Определены 10 крупнейшых налогоплательщиков области. В Могилёве их шесть, в Бобруйске два, по одному в Могилёвском и Климовичском районах

Бюджет Могилёвской области показывает, что энергетические, инфраструктурные и торговые фирмы устойчиво находятся среди лидеров. Производство продовольственных (алкогольных в первую очередь) товаров остается в тренде, а вот бывшие советские флагманы промышленности переживают устойчивый кризис.  

Как проинформировали в налоговой инспекции по итогам января-августа 2022 г.  в десятку лидеров по формированию бюджета области вошли:

  • РУП «Могилевэнерго», 
  • ОАО «Климовичский ЛВЗ», 
  • ООО «Кронохем», 
  • ЗАО «Бобруйский бровар», 
  • филиал ООО «Евроторг» в г. Могилеве, 
  • Могилевский филиал РУП «Белтелеком», 
  • ЗАО «Завод полимерных труб», 
  • СООО «Оазис Груп», 
  • РУП «Могилевоблгаз»,
  • ОАО «Могилевский завод лифтового машиностроения».

Десять крупных налогоплательщиков обеспечили 20,4% общих поступлений в доход консолидированного  Могилевской области  сообщил пресс-центр областной инспекции МНС.

Отчет налоговиков свидетельствует, что Могилев по прежнему лидер области. Этому способствует его статус областного города. Офисы «Могилевэнерго», «Могилевоблгаза», «Белтелекома» просто находятся тут, а сфера деятельности – вся область. 

Промышленность представляют 6 предприятий. Как всегда в лидерах ОАО «Климовичский ЛВЗ» и ЗАО «Бобруйский бровар».  

Названия некоторых новых предприятий ещё не  на слуху. Поэтому дадим справку. 

Компания «Оазис» — современное высокотехнологическое предприятие по выпуску натуральных соков и нектаров, детского питания. Ее галовное предприятие расположенно в городе Бобруйске.  

В Могилевском районе размещено основанное в 2014 г. общество с ограниченной ответственностью «Кронохем» – крупнейший производитель смол для деревообрабатывающей промышленности, производителей теплоизоляционных и огнеупорных материалов, пропиточных смол и формалина.  

Обращает на себя внимание не козырное (как бы это сказать мягче) положение бывших советских промышленных гигантов. Где предприятия большой химии? А ведь когда-то только «Могилёвхимволокно» формировало до 40% бюджета области. Где наша гордость «Могилевстроммаш» и автомобильные заводы? Только «Лифтмаш» сохранят свои позиции. А  ведь 3 десятилетия наше правительство делало всё, чтобы сохранить советское наследие.

Всего же, по информации ИМНС, в бюджет Могилевской области за восемь месяцев 2022 г поступило чуть более 1,127 млрд бел руб. Доходы бюджета по сравнению с аналогичным периодом прошлого года увеличились на 66 млн бел руб или 6,2% в фактическом исчислении. Наибольшие суммы в доходах бюджета составляют поступления подоходного налога – 447,3 млн бел руб (39,7%), налога на добавленную стоимость – 207,4 млн бел руб (18,4%), налога на прибыль – 112,5 млн бел руб (10%), акцизов – 47,2 млн бел руб (4,2%), налога при упрощенной системе налогообложения – 46,7 млн бел руб (4,1%).

 

«Сітуацыя з экспартам аднаўляецца» – запэўнівае прэм’ер-міністр Галоўчанка

Раман Галоўчанка кажа, што «пэўнае прасяданне было звязанае з наўпроставым уплывам санкцыяў і стратай украінскага рынку».

Цяпер жа, па словах урадоўцы, крызісныя тэндэнцыі пераадоленыя і экспарт тавараў «прырастае» ад 6 да 8 працэнтаў.

«У нас ідзе станоўчая дынаміка па штомесячным аднаўленні экспарту. Штомесяц паляпшаецца знешнегандлёвае сальда», – даводзіць Галоўчанка ў каментары агенцтву «Белта».

