Tag: штраф

Кіраўніка касцюковіцкага сельгаспрадпрыемства аштрафавалі за невыплату 250 тысяч заробку

Навіна ад

Толькі пасля ўмяшання касцюковіцкай пракуратуры 159 работнікаў сельгаспрадпрыемства атрымалі заробак за травень 2026 года.

Пракуратура выявіла, што перад супрацоўнікамі ўтварылася запазычанасць па заработнай плаце на суму больш за 247 тыс. рублёў. Пракурор Касцюковіцкага раёна вынес кіраўніку прадпрыемства прадпісанне з патрабаваннем неадкладна выплаціць грошы. Адначасова матэрыялы былі накіраваныя ў Дзяржаўную інспекцыю працы для прыцягнення службовай асобы да адміністрацыйнай адказнасці.

Пасля ўмяшання нагляднага ведамства прадпрыемства выплаціла работнікам усю запазычанасць. Правы супрацоўнікаў, як паведамляецца, былі адноўлены ў поўным аб’ёме.

Кіраўнік гаспадаркі атрымаў адміністрацыйнае пакаранне – штраф у памеры 30 базавых велічынь, або 1350 рублёў.

Фотаздымак: Генеральная пракуратура РБ

У Магілёве за зламаны хрыбетнік вучня настаўніцу пакаралі штрафам

Навіна ад

Настаўніца фізкультуры аштрафавана на 4,5 тыс. рублёў за пералом хрыбетніка другакласніка, што стала вынікам яе недагляду.

Інцыдэнт адбыўся 10 снежня 2025 года падчас урока фізкультуры адной з гарадскіх школ. Як высветліў суд Ленінскага раёна Магілёва, настаўніца некалькі разоў пакідала спартыўную залу праз дрэннае самаадчуванне. Замест сябе яна даручыла дзесяцікласнікам нагляд за вучнямі другога класа.

Пакуль педагог адсутнічала, старэйшыя школьнікі пачалі браць малых за рукі і ногі, разгойдваць іх і кідаць на спартыўныя маты. Падчас такой «гульні» адзін з другакласнікаў атрымаў закрытыя кампрэсійныя пераломы двух грудных пазванкоў.

У судзе настаўніца цалкам прызнала віну. Яна патлумачыла, што перыядычна вярталася ў залу і бачыла, як дзеці гуляюць. Калі ж зайшла чарговы раз, хлопчык ужо сядзеў на лаўцы і скардзіўся на боль у спіне.

Пра здарэнне яна паведаміла класнаму кіраўніку і бацькам дзіцяці. Пасля абследавання ў медыцынскай установе бацька хлопчыка звярнуўся ў міліцыю.

Суд прызнаў настаўніцу вінаватай у неналежным выкананні абавязкаў па забеспячэнні бяспекі дзяцей. За здарэнне, у выніку якога дзевяцігадовы вучань атрымаў пераломы пазванкоў, ёй прызначылі штраф у памеры 100 базавых велічынь (4,5 тыс. рублёў).

Акрамя штрафу, суд поўнасцю задаволіў грамадзянскі пазоў маці пацярпелага. Са школы спагналі 1 000 рублёў у якасці кампенсацыі маральнай шкоды і 83 рублі на пакрыццё выдаткаў за спецыяльны рэклінатар, які быў неабходны дзіцяці пасля траўмы. Прысуд уступіў у законную сілу.

Фотаздымак: Інстаграм belarusdays

Суд пазбавіў мсціслаўчаніна аўтамабіля

Навіна ад

Суд Мсціслаўскага раёна разгледзеў крымінальную справу па абвінавачанні жыхара райцэнтра ў кіраванні аўтамабілем у стане алкагольнага ап’янення.

І такое рашэнне прынята не выпадкова.

Раней гэты жыхар Мсціслава ўжо прыцягваўся да адміністрацыйнай адказнасці за аналагічнае парушэнне. Выплаціў штраф у памеры 8400 рублёў і быў пазбаўлены права кіравання транспартнымі сродкамі на 60 месяцаў.

Аднак, ужо будучы пазбаўленым вадзіцельскіх правоў, ён зноў сеў за руль аўтамабіля пасля ўжывання алкаголю.

Суд прызнаў мужчыну вінаватым і прызначыў пакаранне ў выглядзе папраўчых работ тэрмінам на два гады з утрыманнем 20 працэнтаў заробку ў даход дзяржавы. Таксама яму забаронена займацца дзейнасцю, звязанай з кіраваннем транспартнымі сродкамі, тэрмінам на сем гадоў.

У дадатак да ўсяго аўтамабіль, якім кіраваў парушальнік, канфіскаваны ў даход дзяржавы.

Фота ілюстрацыйнага характару.

