Tag: ВНС

Магілёўскі “дэпутат” выступіў за паляпшэнне дэмаграфіі – з яўным спазненнем

Навіна ад

Валерый Малашка прыдумаў, як палепшыць дэмаграфічную сітуацыю ў краіне. Чыноўнікам у яго гэта не атрымлівалася – цяпер для гэтага яму спатрэбілася праграма, прынятая на УНС.

На сустрэчы з медграмадскасцю ў БДМУ Валерый Малашка назваў тры фактары, якія ўплываюць на паляпшэнне дэмаграфічнай сітуацыі ў краіне. Прычым усе яны звязаныя з праграмай сацыяльна-эканамічнага развіцця Беларусі на 2026-2030 гады, прынятай на VII Усебеларускім народным сходзе:

  • матэрыяльны дабрабыт сям’і;
  • уключэнне перыяду догляду за дзіцем у агульны працоўны стаж жанчын;
  • медыцынскія і адукацыйныя ўмовы, якія ўплываюць на рэпрадуктыўнае здароўе.

Варта адзначыць, што азарэнне зышло на Валерыя Анатольевіча з вялікім спазненнем. Медык па прафесіі, Малашка доўгі час быў намеснікам старшыні Магілёўскага аблвыканкама і валодаў усімі магчымымі рэсурсамі для паляпшэння дэмаграфічнай сітуацыі ў вобласці, аднак нічога толковага не дасягнуў. 

Менавіта пры ім сітуацыя не проста выйшла з-пад кантролю, а стала катастрафічнай. Будучы чыноўнікам, Валерый Малашка вызначаўся толькі шматслоўнымі разважаннямі на агульныя тэмы і быў накіраваны ў “дэпутаты” ў перадпенсійным узросце.

Зразумела, што смяротнасць па ўсёй Беларусі даўно перавышае нараджальнасць і прамой віны Валерыя Малашкі ў гэтым няма, а тое, што адбываецца, з’яўляецца вынікам трыццацігадовай дзейнасці Лукашэнкі. Менавіта ён давярае будучыню краіны такім, як Малашка. А ўжо тыя, адчуваючы поўную беспакаранасць, маюць яшчэ і нахабства разважаць пра здароўе нацыі.

Фота “Беларусь Сегодня”.

Новы рэкорд гігантызму пастаўлены. На гэты раз – “ЧЗ”-сырок ад “Бабушкінай крынкі”

Навіна ад

Сырок вагой амаль дзесяць пудоў зрабіў філіял «Асіповіцкі» ААТ «Бабушкіна крынка». Кожны ахвотны можа адламаць сабе кавалачак.

У пабудаваным для Беларусі свеце ілюзій усе жывуць паводле ўяўленняў Лукашэнкі пра добры лад жыцця: чарка да шкваркі, прэмія – нявестцы, ГУБАЗіК – грамадзянам.

Не апошняе месца ў гэтай сістэме займаюць прадпрыемствы, якія або суцэльна стратныя, або, як “Бабушкіна крынка”, заўсёды прыбытковыя за кошт выкупленай за капейкі сыравіны АПК.

У імкненні неяк вылучыцца “моцныя гаспадарнікі” не могуць прыдумаць нічога дасціпнага, апроч як зрабіць доўгую каўбасу, дранік велізарнай плошчы ці прыгатаваць бочку з юшкай, якой можна накарміць увесь ахрышчаны свет.

Цяпер манія гігантызму дайшла і да глазіраваных сыркоў.

Для выставы дасягненняў лукашэнкаўскай Беларусі супрацоўнікі філіяла «Асіповіцкі» ААТ «Бабушкіна крынка» падрыхтавалі гіганцкі тварожны сырок вагой амаль дзесяць пудоў.

Паводле меркавання вытворцаў, гэты пачварны сырок:

  • дэманструе якасць і магчымасці беларускай харчовай прамысловасці;
  • багацце беларускага аграпрамысловага комплексу ў цэлым.