Паводле яго, зьнешнегандлёвае сальда складае цяпер 2 мільярды 300 мільёнаў долараў і па жніўні, як ён спадзяецца, «павялічыцца яшчэ па 500 мільёнаў долараў».

На аднаўленне Украіны спатрэбіцца больш за 349 мільярдаў долараў ЗША і гэта не канчатковая лічба

У бліжэйшыя месяцы сума ўзрасце, бо актыўныя баявыя дзеянні працягваюцца.

На аднаўленне Украіны пасля вайны неабходна 349 мільярдаў долараў. Страты былі падлічаныя Еўракамісіяй, Кабінеце міністраў і Сусветным банкам, піша інфармацыйнае агенцтва «УНІАН».

Сусветны банк сваё бачанне сітуацыі выклаў у справаздачы «Хуткая ацэнка» шкоды і патрэбаў аднаўлення.

«Хуткая ацэнка нанесеных страт і патрэбаў аднаўлення (RDNA) з’яўляецца першай комплекснай ацэнкай наступстваў вайны ў дваццаці розных сектарах пасля расійскага ўварвання», – адзначана ў справаздачы Сусветнага банку.

Па стане на 1 чэрвеня 2022 года страты сектарам эканомікі ацэньваюцца на ўзроўні каля 97 мільярдаў долараў:

– жылы сектар (40 працэнтаў ад агульнага абʼёму нанесенай шкоды);

– транспарт (31%);

– гандаль і прамысловасць (10%).

Найбольш пацярпелі Данецкая, Луганская і Харкаўская вобласці, за імі ідуць Кіеўская, Чарнігаўская і Запарожская вобласці.

«УНІАН» нагадае: паводле ацэнак аналітычнага цэнтры пры Кіеўскай школе эканомікі (KSE), прамыя страты эканомікі Украіны з-за вайны выраслі да 108,3 мільярда долараў.

фота: tuk.md

Прадуктыўнасць прамысловай вытворчасці зменшылася на 6,2 працэнты, паказвае статыстыка Белстату

Апрацоўчая прамысловасць зменшыла абароты на 7,1% у параўнанні з мінулым годам. А горназдабыўчая – адзіная з усіх галін беларускай прамысловасці, якая паказала рост – 2,2%.

Рэсурс Myfin прааналізаваў сітуацыю ў эканоміцы сыходзячы з апублікаваных звестак Белстату. Паводле іх, за сем месяцаў гэтага года прамысловая вытворчасць скарацілася на 6,2% у параўнанні з аналагічным перыядам 2021 года, у супастаўных цэнах – да 95,2 мільярды рублёў.

Згодна з дадзенымі статыстычнага ведамства, піша Myfin, нізкія паказчыкі назіраюцца і ў сельскай гаспадарцы. За студзень-ліпень вытворцы ўсіх катэгорый выпусцілі адпаведнай прадукцыі толькі на 12,2 мільярды рублёў – гэта на 10,4% менш, чым у мінулым годзе.

Найістотнейшае падзенне зазнала апрацоўчая прамысловасць – 7, 1%. Горназдабыўчая адзіная з усіх галін прамысловасці паказала рост – 2,2%.

Myfin выснуе, што прамысловасць і сельская гаспадарка ў чырвонай зоне – у апошнім выпадку прычынай можа быць позняя ўборачная, адзначае выданне.

Як сведчыць статыстыка ў параўнанні з леташнім перыядам, сёлетняе жніво павольнейшае.

На 1 жніўня 2022 года з 20,3% запланаваных плошчаў было ўбрана 1,7 мільёнаў тон збожжавых і зернебабовых культур (без кукурузы); а на 2 жніўня 2021 года было сабрана амаль 3,4 мільёны тон збожжа з 48,7% плошчаў.

Жывёлы і птушкі ў жывой вазе ў гаспадарках за студзень-ліпень 2022 года атрымана больш за 1 тысячу тон, малака выраблена 4,6 тысяч тон, а яек – 2,017 мільярды штук.

