У Горках падарвалі будынак старой кацельнай – відэа

У сацыяльных сетках жыхары Горак падзяліліся відэа з падрывам старой кацельнай. Паведамляецца, што будынак даўно не эксплуатаваўся.

Праблемны мост у Горках зноў патрабуе рамонту

Камунальнікам прыходзіцца рамантаваць гэты мост часам па два разы ў год. Ён размешчаны паміж вуліцамі Маркса і Кузняцова. І цяпер ён зноў патрабуе рамонту – паведамляюць horki.info.

Фота: horki.info

Пад Горкамі бачылі жывёлаў, падобных на ваўкоў

Звычайна па-за межамі запаведнікаў папуляцыя ваўкоў кантралюецца – гэта значыць, іх знішчаюць.

Continue reading “Пад Горкамі бачылі жывёлаў, падобных на ваўкоў”

З якімі тварамі ходзяць беларусы на прапагандысцкія сходы – паглядзелі, як прайшоў “дзень інфармавання” на Магілёўшчыне

Недавер, насцярожанасць, адстароненасць. Бадай, гэта галоўныя эмоцыі, якія можна прачытаць на тварах людзей, сагнаных на “пасяджэнні інфармацыйна-прапагандысцкіх груп”, як яны самі сябе называюць, што прайшлі на Магілёўшчыне 18 красавіка. Прычым гэта адносіцца не толькі да тых людзей, што ў зале. Адведзеныя ў бок позіркі, напружаныя і занятыя цяжкімі думкамі твары людзей у прэзідыўме таксама шмат пра што кажуць.

Mogilev.media сабралі ў гэтым роліку кадры з фотарэпартажаў афіцыйных раённых газет Магілёўскага рэгіёна – “Шлях Кастрычніка”, “Зара над Друццю”, “Чырвоны сцяг”, “Горацкі веснік”, “Прыдняпроўская ніва”.

 

Фота: “Прыдняпроўская ніва”

Пад Горкамі мужчына ўдарыў чужую жанчыну нажом, за тое, што адвергла яго прыставанні

Пара сужыцеляў выпівала ў Горацкім раёне разам са сваім госцем, 59-гадовым сябрам сям’і. Калі мужчына з сямейнай пары сышоў у іншы пакой адпачываць, госць пачаў заляцацца да яго сужыцельніцы. Жанчына адвергла, аднак, яго прыставанні, пасля чаго сябар сям’і схапіў нож і ўдарыў яе ў грудзі. Грамадзянскі муж пацярпелай выклікаў хуткую дапамогу, а санітары паведамілі пра здарэнне ў міліцыю. Зараз каханку-няўдачніку інкрымінуецца прычыненне цяжкіх цялесных пашкоджанняў  – паведамляе звязаны з сілавікамі тэлеграм-канал.

Фота ілюстрацыйнае

Кірмаш вакансій у Горках правялі ў міліцыі. Большасць беспрацоўных адмовілася ўладкоўвацца

Горацкі раённы аддзел упраўлення ўнутраных спраў арганізаваў у сваіх сцянах выязное пасяджэнне Камісіі па садзейнічанню працаўладкавання насельніцтва. На сустрэчу мэтанакіравана запрасілі мясцовых жыхароў, якія з’яўляюцца беспрацоўнымі і былі раней асуджаныя.

Прысутным пагражалі павышэннем тарыфаў на жыллёва-камунальныя паслугі, забаронай на выезд з краіны, прапаноўвалі шматлікія вакансіі. Аднак толькі некалькі чалавек пагадзіліся ўзяць накіраванні на працаўладкаванне. Большасць прысутных адмовілася – піша раённая газета “Горацкі веснік”. Адзначаецца, што мясцовыя схіляюцца да працы на саміх сябе, альбо зарабляюць у Расіі.

Фота: “Горацкі веснік”

Два браты з Горак пабачылі дым, праязджаючы міма, і выратавалі сям’ю на пажары

Браты Сяргей і Дзмітрый Варанцовы ехалі на машыне каля вёскі Зайцава Горацкага раёна, калі пабачылі дым у прыватным доме. Жыхары Горак спыніліся і зайшлі ў будынак – дзверы былі не зачыненыя. На падлозе задымленай веранды яны сустрэлі п’яных жыхароў дома – гаспадыню 1954 года нараджэння і яе сужыцеля, што нарадзіўся ў 1964-м. Браты выцягнулі іх на свежае паветра і выклікалі ратавальнікаў. Калі прыехала пажарная брыгада, дом унутры ўжо палаў – паведамляе прэс-служба МНС. Гаспадары дома не пацярпелі, прычына ўзгарання высвятляецца.

Фота: МНС

Амаль восем месяцаў у вёсцы пад Горкамі не могуць адрамантаваць парваны вадаправод

Жыхары Ходараўкі пачалі скардзіцца ў “Магілёўаблвадаканал” яшчэ летам мінулага года, але дыспетчар ім прама заявіла – рамантаваць не будзем, бо няма людзей.

Даць рады працёкшым трубам у сваёй вёсцы не можа нават начальнік камунальнага ўчастка, стараста вёскі і цэлы дэпутат, які разам з іншымі жыхарамі закупае пітную ваду ў бутэльках. Пра праблемы вёскі ў Горацкім раёне піша мясцовая раённая газета. 

