Tag: райисполком

У Хоцімску на догляд за воінскімі пахаваннямі выдзелілі 7 000 рублёў

Навіна ад

На сем тысяч рублёў расшчодрыўся Хоцімскі райвыканкам, каб забяспечыць належны догляд за воінскімі пахаваннямі – па 125 рублёў на кожнае.

Аб’яднанне з надзвычай доўгай назвай “раённая міжведамасная рабочая група па ўвекавечанні памяці абаронцаў Айчыны, ахвяр войнаў і генацыду беларускага народа ў гады Вялікай Айчыннай вайны” правяло ў Хоцімску чарговае пасяджэнне.

Гаварылі шмат і пра ўсё: пра агні-пажарышчы, пра сяброў-таварышаў. Сярод іншага пахваліліся тым, што “на фінансаванне комплексу мерапрыемстваў па рэалізацыі праграмы ў Хоцімскім раёне на пачатак 2025 года было выдзелена 7000 рублёў”.

На тэрыторыі Хоцімскага раёна знаходзіцца 20 воінскіх пахаванняў і пахаванняў ахвяр войнаў, сярод якіх 8 брацкіх магіл і 12 індывідуальных магіл, а таксама 36 памятных знакаў.

Што можна было з імі зрабіць за год на сем тысяч рублёў, застаецца загадкай – атрымліваецца роўна па 125 рублёў на кожны помнік. Уся ж сума, напэўна, не нашмат большая за месячны заробак кіраўніка групы, намесніка старшыні райвыканкама Мікалая Хучова. 

А калі ўжо суміраваць заробкі ўсёй тусоўскі, атрымаецца, даруй Госпадзі, што генацыд беларускага народа працягваецца.

Фота раённай газеты.

У Магілёўскім райвыканкаме прыдумалі “традыцыйную” страву

Навіна ад

Нейкія асянікі, яны ж асяны і асенікі з Магілёўскага раёна цяпер прэтэндуюць на ўключэнне ў Спіс нематэрыяльнай культурнай спадчыны UNESCO.

Аб прэтэнзіі на сусветную каштоўнасць піша выданне “Беларусь сегодня”. Пры гэтым яно спасылаецца не на нейкіх кулінараў ці захавальнікаў кулінарных традыцый, а на загадчыцу сектара культуры Магілёўскага райвыканкама Наталлю Гоманаву.

Паводле чыноўніцы, асянікі – гэта брэнд Магілёўскага раёну. Гоманава сцвярджае, што яны нагадваюць дранікі, але акрамя бульбы ў іх дадаюць і іншую гародніну, вырашчаную на прысядзібных участках: гарбуз, моркву, цыбулю, а таксама зеляніну – кроп, пятрушку. 

Мясцовая раёнка “Прыдняпроўская ніва” ўжо амаль упэўнена, што асянікі хутка будуць ўключаны ў вышэйназваны Спіс. Праўда, адкуль сыходзіць такая ўпэўненасць, выданне не раскрывае. Хутчэй за ўсё, адтуль жа, адкуль, па ўсёй верагоднасці, і ўзніклі асянікі – з Магілёўскага райвыканкама. 

Сумнявацца, што “асянікі” маюць такое ж дачыненне да традыцыйных страў магілёўскага люду, як звычайная яешня, прымушае тое, што нідзе, ні ў якіх кнігах беларускай нацыянальнай кухні яны не ўзгадваюцца. Апытаныя пры падрыхтоўцы гэтага артыкула магілёўцы і жыхары Магілёўскага раёна нічога не змаглі распавесці пра смак асянікаў.

Хітрыкі чыноўнікаў вядомыя па ўсім свеце, але лукашэнкаўскія клеркі ў гэтым плане дадуць фору ўсім замежным калегам.

Фотаздымак: “Прыдняпроўская ніва”

Ганаровага грамадзяніна выбіраюць у Клімавічах з аднаго кандыдата

Навіна ад

У Клімавічах разглядаюць кандыдатуру на прысваенне звання «Ганаровы грамадзянін Клімавіцкага раёна». Кандыдат – толькі адзін.

У камісію па разглядзе кандыдатур на званне «Ганаровы грамадзянін Клімавіцкага раёна» клімавіцкага райвыканкама паступіла ўсяго адна заява – ад ААТ «Клімавіцкі камбінат хлебапрадуктаў».

Прадпрыемства не мудравала і прапанавала прысвоіць званне старшыні мясцовага савета прызначаных «дэпутатаў» – Васілю Захаранку.

Пералічаны шматлікія заслугі кандыдата, якому, як аказалася, на дадзены момант няма роўных.

Сістэма прызначэння ганаровых грамадзян у Беларусі працуе па безальтэрнатыўным прынцыпе, і званні ў асноўным прысвойваюцца чыноўнікам, радзей – медыкам.

