Tag: кража

У Магілёве вадзіцель таксі абакраў пасажыра

Навіна ад

Паездка на таксі ў нецвярозым стане каштавала магілёўцу яго ноўтбука.

Магілёвец вырашыў скарыстацца таксі, каб даехаць увечары дадому. Магчыма, усё было б добра, калі б пасажыр не быў на падпітку і ў выніку забыў свой ноўтбук коштам 2000 рублёў у салоне аўтамабіля.

Толькі раніцой ужо дома, абудзіўшыся пасля п’янага сна, ён зразумеў, што ноўтбука ў яго няма. Не дапамог нават званок вадзіцелю таксі, бо той аказаўся з хітрынкай, і паведаміў, што ніякіх рэчаў у яго ніхто не пакідаў.

Насамрэч, усё аказала іначай – вадзіцель папросту вырашых скарыстацца пакінутым у салоне таксі ноўтбукам, каб потым прадаць яго. Праўда, як сцвярджаюць у Ленінскім РУУС Магілёва, зрабіць ён гэта не паспеў. І гэта толькі дзякуючы таму, што ўладальнік оргтэхнікі своечасова звярнуўся ў міліцыю. Там хоць і ўзбудзілі крымінальную справу на вадзіцеля-вора, але і намякнулі, што той, хто забыў свой ноўтбук у грамадскім месцы, тым самым справакаваў злачынства.

Фотаздымак: astv.ru

У Клімавіцкім раёне хлопец выкраў “мазгі” ў пасяўнога агрэгата

Навіна ад

У Клімавіцкім раёне 28-гадовы беспрацоўны мясцовы жыхар выкраў электронныя блокі кіравання з пасяўнога агрэгата. Сеялка стаяла на мехдворы і, як звычайна, не ахоўвалася. Узятае абсталяванне раскрадальнік калгаснай маёмасці прадаў знаёмаму. Шкода, паводле падлікаў міліцыі, склала 1500 рублёў.

Здавалася б, дабро перамагло зло, але калі ўчытацца ў сухія радкі міліцэйскай зводкі і вылучыць з яе ключавыя словы, можна пабачыць тое, што адбываецца ў сельскай глыбінцы Магілёўшчыны – 28 гадоў, беспрацоўны, скраў дэталі ад калгаснай сеялкі, якая безгаспадарліва стаяла на вуліцы. Каментары тут, відавочна, лішнія.

Фота: скрыншот тэлеграм-канала “Міліцыя Магілёўшчыны”.

У Магілёўскім раёне медзь цэніцца вышэй за грыбы

Навіна ад

Жыхар Магілёўскага раёна пад выглядам збору грыбоў скраў медны кабель.

У Магілёўскім раёне 48-гадовы мужчына абвясціў сябе заўзятым грыбніком пасля таго, як быў затрыманы супрацоўнікамі Магілёўскага РАУС за крадзеж меднага кабеля, падведзенага да артэзіянскай свідравіны мясцовай гаспадаркі на ўскрайку лесу. 

Замест збору апятаў і сыраежак мужчына пачаў патроху выкопваць кабель і здаваць яго ў пункты прыёму другаснай сыравіны. 

На момант затрымання ім было здадзена медзі на 3000 рублёў.

Фота: скрыншот відэа тэлеграм-канала “Міліцыя Магілёўшчыны”.

У Магілёве дырэктар скраў таксометр і відэарэгістратар з арэнднага аўто

Навіна ад

Сур’ёзна прыціснула: у Магілёве начальнік украў таксометр і відэарэгістратар з арандаванага аўтамабіля.

Аператыўнікі Ленінскага РАУС Магілёва раскрылі крадзеж. Дырэктар прыватнай арганізацыі залез у даўгі і не прыдумаў нічога лепшага, як скрасьці сродкі кантролю з аўтамабіля нанятага ім таксіста і прадаць іх.

Пагасіць доўг не атрымалася. Уладальнік машыны своечасова заўважыў знікненне таксометра і відэарэгістратара агульным коштам на 1000 рублёў. 

