В Осиповичах назначен директор лесхоза

Им стал главный лесничий предприятия Дмитрий Воронец

В лесном хозяйстве новый директор трудился в 2010 года.

сначала в Глусском, а затем Осиповичском лесничестве.

В 2017 году он окончил Белорусский государственный технологический университет по специальности “лесное хозяйство”. 

Областное руководство надеется на то, что Воронец сумеет внести свой вклад в решение проблем, с которыми столкнулось белорусское лесное хозяйство.

Фото Осиповичской районной газеты

У Мсціслаўле асудзілі былога кіраўніка сельгаспрадпрыемства да васьмі год турмы і буйнога штрафу

У Мсціслаўскім судзе адбылося паседжанне па справе крадзяжу грашовых сродкаў у асабліва буйным памеры. На судзе абвясцілі суворы прысуд былому дырэктару сельгаспрадпрыемства, што наўмысна завалодаў сродкамі адкрытага акцыянернага таварыства.

Як расказаў старшы памочнік пракурора Мсціслаўскага раёна Дзмітрый Шыпіца, падчас судовага следства было ўстаноўлена, што ў перыяд з ліпеня 2022 года па сакавік 2023 года падсудны, злоўжываючы сваім службовым становішчам, забяспечваў складанне падробленых разлікова-плацежных ведамасцей. У сваю чаргу гэта стала падставай для неабгрунтаваных выплат работнікам.

Аднак грошы, якія нібыта належалі на выплату заработнай платы, прэмій і г.д., да работнікаў не даходзілі. Кіраўнік выкарыстаў іх па сваім меркаванні паведамляе мсціслаўская раённая газета “Святло кастрычніка”. 

Прычым за дзевяцімесячны перыяд былы дырэктар сельскагаспадарчага прадпрыемства прысвоіў больш за 140 тысяч рублёў. Нягледзячы на гэта факт, віну ў судовым паседжанні ён не прызнаў.

У выніку абвінавачанаму было прызначана пакаранне ў выглядзе пазбаўлення волі на тэрмін 8 гадоў са штрафам у памеры 400 базавых велічыняў (амаль што 4,5 тысяч даляраў). Акрамя таго яму цягам 5 гадоў забаронена займаць кіруючыя пасады.

Фото “Святло кастрычніка”. 

Галоўным камуністам Крычава стаў малады дырэктар гістарычнага музея

Крычаўскія камуністы абралі новага лідара і ім стаў дырэктар гарадскога музея, што знаходзіцца ў будынку XVIII стагоддзя. Дагэтуль лідарам раённай партарганізацыі была старая камуністка Зінаіда Скачкова. 

Актыў раённай арганізацыі Камуністычнай партыі Беларусі ў Крычаве выбраў новага лідара: з 5 кастрычніка першым сакратаром раённай арганізацыі КПБ будзе з’яўляецца Уладзімір Мішчанка. Ён жа з’яўляецца дырэктарам гістарычнага музея, што размешчаны ў будынку палацы Пацёмкіна-Галынскіх XVIII стагоддзя.

Шмат гадоў нязменным лідэрам партарганізацыі была Зінаіда Скачкова, аднак па яе меркаванню, прыйшоў час саступіць месца лідара крычаўскім камуністаў маладому чалавеку – паведамляе раённая газета “Крычаўскае жыццё”.

Дарэчы, адным з лідарам партарганізацыі Крычаўскага раёна, што прысутнічаў на паседжанні, з’яўляецца цяперашні начальнік аддзела ідэалагічнай работы, культуры і па справах моладзі Крычаўскага райвыканкама Рыськоў Вадзім Вясаславовіч (раней быў таксама дырэктарам музея).

Між іншым само паседжанне, на якім абралі Мішчанку, адбылося ў параднай залі палаца, дзе праходзяць разнастайныя мерапрыемствы.

Фота “Крычаўскае жыццё”

Дырэктар лагістычнай арганізацыі падмануў перавозчыкаў – УУС

Да праваахоўнікаў звярнуліся некалькі ашуканых грузаперавозчыкаў, якія заявілі, што іх ашуквае дырэктар лагістычнай фірмы ў Мінскім раёне, сістэматычна не разлічваецца за аказаныя паслугі – паведамляе прэс-служба УУС Магілёўскага аблвыканкама.

Аператыўнікі аддзела барацьбы з эканамічнай злачыннасцю Бабруйскага ГУУС высветлілі, што 34-гадовы кіраўнік фірмы, са студзеня па верасень 2022 года, ведаючы аб стратнай дзейнасці і немагчымасці ў поўным аб’ёме разлічыцца па сваіх абавязацельствах, працягнваў арганізацыю дастаўкі грузаў.

