Tag: могилевский район

У Магілёўскім раёне медзь цэніцца вышэй за грыбы

Навіна ад

Жыхар Магілёўскага раёна пад выглядам збору грыбоў скраў медны кабель.

У Магілёўскім раёне 48-гадовы мужчына абвясціў сябе заўзятым грыбніком пасля таго, як быў затрыманы супрацоўнікамі Магілёўскага РАУС за крадзеж меднага кабеля, падведзенага да артэзіянскай свідравіны мясцовай гаспадаркі на ўскрайку лесу. 

Замест збору апятаў і сыраежак мужчына пачаў патроху выкопваць кабель і здаваць яго ў пункты прыёму другаснай сыравіны. 

На момант затрымання ім было здадзена медзі на 3000 рублёў.

Фота: скрыншот відэа тэлеграм-канала “Міліцыя Магілёўшчыны”.

У Магілёўскім райвыканкаме прыдумалі “традыцыйную” страву

Навіна ад

Нейкія асянікі, яны ж асяны і асенікі з Магілёўскага раёна цяпер прэтэндуюць на ўключэнне ў Спіс нематэрыяльнай культурнай спадчыны UNESCO.

Аб прэтэнзіі на сусветную каштоўнасць піша выданне “Беларусь сегодня”. Пры гэтым яно спасылаецца не на нейкіх кулінараў ці захавальнікаў кулінарных традыцый, а на загадчыцу сектара культуры Магілёўскага райвыканкама Наталлю Гоманаву.

Паводле чыноўніцы, асянікі – гэта брэнд Магілёўскага раёну. Гоманава сцвярджае, што яны нагадваюць дранікі, але акрамя бульбы ў іх дадаюць і іншую гародніну, вырашчаную на прысядзібных участках: гарбуз, моркву, цыбулю, а таксама зеляніну – кроп, пятрушку. 

Мясцовая раёнка “Прыдняпроўская ніва” ўжо амаль упэўнена, што асянікі хутка будуць ўключаны ў вышэйназваны Спіс. Праўда, адкуль сыходзіць такая ўпэўненасць, выданне не раскрывае. Хутчэй за ўсё, адтуль жа, адкуль, па ўсёй верагоднасці, і ўзніклі асянікі – з Магілёўскага райвыканкама. 

Сумнявацца, што “асянікі” маюць такое ж дачыненне да традыцыйных страў магілёўскага люду, як звычайная яешня, прымушае тое, што нідзе, ні ў якіх кнігах беларускай нацыянальнай кухні яны не ўзгадваюцца. Апытаныя пры падрыхтоўцы гэтага артыкула магілёўцы і жыхары Магілёўскага раёна нічога не змаглі распавесці пра смак асянікаў.

Хітрыкі чыноўнікаў вядомыя па ўсім свеце, але лукашэнкаўскія клеркі ў гэтым плане дадуць фору ўсім замежным калегам.

Фотаздымак: “Прыдняпроўская ніва”

Жыхар Магілёўскага раёна адпомсціў за звальненне, скраўшы дзве тоны сала

Навіна ад

Прыяцель 25-гадовага прадпрымальніка з Магілёўскага раёна скраў у яго сала, спадзеючыся разжыцца на скрадзеным.

Як паведамляе тэлеграм-канал МУС, са склада бізнесмена знікла дзве тоны сала, якія, як аказалася, скраў 22-гадовы прыяцель прадпрымальніка. Малады чалавек раней працаваў у яго, але днямі быў звольнены. Каб адпомсціць за незаслужанае, на думку фігуранта, звальненне, ён прыйшоў на склад і пад выглядам таго, што нібыта забірае ўласныя рэчы, вывез сала ў брыкетах. 

Усё скрадзенае схаваў у сябе на дачы, каб потым прадаць. Аднак гэтым планам не было наканавана ажыццявіцца – малады чалавек абвінавачваецца ў буйным крадзяжы, а ўсё сала вернута прадпрымальніку.

Фотаздымак: тэлеграм-канал МУС

Чыноўнікі абвясцілі дабрачынны збор на кансервацыю касцёла ў Княжыцах

Навіна ад

Магілёўскія раённыя чыноўнікі, якія абяцалі рамонт старажытнага касцела ў аграгарадку Княжыцы за кошт дзяржбюджэта, цяпер просяць людзей падаць ім хоць капейку на яго кансервацыю.

Касцёл, які абяцалі аднавіць за дзяржаўны кошт

Улады Магілёўскага раёну афіцыйна паведамілі пра пачатак збору ахвяраванняў на супрацьаварыйныя і кансэрвацыйныя работы ў занядбаным касцёле святога Мікалая ў аграгарадку Княжыцы. Хоць святыня XVII стагоддзя з’яўляецца каштоўнасцю нацыянальнага ўзроўню і знаходзіцца ў дзяржаўнай уласнасці, бюджэтных сродкаў на яе захаванне так і не знайшлося.