На 1 жніўня ў сельскагаспадарчых арганізацыях налічвалася 4,1 мільёны галоў буйной рагатай жывёлы і 2,3 мільёны свіней.

фота: myfin.by

Што выдае набліжэнне дэвальвацыі, што адзначае падвышэнне пенсіяў, якая сітуацыя на валютным і рублёвым рынках. Меркаванне эксперта (вялікі тэкст)

Нацыянальны банк падсумаваў вынікі дзейнасці за першыя паўгода. Паводле іх, фінансаваму рэгулятару ўдалося справіцца з адтокам укладаў, адзначаецца станоўчая дынаміка на валютным рынку, застаюцца адносна высокімі золата-вылютныя рэзервы і нават інфляцыя пад кантролем.

Рэсурс Myfin.by звярнуўся па каментар да акадэмічнага дырэктара Цэнтру «BEROC» Кацярыны Барнуковай, якая адказвае на пытанні, ці насамрэч так усё добра, як падаецца на першы погляд, на што варта звярнуць увагу і якія непрыемныя прыкметы праблемаў, у тым ліку магчымай дэвальвацыі, заўважаюцца цяпер.

BEROC – вядучы незалежны акадэмічны даследчы цэнтр у галіне эканамічных даследаванняў у Беларусі.

Адказы эксперткі падаюцца Магілёў.media ў скарочаным выглядзе.

Пра поспехі

У Нацбанка ёсць поспехі, якія адзначаны ў дакладзе, лічыць Кацярына Барнукова. На яе погляд, рэгулятар справіўся з цяжкай сітуацыяй адтоку ўкладаў у сакавіку, калі людзі спрабавалі здымаць рублёвыя зберажэнні і пераводзіць іх у валюту. У гэтым дапамаглі рашэнні, прынятыя летась, калі дэпазіты былі падзелены на адзыўныя і безадзыўныя.

Гэта таксама дазволіла Нацбанку, падкрэслівае экспертка, не ўводзіць жорсткія абмежаванні на валютным рынку, у адрозненне ад расійскага фінансавага рэгулятара.

«У цэлым Беларусь з малым запасам трываласці і рэзерваў, чым Расія, змагла збалансаваць сітуацыю без увядзення драконаўскіх мер. Тут ёсць чым ганарыцца» – адзначае яна.

Пра праблемы

З іншага боку, ёсць тэмы, аб якіх гаварылася мімаходзь ці не вельмі падрабязна, звяртае ўвагу экспертка.

Падчас трансляцыі справаздачы нам паказалі графік інфляцыйных чаканняў, які ў папяровую справаздачу не ўвайшоў, заўважае яна.

Інфляцыйныя чаканні перасталі публікаваць з пачаткам крызісу гэтай вясной, нагадвае Барнукова. Мабыць, з-за таго, што на графіку было бачна, як гэтыя інфляцыйныя чаканні рэзка выраслі ў сакавіку-красавіку. Цяпер графік зніжаецца, тым самым Нацбанк дэманструе, што рост коштаў, нарэшце, узяты пад кантроль і інфляцыя будзе зніжацца.

На погляд эксперткі ёсць і незакранутыя тэмы. Праблема лішку ліквіднасці ў банкаў і тое, да чаго яна можа прывесці. Гэты лішак фармуецца ў тым ліку таму, што Нацбанк выкупляе валюту з унутранага рынку, наўзамен укідваецца рублёвая маса і ніяк не стэрылізуецца, што азначае фактычную эмісію рублёў.

Яна дадае, што таксама мы маглі назіраць, як банкі выкупляюць аблігацыі Мінфіна па фантастычна нізкіх стаўках. Верагодна, гэта адбываецца па рэкамендацыі рэгулятара. І якія маштабы такой эмісіі, да чаго яна можа прывесці, якія праблемы могуць узнікнуць у эканоміцы – гэтыя пытанні ў дакладзе аказаліся не асветлены.

