У крама вопраткі б/у на вуліцы Касманаўтаў у Магілёве сёння раніцай здарыўся пажар – паведамляе Тэлеграм-канал “ЧП Магілёў”. Пакуль няма падрабязнасцяў пра пацярпелых.
Фота: “ЧП Магілёў”
Tag: чп
У Магілёве гарэла машына, побач магла загарэцца другая
Вечарам 26 лютага ў Магілёве па вуліцы Яраслаўскай успыхнуў аўтамабіль “Audi А6” 1996 года выпуску. На момант прыбыцця пажарных машына гарэла адкрытым полымем, прычым агонь мог перакінуцца на суседні аўтамабіль – паведамляе Тэлеграм-канал “ЧП в Могилеве”. У выніку пажару абгарэлі маторны адсек, капот. Прычына ўзгарання высвятляецца.
Фота з адкрытых крыніц.
Падзенне дзевяцігадовай дзяўчынкі ў Магілёве – падрабязнасці
Нашы чытачы распавялі шчымлівыя падрабязнасці надзвычайнага здарэння, якое днямі адбылося ў Магілёве ў адным з дамоў па праспекце Шмідта. Нагадаем, дзевяцігадовая дзяўчынка выпала з вакна кватэры на шостым паверсе і ўпала на дах магазіна, размешчанага на першым паверсе дома. У цяжкім стане яна была шпіталізаваная.
Як стала вядома Магілёў.media, дзяўчынка мае асаблівасці развіцця, і самастойна адчыніла вакно. Пасля падзення яна доўгі час праляжала на даху магазіна “Славянскі”. Калі ратавальнікі і “хуткая дапамога” забіралі дзяўчынку, тэмпература яе цела паказвала ўсяго 24 градусы. Зараз медыкі змагаюцца за жыццё малечы.
Дзевяцігадовая дзяўчынка ў Магілёве выпала з вакна шостага паверха
Здарэнне адбылося ў шматпавярховіку на праспекце Шмідта. 19 лістапада дзяўчынка 2013 года нараджэння выпала з вакна кватэры, размешчанай на шостым паверсе. Яна ўпала на дах прыбудавана да дома магазіна – паведамляе БелТа са спасылкай на прэс-службу міністэрства па надзвычайных сітуацыях. У цяжкім стане дзяўчынка шпіталізаваная.
У Магілёве гарэла снегаўборачная машына
Абнятая полымем машына была знятая падпісчыкам Тэлеграм-канала “ЧП Могилев” на праспекце Дзімітрава вечарам 19 лістапада. На кадрах відэа бачна машыну па ўборцы снегу і раскідванню пясочна-солевай сумясі з палаючай кабінай.
“Адзін снегаўборшчык быў у горадзе і той згарэў” – каментуюць магілёўцы падзею ў сацсетках.
Лак для валасоў стаў тэрмічнай бомбай і ледзь не забіў бабруйчанку
Бабруйчанка распыляла лак для валасоў побач з уключанай газавай плітой. Успышка газу ледзь не спаліла яе. Летась з-за запалення адзення ад газавай пліты загінуў магілёвец. Драма і трагедыя нагадалі, што парушэнне правіл пажарнай бяспекі можа прывесці да траўмы і нават смяротнага выпадку.
Бабруйск. У двухпакаёвай кватэры шматкватэрнага жылога дома на вуліцы Гогаля дама паважанага ўзросту прыводзіла сябе ў парадак. Рабіла гэта яна на кухне каля працуючай газавай пліты. Успышка пароў распыленага лаку для валасоў аказалася вельмі моцнай і нечаканай для гаспадыні. У выніку 59-гадовая жанчына атрымала тэрмічныя апёкі і была шпіталізавана. Пра гэта паведамілі ў Магілёўскім абласным упраўленні МНС. Гаспадарам пашчасціла, што ўспышка не выклікала яшчэ і пажар.
Магілёў. Гэта не першы ў вобласці выпадак апёкаў грамадзян ад газавых пліт. Напрыканцы мінулага году падобны выпадак быў на вуліцы Папаніна. Ад газавай пліты загарэлася адзенне мужчыны. Нягледзячы на “тэрмічныя апёкі полымем 1-4 ступені 45% цела” яго сям’я выклікала хуткую толькі праз 7 гадзін. Ужо ў шпіталі мужчына памёр.
МНС падкрэслівае, што балоны з аэразолямі нельга награваць, трымаць каля газавай пліты, радыятара ацяплення, каля крыніц адкрытага агню і кідаць у агонь, а іх змесціва нельга распыляць блізка ад агню. Таксама важна памятаць, што прадукты хімічнай прамысловасці (у тым ліку лакі і фарбы) з’яўляюцца лёгкаўзгаральнымі вадкасцямі. У абодвух выпадках назіралася відавочнае парушэнне правіл эксплуатацыі газавых прылад і агрэгатаў.
І яшчэ, памятайце, што лепш выклікаць хуткую дапамогу ў небяспечнай для здароўя сітуацыі, чым потым кусаць локці і шкадаваць з-за сваёй нездагадлівасці ці абыякавасці. Не трэба займацца і самалячэннем.
Аўтамабіль выбухнуў у двары Першамайскай вуліцы ў Магілёве
Здарэнне адбылося ў раёне чыгуначнага вакзала, каля магазіна “Хіт” – паведамляюць відавочцы. Відэа з палаючым аўтамабілем у сваім тэлеграм-канале выклалі журналісты магілёўскай рэдакцыі “Беларусь 4”.
«Адбылося ўзгаранне» – Міністэрства абароны Беларусі пра «ўспышкі» на палігоне, звязаным з агрэсіяй супраць Ўкраіны
Паведамленні пра серыю ўспышак і выбухаў у кірунку аэрадрому «Зябраўка» ў тэлеграм-каналах з’явіліся познім вечарам 10 жніўня. У іх гаварылася, што нават адчувалася выбуховая хваля. Мясціна Зябраўка знаходзіцца ў Гомельскай вобласці.
Ранкам 11 жніўня тэлеканал «Министерство обороны Республики Беларусь» паведаміў, што «10 жніўня каля 23 гадзінаў падчас кантрольнага прабегу адной з адзінак тэхнікі пасля праведзенай замены рухавіка адбылося яе ўзгаранне».
«Асабістым складам своечасова прынятыя меры па тушэнні. Пацярпелых няма», – адзначана ў допісе.
Назва ваеннага аб’екту «Зябраўка» 28 ліпеня згадвалася ўкраінскім аператыўным камандаваннем «Поўнач». Тады паводле паведамленняў вайскоўцаў суседняй краіны з тэрыторыі аэрадрому «Зябраўка» была атакаваная Чарнігаўская вобласць. Па ёй выпусцілі 20 ракет з зенітна-ракетнага комплексу «С 300/С 400». У выніку нападу пацярпелі вайскоўцы.
фота з рэсурсу: ru.interfax.com.ua