Гэты помнік архітэктуры адзін з найбольш вядомых аб’ектаў старога хрысціянскага дойлідства на Магілёўшчыне. Ён прыцягвае турыстаў, фатографаў і даследчыкаў, нягледзячы на тое, што ўжо шмат гадоў стаіць закінуты.

Яшчэ ў 2015 годзе касьцёл уключылі ў дзяржаўную праграму «Культура Беларусі» на 2016–2020 гады. Планавалася выдзеліць каля 370 тысяч рублёў на яго рэстаўрацыю. Аднак у выніку ні капейкі. Будынак пакінулі без рамонту і нават без належнай кансервацыі.

Грамадзяне просяць аднаўлення, улады – грошай

Храм знаходзіцца на балансе Княжыцкага сельвыканкаму. Мясцовыя ўлады абмежаваліся толькі мінімальнымі мерамі: абгародзілі тэрыторыю драўляным плотам, закалацілі ўваходы і развесілі шыльды «Уваход забаронены».

Партал Katolik.life адзначае: будынак у аварыйным стане, дзяржава доўгі час не выконвала сваіх абавязкаў па яго захаванні, а сродкаў у бюджэце «не знаходзілася» гадамі.

У 2024 годзе мясцовыя жыхарыі падпісалі петыцыю з заклікам аднавіць унікальны аб’ект гісторыка-культурнай спадчыны. Але тады ініцыятыва таксама не прывяла да змен, бо фінансаванне не было выдзелена.

І толькі цяпер мясцовы райвыканкам абвясціў «зварот да нашчадкаў гісторыка-культурных каштоўнасцяў Магілёўшчыны» і адкрыў дабрачынны рахунак. Вернікаў, турыстаў і ўсіх неабыякавых просяць ахвяраваць на супрацьаварыйныя і кансервацыйныя работы.

Такім чынам, турыстычны брэнд і каштоўнасць XVII стагоддзя, якая павінна была быць адрамантавана за дзяржаўны кошт, цяпер прапануюць ратаваць сіламі грамадства.

Улады заяўляюць пра тэрміновасць работ, але пры гэтым самі фінансаў не выдзяляюць, і адказнасць за захаванне ўнікальнай спадчыны пераклалі на плечы грамадзян.

Фотаздымак: Радыё Свабода

Моцна п’яны трактарыст загінуў пад коламі ўласнага трактара пад Магілёвам

Навіна ад

Жыхар Магілёўскага раёна сеў за руль трактара моцна п’яным. Больш яго жывым ніхто не бачыў.

50-гадовы вясковец, будучы ў вялікай ступені ап’янення, рашыў пабаранаваць на трактары ўласны ўчастак. Што адбывалася ў кабіне трактара, цяпер дакладна не адкажа ніхто. Але ў нейкі момант, як піша Дзяржкамітэт судовых экспертыз, трактар, якім кіраваў мужчына, знёс плот і ўрэзаўся ў будынак, а кіроўца выпаў з кабіны пад колы. Работнікі МНС дасталі яго цела ўжо без прыкмет жыцця.

Як потым высветлілі спецыялісты, мужчына памёр ад спалучанай тупой траўмы галавы, шыі, канечнасцяў, грудной клеткі і жывата з пашкоджаннем унутраных органаў. У яго крыві аказалася 3,9 праміле алкаголя, а гэта цяжкая ступень ап’янення.

Як сцвярджаюць спецыялісты, калі ў крыві больш за 3,5 праміле, то такая доза алкаголю дзейнічае як наркоз, які выкарыстоўваецца пры аперацыях. Чалавек можа ўпасці ў кому, а дыханне стаць перарывістым. Калі ж больш за 4-6 праміле, то парушаецца праца сэрца і дыханне. Фактычна, чалавек ужо ў коме ці нават мёртвы.

Фотаздымак: Дзяржкамитэт судовых экспертыз

Падлетак застаўся без пальцаў пасля летняй падпрацоўкі

Навіна ад

У Магілёўскім раёне невыкананне тэхнікі бяспекі ў прыватнай арганізацыі прывяло да сур’ёзнай траўмы 16-гадовага падлетка.

Як паведамляе Генеральная пракуратура, у ліпені гэтага года хлопец працаваў на станку. Пры гэтым ён, як і яго такі ж непаўналетні калега, быў дапушчаны да працы без заключэння працоўнай дамовы і ўвогуле без належнага афармлення. У арганізацыі не было нават інструкцыі па ахове працы.

Акрамя гэтага, на станках адсутнічалі ахоўная агароджа элементаў, што круцяцца.

Няшчасны выпадак прывёў да таго, што рука падлетка трапіла ў небяспечнае месца і ў выніку ён пазбавіўся пальцаў.

Дырэктар арганізацыі быў прыцягнуты да адміністратыўнай адказнасці за парушэнне працоўнага заканадаўства – ён заплаціў штраф у 25 базавых велічынь. А цяпер супраць яго ўзбуджана крымінальная справа, бо гэтае парушэнне пацягнула сур’ёзныя цялесныя пашкоджанні.