Мы не ўбачылі глыбокага аналізу сітуацыі на валютным рынку, заўважае Барнукова.

З аднаго боку, усё добра, Нацбанк выкупляе лішкі валюты. З іншага боку, увесь лішак валюты ствараецца з-за раптоўнай прысутнасці нерэзідэнтаў, якія раней на валютны рынак аказвалі мінімальны ўплыў.

Што гэта за нерэзідэнты, як доўга яны яшчэ будуць знаходзіцца на беларускім валютным рынку, задаецца пытаннем экспертка.

Адказы на гэтыя пытанні дапамогуць зразумець, адзначае яна, ці будзе сітуацыя валютнай раўнавагі захоўвацца ў найбліжэйшай будучыні. Бо, без нерэзідэнтаў на беларускім валютным рынку ўжо ўтварыўся б дэфіцыт – усе астатнія ўдзельнікі рынку сталі б чыстымі пакупнікамі валюты.

Пра ўздыманне памераў пенсіяў

Рублёвая эмісія не праходзіць бясследна, адзначае Барнукова. Гэтыя грошы праз выкуп аблігацый Мінфіна трапляюць у бюджэт, а з бюджэту папаўняецца ў тым ліку Фонд сацыяльнай абароны насельніцтва, з якога і выплачваюцца падвышаныя пенсіі і дапаможнікі.

Лішкі грошай банкі выкарыстоўваюць для крэдытавання дзяржпрадпрыемстваў, якія цяпер у цяжкай фінансавай сітуацыі. Таму, мы бачым зніжэнне заробкаў толькі ў тых сектарах, дзе яны былі дастаткова высокімі, што не нясе за сабой ніякіх сацыяльных наступстваў.

«У астатніх сектарах эканомікі падтрымліваюцца занятасць і заробкі. Відавочна, што на фоне сур’ёзных санкцый і скарачэння эканомікі гэта можа адбывацца за кошт запасаў ці фінансавых уліванняў» – падкрэслівае яна.

Мы бачым традыцыйную для Беларусі сітуацыю – спробу дзяржавы кампенсаваць наступствы высокай інфляцыі дадатковымі выплатамі пенсіяў, дапамог і падтрыманнем узроўню зарплаты.

Паводле эксперткі, у рэальным выражэнні заробкі скарачаюцца, але частковае кампенсаванне росту коштаў усё ж адбываецца. Павышэнне пенсіяў на 10% – гэта таксама ніжэй інфляцыі, але значна лепш для пенсіянераў, чым нічога.

Пра рызыкі на фоне праблем з паступленнем валюты

Дырэктарка BEROC нагадвае: мы ўжо шмат разоў бачылі ў эканамічнай гісторыі Беларусі, да чаго гэта можа прывесці: інфляцыя, дэвальвацыя, фінансавыя праблемы.

Ужо цяпер, адзначае яна, мы бачым, што расце закрэдытаванасць беларускіх кампаній у расійскіх рублях. І гэта можа аказацца такой жа праблемай, як і лішак доларавых крэдытаў. Бо пакуль Расія не сутыкаецца з сурʼёзнымі абмежаваннямі асноўнага экспарту (энергарэсурсы, збожжавыя і інш.), а Беларусь ужо сутыкнулася з імі.

Гэта значыць, заўважае экспертка, у расійскага рубля няма ў доўгатэрміновай перспектыве трэнду на паслабленне. У нас сітуацыя горшая, таму што трэнд на паслабленне беларускага рубля ёсць: акрамя эмісійнага ціску і праблем з экспартам, фінансавы стан беларускіх прадпрыемстваў далёкі ад ідэальнага.

Трэба разумець, тлумачыць яна, што крэдыты прадпрыемствы цяпер проста «праядаюць», яны не трацяцца на інвестыцыі ці нават не вельмі паспяховую мадэрнізацыю. Усе грошы ідуць на папаўненне абаротных сродкаў – як для выплаты заробкаў, так і для закрыцця тэрміновых аплат па рахунках.

