Tag: учащиеся

У барацьбе са злачыннасцю злачыннасць на баку магілёўскай пракуратуры

Навіна ад

Намеснік пракурора Магілёва і памілаваны карупцыянер наведалі магілёўскі ліцэй №1 з “папярэджаннем” пра адказнасць за падпіску на “экстрэмісцкія” рэсурсы.

Магілёўскі дзяржаўны абласны ліцэй №1, дзе вучацца адны з самых таленавітых школьнікаў рэгіёна, даўно лічыцца ўзорнай навучальнай установай. Бацькі з ліку мясцовай эліты імкнуцца ўладкаваць туды сваіх дзяцей, бо ліцэй традыцыйна робіць стаўку на якасную адукацыю і культурнае развіццё, а не на ідэалагічныя кампаніі.

Як паведамляе Mayday, напярэдадні канікулаў у ліцэй прыйшлі намеснік пракурора Магілёва Яўген Фурманаў і намеснік кіраўніка адміністрацыі Ленінскага раёна Яўген Дуплеўскі. Апошні вядомы тым, што ў 2014 годзе ў дачыненні да яго тая ж пракуратура ўзбудзіла крымінальную справу па факце крадзяжу шляхам злоўжывання службовымі паўнамоцтвамі. Віну ён цалкам прызнаў і быў памілаваны Аляксандрам Лукашэнкам пасля кампенсацыі нанесенай шкоды.

На сустрэчу сабралі актыў вучнёўскага самакіравання. Галоўнай тэмай стала папярэджанне аб адказнасці за распаўсюд і падпіску на так званыя “экстрэмісцкія” рэсурсы. Паводле ўдзельнікаў, усе прысутныя вучні добра разумелі (што не можа не радаваць), пра якія інтэрнэт-пляцоўкі ідзе гаворка.

Намеснік пракурора падрабязна тлумачыў, якія наступствы могуць чакаць падлеткаў у выпадку, калі іх дзейнасць у сетцы прыцягне ўвагу праваахоўных органаў. Яўген Дуплеўскі, у сваю чаргу, выступіў коратка і абмежаваўся агульнымі разважаннямі пра неабходнасць “законпаслухмяных паводзінаў”.

Сустрэча прайшла ў фармальна-прафілактычным ключы, аднак, паводле сведак, мела выразны ідэалагічны падтэкст і ўспрымалася хутчэй як папярэджанне, чым як выхаваўчая гутарка.

Фотаздымак: Mayday

Учащихся могилевского медколледжа массово загнали в “Белую Русь”

Навіна ад

В Могилевском государственном медколледже в День отца учащихся обязали вступить в провластную организацию “Белая Русь”.

В медколледже 21 октября в члены ОО “Белая Русь” были одновременно приняты полсотни учащихся, сообщает Mayday. При этом выдавала членские билеты заместитель главного бухгалтера колледжа Лина Луневич, которая не особо светится как лидер провластной организации.

Интересно, что параллельно с “Белой Русью” все учащиеся являются членами такой же провластной организации ОО “БРСМ”, а какая между ними разница и зачем вступать сразу в две – ответа они не получили. Однако молодежи пояснили, что вступить “просто надо”.

Акцию по вступлению в “Белую Русь” провели одновременно с написанием поздравительных писем отцам в День отца и высадке нескольких сотен молодых елей и сосен возле деревень Селец и Голынец Могилевского района.

Фотоснимок: med1.by

Адукацыя ў Магілёўскай вобласці – дваццаць год падзення

Навіна ад

Школ стала менш на 40%, школьнікаў на 36%, па колькасці студэнтаў Беларусь упала з першай дзясяткі ў пяты дзясятак.

Магілёўскае абласное ўпраўленнем статыстыкі апублікавала дадзеныя па стане адукацыі ў вобласці на пачатак 2022/2023 навучальнага года.

На гэты момант у вобласці працавала 465 устаноў дашкольнай адукацыі. Гэта мінус 2,3% у параўнанні з дадзенымі 2020 года і мінус 21% да ўзроўню 2000 года. Колькасць дзяцей (39,7 тысяч) у гэтых установах у параўнанні з 2020 годам скарацілася на 8,5%, а калі параўноўваць з 2000 годам – на 12,7%.

На сёння ў вобласці працуе 365 устаноў агульнай сярэдняй адукацыі (скарачэнне ў параўнанні з 2000 годам на 40%) з колькасцю навучэнцаў 118 тыс. чалавек, што азначае падзенне ў параўнанні з 2000 годам на 36,6%.

Атэстат аб агульнай сярэдняй адукацыі ў 2022 годзе атрымалі 6,2 тысячы выпускнікоў школ. Гэта ў 2 разы менш, чым у 2022 годзе было выпушчана спецыялістаў у нашых прафтэхліцэях, каледжах, ВНУ. Верагодна, збольшага, такая сітуацыя і тлумачыць увядзенне паслабленняў пры паступленні ў ВНУ.

У вобласці функцыянавала 26 устаноў прафесійна-тэхнічнай адукацыі (да 2000 года падзенне на 27,7%) з 7,7 тысячамі навучэнцаў (падзенне на 60%).

Атрыманне сярэдняй спецыяльнай адукацыі ў вобласці забяспечвае 31 установа, колькасць навучэнцаў у іх 11,6 тысяч (менш на 37%, чым у 2000 годзе).

У пяці ВНУ вобласці на першай ступені вышэйшай адукацыі навучаліся 18,7 тысяч студэнтаў (менш на 17%, чым у 2020 годзе і на 55%, чым у 2010 годзе, калі іх было 41,1 тысяча).

Беларусь мела на 10 000 насельніцтва наступную колькасць студэнтаў: у 2010/2011 годзе – 467,12 чалавек, у 2011/2012 годзе – 470,75 і знаходзілася ў першай дзесятцы краін па гэтым паказчыку. Для параўнання, Аўстралія – 720, ЗША – 580, Новая Зеландыя – 560, Казахстан, Фінляндыя – 530, Данія – 520, Нідэрланды – 500. 

Цяпер жа Беларусь перасунулася ў 5 дзясятак – у 2022 годзе ў разліку на 10 000 чалавек насельніцтва вобласці прыпадае 193 студэнты.

Фота ілюстрацыйнае.