У Выставачнай зале Музея гісторыі Магілёва на вуліцы Болдзіна праходзіць юбілейная выстава вядомага мастака Базыля Камарова “Шчырасць адзіноты”. Гэтая выстава ўключае некалькі мастацкіх цыклаў і серый, а таксама асобных твораў жывапісу і графікі, сабраных ў адной зале.
Творчасць Базыля Камарова адрозніваецца глыбокай праработкай гістарычнай і архітэктурнай спадчыны роднага краю. Яго творы з выявамі старажытнага Магілёва лічацца ў шэрагу лепшых рэканструкцый сярэдневяковых беларускіх гарадоў.
Базыль Камароў нарадзіўся 12 ліпеня 1953 года ў в. Міхайлаўск Магілёўскага раёна. З 1965 г. вучыўся ў Рэспубліканскай школе-інтэрнаце па музыцы і выяўленчым мастацтве. У 1972 годзе скончыў аддзяленне графікі Беларускага тэатральна-мастацкага інстытута (сёння Беларуская дзяржаўная акадэмія мастацтваў).
З чэрвеня гэтага года “Культура беларускай дуды” ўключаная ў спіс нематэрыяльнай гісторыка-культурнай спадчыны Беларусі. Носьбітамі гэтага майстэрства афіцыйна лічыцца 30 чалавек па ўсёй краіне, і адзін з іх жыве на Магілёўшчыне, у вёсцы Вяззе Асіповіцкага раёна.
Мікалай Забаўскі – прафесійны музыка, кіраўнік самадзейнага аркестра народных інструментаў. Пятнаццаць гадоў таму, падчас працы над рэканструкцыяй мясцовага вясельнага абраду да яго прыйшла думка адрадзіць на вяселлі гучанне беларускай дуды. Пра матывы Мікалай Забаўскі расказвае так:
– Мае продкі, прадзеды па матчынай лініі, былі Саўка ды Грышка. Вось і атрымалася, як у беларускай песні: “Саўка ды Грышка ладзілі дуду”. З гэтай гісторыі нарадзілася такая думка, што я таксама павінен граць менавіта на гэтым музычным інструменце. Лічу, што дуда – самы каларытны і самы народны інструмент, які бытуе на Беларусі ўжо доўгія стагоддзі.
Інструмент Мікалай Забаўскі вырашыў замовіць у мінскага майстра за грошы, якія адкладаў на падарожжа. У выніку яго сям’я адправілася ў круіз па Заходняй Еўропе, а музыка здзейсніў сваю даўнюю мару – стаў вучыцца граць на дудзе.
Гэта аказалася няпроста – капрызны і наравісты інструмент улоўлівае нават энергетыку навакольных людзей. Для адных ён гуляе цудоўна, а для іншых – маўчыць, нягледзячы на ўсе майстэрства дудара.
– Усё вельмі непрадказальна, бо інструмент жывы, драўляны. – дзеліцца музыка – Гэта не жалезная прылада – зварыў, і матэрыял ужо нікуды не дзенецца. Не адразу ўсё атрымліваецца: гук залежыць нават ад вільготнасці паветра, таму складанасці ёсць. Але ўсё роўна, дуда – для душы, для майго эстэтычнага задавальнення.
Часцей за ўсё Мікалай Забаўскі іграе на дудзе беларускія мелодыі і прыпеўкі – гэта традыцыйны дударскі рэпертуар. Матывы гэтых песень ён памятае яшчэ з дзяцінств. Ёсць як “вясельныя”, так і “жалобныя” кампазіцыі. Бывае і так, што ўдзельніцы калектыву сельскага дома культуры, салісткі народнага ансамбля “Вязынка”, зацягнуць сваю мелодыю, і менавіта гэтая песня найлепшым чынам кладзецца на інструмент – атрымліваецца вельмі гарманічная і кранальная кампазіцыя – піша пра асіповіцкага дудара БелТА.
1 кастрычніка ў аграгарадку Дабрэйка Шклоўскага раёна ў мясцовым Доме народнай творчасці прайшло свята “цікавага ўзроста”.
Жадаючыя наведвальнікі свята нават сфатаграфаваліся на памяць аб гэтай падзеі.
З віншаваннем з нагоды свята наведаліся у Дабрэйку суседзі з пасёлка Высокае, пажадалі дабра і мірнага неба і памаліліся за гэта
Увесь вечар на сцэне загадчык Дома творчасці Наталья Світкова, якая і арганізавала гэта свята і мясцовая таленавітая спявачка Галіна Акуліч
Для пажылых сяльчан быў арганізваны “салодкі” стол
Сярод гасцей быў вядомы ў акрузе ансамбль “Высоцкія музыкі”, які дзесяцігоддзямі дорыць свае таленты навакольным прыхільнікам іх творчасці. На гэты раз іх папрасілі паспяваць за сталом. Не абышлося і без баек, гарэзлівых частушах, сумных спеваў.