Пра прыкметы дэвальвацыі

Дырэктар BEROC раіць уважліва сачыць за дынамікай эканамічнага росту.

Паводле яе, чэрвеньскія паказчыкі валавага ўнутранага прадукту прадэманстравалі запаволенне падзення эканомікі. Але памесячная дынаміка не вельмі паказальная, варта назіраць далей, каб зразумець – гэта разавае запаволенне і ў ліпені падзенне пагоршыцца, ці ўсё ж разварот, і эканоміка пачынае аднаўляцца. З аднолькавай верагоднасцю можа адбыцца як адно, гэтак і другое.

«Цяпер дзейнічаюць розныя сілы: з аднаго боку, беларуская эканоміка прыстасоўваецца да санкцый, з другога боку, санкцыі стала больш жорсткімі. І пакуль незразумела, якая з дзейных сіл у выніку пераможа» – адзначае яна.

Калі падзенне эканомікі замарудзіцца, дык таксама незразумела, як доўга мы будзем выходзіць з рэцэсіі.

Напрыклад, працягвае экспертка, паказчык росту складскіх запасаў ілюструе, што падзенне эканомікі пераносіцца ў будучыню.

Цяпер прадукцыя вырабляецца на склад з разлікам на тое, што знойдуцца новыя схемы экспартных паставак, вырашацца лагістычныя праблемы і гэта дасць магчымасць даволі хутка склады разгрузіць. І калі гэтыя спадзяванні не апраўдаюцца, то прадпрыемствам давядзецца спыняць вытворчасць.

«Я таксама рэкамендую сачыць за навінамі аб крэдытаванні, аб выпусках аблігацый пад нізкія працэнты, бо гэта ўсё павялічвае эмісію і ціск на беларускі рубель. – падсумоўвае Кацярына Барнукова – І, канешне, варта сачыць за навінамі пра новыя шляхі паставак беларускага калію, што адбываецца з нашымі нафтапрадуктамі. Усё гэта будзе ўплываць на далейшае развіццё падзеяў у эканоміцы».

Фота з рэсурсу: myfin.by, а таксама з іншых адкрытых у інтэрнэце крыніцаў

 

Праз санкцыі эканоміка Магілёўскага раёну «прасела». Гаспадарка трымаецца на двух замежных прадпрыемствах, адно больш не працуе

Многія вытворчасці з-за санкцыйнай палітыкі знізілі аб’ёмы ў параўнанні з аналагічным перыядам мінулага году, прызнаюць у Магілёўскім райвыканкаме. Мясцовая эканоміка трымаецца на двух прыватных прадпрыемствах з замежным капіталам. Адно з іх 1 чэрвеня прыпыніла дзейнасць у Беларусі.

Гаворка пра вынікі працы прамысловага комплексу першых шасці месяцаў гэтага году. За гэты час у раёне выраблена прамысловай прадукцыі ў фактычных цэнах на 503,8 мільёнаў рублёў.

Паводле намесніцы старшыні райвыканкаму Ірына Чындо доля двух прадпрыемстваў з замежным капіталам, у аб’ёме прамысловай вытворчасці арганізацыяў раёну сягае амаль 55 працэнтаў.

Доля сумеснага беларуска-аўстрыйскага прадпрыемства «Кранаспан» – 30,7 працэнтаў. Беларуска-літоўскае «ВМГ Індустры» дае раёну 23,3 працэнты. Гэтае прадпрыемства з 1 чэрвеня прыпыніла сваю дзейнасць у Беларусі. У Магілёве спынены дрэваапрацоўчы завод кампаніі.

Наколькі «прасела» эканоміка раёну ў параўнанні з аналягічным пэрыядам мінулым годам Ірына Чындо не паведаміла. Адзначыўшы, што ёсць таварныя пазіцыі, дзе назіраецца стабільны рост.

Паводле яе павялічыўся выраб зборных будаўнічых металаканструкцыяў, дзвярэй, а таксама мяса птушкі. Гэтая прадукцыя вырабляецца таксама на прыватных прадпрыемствах.

