Tag: магілеў

Мытня згоды не дала: магілёўскія мытнікі перапынілі незаконны вываз 28 тон сыру

Навіна ад

Магілёўскія мытнікі спынілі спробу незаконнага вывазу ў Расію 28 тон сыру без дакументаў. Кошт тавару перавышае 2,5 мільёны беларускіх рублёў.

Недалёка ад беларуска-расійскай мяжы супрацоўнікі магілёўскай мытні затрымалі два аўтамабілі, на якіх збіраліся вывезці у Расію 28 тон сыру без належных дакументаў, паведамляе тэлеграм-канал “Таможенные органы Беларуси” .

У першым выпадку ў грузавіку “Vоlvo”, які належыць расійскаму перавозчыку, мытнікі выявілі больш за 19 тон сыру замежнай вытворчасці. На партыю адсутнічалі суправаджальныя дакументы і неабходныя сертыфікаты.

У другім выпадку кіроўца грузавіка “MAN”, які належыць беларускаму перавозчыку, без дакументаў вёз амаль 9 тон сыру. 

Каб схаваць краіну паходжання сыру, зламыснікі пераклалі яго ў скрынкі з этыкеткамі беларускага вытворцы.

Паводле заканадаўства, парушальнікам пагражае штраф у памеры да 50 адсоткаў кошту тавару.

Фота: “Таможенные органы Беларуси”.

Магілёвец ударыў міліцыянера нажом у жывот і загінуў падчас пагоні

Навіна ад

Сямейны канфлікт завяршыўся драмай – пажылы магілёвец раптоўна напаў на ўчастковага і разбіўся на машыне, уцякаючы ад пагоні.

Выкліканы на сямейны скандал участковы міліцыянер у Магілёве стаў ахвярай нападзення – паведамляе прэс-служба абласнога Упраўлення унутраных спраў. На відэа, запісаным на відэафіксатар міліцыянера, можна пабачыць, што міліцыянер спрабаваў завяршыць сямейны канфлікт паміж мужчынай і жанчынай, выклікаўшы дадатковы нарад для затрымання кагосьці з удзельнікаў спрэчкі. У адказ на гэтае рашэнне ўчастковага 61-гадовы магілёвец раптоўна выхапіў нож і ўдарыў міліцыянера ў вобласць жывата.

Пасля нападу магілёвец спрабаваў уцячы на аўтамабілі, накіраваўшыся на поўдзень па Гомельскай шашы. Дзеля затрымання нападніка ў Магілёўскай вобласці быў абвешчаны план “Перахоп”. Адна з міліцэйскіх машын пераследвала 61-гадовага магілёўца ў раёне вёскі Вараніно ў Быхаўскім раёне. Падчас пагоні аўтамабіль нападніка выкінула на сустрэчную паласу, дзе ён сутыкнуўся з карэтай хуткай дапамогі, прыпаркаванай на ўзбочыне. У аварыі магілёвец, што ўцякаў ад пагоні, загінуў – паведамляе ведамства ўнутраных спраў.

Фота: УУС

Дырэктар магілёўскага прадпрыемства папаўся на карупцыі

Навіна ад

У Магілёве дырэктар аднаго з прадпрыемстваў, які ўладкаваў сына вадзіцелем у абыход інтарэсаў службы і адмовіўся падаўжаць кантракт работніку, стаў фігурантам пракурорскай праверкі. У выніку пазбавіўся пасады.

Як паведамляе сайт Генеральнай пракуратуры, спецыяліст аднаго з магілёўскіх прадпрыемстваў звярнуўся на асабісты прыём у пракуратуру Магілёўскай вобласці са скаргай на дзеянні кіраўніка, якога ён абвінаваціў у злоўжыванні службовымі паўнамоцтвамі. У ходзе праверкі выкладзеныя факты пацвердзіліся.

Паводле высноваў пракуратуры, дырэктар перашкаджаў падаўжэнню працоўнага кантракту з супрацоўнікам, парушыўшы яго працоўныя правы. Такія дзеянні расцэнены як правапарушэнне, якое стварае ўмовы для карупцыі.

