Рэйндэрс.

Фота з адкрытых крыніц 

Быхаўскія міс Марпл дапамаглі знайсці злодзея

Навіна ад

Пра крадзёж 100 рублёў грошай быхаўская 70-гадовая пенсіянерка нават не ведала. Яна двойчы выходзіла са сваёй кватэры на пяць-дзесяць хвілін не замыкаючы дзверы, і гэтага аказалася дастаткова, каб са стульчыка ў пярэднім пакоі знікла сумка з кашальком – паведамляе афіцыйны сайт Камітэта судовых экспертыз па Магілёўскай вобласці.

Затое прапажу западозрыла іншая пенсіянерка з таго ж самага пад’езда ў шматкватэрным доме па вуліцы Савецкай у Быхаве. Яна знайшла знаёмую сумку суседкі ў падвальным памяшканні і прынесла яе пацярпелай.

 

Жанчыны выявілі прапажу грошай з кашалька пенсіянеркі і выклікалі міліцыю. Следча-аператыўная група яшчэ не паспела наведаць пацяраелую, як пранізлівасць прыватнага дэтэктыва праявіла яшчэ адна пенсіянерка з таго ж самага пад’езда. Яна знайшла ў падвальным памяшканні бутэльку з-пад піва і прынесла яе ў дом абрабаваны суседкі.

Эксперты выявілі на бутэльцы адбіткі пальцаў і ў той жа дзень быў затрыманы 45-гадовы мясцовы жыхар за адміністратыўнае правапарушэнне (верагодна, першапачаткова яму інкрымінавалася толькі распіццё піва). Мужчына прызнаўся ў крадзяжы грошай з кватэры пацярпелай. 

Па словах затрыманага, ён прыходзіў да былой жонкі, якая пражывае ў гэтым жа доме, і пакуль чакаў яе, выпіваў піва. І заадно зазірнуў у адчыненую кватэру пенсіянеркі. Выкрадзеныя грошы ў яго канфіскавалі часткова – частку сумы ён паспеў патраціць. Крымінальная справа перададзена ў пракуратуру.

Пентагон правярае паведамленне пра прылёт ў Польшчу расійскіх ракет

Навіна ад

У Пентагоне расследуюць заявы пра падзенне двух расійскіх ракет на тэрыторыі члена НАТА – Польшчы, аб гэтым піша Reuters. 

“Мы ведаем аб паведамленнях у прэсе, у якіх сцвярджаецца, што дзве расійскія ракеты ўразілі месца ў раёне мяжы Польшчы з Украінай” – сказаў спікер Пентагона Пэт Райдэр.

“Цяпер у нас няма інфармацыі, каб пацвердзіць, што быў ракетны ўдар”  – сказаў Райдэр журналістам, дадаўшы, што Пентагон “дадаткова вывучае гэтае пытанне”.

Як вядома, у другой палове дня 15 лістапада Расія нанесла масіраваны ракетны ўдар па тэрыторыі Украіны. Паведамлялася, што дзве ракеты ўпалі на тэрыторыі Польшчы і патрапілі ў зернесушылкі. Вядома пра гібель двух чалавек. На месца здарэння прыбылі прадстаўнікі паліцыі, пракуратуры і вайскоўцы.

Выбух у Польшчы наўрад ці выкліча эскалацыю, але рызыкі сутыкнення НАТА і Расіі рэальныя – піша Guardian.

Урад Польшчы заявіў, што ўсё яшчэ расследуе, чые ракеты ўпалі на яго тэрыторыю, а офіс прэзідэнта Анджэя Дуды паведаміў, што разглядае магчымасць прымянення артыкула 4 дамовы НАТА, які дазваляе любому члену склікаць тэрміновыя кансультацыі ў Паўночнаатлантычнай радзе. 

Варшава не згадала артыкул 5 дагавора, які абвяшчае, што ўзброены напад на аднаго члена з’яўляецца нападам на ўсіх, і які быў бы найбольш верагодным механізмам эскалацыі да вайны паміж NATO і Расеяй.

Артыкул 5 не можа быць прыменены толькі адной краінай-членам, заявіў былы амбасадар ЗША ў НАТА Іва Даалдэр, дадаўшы, што гэта «патрабуе кансенсусу НАТА». Адзіны раз, калі гэта было задзейнічана саюзнікамі па НАТА, гэта было пасля тэрактаў 11 верасня і прывяло да таго, што саюзнікі забяспечылі паветранае радыёлакацыйнае патруляванне ЗША і ўзмацнілі ваенна-марское патруляванне ў Міжземным моры.

Фота: Anadolu Agency