Інфармацыйнае агенцтва Белта, спасылаючыся на Ірыну Чындо, канстатуе: «многія вытворчасці праз з-за санкцыйнай палітыкі знізілі аб’ёмы ў параўнанні з аналагічным перыядам мінулага году».

Адшукаць звесткі пра сітуацыю ў эканоміцы раёну першых шасьці месяцаў мінулага году не ўдалося. У адкрытых крыніцаў падаюцца дадзеныя за 9 месяцаў. Паводле іх за гэты час аб’ём вырабленай прамысловай прадукцыі ў фактычных адпускных цэнах перавышаў адзін мільярд рублёў – 1 011,2.

Рэйтынгавае агенцтва Moody’s аб’явіла пра дэфолт Беларусі. Горш эканоміцы і насельніцтву

Міністэрства фінансаў Беларусі выплаціла $22,9 мільёнаў долараў па еўрааблігацыях у беларускіх рублях, што ў міжнародным рэйтынгавым агенцтве Moodyʼs ацанілі як нясплату доўгу.

Уладальнікі аблігацый не змаглі атрымаць у беларускіх рублях

Беларусь дапусціла дэфолт па знешніх даўгавых абавязацельствах, гаворыцца ў паведамленні  агенцтва.


Moodyʼs Investors Service – адно з вядучых сусветных рэйтынгавых агенцтваў, якое прысвойвае крэдытныя рэйтынгі, публікую аналітычныя даследаванні і матэрыялы па аналізе рызык.


13 чэрвеня скончыўся льготны перыяд, на працягу якога Беларусь мелася выплаціць 22,9 млн долараў па еўрааблігацыях Беларусь-27. Міністэрства фінансаў Беларусі правяло выплаты ў беларускіх рублях, уладальнікі аблігацый не змаглі іх атрымаць, што ў Moodyʼs расцанілі як дэфолт.

Мінфін: з «недружалюбнымі» краінамі будзем разлічвацца не ў той валюце, у якой бралі крэдыты, а ў беларускіх рублях.

Мінфін яшчэ ў сакавіку паведаміў, што ўлады Беларусі маюць намер разлічвацца па даўгах ураду, беларускіх банкаў і кампаніяў з «недружалюбнымі» краінамі не ў той валюце, у якой бралі крэдыты, а ў беларускіх рублях.

29 чэрвеня ўрад Беларусі пацвердзіў такія намеры. Паводле яго выкананне даўгавых абавязкаў па дзяржаўных каштоўных паперах, размешчаных на знешніх фінансавых рынках, будзе ажыццяўляцца ў беларускіх рублях паводле курсу Нацыянальнага банку на дату плацяжу.

Такую меру ўрадоўцы называлі вымушанай і абумоўленай немагчымасцю плацежнага агента і іншых удзельнікаў міжнароднай разьлікова-клірынгавай сістэмы гарантаваць паўнату і своечасовасць пералічэння сродкаў усім трымальнікам еўрааблігацыяў.

Урадоўцы сцвярджаюць: ёсць факты неатрымання асобнымі ўладальнікамі купоннага даходу па еўрааблігацыях, пералічанага Міністэрствам фінансаў у лютым.

Выпуск 10-гадовых эўрааблігацый Belarus-27 на $600 млн з прыбытковасцю 7,625% гадавых размешчаны ў чэрвені 2017 году. Агулам у абарачэнні знаходзіцца 5 выпускаў беларускіх эўрабондаў на агульную суму $3,25 млрд. Апошні раз Беларусь выходзіла на рынак эўрааблігацый у чэрвені 2020 году, калі размясціла 5-гадовыя эўрабонды на $500 млн пад 6,125% і 10-гадовыя на $750 млн пад 6,3.


