У Магілёве гарэў інфекцыйны корпус бальніцы №1, які будуецца

1 лютага ў 3 гадзіны ночы здарыўся пажар у адным з кабінетаў новага інфекцыйнага корпуса Магілёўскай гарадской бальніцы №1 па вуліцы Акадэміка Паўлава – паведамляе прэс-служба МНС. Будынак інфекцыйнага корпуса не эксплуатуецца – толькі ідзе яго будаўніцтва. Персанал і пацыенты ў ім адсутнічаюць. Гарэнне адбывалася ў вучэбна-метадычным кабінеце на шостым паверсе. У выніку пажару пашкоджана медыцынская маёмасць, якая складуецца, закурана памяшканне кабінета. Пацярпелых няма. Прычына пажару высвятляецца.

Фота: МНС

На пажарах у Бабруйску загінулі трое, у Асіповічах цягнік збіў дзяўчыну – ранішняя зводка

Два чалавекі загінулі на пажары ў прыватным доме па вуліцы Спартакаўскай у Бабруйску вечара 23 студзеня – паведамляе прэс-служба МНС. Прычыны ўзгарання высвятляюцца. Таксама ў Бабруйску ў гэты дзень гарэў дом па вуліцы Звязды. Гаспадар дома 1979 года нараджэння атрымаў апёкі і быў выратаваны, а яго сужыцельніца, жанчына 1981 года нараджэння, загінула.

Яшчэ адзін пажар у прыватным доме ў Бабруйску – на вуліцы Кірава – завяршыўся менш трагічна. Гаспадар дома 1958 года нараджэння спрабаваў самастойна загасіць полымя, атрымаў апёкі і быў шпіталізаваны.

Таксама гарэў дом у Чавусах па вуліцы Забалоцкай. Гаспадар дома 1951 года нараджэння выратаваўся, атрымаўшы атручэнне дымам, і быў шпіталізаваны.

У вёсцы Машавое Касцюковіцкага раёна ў сваім доме быў знойдзены мужчына 1969 года нараджэння, які атруціўся ўгарным газам – зарана закрыў дымаход у печы.

У Асіповічах на чыгунцы адбыўся наезд электрацягніка на чалавека. Пацярпела дзяўчына 1999 года нараджэння, якая з траўмамі рознай ступені цяжкасці была шпіталізаваная.

Фота ілюстрацыйнае.

Мужчына з дачкой выратаваліся, калі загарэўся суседні пакой у інтэрнаце – МНС

Пакой у інтэрнаце па вуліцы Ульянаўскай у Бабруйску загарэўся днём 22 студзеня – паведамляе прэс-служба абласнога МНС. У блоку на восьмым паверсе, дзе пражывае сям’я з чатырох чалавек, загарэўся адзін з пакояў. У другім пакоі ў гэты час знаходзіліся муж і дачка 2017 года нараджэння, жонка 2000 года нараджэння і іх сын дома адсутнічалі. Пабачыўшы пажар, мужчына разам з дачкой выскачыў да суседзяў, яны не пацярпелі. Адзначаецца, што спрацавала пажарная сігналізацыя і апавяшчальнік. Усяго з восьмага паверха інтэрната ратавальнікі эвакуявалі 14 чалавек, трое з іх – дзеці.

Фота: МНС

На пажары ў Чавускім раёне загінуў пенсіянер

20 студзеня, у выніку пажару ў Чавускім раёне загінуў гаспадар дома 1948 года нараджэння – паведамляе chausynews.by


Раніцай, у цэнтр аператыўнага ўпраўлення Чавускага РАНС паступіла паведамленне аб гарэнні прыватнага жылога дома ў вёсцы Дрокаўка.