Акрамя таго, выяўлены неўрэгуляваны канфлікт інтарэсаў: дырэктар узяў на працу ў якасці вадзіцеля ўласнага сына, які пасля карыстаўся службовым аўтамабілем у асабістых мэтах.

Па выніках праверкі пракуратура ўнесла прадстаўленне. У выніку кіраўнік быў вызвалены ад займанай пасады, а таксама распачатыя меры па спагнанні з яго матэрыяльнай шкоды, нанесенай прадпрыемству.

Нагадаем, што напрыканцы 2023 года пракуратура Магілёўскай вобласці ўзбудзіла крымінальную справу аб перавышэнні службовых паўнамоцтваў у дачыненні да экс-намесніка старшыні райвыканкама-начальніка ўпраўлення па сельскай гаспадарцы і харчаванні аднаго з раёнаў за перавышэнне службовых паўнамоцтваў.

Фотаздымак: Генеральная пракуратура

Супраць Анатоля Ісачанкі могуць узбудзіць справу ў Міжнародным крымінальным судзе ў Гаазе

Навіна ад

Як нядаўна стала вядома, Савет Еўропы запусціў працэс стварэння спецтрыбунала па Украіне. Пра прыцягненне ў рамках гэтай справы да Міжнароднага крымінальнага суда ў Гаазе беларускіх топ-чыноўнікаў, замяшаных у агрэсіі Расіі супраць Украіны і генацыдзе ўкраінскіх дзяцей, у сваім інтэрв’ю “Еўрарадыё” расказаў кіраўнік НАУ Павел Латушка. 

Паводле палітыка, намаганні каманды юрыстаў-міжнароднікаў, што працуюць у Народным антыкрызісным упраўленні, накіраваныя на тое, каб далучыць беларускіх чыноўнікаў да спецрасследавання, якое праводзіцца ў сувязі са злачынствамі супраць чалавечнасці падчас расійска-украінскай вайны Гаагскім трыбуналам. Пад разгляд суда трапляе не толькі сама ваенная агрэсія, саўдзел Беларусі ў якой заключаўся ў прадстаўленні сваёй тэрытоыі. 

Гаворка вядзецца таксама пра генацыд украінскіх дзяцей, якіх паміма іх волі вывозілі з радзімы, мэтанакіравана мянялі ім ментальнасць. Частка гэтых злачынстваў называецца “выкараненне ідэнтычнасці”, і некаторыя з іх праходзілі на тэрыторыі Магілёўскай вобласці. 

Нагадаем, што ў спіс беларускіх арганізацый, звязаных з уздзеяннем на псіхіку ўкраінскіх дзяцей, уваходзяць дзве ўстановы з Магілёўскай вобласці. Гэта дзіцячы лагер “Дубравенка”, які ўваходзіць у структуру Магілёўскага аддзялення Беларускай чыгункі, і лагер “Зара”, падпарадкаваны булачна-кандытарскай кампаніі “Дамачай” – пісалі mogilev.media.

Акрамя ўласна Аляксандра Лукашэнкі, пад юрысдыкцыю спецтрыбунала ў Гаазе могуць патрапіць – Беларускі міністр абароны Віктар Хрэнін, кіраўнік Памежных войскаў у 2022 годзе, выхадзец з Бялыніччыны Анатоль Лапо, кіраўнікі Гомельскага і Магілёўскага аблвыканкамаў і іншыя беларускія чыноўнікі. 

Фота: udf.name

Шматдзетная магіляўчанка папалася на махлярстве з вырабам помнікаў

Навіна ад

У Магілёве пад суд трапіла 49-гадовая маці некалькіх дзяцей, якую абвінавачваюць у шматгадовым махлярстве ў сферы рытуальных паслуг і падмане больш за паўсотні чалавек.