Карэспандэнты газеты пабывалі на месцы і пацвердзілі – па вуліцах цячэ вада, перапоўненыя калодзежы зацягнула густой зялёнай расліннасцю. Мясцовыя жыхары патлумачылі, што вадаправод у вёсцы рамантуюць кожны год, а ўжо праз пару тыдняў пасля рамонту ён усё роўна працякае. Мясцовы жыхар, дэпутат сельскага савета і стараста вёскі, які працуе начальнікам камунальнага участка, Аляксандр Астапенка патлумачыў, што іх прадпрыемства тое-сёе ў вёсцы зрабіла, але праблемныя ўчасткі знаходзяцца на балансе іншай арганізацыі – “Магілёўаблвадаканал”. Гэтае прадпрыемства проста ігнаруе сігналы вяскоўцаў пра парваныя трубы:

– Раней, яшчэ ў 2023 годзе, мы накіравалі афіцыйны ліст у «Магілёўаблводаканал» з просьбай правесці рамонт водаправода на ўчастку каля дома № 74 на платнай аснове, паколькі ў нас няма спецыялістаў.  – расказаў Аляксандр Астапенка – Але да гэтага часу адказу на свой зварот не атрымалі. Вусна па тэлефоне дыспетчар сказала, што ў іх няма магчымасці ліквідаваць парыў, бо не хапае людзей.

Фота: “Горацкі веснік”

Атручванне зэкаў і самая жахлівая калонія ў Беларусі – палітвязень Жамчужны расказаў пра магілёўскія турмы

Адзін з асуджаных памёр ад ежы, адмыслова прыгатаванай для смяротнікаў – былы палітзняволены Міхаіл Жамчужны даў інтэрв’ю з гайдам па беларускіх турмах.

На Youtube-канале ТОК выйшла вялікае інтэрв’ю з палітзняволеным Міхаілам Жамчужным, які адсядзеў у беларускіх турмах 11 гадоў. Тройчы яго спрабавалі забіць, і пра адно такое здарэнне ў горацкай калоніі №9 былы зняволены распавёў у сваёй размове. Ёсць у інтэрв’ю таксама характарыстыка магілёўскай турмы №4, якой працяглы час кіраваў Аляксандр Лауэр. 

“Падонак вышэйшага гатунку – ахарактарызаваў начальніка магілёўскай турмы Жамчужны – ён цалкам на баку Лукашэнкі і рэпрэсіруе ўсімі дасяжнымі яму метадамі аж да асабістага рукапрыкладства”. Наогул, гаворачы пра магілёўскія турмы, Жамчужны адзначае, што тут сабраны самы зброд з усёй Беларусі – што зэкі, што супрацоўнікі – з-за чаго нават многія ахоўнікі звальняюцца задоўга да канца кантракту, не вытрымліваючы псіхалагічна.

Пра спробу атручвання ў горацкай калоніі былы палітзняволены распавядае, што аднойчы ў камеру, дзе ён утрымліваўся, пачалі даваць ежу з выразным прысмакам шчолачы. Кантакт шчолачы з кіслатой страўнікавага соку прыводзіць да ўтварэння газаў, ежа не паратраўліваецца, а пачынае гніць. Прыём такой ежы прывёў да таго, што вязень адной з суседніх камер атруціўся смяротна – у яго пайшлі горлам ваніты. 

Пасля гэтага выпадку Жамчужны ўзяў узоры ежы, якой яго кармілі, дамогся ад пракуратуры правядзення экспертызы і тая пастанавіла, што ў ёмістасці для прыгатавання ежы наўмысна дабаўляліся мыйныя сродкі. Калі пасудзіна для прыгатавання яшчэ поўная, то канцэнтрацыя гэтых сродкаў недастаткова моцная, таму асуджаныя, што прымаюць ежу першымі, не церпяць адчувальнай атруты. Калі раздача ежы набліжаецца да самых апошніх камер (а ў адной з іх, у камеры смяротнікаў сядзеў Жамчужны) то канцэнтрацыя атрутных рэчываў ужо такая, што становіцца смяротна небяспечнай.

Фота з адкрытых крыніц

Будаўнікі ўзводзілі тры новыя дамы ў Горках і дашчэнту разбілі двор у чацвёртым

Калі пачнецца рамонт – не ўпэўненыя нават у райвыканкаме.

Пра будаўнічыя калізіі на вуліцы Будаўнікоў у Горках піша мясцовая раённая газета. Жыхарка дома №21 паскардзілася, што будаўнічая тэхніка, занятая на ўзвядзенні трох новых дамоў побач, карысталася іх дваром так актыўна, што разбіла і сам двор і ўсе пад’язныя шляхі да яго.

Уся парковачная тэрыторыя і пешаходная зона ў ямах – піша газета. Любы дождж ператварае двор у бруднае месіва, з-за чаго жыхары дома і асабліва школьнікі вымушаны карыстацца ажыўленай дарогай побач з домам, замест больш бяспечных шляхоў. Пра пачатак рамонта дваравой тэрыторыі выданне звярнулася да намесніка старшыні райвыканкама па пытаннях ЖКГ Сяргея Котава, але той так і не даў канкрэтнага адказу, туманна абазначыўшы, што “арыенціровачны тэрмін выканання работ – ІІ квартал 2024 года”.

Фота: “Горацкі веснік”