Нашы чытачы распавялі шчымлівыя падрабязнасці надзвычайнага здарэння, якое днямі адбылося ў Магілёве ў адным з дамоў па праспекце Шмідта. Нагадаем, дзевяцігадовая дзяўчынка выпала з вакна кватэры на шостым паверсе і ўпала на дах магазіна, размешчанага на першым паверсе дома. У цяжкім стане яна была шпіталізаваная.
Як стала вядома Магілёў.media, дзяўчынка мае асаблівасці развіцця, і самастойна адчыніла вакно. Пасля падзення яна доўгі час праляжала на даху магазіна “Славянскі”. Калі ратавальнікі і “хуткая дапамога” забіралі дзяўчынку, тэмпература яе цела паказвала ўсяго 24 градусы. Зараз медыкі змагаюцца за жыццё малечы.