Фотаздымак ілюстрацыйны

Царкоўны злодзей абрабаваў храм у Магілёўскім раёне

Навіна ад

У аграгарадку Дашкаўка Магілёўскага раёна мужчына здзейсніў кражу ахвяраванняў прыхажан у мясцовай царкве на суму больш за 2 тысячы беларускіх рублёў

Да злачынства аказаўся датычны 45-гадовы мясцовы жыхар, які ўжо раней меў судзімасць. Уначы ён скарыстаўся лесвіцай, каб забрацца ў званіцу царквы святога Сергія Раданежскага, дзе зламаў краты і пранік унутр храма. Скрадзеныя грошы ён выдаткоўваў на ежу і алкаголь.

У дачыненні да яго распачалі крымінальную справу за крадзеж. Частку выкрадзенага ўдалося вярнуць, і гэтая рэшта будзе перададзена назад царкве.

Жыхар Магілёўскага раёна пакурыў на 13 тыс. рублёў

Навіна ад

Жыхар Магілёўскага раёна мусіць заплаціць 13 тыс. рублёў за ўрон ад пажару, які ўзнік з-за яго курэння ў неадпаведным месцы.

У выніку пажару была знішчана падсобка і пашкоджаны дах насоснай станцыі таго сельгаспрадпремства, дзе мужчына працаваў інжынерам. Агульныя ж сума ўрону склала 16 тыс. рублёў.

Нягледзячы на тое, што пажар узнік з-за яго неахайнасці – парушэнні правілаў пажарнай бяспекі і халатнасці – работнік адмовіўся ў добраахвотным парадку кампенсаваць прадпрыемству ўрон. Тады ў інтарэсах суб’екта гаспадарання ў суд звярнулася пракуратура Магілёўскага раёна. 

Суд пагадзіўся з пракуратурай, але з улікам матэрыяльнага становішча адказчыка зменшыў запатрабаваную суму да 13 тыс. рублёў. 

Фотаздымак з адкрытых крыніц

Кішачнай палачкі стала зашмат у магілёўскіх вадаёмах

Навіна ад

У шэрагу вадаёмаў у Магілёве і наваколлях эпідэміёлагі выявілі перавышэнне дапушчальнага ўзроўню кішачнай палачкі і забаранілі купанне.

Як паведамляе Магілёўскі занальны цэнтр гігіены і эпідэміялогіі, забаронена купацца і займацца воднымі відамі спорту ў зоне рэкрэацыі гарадскога пляжу ракі Днепр, на Дняпры ў раёне вуліцы Фаціна, у Пячэрскім вадасховішчы, на Дняпры ў вёсцы Палыкавічы, у вадаёме вёскі Вільчыцы.

Акрамя таго, абмежавана купанне дзяцей у зоне рэкрэацыі на ўчастку прыбярэжнай зоны сажалкі Брады ў Магілёве, на возеры Гусіным у вёсцы Кадзіна Магілёўскага раёна.

Пробы вады з гэтых вадаёмаў не адпавядаюць гігіенічным нарматывам па мікрабіялагічных паказчыках: у адной з проб вады, адабранай у дадзенай зоне рэкрэацыі, індыкатарны паказчык кішачнай палачкі Е.соli перавышае дапушчальны гігіенічны нарматыў.

Фотаздымак з адкрытых крыніц

Лукомольцы Могилева сфотографировались на фоне своих добрых дел

Навіна ад

Тимур и его команда по-могилевски. Три активиста БРСМ тщательно задокументировали свое доброе дело.

Тщательно отрежисерованная пропагандистами история произошла в Могилеве.

В редакцию ИА “Могилевские ведомости” обратилась пенсионерка из деревни Николаевка-2. Она хотела поблагодарить ребят из БРСМ, которые помогли расчистить двор от деревьев, поваленных ураганом.

Удивленные журналисты спешно выехали на место и убедились в том, что старушка не соврала.

Журналистское “расследование” показало – сначала пенсионерка обратилась в сельсовет, но там все были заняты уборкой мест общего пользования. Последней надеждой бабушки стал БРСМ. Три его активиста не только распилили и убрали деревья, но и тщательно фотографировали ход работ.

Журналистам осталось лишь взять интервью у руководителей могилевских мастеров добрых дел – второго секретаря могилевского обкома ОО «БРСМ» и первого секретаря Ленинского РК ОО «БРСМ».

Секретари были немногословны и сказали, что “всегда готовы протянуть руку помощи ближним” и наставить на путь истинный заблудших. И скромно поделились фотографиями.

Короче, довольными остались все: и бабушка, и сельисполком, подчеркнувший свое участие в уборке мест общего пользования, и журналисты, осветившие сенсационное событие и секретари могилевского лукомола, которые организовали игру в Тимура и его команду.

Фото: ИА “Могилевские ведомости”.