Удзельнікі свята “цікавага ўзроста” з задавальненнем правялі час і дабавілі сабе некалькі гадоў жыцця – такімі і павінным быць святы.
Музычны фестываль “Залаты шлягер” пройдзе ў Магілёве з 24 па 29 кастрычніка. Магілёўская абласная філармонія апублікавала афіцыйную праграму мерапрыемства. Урачыстае адкрыццё фестываля пройдзе 26 кастрычніка. Сярод хэдлайнераў – група “Песняры”, ВІА “Лейся песня” і “Синяя птица” з Расійскай Федэрацыі, а таксама папулярныя ў мінулым спевакі Міхаіл Мурамаў, Ірына Панароўская, Сяргей Белікаў і іншыя. На канцэрце адкрыцця таксама заяўленыя артысты з Італіі, аднак ёсць заўвага, што ў праграме магчымыя змены.
Сярод італьянскіх артыстаў вылучаюцца заўсёднік беларускіх фестываляў Мікеле Пома, а таксама маладыя спевакі Антанэла Бучы і Маура Менгалі. Іх цяжка назваць папулярнымі выканаўцамі. Так, афіцыйны ютуб-канал Антанэлы Бучы мае ўсяго 582 падпісчыкі, а самы папулярны кліп на ім – 73 тысячы праглядаў. На SoundCloud Маура Менгалі падпісчыкаў 28 чалавек, а кампазіцыі маюць ад 1 да 4 лайкаў.
Сярод замежных гасцей фестываля таксама фігуруюць італьянцы Элеанора Д’Апаліта і Ціна Джунчы, і спявак Кевін МакКой. МакКой – экс-саліст амерыканскага гурта Bad Boys Blue, які цяпер жыве ў Германіі і вельмі часта выступае на настальгічных канцэртах і фестывалях у краінах былога СССР.
Першы маштабны фестываль “Вераснёўскі фэст” прайшоў у адрэстаўраваным і толькі што адкрытым Жыліцкім палацы Булгакаў у Кіраўскім раёне 23 верасня.
Мерапрыемства праходзіла ў гонар 200-годдзя будаўніцтва палаца і арганізоўвалася як сур’ёзная заяўка на вялікае рэгіянальнае свята, якое будзе развівацца і з часам прэтэндаваць на наведвальнікаў з усёй Беларусі.
Адкрыццё свята не абышлося без панурага афіцыёза з уручэннем дыпломаў і вось такімі вось тварамі ў глядацкай зале.
Фота: Магілёўскія ведамасці
Таксама, як і на шматлікіх падобных мерапрыемствах у Магілёўскай вобласці, тут сабралі тэматычныя экспазіцыі ўстановаў культуры з усіх раёнаў і абласнога цэнтра – вось студыя “Чараўніцы” магілёўскага ГДК.
Вось інтэрактыўная зона ад “Музея гісторыі Магілёва”.
Фота: Вячэрні Бабруйск
У самім палацы і ў яго ўнутраным дворыку адбываліся майстар-класы па бальных танцах. Вечаровую праграму забяспечвалі зоркі беларускай эстрады.
Фота з сацыяльных сетак
Больш фотаздымкаў з “Вераснёўскага фэта” глядзіце ў нашай падборцы.
26-ты Манхэтанскі фестываль кароткаметражнага кіно “Manhattan shorts” будзе праходзіць пачынаючы з 28 верасня ў 500 гарадах свету для 100 000 гледачоў.
Кожны аматар кіно можа далучыцца да галасавання ў выбары пераможцаў фестываля. Усяго на суд гледачоў будуць прадстаўленыя 10 карцін з васьмі краін свету. 9 кастрычніка будуць абвешчаныя вынікі галасавання ў Беларусі.
Манхэтэнскі Фестываль кароткаметражнага кіно сёлета падрыхтаваў праграму фільмаў, аб’яднаную адной агульнай тэмай, якая блізкая ўсім – як чалавек сустракае цяжкасці і нягоды, і тыя, якія ён стварыў сваімі рукамі, і тыя, ад якіх ніхто не застрахаваны.