Дэфолт – невыкананне абавязацельстваў па дамовам займу. Не своечасовая выплата працэнтаў або асноўнага доўгу.Тэрмін выкарыстоўваецца ў адносінах да прыватных асобаў, кампаніяў або дзяржаваў. Найчасцей асацыюецца з краінамі, бо наступствы такога падзеі закранаюць шмат людзей.

Дэфолт дзяржавы зніжае яго крэдытныя рэйтынгі. Краіне будзе цяжэй прыцягваць пазыковыя сродкі, што будзе тармазіць развіццё эканомікі. Магчымы рост інфляцыі, паслабленне нацыянальнай валюты, банкаўскі крызіс і гэтак далей. Грамадзяне могуць сутыкнуцца з ростам беспрацоўя, зніжэннем заробкаў, скарачэннем дзяржаўных ільгот.


Услед за Расіяй

Раней аб абслугоўванні свайго знешняга доўгу ў нацыянальнай валюце – расійскіх рублях – таксама аб’явілі ў Маскве.

27 чэрвеня заходнія СМІ паведамілі аб «сімвалічным» дэфолце Расіі па валютных дзяржаблігацыях з-за таго, што напярэдадні, 26 чэрвеня, скончыўся льготны перыяд па аплаце каля 100 млн долараў пратэрмінаваных плацяжоў па каштоўных паперах Масквы.

Згодна з дамовай Расія павінна была заплаціць у замежнай валюце, аднак у Крамлі настойваюць, што ўнеслі суму ў рублях, і на гэтай падставе называюць сцвярджэнні аб яе дэфолце неправамернымі.

Услед за Расіяй. Беларусь будзе разлічвацца з замежнымі даўгамі ў нацыянальнай валюце

Так пастанавіў урад сумесна з Нацыянальным банкам. Афіцыйна дакумент пакуль не апублікаваны.

У тэлеграм-канале ўраду гаворыцца, што выкананне даўгавых абавязкаў па дзяржаўных каштоўных паперах, размешчаных на знешніх фінансавых рынках, будзе ажыццяўляцца ў беларускіх рублях паводле курсу Нацыянальнага банку на дату плацяжу.

Такую меру ўрадоўцы называюць вымушанай і абумоўленай немагчымасцю плацежнага агента і іншых удзельнікаў міжнароднай разьлікова-клірынгавай сістэмы гарантаваць паўнату і своечасовасць пералічэння сродкаў усім трымальнікам еўрааблігацыяў.

Урадоўцы сцвярджаюць: ёсць факты неатрымання асобнымі ўладальнікамі купоннага даходу па еўрааблігацыях, пералічанага Міністэрствам фінансаў у лютым.

Мінфін яшчэ ў сакавіку паведаміў, што ўлады Беларусі маюць намер разлічвацца па даўгах ураду, беларускіх банкаў і кампаніяў з «недружалюбнымі» краінамі не ў той валюце, у якой бралі крэдыты, а ў беларускіх рублях.

Раней аб абслугоўванні свайго знешняга доўгу ў нацыянальнай валюце – расійскіх рублях – таксама аб’явілі ў Маскве.

27 чэрвеня заходнія СМІ паведамілі аб «сімвалічным» дэфолце Расіі па валютных дзяржаблігацыях з-за таго, што напярэдадні, 26 чэрвеня, скончыўся льготны перыяд па аплаце каля 100 млн долараў пратэрмінаваных плацяжоў па каштоўных паперах Масквы.

Згодна з дамовай Расія павінна была заплаціць у замежнай валюце, аднак у Крамлі настойваюць, што ўнеслі суму ў рублях, і на гэтай падставе называюць сцвярджэнні аб яе дэфолце неправамернымі.

 

«Маркер хуткага ператварэння краіны ў ізгоя». Расія не выплаціла знешні доўг і надышоў дэфолт

У Расеі ёсць грошы, каб зрабіць плацеж у 100 мільёнаў долараў міжнародным крэдыторам, але тое зрабіць не можа праз накладзеныя санкцыі.