Пра тое, каб прызнаць заслугі перад раёнам даярак або механізатараў, гаворка нават не ідзе – павагу яны заслугоўваюць толькі на словах.

У выпадку з Васілём Захаранкам можна толькі абмеркаваць яго кандыдатуру, даслаўшы свой водгук на электронную пошту. Як кажуць, напісаць ліст дробным почыркам.

Фота клімавіцкай раённай газеты.

У Касцюковічах узнагародзілі цялятніц, якім можна толькі паспачуваць

Навіна ад

Жывёлаводкі з пасёлка Шарэйкі ў Касцюковічах лічацца прыкладам для пераймання, але насамрэч такога жыцця і ворагу не пажадаеш.

Расповед пра дзвюх сябровак, якія працуюць на малочна-таварнай ферме ў пасёлку для перасяленцаў Шарэйкі ў Касцюковіцкім раёне, змешчаны ў мясцовай газеце, па задуме аўтараў павінен быў стаць сагай пра працоўную доблесць, але на справе выклікае толькі спачуванне да гераінь.

Лёсы Святланы і Алены падобныя і з’яўляюцца, па сутнасці, ілюстрацыяй таго, як абыходзіцца з беларускімі жанчынамі калгасная сістэма, насаджаная Лукашэнкам, у якой пік кар’еры сялянкі – жывёлавод чацвёртага разраду.

Пры вялікім жаданні лічбу “пі” або залатое сячэнне можна адшукаць і ў добра збітым табурэце. Так і са Святланай, якую скарацілі з дзіцячага садка пасля 23 гадоў працы, і цяпер яна размаўляе з цялятамі “на мове пяшчоты і любові, якой навучылася, працуючы ў садку”.

Алена ж распавядае, што “трымае падсобную гаспадарку: курэй, качак, трусоў. Раней на падворку было па тры каровы, конь, свінні, а цяпер гаспадарка значна зменшылася”.

Вось такі ён, сапраўдны, без упрыгожванняў лёс жанчын, якія не бачылі ў жыцці нічога, акрамя цяжкай фізічнай працы і станоўчых характарыстык ад загадчыцы фермы.

Вельмі складана пераканаць кагосьці ў тым, што гэта і ёсць прыклад для пераймання. Хутчэй, прыкладам можа быць былая старшыня райвыканкама Святлана Міхеенка, якая, паводле меркавання касцюкаўчан, разваліла раён, а пасля перасела ў крэсла сенатаркі.

Можна таксама пазайздросціць працоўнай доблесці яшчэ адной сенатаркі з Касцюковіч – Ірыны Петрусевіч. Яна зрабіла сваю кар’еру менавіта на напісанні саг пра цялятніц. Аднак чамусьці дачку Віталіну не адправіла на ферму, а дала ёй юрыдычную адукацыю і ўладкавала на абласное тэлебачанне.

Аднак, калі не згушчаць фарбы, у гэтай гісторыі ёсць і светлы момант: за сваю самаадданую працу Святлана і Алена ўзнагароджаны Ганаровай граматай і Падзякай райвыканкама.

Фота раённай газеты.

У Быхаўскага райсельгасхарча новы начальнік – знаёмімся

Навіна ад

Сяргей Сыса стаў першым намеснікам старшыні Быхаўскага райвыканкама ў 28 гадоў. Ён ва ўсім згодны з Лукашэнкам і гатовы, згодна яго ўказанням, варушыцца.

Светапогляд новага начальніка Быхаўскага райсельгасхарчу Сяргея Сысы базуецца на простых, але ёмістых пастулатах Лукашэнкі і досведзе сваякоў: бацька Сяргея Пятровіча кіруе ААТ «Герой» Дубровенскага раёна, а старэйшы брат працуе генеральным дырэктарам Аршанскага камбіната хлебапрадуктаў.

Падымаць быхаўскую аграрную галіну з калень малады намеснік ужо пачаў.

Ён сцвярджае, што раён у неабходны тэрмін завяршыў сяўбу азімых. Прычым, добрай падмогай у гэтай справе сталі мехатрады міжраённага аграсэрвісу «Задняпроўскі».

На практыцы гэта азначае, што ні пасеяць, ні ўбраць самастойна быхаўскія аграрыі не ў стане, і ім даводзіцца наймаць дапамогу з боку.

Усюдыісны міжраённы аграсэрвіс «Задняпроўскі», вядома, зробіць усё, за што яму заплоцяць.

Застаецца толькі зразумець функцыі ў мясцовых сельгаспрадпрыемстваў, якія, падаецца, выступаюць толькі ў сціплай ролі ўладальнікаў зямель і назіральнікаў за замацаванымі за імі сялянамі.