Пры гэтым грашовыя сродкі, што атрымліваліся ад замоўцаў лагістычных паслуг, расходаваліся ім на розныя выплаты. У выніку запазычанасць грузаперавозчыкам склала больш за 417 000 рублёў.

Узбуджана крымінальная справа па факце прычынення маёмаснай шкоды.

Фота носіць ілюстрацыйны характар, з адкрытых крыніц.

У Магілёве затрыманы дырэктар кампаніі. Вінавацяць у тым, што перапрадаваў па завышаных коштах мяса ў лякарні і школы

У Магілёве затрымалі дырэктара камерцыйнай кампаніі. Узбуджана крымінальная справа. 

У Камітэце дзяржкантролю сцвярджаюць, што ён на працягу двух гадоў перапрадаваў па завышаных коштах мяса ў школы і лякарні. Нанесены ўрон склаў больш за 18 тысяч рублёў. Нескладана падлічыць, што выручка прадпрымальніка ў месяц складала каля 750 рублёў.

Устаноўлена, што магілёўскі пасярэднік на працягу 2020-2021 гадоў перапрадаваў мясную прадукцыю (каўбасныя вырабы, паўфабрыкаты, свініна, ялавічына, мяса курэй і іншае) бюджэтным арганізацыям адукацыі і аховы здароўя з аптовымі надбаўкамі, якія перавышаюць гранічную надбаўку, устаноўленую заканадаўствам. 

фота: depositphotos

«Лабірынт – альбо заблытаная дарога…». Гісторык Аляксей Бацюкоў пра першую магілёўскую паэму

Гэта паэма ўваходзіць у калекцыю выбітных літаратурных твораў старажытнай беларускай літаратуры. Яна вядомая дзякуючы таму, што друкаваная кніга з ёй захавалася ў адзіным экзэмпляры. Аўтар напісаў твор, каб прадэманстраваць свае інтэлектуальныя і літаратурныя таленты і быць прынятым настаўнікам у Магілёўскую брацкую школу.


Аляксей Бацюкоў амаль паўтары гады вядзе свой цыкл адукацыйных лекцый пра Магілёў і Магілёўшчыну, пачынаючы ад часоў неандэртальцаў, набліжаючыся да нашага часу. Мяняюцца платформы для размяшчэння відэа, і цяпер аўтар працуе на сваім асабістым ютуб-канале.


Хто такі Аляксей Бацюкоў

– Магілёўскі гісторык, пісьменнік і журналіст, які быў звольнены з пасады дырэктара Музею гісторыі Магілёва ў лютым 2021 года.

– На пасадзе дырэктара музэю адзначыўся гучнымі набыткамі гісторыка-культурных каштоўнасцяў для музейнай экспазіцыі – гэта адзіны ў Беларусі экзэмпляр Статута ВКЛ 1588 года, меч мсціслаўскага рыцара XVI стагоддзя, літургічнае покрыва са слуцкага пояса, адзіны ў Магілёве асобнік кнігі Спірыдона Собаля і шмат іншага.

– Быў двойчы асуджаны да адміністратыўных штрафаў за ўдзел у мітынгах у Магілёве пасля прэзідэнцкіх выбараў 2020 года.

«Лабірынт…» – пра што гэтая паэма

Чарговая лекцыя Аляксея Бацюкова прысвечаная выхаду ў друк унікальнага твору – першай магілёўскай паэмы, прычым напісанай магілёўцам для магілёўцаў і пра Магілёў. Яе аўтар – праваслаўны месціч Фама Яўлевіч надрукаваў твор у 1625 годзе ў Кракаве, дзе ён вучыўся вольным навукам у Ягелонскім універсітэце.

 

Эмацыйны і маралізатарскі зварот маладога вучонага – Яўлевічу было каля 25-30 гадоў – спалучаецца з аналізам развіцця паэтычнай традыцыі ў ВКЛ і прычынамі пачатку панавання польскай мовы.

Паэма «Лабірынт – альбо заблытаная дарога…» уваходзіць у калекцыю выбітных літаратурных твораў старажытнай беларускай літаратуры. Лабірынт, вы ўяўленні Фамы Яўлевіча – гэта цяжкі грамадска-палітычны стан, у якім апынуўся Магілёў у пачатку XVII стагоддзя ва ўмовах ціску на традыцыйную культуру і веру. А Мудрасць – галоўная гераіня паэмы – з’яўляецца памочнікам, які здольны вывесці гараджанаў з небяспекі. Дзеля выратавання магілёўцам спатрэбіцца трываласць у змаганні з дрэннымі звычкамі і непісьменнасцю, павага да навукі і школьнай адукацыі.

Магілёўскі суд разбірацца, ці прызнаваць «Магілёўсаюздрук» банкрутам

Эканамічны суд Магілёўскай вобласці пачаў разгляд пазову акцыянернага таварыства «Магілёўсаюздрук» аб прызнанні яго банкрутам.