Як піша інфармацыйная кампанія BBC, Крэмль быў поўны рашучасці пазбегнуць дэфолту, які з’яўляецца сурʼёзным ударам па прэстыжу нацыі.

Міністр фінансаў Расіі назваў сітуацыю «фарсам», і чакае, што яна будзе мець кароткатэрміновыя наступствы.

Міністэрства фінансаў настойвае, што абавязкі перад крэдыторамі былі выкананыя.

«Абавязальніцтвы па абслугоўванні дзяржаўных каштоўных папер Расійскай Федэрацыі выкананы Мінфінам Расіі ў поўным аб’ёме ў адпаведнасці з эмісійнай дакументацыяй выпускаў еўрааблігацый», – зазначаецца ў паведамленні Міністэрства, якое падае газета “Известия”.

Там падкрэсліваюць, што «шэраг інвестараў не атрымаў грошы па еўрабондах РФ з-за дзеянняў трэціх асоб, што наўпрост не прадугледжана ў эмісійных дакументах як дэфолт».

«Замежным інвестарам у выпадку неатрымання ад расійскага боку плацяжу па еўрабондах трэба звяртацца ў фінансавыя інстытуты», – лічаць у Міністэрстве фінансаваў Расіі.

З такой сітуацыяй Расія апынулася ўпершыню ад 1918 году. Тады бальшавікі, якія захапілі ўладу, адмовіліся аплачваць даўгі «царскага рэжыму».

Афіцыйнага абвяшчэння дэфолту, аднак, не будзе. Звычайна гэта робяць міжнародныя рэйтынгавыя агенцтвы, але ўсе яны прыпынілі сваю дзейнасць у Расіі, тлумачыць агенцтва фінансавай інфармацыі Bloomberg. Для такой заявы неабходна, каб з ёй пагадзілася чвэрць трымальнікаў аблігацыяй.

Bloomberg лічыць, што «падзея дэфолту» мае сімвалічнае значэнне для расійскай эканомікі і расіян. Але, «гэта змрочны маркер хуткага ператварэння краіны ў эканамічнага, фінансавага і палітычнага ізгоя».

 

ВУП прасеў за паўгода на больш, чым 3 працэнты. Ва ўрадзе лічаць, што сітуацыя кантраляваная і вінавацяць «беспрэцэдэнтны знешні ціск»

ВУП за студзень – травень 2022-га ў параўнанні з аналагічным перыядам мінулага года запаволіўся да 96,6 працэнта.

Намеснік міністра эканомікі Дзмітры Ярашэвіч у камэнтары газэце “СБ. Беларусь сегодны” запэўнівае: з рэалізацыяй мер падтрымкі эканомікі ўдасца пераламаць трэнд на яго запаволенне.


Валавы ўнутраны прадукт (ВУП) – абагульнены эканамічны статыстычны паказчык, які адлюстроўвае сукупны кошт усіх тавараў і паслуг, створаных у межах краіны як рэзідэнтамі, так і нерэзідэнтамі. З’яўляецца адным з базавых паказчыкаў эканамічнага развіцця краіны.


Па словах урадоўцы «беспрэцэдэнтны знешні ціск запатрабаваў вялізнага пласта работы дзяржаўных органаў і галін па перабудове вытворчых працэсаў і збытавых ланцужкоў, выхаду на новыя рынкі.

«Гэтаму садзейнічае рэалізацыя Комплекснага плана падтрымкі эканомікі і іншых рашэнняў, якія прымаюцца аператыўна-сітуацыйным штабам пры ўрадзе. На гэты момант выканана амаль дзве трэці мерапрыемстваў плана. Але для таго каб яны спрацавалі на поўную сілу, патрабуецца час», – адзначае ён.

На погляд Дзмітрыя Ярашэвіча аднаўленчая дынаміка будзе назірацца ў другім паўгоддзі. Ён настойвае, што цяпер сітуацыя ў эканоміцы кантраляваная, не дапускаюцца дысбалансы і забяспечваецца выкананне ўсіх сацыяльных абавязкаў дзяржавы.