Усе кароткаметражныя фільмы фіналісты аўтаматычна атрымліваюць кваліфікацыю на “Оскар”. Усе фільмы паказваюцца на мове арыгінала з субцітрамі. Падрабязную праграму фестываля можна знайсці тут. У Магілёве паказы пройдуць у кінатэатры “Радзіма”.
Маштабнае культурнае мерапрыемства запланаванае на бліжэйшую суботу, 23 верасня.
Пачынаючы з 13.00 23 верасня Жыліцкі гістарычны комплекс-музей арганізуе мерапрыемства “Вераснёўскі фэст. Жыліцкі палац” – паведамляюць “Магілёўскія ведамасці”.
Палацу сёлета спаўняецца 200 гадоў, менавіта гэтай падзеі прысвечана мерапрыемства. Днём у палацы пройдзе баль у традыцыях дзевятнаццатага стагоддзя, плаўна баль перацячэ ва ўнутраны двор, дзе ў майстар-класах змогуць паўдзельнічаць гледачы.
Таксама ў наведвальнікаў будзе магчымасць пачуць канцэрты класічнай музыкі ў выкананні аркестраў Магілёўскай абласной філармоніі, Абласнога драматычнага тэатра, Дзяржаўнага каледжа мастацтваў, убачыць паказ мод. Вакол палаца будуць арганізаваны разнастайныя фотазоны, выступленні рэканструктараў, гандлёвыя палаткі і забаўкі для дзяцей.
Выстаўка “Калі мы былі дзецьмі” пачне работу ў музеі В.К. Бялыніцкага-Бірулі ў Магілёве 1 верасня. У экспазіцыі будзе прадстаўлена звыш 70 твораў жывапісу, графікі, скульптуры, дэкаратыўна-прыкладнога мастацтва, фатаграфіі беларускіх майстроў XX–XXI стст., а таксама твор рускага мастака-графіка XX ст. Яўгена Кацмана са збору Нацыянальнага мастацкага музея Рэспублікі Беларусь.
– Тэматычная выстаўка ахоплівае прамежак часу з пачатку ХХ стагоддзя па першую чвэрць XXI стагоддзя – ад жывапіснага партрэта Юдэля Пэна 1903 года да скульптурнай кампазіцыі Вольгі Орсік 2019 года, ад фарфоравай статуэткі Міхаіла Бяляева 1963 года да фатаграфічных серый Вадзіма Качана. У асноўным выстава малюе вобраз савецкага дзяцінства 1950–1960-х гадоў. – распавялі ў музеі.
Урачыстае адкрыццё выставы адбудзецца а 15-й гадзіне 1 верасня. Азнаёміцца з экспазіцыяй можна будзе да 2 снежня.
26 августа в агрогородке Добрейка Шкловского района состоялся праздник села: мероприятие началось с поздравлений и закончилось танцами и ухой.
Первое упоминание о Добрейке относится к 1614 г., когда деревня входила в состав Могилевского замка. В 18 ст. было уже две деревни: Большая Добрейка и Малая Добрейка в Высокском войтовстве Шкловского графства. В 1715 году в Большой Добрейке находились мельница, винокурня, корчма. Объединились деревни в конце 1920-х годов.
В годы Великой отечественной из Добрейки на фронт ушли 200 человек (больше, чем из любой деревни района), а не вернулось с фронта 120 человек – самые большие потери из деревень района. К сожалению, власти так и не удосужились поставить обелиск (памятник) героически погибшим землякам.
Сегодня в Добрейке проживает 350 человек, которые работают в местном хозяйстве, в учреждениях и организациях, их обслуживающих, на предприятиях г. Могилева и Шклова.
Ежегодно в конце августа в агрогородке жители отмечают праздник села, на котором чествуют сельчан, причастных к развитию Добрейки. Организаторами праздника всегда выступают Каменно-Лавский сельсовет и работники местного Дома народного творчества. Так было и в этом году. В гости к местным жителям поздравить их с праздником приехал народный коллектив художественной самодеятельности «Славеница», которым с успехом порадовал собравшихся на праздник.
На праздник пришли как юные посетители, так и пожилые.
Юное поколение с радостью и помогало торговать и мешало взрослым играть в свои праздничные игры.
После каждого награждения исполнялся номер художественной самодеятельности.
Ужо традыцыйна месцам правядзення рысталішчаў стала Мсціслаўская замкавая гара.
Рыцарскі фэст – фестываль сярэднявечнай культуры. Упершыню быў арганізаваны ў 2007 годзе.
Сёлета гледачоў парадавалі тактычныя бугурты, турніры, манеўры, конны турнір і паказальныя выступленні коннікаў, штурм замка, вогненнае шоу і канцэрты сярэднявечнай музыкі.