Пра тое, што рэгіянальны манапаліст продажу газетаў і іншай прадукцыі мае фінансавыя праблемы стала вядома, калі ў Магілёве на кіёсках пачалі з’яўляцца надпісы, што яны прадаюцца. Падобнае назіралася ў Бабруйску і Горках.

«Цяпер ААТ «Магілёўсаюздрук» мае фінансавыя цяжкасці. Для таго, каб мінімізаваць затраты, мы вымушаныя пайсці шляхам закрыцця нашых гандлёвых аб’ектаў у шэрагу райцэнтраў» – тлумачыла сітуацыю кіраўніцтва прадпрыемства.

У суд «Магілёўсаюздрук» звярнуўся 16 чэрвеня. Заяву ўзялі ў вытворчасць і прызначылі пераходны перыяд. Да 16 жніўня антыкрызісны кіраўнік мае прааналізаваць бягучы фінансава-гаспадарчы стан арганізацыі і вынесці рашэнне наконт яго далейшага лёсу. У выпадку ўзбуджэння конкурснай вытворчасці работа «Магілёўсаюдруку» можа быць прадоўжана.

Як высветлілася праблемы «Магілёўсаюздруку» з’явіліся некалькі гадоў таму праз нястачу грашовых сродкаў. Фінансаў не хапала, каб разлічыцца з насельніцтвам за прададзеную прадукцыю. З ім спынілі супрацоўніцтва дзяржаўныя прадпрыемствы. Сярод іх было Бабруйскае тралейбуснае ўпраўленне, якое прадавала праз кіёскі «Белсаюздруку» талоны на праезд.

У вытворчасці знаходзіцца 289 справаў аб прымусовым спагнанні з акцыянернага таварыства сродкаў на суму пяць мільёнаў рублёў.

У студзені 2017 года суд былога дырэктара «Магілёўсаюздруку» пакараў на дзесяць гадоў пазбаўлення волі з канфіскацыяй маёмасці за крадзеж у тым ліку грашовых сродкаў кіраванай ім арганізацыі. Было ўстаноўлена, што фігурант справы з лютага 2014 па сакавік 2015 года неаднаразова забіраў выручку з касы прадпрыемства.

 

67 пацярпелых. Кіраўніка фірмы рытуальных паслуг вінавацяць у прысабечванні сродкаў заказчыкаў

Крымінальную справу супраць дырэктара бабруйскай фірмы рытуальных паслугаў разглядае суд Кіраўскага раёну.

Яму выстаўленыя абвінавачванні ў невыкананні абавязкаў і завалоданні грашыма заказчыкаў.

Паводле газеты «Вечерний Бобруйск» пацярпелымі прызнаныя 67 чалавек.

Справу плануюць разгледзець на працягу 2 месяцаў.

 

Магілёўскую кнігарню аштрафавалі за «распаўсюджванне экстрэмісцкіх матэрыялаў»

У кніжнай краме «Асвета» пракуратура выявіла два экзэмпляры кнігі «Военная история Беларуси. Герои. Символы. Цвета» аўтара Віктара Ляхора. Быў складзены пратакол адміністрацыйнага правапарушэння.

Твор Ляхора ўнесены ў спіс экстрэмісцкіх матэрыялаў згодна з рашэннем Ленінскага суду Гродна ад 18 красавіка 2022 году.

5 ліпеня Ленінскі суд Магілёва аштрафаваў кнігарню, як юрыдычную асобу, на 4800 рулёў (1850 долараў ЗША) за «распаўсюджванне» экстрэмісцкіх матэрыялаў. Справу разглядала суддзя Аксана Ратнікава.

Пра прысуд стала вядома праваабаронцам. Паводле іх дырэктарка крамы ў судзе даводзіла, што «на пасаду прызначаная толькі 24 мая і ёй не было вядома аб наяўнасці забароненых кніг ва ўстанове, якой кіруе».

Па яе словах, выдавецтва «Харвест», якое выпусціла кнігу Ляхора, таксама не папярэдзіла, што яе варта прыбраць з продажу. Згодна з дамоваю, казала ў судзе кіраўніца крамы, творы Ляхора ўласнасць выдавецтва. Яна адзначала, што Міністэрства інфармацыі не паведаміла ёй аб продажы забароненай літаратуры.

Віктар Ляхор – вядомы ў Беларусі мастак-геральдыст. Ён стварыў сімволіку ДАІ, АМАП, ГУБАЗіК, Дэпартаменту аховы, а таксама МЗС. Па яго словах ён цалкам спыніў супрацу з беларускімі сілавымі структурамі пасля пратэстаў 2020 года.

Віктар Ляхор – адзін з аўтараў сімволікі беларускіх гарадоў. Уваходзіў у Геральдычную раду пры найвышэйшым органе выканаўчай улады.