Як паведамляе Генеральная пракуратура, жанчына падманула 57 чалавек, атрымаўшы ад іх грошы за надмагіллі і добраўпарадкаванне магіл, якія так і не былі зроблены. Ёй прад’яўлена абвінавачванне ў махлярстве, учыненым паўторна і ў асабліва буйным памеры. 

Паводле даных следства, з лютага 2017 года па верасень 2023 года жанчына, будучы дырэктарам створанай ёю фірмы і адначасова індывідуальнай прадпрымальніцай, заключала з грамадзянамі дамовы на выраб надмагільных помнікаў і добраўпарадкаванне месцаў пахавання.

Як высветлілася падчас следства, абвінавачаная не мела ні кваліфікаванага персаналу, ні матэрыялаў, ні неабходнага абсталявання і памяшканняў. Тым не менш яна пераконвала людзей перадаваць ёй грошы ў якасці перадаплаты, пасля чаго распараджалася імі як хацела, пастаянна пераносячы тэрміны выканання работ пад рознымі падставамі.

За больш як шэсць гадоў ахвярамі яе дзеянняў сталі 57 чалавек. Агульная сума шкоды склала каля 80 тысяч рублёў. Частка стратаў была кампенсавана – для поўнага пакрыцця шкоды на маёмасць жанчыны быў накладзены арышт.

Нягледзячы на сур’ёзнасць абвінавачванняў, жанчына не была заключаная пад варту. Улічваючы, што яна з’яўляецца маці некалькіх дзяцей, пракурор пакінуў ранейшую меру стрымання – падпіску аб нявыездзе і належных паводзінах.

Канчатковае рашэнне ў справе будзе вынесена судом у бліжэйшы час, абяцае пракуратура.

Пра тое, што людзі заявілі ў міліцыю аб падмане з боку жанчыны, стала вядома яшчэ ў 2023 годзе. Пра што ў траўні два гады таму пісала “СБ-Беларусь сегодня”. Тады сума падмана складала 4500 рублёў, а падманутых было чатыры чалавекі. Як піша выданне, тады следчыя ўзбудзпілі крымінальную справу. За два гады раследавання сума падману вырасла без малага ў 20 разоў, а колькасць пацярпелых – больш чым ў 10. 

Фота: БелТА

Магілёвец папаўся на крадзяжы забытых рэчаў

Навіна ад

Жыхар Магілёва скраў забытыя ля пад’езда рэчы: гэты момант трапіў на камеру відэаназірання.

У дзяжурную частку Кастрычніцкага РАУС Магілёва звярнуўся 33-гадовы жыхар горада, які паведаміў пра знікненне заплечніка, выпадкова пакінутага каля пад’езда пасля наведвання забаўляльнай установы. Пра гэта піша тэлеграм-канал “Міліцыя Магілёўшчыны”.

Праваахоўнікі высветлілі, што да здарэння мае дачыненне 47-гадовы магілевец, які не змог прайсці міма чужой уласнасці. У заплечніку знаходзіліся грошы ў суме 1850 рублёў, якія ён прысвоіў сабе.

Ранец і асабістыя рэчы мужчына вярнуў уладальніку, сцвярджаючы, што наяўных у ім не было.

У дачыненні да мужчыны распачата крымінальная справа за крадзеж.

Падобны выпадак меў месца ў Магілёве ў верасні 2019 года. Як піша “Наша Ніва”, тады 39-гадовы магілёвец згубіў на вуліцы кашалёк, а вярнуўшыся на меркаванае месца згубы, яго не знайшоў і выклікаў праваахоўнікаў. У партманэце ляжалі 150 рублёў.

Супрацоўнікі аддзела крымінальнага вышуку высветлілі, што кашалёк падабраў 39-гадовы індывідуальны прадпрымальнік, раней ужо судзімы за крадзеж.

Мужчына забраў партманэт і завярнуў за вугал найбліжэйшага дома, дзе дастаў з кашалька гатоўку і старанна пералічыў. Пасля ён паклаў грошы на пажарны шчыт, а кашалёк выкінуў. Толькі пасля гэтага мужчына заўважыў накіраваную на яго відэакамеру, усталяваную на рагу дома, і ўцёк з месца злачынства. Праўда, яго ўсё ж удалося знайсці, а выкрадзеныя грошы канфіскаваць.