Супраць 26-гадовага дырэктара распачата крымінальная справа. 

Асабліва хочацца падкрэсліць, што ў Магілёўскай вобласці крадуць не толькі прыватнікі. Пра тое, што красці нельга, не ведаюць кіраўнікі многіх дзяржаўных прадпрыемстваў. І гэтая праблема значна больш глабальная.

Фота ілюстрацыйнага характару з адкрытых крыніц.

Бухгалтарка з Магілёва аформіла сужыцеля на дзве працы і забірала зарплаты сабе

Навіна ад

Мужчына пра гэта нават не здагадваўся. У Магілёве раней судзімую «эканамістку» абвінавачваюць у тым, што яна ашукала ўласную арганізацыю на 65 тысяч рублёў.

Супрацоўнікі БЭП затрымалі 41-гадовую бухгалтарку адной з гандлёвых арганізацый горада. 

Спрытная эканамістка фіктыўна аформіла на працу ў дзве крамы свайго сужыцеля. 

На працягу больш за год дзве зарплаты, якія штомесяц налічваліся на банкаўскую картку мужчыны, яго «дама сэрца» забірала сабе і траціла на розныя рэчы. 

Агульная сума шкоды перавысіла 65 тысяч рублёў.

Узбуджаная крымінальная справа па артыкуле аб махлярстве ў асабліва буйным памеры.

Падазраванай, раней судзімай за аналагічнае злачынства, пагражае да 12 гадоў пазбаўлення волі.

Фота: скрыншот тэлеграм-канала “МВД Беларуси”.

Бабруйчаніна аштрафавалі за выдуманы крадзеж грошай

Навіна ад

Жыхар Бабруйска здаў у ламбард падараваны сужыцелькай тэлефон, а пасля, будучы нецвярозым, заявіў у міліцыю, што ў яго там скаралі грошы. За фантазію – штраф і прымусовае лячэнне ад алкагалізма.

Падзеі адбываліся ў жніўні гэтага года. Мужчына ў стане алкагольнага ап’янення пазваніў па нумары “102” і паведаміў, што ў яго ў ламбардзе скралі 200 рублёў. Тое ж самае ён паўтарыў і ў Бабруйскім міжраённым аддзеле Следчага камітэта, нягледзячы на тое, што быў папярэджаны аб адказанасці за ілжывыя сведчанні. 

Аднак было выяўлена, што насамрэч ніхто грошы ў гэтага бабруйчаніна не краў. У бабруйскім судзе фантазёр пацвердзіў, што ён разам са знаёмым здаў у ламбард свой мабільны тэлефон, а грошы растраціў. Гісторыю пра крадзеж выдумаў, каб схаваць ад сужыцелькі факт продажу тэлефона, які яна яму перад гэтым падаравала.  

У выніку мужчыну прызналі вінаватым у ілжывым даносе і аштрафавалі на 40 базавых велічынь (1 680 рублёў). Акрамя таго, пастаноўлена прымяніць да яго прымусовае лячэнне ад хранічнага алкагалізму.

Прысуд пакуль у законную сілу не ўступіў.

Фотаздымак з адкрытых крыніц

За кветкі з клумбы мужчына ў Крычаве атрымаў салідны штраф

Навіна ад

Адзін з пяці выпадкаў – магілёвец скраў на гарадской клумбе ў Крычаве тры кусты хрызантэм і заплаціў штраф 840 рублёў.

Малады чалавек рэгулярна прыязджаў у госці да бабулі ў Крычаў, хоць стала жыве і працуе ў Магілёве. А скрасці кветкі з гарадской клумбы мужчына вырашыў упершыню. Недалёка ад прыпынка гарадcкога транспарту 10 кастрычніка магілёвец выкапаў тры кусты хрызантэм, але хутка быў знойдзены. Міліцыяй дзеянні мужчыны былі расцэнены як дробны крадзеж, за які цяпер ён павінен заплаціць штраф у памеры 20 базавых велічынь.