Адказ на гэтае пытанне Сяргей Сыса таксама знайшоў у Лукашэнкі. Маўляў, той правільна сказаў: дай дрэннаму гаспадарцы тэхніку – праз год пад плот паставяць.

Ну, а паколькі добрых гаспадарак на Быхаўшчыне няма і не прадбачыцца, то і пытанне з тэхнікай закрыта.

Затое міжраённаму аграсэрвісу «Задняпроўскі» выдзелілі ў Быхаўскім раёне дзве з паловай тысячы гектараў зямлі.

Зразумець логіку і самога «вялікага кормчага», і яго вучня Сысы ў цэлым можна: рух дзеля руху. 

Што ж тычыцца Быхаўскага раёна, дык новаму намесніку зусім не абавязкова падымаць яго з калень. Пры такім запасе сувязяў Сяргею Пятровічу трэба толькі пратрымацца год-два, каб пайсці на павышэнне.

Фота: “Беларусь сегодня”.

Правопорядок в Костюковичах укрепили в очередной раз

Навіна ад

Снова пьют и дерутся, и плачут. В Костюковичах разбирались с “трудными” гражданами

Журналисты районной газеты “Голос Касцюкоўшчыны” назвали очередное заседание совета общественных пунктов охраны правопорядка альманахом житейских историй. 

На самом деле к житейским историям, рассматриваемая бытовуха имеет очень отдаленное отношение.

На совете, по традиции поругали пьянчуг и судимых, рекомендовали им взяться за ум и, наконец-таки заняться общественно-полезным трудом. А кроме того, заявили, что все случаи объединяет “вера совета в то, что всех этих людей, заглянувших за край пропасти, можно вернуть если не к благополучной жизни, то хотя бы к социально одобряемому ее образу”.

Если исключить из рассуждений слишком уж философские понятия о вере и неверии совета ОПОП во что-то и спуститься с небес на землю, то следует обратиться к закрытой для беларусов статистике алкоголизации населения и численности самоубийств. 

А Костюковичский район был и остается лидером в этом плане и никакая «вера совета» эту статистику не изменит. Тут больше про упадок, чем про жизнь.

Фото “Голос Касцюкоўшчыны”.

Мсціслаўскае райпо спрабуе забяспечыць прадукцыяй адразу чатыры раёны

Навіна ад

Сёлета мсціслаўскае райпо будзе забяспечваць чатыры раёны – добрую якасць прадукцыі арганізацыя абяцае.

На Магілёўшчыне дзяржарганізацыі ў сферы гандлю настолькі кепска сябе пачуваюць, што традыцыйныя райпо за апошнія гады сталі зачыняцца адно за адным. У выніку мсцілаўскае райпо вымушана забяспечваць прадукцыяй адразу чатыры раёны – Мсціслаўскі, Крычаўскі, Краснапольскі і Чэрыкаўскі – бо ў трох іншых тэрытарыяльных адзінках крамы гэтай арганізацыя вымушаны былі зачыніцца, бо знаходзіліся ў сістэмным і фінансавым крызісе.

Кіраўніцтва мсціслаўскага райпо ўпэўнівае, што прадукцыя будзе айчыннай, якаснай і смачнай. “Мы ўлічылі ўсе нюансы і ўпэўнены, што забяспечанасць насельніцтва складзе больш за 100 %, галоўнае – каб людзі выбіралі нашы крамы і актыўна набывалі ў нас прадукты” – цытуе словы начальніцы аддзела нарыхтовак мсціслаўскага райпо Алы Дывізійнай выданне “Крычаўскае жыццё”. 

Адметна, што збольшага крамы масціслаўскага райпо будуць забяспечаны прадукцыяй гаспадарак з Магілёўскай вобласці, аднак яблыкі таксама будуць завозіцца з далёкай Століншчыны Брэсцкай вобласці. 

Наш каментар. Абсалютна невыпадкова, што пра мсціслаўскае райпо піша менавіта крычаўская раёнка. Трэба ўзгадаць канфліктную сітуацыю, якая склалася ў пазамінулы год паміж кіраўніцтвам крычаўскага райвыканкама і мсціслаўскага райпо з-за спробы закрыцця сельскай крамы, аб чым пісалі mogilev.media. 

На сёння відавочна, што напружанасць спала, аднак “асадак застаўся”. Пагэтаму на сайце крычаўскай раёнкі і з’явіўся матэрыял пра работу мсціслаўскага райпо пад гучным загалоўкам “Мстиславское райпо: кричевляне будут на 100% обеспечены овощами и фруктами”.

Кіраўнік Крычаўскага раёна патрабуе ад камунальнікаў зарабляць грошы

Навіна ад

Кіраўніцтва Крычаўскана раёна сустрэлася з камунальнікамі горада ды вызначыліа прыярытэтныя задачы для работнікаў сферы паслуг.