Фота: ElasticComputeFarm / Pixabay

Былая палітзняволеная магілёўская студэнтка эвакуявана з Беларусі

Навіна ад

Нядаўна вызваленая з лукашэнкаўскіх засценкаў былая студэнтка-выдатніца МДУ імя А.Куляшова Данута Перадня пачынае сваё жыццё ў Польшчы.

“Дзякуючы працы каманды эвакуацыі фонда BYSOL, былая палітзняволеная змагла пакінуць Беларусь, дзе яе, пасля вызвалення, прэсавалі сілавікі.

Дапамагчы студэнтцы-выдатніцы, якую пасадзілі за антываенную пазіцыю можна па спасылцы” – напісаў у сваім Фэйсбуку кіраўнік фонда BYSOL Андрэй Стрыжак.

Паводле інфармацыі Праваабарончага цэнтру “Вясна”, 20-гадовую студэнтку Магілёўскага дзяржаўнага ўніверсытэту імя Куляшова затрымалі 28 лютага 2022 году, калі яна прыехала на маршрутцы з Кіраўска ў Магілёў.

У віну дзяўчыне паставілі тое, што яна 27 лютага перапосціла ў адзін з магілёўскіх чатаў тэкст з рэзкай крытыкай Уладзіміра Пуціна і Аляксандра Лукашэнкі за вайну супраць Украіны. Таксама там заклікалі да вулічных выступаў і пісалі пра тое, што беларускае войска ня мае перспектывы, калі непасрэдна ўступіць у вайну.

10 чэрвеня таго ж году Камітэт дзяржаўнай бяспекі ўнёс Дануту Перадню ў спіс «асоб, якія маюць дачыненне да тэрарыстычнай дзейнасці».

Перад арыштам Перадня была студэнткай-выдатніцай і мела ад педагогаў толькі станоўчыя характарыстыкі. Аднак, адразу пасля завядзення крымінальнай справы яе адлічылі з унівэрсытэту.

За той перадрук антываеннага допісу Перадні далі шэсць з паловай гадоў турмы, з якіх яна адседзела тры.

Амаль год Данута правяла ў СІЗА, яшчэ амаль два гады – ў гомельскай калоніі.  

У канцы 2024 года Дануту Перадня «памілавалі», і яна выйшла на волю. Пра яе вызваленне стала вядома ў студзені 2025 года. А ў траўні эвакуацыйная каманда BYSOL дапамагла дзяўчыне пераехаць у Польшчу.

Фота з соцсетак Дануты Перадня

Магілёў – адзіны абласны цэнтр, дзе летась паменела людзей

Навіна ад

Магілёў стаў адзіным абласным цэнтрам ў 2024 годзе, дзе зафіксавана зніжэнне колькасці насельніцтва.

Па выніках 2024 года агульнае насельніцтва Беларусі афіцыйна зменшылася з 9 156,0 тыс. да 9 109,3 тыс.чалавек. Такія даныя месцяцца ў “Статыстычным даведніку”, выданым Белстатам. Акрамя скарачэння насельніцтва на вёсцы, ідзе яго змяншэнне таксама ў гарадах. За год колькасць гарадскога насельніцтва скарацілася з 7 198, 3 млн да 7 182,7 млн чалавек.

З 13 найбуйнейшых гарадоў краіны, жыхароў стала менш у васьмі. У іх ліку адзін абласны цэнтр. Гэта – Магілёў.

Топ-13 найбуйнейшых гарадоў Беларусі па насельніцтву (па стане на 1 студзеня 2025г.)

1.Мінск 1 996,7 тыс. (на 1 студзеня 2025г.)     1 992,9 тыс. (на 1 студзеня 2024г.)