Пенсіянер апынуўся ў ІЧУ пасля праверкі ДАІ ў Магілёве

Навіна ад

Праверка дакументаў для 67-гадовага магілёўскага вадзіцеля скончылася ізалятарам, буйным штрафам і пазбаўленнем правоў. У мужчыны выявілі моцнае алкагольнае ап’яненне. Ён ледзь гаварыў.

У Магілёве супрацоўнікі ДАІ спынілі падазроны аўтамабіль Volvo, вадзіцель якога паводзіў сябе на дарозе дзіўна.

За рулём знаходзіўся 67-гадовы пенсіянер, які ў літаральным сэнсе “не вязаў лыка”.

Вадзіцеля накіравалі на медыцынскае асведчанне. Вынік паказаў 2,9 праміле этылавага спірту ў выдыханым паветры.

Мужчыну даставілі ў ізалятар часовага ўтрымання, а яго аўтамабіль адправілі на ахоўваемую стаянку.

Пакаранне – штраф у памеры 200 базавых велічынь. У 2026 годзе гэта складае 9000 рублёў. Таксама парушальнік пазбаўлены вадзіцельскіх правоў на 5 гадоў.

Згодна з артыкулам 18.15 КаАП, памер штрафу за кіраванне ў стане алкагольнага ап’янення залежыць ад узроўню алкаголю:

  • да 0,8 праміле – штраф 100 базавых велічынь (4500 рублёў) з пазбаўленнем правоў на 3 гады;
  • больш за 0,8 праміле – штраф 200 базавых велічынь (9000 рублёў) з пазбаўленнем правоў на 5 гадоў.

Увогуле, думайце самі, ці варта садзіцца за руль п’яным.

Фота скрыншот відэа УУС Магілёўскага аблвыканкама.

Вытворца бытавой хіміі ў Магілёве не змог абгрунтаваць свае цэны

Навіна ад

Магілёўскае прадпрыемства не змагло даказаць, чаму цэны на прадукцыю менавіта такія. Штраф – 400 000 рублёў.

КДК Магілёўскай вобласці выявіў парушэнні цэнаўтварэння ў вытворцы бытавой хіміі. Праверка паказала, што прадпрыемства павышала цэны на прадукцыю без абавязковага ўзгаднення з аблвыканкамам і не магло пацвердзіць іх эканамічнымі разлікамі.

Як паведамілі ў КДК, гаворка ідзе пра кампанію, якая выпускае мыйныя і чыстячыя сродкі, а таксама парфумерна-касметычную прадукцыю.

Парушэнні:

  • рэалізацыя прадукцыі па цэнах, не пацверджаных эканамічнымі разлікамі;
  • сістэматычнае павышэнне адпускных цэн без абавязковага ўзгаднення з аблвыканкамам;
  • невыкананне ўстаноўленага парадку дзяржаўнага рэгулявання цэн.

Сітуацыя дэманструе тыповую праблему адміністрацыйнага рэгулявання цэн: прадпрыемствы вымушаныя балансаваць паміж ростам сабекошту і жорсткім кантролем з боку дзяржавы, што нярэдка прыводзіць да канфлікту паміж эканомікай вытворчасці і патрабаваннямі планавай сістэмы.

Жорсткая мадэль лукашэнкаўскага кантролю цэн нярэдка прыводзіць да парадаксальнай сітуацыі: прадпрыемствы фактычна працуюць ва ўмовах планавай эканомікі, але пры гэтым нясуць рынкавыя выдаткі – рост сыравіны, лагістыкі і энергарасурсаў.

У выніку спробы кампенсаваць страты праз павышэнне цэн заканчваюцца штрафамі, што робіць вытворчасць яшчэ менш рэнтабельнай.

Па выніках праверкі прадпрыемства аштрафавана на 400 тысяч рублёў.

Вось што атрымліваецца, калі беларускія “селекцыянеры” спрабуюць скрыжоўваць сацыялізм з капіталізмам.

Фота ілюстрацыйнага характару з адкрытых крыніц.

У Бабруйску адбылася масавая бойка беларускіх хакеістаў з рускімі

Навіна ад

Гульня бабруйскага “Дынама-Шынніка” з “Дынама” з Санкт-Пецярбурга завяршылася маштабнай бойкай.

Хакейны матч адбыўся 26 лютага ў межах рэгулярнага чэмпіянату МХЛ (Моладзевая хакейная ліга), і завяршыўся лікам 2:3 на карысць расійскіх гасцей. 

Як паведамляе hockey.by, пасля завяршэння серыі булітаў некалькі супернікаў адзін за адным сталі чапляць і правакаваць форварда бабруйчан Дзмітрыя Хабяна. Ён не рэагаваў на правакацыі, але пазбегнуць масавай бойкі ўсё ж не ўдалося.

Пасляматчавы поціск рук быў адменены. Па выніках інцыдэнту суддзі выпісалі камандам у суме 131 хвіліну штрафу (52 – «Дынама-Шынніку» і 79 – «Дынама» СПб).