Як паведамляе раённае выданне “Крычаўскае жыццё” ў кастрычніку ў горадзе назіраецца ўсплёск крадзяжоў кветак з гарадскіх клумбаў. Больш як пяць зваротаў у праваахоўныя органы паступіла ад кіраўніцтва «Камунальніка» з просьбай разабрацца ў сітуацыі і прыцягнуць вінаватых да адказнасці.

Царкоўны злодзей абрабаваў храм у Магілёўскім раёне

Навіна ад

У аграгарадку Дашкаўка Магілёўскага раёна мужчына здзейсніў кражу ахвяраванняў прыхажан у мясцовай царкве на суму больш за 2 тысячы беларускіх рублёў

Да злачынства аказаўся датычны 45-гадовы мясцовы жыхар, які ўжо раней меў судзімасць. Уначы ён скарыстаўся лесвіцай, каб забрацца ў званіцу царквы святога Сергія Раданежскага, дзе зламаў краты і пранік унутр храма. Скрадзеныя грошы ён выдаткоўваў на ежу і алкаголь.

У дачыненні да яго распачалі крымінальную справу за крадзеж. Частку выкрадзенага ўдалося вярнуць, і гэтая рэшта будзе перададзена назад царкве.

Жыццё давяло пенсіянерку да крадзяжу электрасамаката

Навіна ад

Магілёўская пенсіянерка сярод белага дня скрала электрасамакат, спадзеючыся яго прадаць. Жанчыну паймалі.

Як паведамляе тэлеграм-канал магілёўскай міліцыі, у Кастрычніцкі РАУС Магілёва звярнуўся прадстаўнік адной з фірм і паведаміў аб крадзяжы электрасамаката коштам больш за паўтары тысячы рублёў.

Раскрыць злачынства аказалася вельмі проста. Па запісах камер відэаназірання высветлілася, хто сярод белага дня скраў электрасамакат. Злачынцай, што нават не думала нейкім чынам маскіраваць свае дзеянні, аказалася 73-гадовая пенсіянерка. Яна проста пагрузіла электрасамакат у свой вазок і адвезла дадому. У далейшым бабуля хацела прадаць гэты транспартны сродак, але не паспела.

Цяпер жанчына стала фігуранткай крымінальнай справы. Магчыма, ёй прысудзяць пазбаўленне волі, а значыць накіруюць у калонію, дзе ёй будзе што есці. Цяжка сказаць, ці гэта найгоршы вынік справы для гаротнай пенсіянеркі, якая была вымушана ва ўсіх навідавоку красці самакат, каб здабыць грошы на жыццё.

Скрыншот: ТГ “Міліцыя Магілёўшчыны”

В Краснополье директор фирмы наказан “домашней химией” за кражу 260 тонн щебня

Навіна ад

В Краснопольском районе судили директора коммерческого предприятия, который организовал кражу в общей сложности более 260 тонн щебня. Суд выбрал ему достаточно мягкое наказание.

Как сообщает Могилевский облсуд, в феврале 2024 года мужчина использовал грузовик своей фирмы, чтобы якобы перевезти 75,5 тонн щебня в одно из дорожно-строительных управлений на территории Могилевского района. Однако на самом деле завладел этим грузом и таким образом причинил коммунальному предприятию ущерб почти на 3 тыс. рублей.

Кроме того, вместе с другими людьми, по которым сейчас идет отдельное разбирательство, разработал план хищения щебня, который принадлежал государственному предприятию. Один из них, используя свои служебные полномочия, должен был обеспечить незаконную погрузку материала, другой – принять его к учету, а обвиняемый обязался приобрести щебень и предоставить транспорт для его перевозки. В результате было похищено свыше 185 тонн щебня на сумму более 7,8 тыс. рублей.

В суде директор вину не признал. Его приговорили к пяти годам ограничения свободы без направления в исправительное учреждение открытого типа, штрафу в 8,4 тыс. рублей и запрету на четыре года занимать руководящие и распорядительные должности. В связи с амнистией к победе в немецко-советской войне подсудимого освободили от одного года наказания. Приговор вступил в законную силу.

Фотоснимок: sb.by