2.Гомель 501,2                                                   501,1

3.Гродна 363,7                                                   361,1

4.Віцебск 358,9                                                  358,4

5.Магілёў 352,9                                                 353,1

6.Брэст 346,1                                                     344,5

7.Бабруйск 205,5                                               207,4

8.Баранавічы 170,8                                           171,4

9.Барысаў 134,7                                                135,7

10.Пінск 124,0                                                    124,3

11.Мазыр 104,5                                                  105,2

12.Ліда 103,3                                                      103,9

13.Орша 101,7                                                    102,8

У 2017 годзе лукашэнкаўскія чыноўнікі планавалі, што ў 2025 годзе ў Магілёве будуць жыць 402 тыс. чалавек. Нават такія лічбы заклалі ў Генеральны план развіцця горада. Восем гадоў таму магіёўцаў налічвалася каля 375 тыс. чалавек.

Фота з адкрытых крыніц

Выстава «Віцебскі мастак» адкрываецца ў Магілёве

Навіна ад

У Мастацкім музеі імя Паўла Масленікава сёння, 2 траўня 2025 года, пачне працу выставачны праект «Віцебскі мастак», арганізаваны сумесна з Віцебскім абласным краязнаўчым музеем.

Паводле слоў арганізатараў, віцебская мастацкая школа мае свае традыцыі і вызначаецца шматвектарнасцю развіцця. Мастацкія творы дэманструюць стылёвую разнастайнасць і багацце тэхнічных прыёмаў.

Урачыстае адкрыццё выставы адбудзецца а 16:00 (уваход на выставу будзе бясплатны да 16:30). Працаваць праект будзе да 15 чэрвеня, паведамляе mogilevnews.

Як піша «Віцебскі гарадскі партал», «Віцебскі мастак» – гэта штогадовы праект Мастацкага музея, мэта якога – паказаць шматгранную творчасць мастакоў, што фарміруюць адметны імідж горада Віцебска. Большасць удзельнікаў праекта – члены Беларускага саюза мастакоў і Беларускага саюза дызайнераў, выпускнікі і выкладчыкі мастацка-графічнага факультэта Віцебскага дзяржаўнага ўніверсітэта імя П.М. Машэрава і кафедры дызайну Віцебскага дзяржаўнага тэхналагічнага ўніверсітэта.

Фота: “Віцебскі мастак”

У Магілёве ў трэці раз асудзілі палітзняволенага Яна Папковіча

Навіна ад

Палітзняволенага Яна Папковіча другі раз асудзілі за «злоснае непадпарадкаванне адміністрацыі калоніі». У зняволенне ён трапіў, атрымаўшы тэрмін за імкненне абараняць Украіну.

Як стала вядома праваабаронцам «Вясны», 14 красавіка ў Магілёве палітзняволенага Яна Папковіча асудзілі за нібыта злоснае непадпарадкаванне законным патрабаванням адміністрацыі калоніі. Яму прызначылі яшчэ дзевяць месяцаў зняволення.

Гэта другая падобная крымінальная справа супраць 32-гадовага палітвязня. Ціск за кратамі на яго не спыняецца з моманту затрымання. 

Былога інкасатара «Белгазпрамбанка» і экс-спецназаўца Яна Папковіча затрымалі 2 верасня 2022 года – перад тым, як ён збіраўся з’язджаць у Польшчу. Падчас затрымання Яна моцна збілі, таксама стрэлам паранілі ягонага сабаку. 

У траўні 2023 года яму прысудзілі пяць гадоў зняволення па абвінавачванні ў арганізацыі і падрыхтоўцы дзеянняў, што груба парушаюць грамадскі парадак, а таксама ў падрыхтоўцы грамадзяніна Беларусі ў ваенных дзеяннях без упаўнаважання сваёй дзяржавы на тэрыторыі замежнай дзяржавы.

Як паведамляюць праваабаронцы, Яна Папковіча паказвалі ў некалькіх сюжэтах БТ, дзе прадстаўлялі яго наймітам, які збіраўся ехаць на вайну ва Украіну.