На месца прыбыла дзяжурная змена. У гэты час гарэў дом знутры. Ратавальнікам удалося аператыўна патушыць полымя, але не змаглі выратаваць гаспадара. Прычыны пажару высвятляюцца

Пад Клімавічамі на пажары загінуў мужчына, які самавольна залез у чужы дом

У чатыры гадзіны ночы 10 студзеня выратавальная служба атрамала сігнал пра пажар у закінутай хаце ў аграгарадку Ціманава Клімавіцкага раёна. На пажары знойдзены загінуўшы грамадзянін, які самавольна трапіў у дом – паведамляе прэс-служба МНС. Асоба загінулага, прычыны пажару і гібелі высвятляюцца.

Фота ілюстрацыйнае.

 

У Магілёве гарэў дом, верагодны падпал

Як паведамілі ў гарадскім аддзеле па надзвычайных сітуацыях “Магілёўскім ведамасцям”, 1 студзеня ад суседкі паступіў званок аб пажары жылога дома ў завулку Тарфяным у Магілёве.

– Калі ратавальнікі прыбылі на месца, з-пад даху дома ішоў дым. Гаспадароў дома не было. У выніку пажару пашкоджана перакрыццё, перагародкі ў доме, закурана маёмасць. – распавялі ў ведамстве.

Меркаваная прычына пажару – падпал. Праверку праводзіць Следчы камітэт.

29 лістапада 2020 года па гэтым адрасе ўжо быў пажар, прычынай якога стала неасцярожнае абыходжанне з агнём.

Фота: mogilevnews.by

У Бабруйску на пажары выратавалі жанчыну

Сёння раніцай, у 07:21 выратавальнікі атрымалі сігнал пра задымленне ў адной з кватэр па вуліцы Ракасоўскага ў Бабруйску.

Работнікі МНС знайшлі на падлозе ў калідоры кватэры 60-гадовую жонку гаспадара кватэры, якая знаходзілася без прытомнасці. Жанчына была вынесена на свежае паветра, а затым шпіталізавана ў рэанімацыйнае аддзяленне з атручэннем прадуктамі гарэння.

У выніку пажару пашкоджана маёмасць, закураны сцены і столь у кватэры. Работнікамі МНС з суседніх кватэр эвакуіравана 7 чалавек. Прычына пажару высвятляецца – паведамляе прэс-служба МНС.

Фота: МНС

Мужчына загінуў пад Асіповічамі – курэнне ў ложку

Жыхар вёскі Забалоцце Асіповіцкага раёна быў знойдзены мёртвым ва ўласнай хаце, што пацярпела ад пажару 25 снежня каля 18 гадзін – паведамляе прэс-служба МНС. Мужчына 1976 года нараджэння, нідзе не працаваў. Меркаваная прычына трагедыі – неасцярожнасць пры курэнні.

Фота ілюстрацыйнае.

Зноў неасцярожнае курэнне – у Палыкавічах загінуў мужчына

У вёсцы Палыкавічы-2 пад Магілёвам адбыўся пажар у прыватным доме.  На ім было знойдзена цела загінуўшага гаспадара 1963 года нараджэння, які нідзе не працаваў. Меркаваная прычына пажару – неасцярожнасць пры курэнні, паведамляе прэс-служба МНС.

Фота ілюстрацыйнае

Гарэў нумар у магілёўскай гасцініцы “Турыст”

Там пражываў 52-гадовы магілёвец, ён атрымаў апёкі.

20 снежня а палове другой ночы паступіла паведамленне аб спрацоўцы пажарнай сігналізацыі і задымленні на пятым паверсе турысцка-гасцінічнага комплекса “Магілёўтурыст” – паведамляе прэс-служба МНС.

Гарэў пакой, у якім пражывае 52-гадовы магілёвец. У ходзе самастойнага тушэння пажару ён атрымаў апёкі і атручэнне прадуктамі гарэння і быў шпіталізаваны. У выніку пажару ў пакоі знішчаны тэлевізар, закураныя сцены і столь. Эвакуацыя жыхароў не праводзілася. Прычына пажару высвятляецца.

Фота: Прэс-служба МНС