На сустрэчы з працаўнікамі “Камунальніка” старшыня Крычаўскага райвыканкама Аляксей Шарай паведаміў прафесіяналам сваёй справы нечаканую навіну пра тое, што смецце павінна своечасова вывозіцца, а каля кантэйнераў не павінны з’яўляцца горы буйнагабарытнага смецця. 

Аднак самае парадаксальнае, што Шарай запатрабаваў ад камунальнікаў зарабляць грошы. Па яго меркаванню, усе рэсурсы для гэтага ў прадпрыемства ёсць. 

“У нашым горадзе хапае аб’ёмаў работ і ёсць фінансаванне. Бярыцеся і рабіце. Не зусім правільна, калі за справу бяруцца прадстаўнікі іншагародніх кампаній” – цытуе словы кіраўніцтва раённае выданне “Крычаўскае жыццё”. 

Такія заявы прымусілі калегу Шарая па райвыканкаму Ірыну Пруднікаву пусціць на твар усмешку – бо тое, як зарабляць грошы камунальшчыкам мэр горада не агучыў. Пры гэтым Пруднікава лічыць, што камунальнікі не толькі павінны самі працаваць, але і актывізаваць насельніцтва. 

У выніку складаецца ўражанне, што працаўнікі “Камунальніка” выйшлі з гэтай сустрэчы з адсутнасцю разумення ў чым іх першачарговая задача і што ад іх наогул патрабуецца. 

Фота krichevlive.by

У Крычаве ўпарадкавалі крыніцу каля Замкавай гары

Навіна ад

Крыніцу каля старажытнага гарадзішча Замкавая гара ўпарадкавалі ў Крычаве. 

У старой частцы Крычава знаходзіцца некалькі крыніц і дзве малыя рэчкі. Аднак за апошніх некалькі дзесяцігоддзяў гэта літаральна першы водны локус, які пазбавіўся свайго занядбанага выгляду і ператварыўся ва ўзорны прыродны аб’ект каля старажытнага дзядзінца горада. 

Гэта стала магчымым дзякуючы таму, што дэпутаты крычаўскага райвыканкама выйгралі фінансаванне ў памеры 27 тысяч даляраў у межах конкурса малых грантаў Глабальнага экалагічнага фонда. Менавіта на гэтую суму і былі набыты матэрыялы для добраўпарадкавання крыніцы – паведамляе тэлеграм-канал раённага выдання “Крычаўскае жыццё” 

Прадстаўнікамі крычаўскага райвыканкама быў распрацаваны спецыяльны праект для захавання крыніцы каля гарадзішча Замкавая гара як прыроднага і гістарычнага аб’екта, а таксама на паляпшэнне ўмоў для адпачынку і экалагічнай асветы на прылеглай тэрыторыі.

“Доўгія гады крыніца, абрамленая жалезабетонным кальцом і злучаная з рачулкай Забялышанкай, заставалася папулярным месцам сярод мясцовых жыхароў. Вада з крыніцы вылучалася мяккасцю і чысцінёй. Аднак адсутнасць належнага догляду і некантраляваныя наведванні паставілі пад пагрозу ўнікальную экасістэму” – адзначалася ў конкурсным праекце.

На сённяшні дзень на крыніцы знаходзіцца драўляны зруб, накрыты спецыяльным драўляным купалам, на версе якога размешчана металічная “цыбуліна” з праваслаўным крыжом. Побач з крыніцай зроблены ходнік, пастаўлена альтанка, некалькі лавачак, а таксама пасаджаны дрэвы і кветкі. Тэхнічным ноўхаў сталася спецыяльнае энергазберагальнае асвятленне, якім абсталяваная прылеглая тэрыторыя. 

Фота: krichevlive.by

Синагога в Быхове: райисполком выложил фейк

Навіна ад

Почему на сайте быховского райисполкома синагога выглядит празднично, а в реальности уныло?

Если бы в Беларуси проводились соревнования по очковтирательству, то Быховский район не плелся бы в хвосте, как обычно, а занимал бы призовые места.

Местные власти усеяли памятниками въезд в город, чтобы замаскировать развалины Быховской замка и унылое здание синагоги.

В реальности такая маскировка, как мертвому припарка, а вот в виртуальном мире быховские чиновники позволяют себе цветочно-небесные фантазии.

На сайте местного райисполкома используется фотография синагоги 13-летней давности. 

Тогда, ко Дню письменности заброшенный памятник национальной архитектуры затянули баннерами. Ткань давным-давно сняли, а фотографию, на всякий случай, оставили. Наверное для того, чтобы не пугать туристов истинным видом местных “достопримечательностей”.

Непонятно только, как быть с фейками, против которых все те же власти объявили крестовый поход.

Фото ведомственного сайта быховского райисполкома.