Прынцыповасці супрацьстаяння дадаваў той факт, што каманды ідуць побач у турнірнай табліцы. “Дынама-Шыннік” з 66 ачкамі займае сёмае месца ў табліцы Залатога дывізіёна (у плэй-оф праходзяць восем каманд). У» Дынама ” Санкт-Пецярбург 64 балы і восьмы радок.

Скрыншот: ТГ “Хоккей Беларуси | Hockey.by”

Бабруйчаніна пакаралі штрафам за збіццё і пагрозу забойствам

Навіна ад

Бабруйскі суд праявіў надзвычайную мяккасць да злачынцы, які збіваў і пагражаў забіць уласную сужыцельку. 

Суд над 34-гадовым бабруйчанінам праходзіў проста ў аддзеле міліцыі Ленінскага раёна Бабруйска. Прычынай разгляду сталі паводзіны мужчыны, які яшчэ ў кастрычніку 2025 года, будучы п’яным, пасварыўся са сваёй сужыцелькай, пачаў збіваць яе рукамі і нагамі, душыў жанчыну і, прыстаўляючы нож да яе цела, пагражаў забіць.

Суд прызнаў жыхара Бабруйска вінаватым, але прызначыў яму мінімальна магчымае па артыкуле 186 Крымінальнага кодэкса пакаранне – штраф у памеры 50 базавых велічынь, што складае 2100 рублёў. Дарэчы, у якасці пакарання гэты артыкул прадугледжвае і грамадскія працы, і выпраўленчыя працы, і арышт, і абмежаванне волі, і нават пазбаўленне волі да трох гадоў. Але суд абраў даволі невялікі штраф.

Прысуд у сілу пакуль не ўступіў. 

Фотаздымак: Суд Бабруйскага раёна і г. Бабруйска

У Бабруйску кіроўца маршруткі пакараны за перавоз завялікай колькасці пасажыраў

Навіна ад

Міліцыя пакарала бабруйскага кіроўцу маршруткі №40, які вёз пасажыраў больш за дапусцімую колькасць.

Як адзначаюць у міліцыі, яны звярнулі ўвагу на кіроўцу, дзякуючы відэа, якое выклаў у інтэрнэт адзін з пасажыраў марштурнага таксі. Кіроўца, паводле праваахоўнікаў, быў не прышпілены рамянём бяспекі, а ў салоне мікрааўтобуса было больш людзей, чым гэта дазволена правіламі.

Супрацоўнікі ДПС высветлілі асобу кіроўцы. Ім аказаўся 39-гадовы мясцовы жыхар. На яго склалі два адміністрацыйных пратаколы, па якім прызначаны штраф у памеры 105 рублёў.

Фотаздымак: ТГ “Милиция Могилевщины”

За кветкі з клумбы мужчына ў Крычаве атрымаў салідны штраф

Навіна ад

Адзін з пяці выпадкаў – магілёвец скраў на гарадской клумбе ў Крычаве тры кусты хрызантэм і заплаціў штраф 840 рублёў.

Малады чалавек рэгулярна прыязджаў у госці да бабулі ў Крычаў, хоць стала жыве і працуе ў Магілёве. А скрасці кветкі з гарадской клумбы мужчына вырашыў упершыню. Недалёка ад прыпынка гарадcкога транспарту 10 кастрычніка магілёвец выкапаў тры кусты хрызантэм, але хутка быў знойдзены. Міліцыяй дзеянні мужчыны былі расцэнены як дробны крадзеж, за які цяпер ён павінен заплаціць штраф у памеры 20 базавых велічынь.

Як паведамляе раённае выданне “Крычаўскае жыццё” ў кастрычніку ў горадзе назіраецца ўсплёск крадзяжоў кветак з гарадскіх клумбаў. Больш як пяць зваротаў у праваахоўныя органы паступіла ад кіраўніцтва «Камунальніка» з просьбай разабрацца ў сітуацыі і прыцягнуць вінаватых да адказнасці.

ГАИ в Могилеве поймала очередного пьяного водителя маршрутки

Навіна ад

В Могилеве 47-летний водитель был допущен за руль маршрутного такси в состоянии алкогольного опьянения.

Гаишники остановили маршрутное такси для проверки документов, однако физическое состояние водителя вызвало у них подозрение. Мужчину доставили на медицинское освидетельствование. Оно и показало наличие этилового спирта в крови водителя.

Нетрезвый шофер оштрафован на 4200 рублей и лишен на три года водительских прав. Также привлечен к административной ответственности на 336 рублей тот, кто допустил выезд пьяного водителя на маршрут. Микроавтобус отправлен на штрафстоянку. 

Подобный случай в Могилеве был и в июне 2025 года. Тогда инспекторы ДПС остановили маршрутное такси, направлявшееся в Минск с шестью пассажирами в салоне. В выдыхаемом воздухе 44-летнего водителя оказался этиловый спирт в концентрации 0.7 промилле.

Скриншот: “Милиция Могилевщины”