Яшчэ б. Бо для яго спатрэбілася зрабіць вялікую форму, размаляваць тварог чырвонымі і зялёнымі фарбавальнікамі, а потым яшчэ і заліць усё гэта шакаладнай глазурру – амаль нанатэхналогіі.

Сырок-монстр – не проста экспанат на выставе. Ім частуюць усіх ахвотных дэлегатаў УНС. Зразумела, гэтых аматараў смачна паесці пераконваць не даводзіцца.

Фота “Магілёўскія ведамасці”.

Дэлегаты з Магілёва выбылі на “хурал” – з поўнымі чамаданамі і трапяткімі сэрцамі

Навіна ад

З дэлегатамі з Магілёва, што выязджалі на лукашэнкаўскае “веча”, развітваліся так, быццам яны адляталі на Марс.

Дэпутатаў-дэлегатаў, што ехалі на ВНС з плошчы Леніна ў Магілёве, набілася ажно тры аўтобусы. Перад ад’ездам самапрызначаныя дэлегаты ўжо каторы раз распавялі пра свае надзеі на ўласнае лепшае жыццё, якое ім дасць зборышча падхалімаў Лукашэнкі.

Праслаўленне з’езда пачалося задоўга да яго пачатку. Дэлегаты з захапленнем распавядалі пра лёсавызначальныя рашэнні, якія будуць прыняты, у кожным адпаведным і неадпаведным месцы.

Сама адпраўка ў дарогу з плошчы Леніна выглядала даволі камічна. Многія дэлегаты з’явіліся з аб’ёмнымі чамаданамі: ехаць жа цэлых дзве гадзіны і вяртацца не хутка, таму без зменнай бялізны і варанай курыцы, загорнутай у прамаслены нумар “Магілёўскіх ведамасцей”, ніяк не абысціся.  

Віталіся так, быццам не сядзелі разам яшчэ днём у кабінетах аблвыканкама, а сустрэліся пасля доўгага расстання.

Фальшывая радасць у чаканні сустрэчы з Лукашэнкам магла б спаборнічаць па ўзроўні пастановачнасці са знакамітай сцэнай адыходу цеплахода “Міхаіл Святлоў”. 

Хто ведае, што за лікаванне іх яшчэ чакае, калі дэлегаты вернуцца ў Магілёў, падзарадзіўшыся энергіяй ад састарэлага кіраўніка.

хурал

Фота: “Магілёўскія ведамасці”

Характэрныя рысы дэлегата на УНС пералічылі ў Магілёве

Навіна ад

Якім павінен быць дэлегат на ЎНС ад Магілёва, распавялі кіраўнікі праўладных прафсаюзаў.

Ніхто не будзе адмаўляць, што дэлегат на з’езд лукашэнкаўскіх дэлегатаў – фігура амаль містычная. Але як ён выглядае? Можа, нагадвае волата з былінаў – Дабрыню Нікіціча? Ці гэта проста высокі мужчына ў чырвонай атласнай кашулі з вялікай галавой? Аказалася – не.

Старшыня Магілёўскай абласной арганізацыі Беларускага прафсаюза работнікаў лесу і прыродакарыстання Іван Трамбачоў лічыць, што дэлегат на УНС павінен:

  • быць аўтарытэтным чалавекам;
  • мець багаты жыццёвы і прафесійны досвед;
  • быць адданым Беларусі і яе народу;
  • умець хутка прымаць рашэнні.

Старшыня Магілёўскай абласной арганізацыі прафсаюза работнікаў адукацыі і навукі Людміла Старасціна дадала да характэрных рыс веданне заканадаўства і эканомікі, а таксама ўменне слухаць і чуць людзей.

Пасля скрупулёзнага адбору Трамбачоў і Старасціна вырашылі спыніцца на кандыдатуры нядаўна абранага старшыні Магілёўскай абласной арганізацыі прафсаюза работнікаў будаўніцтва і прамысловасці будаўнічых матэрыялаў Аляксандра Лісоўскага.

Менавіта ён, на іх думку, і рашэнні хутка прымае, і слухаць навастрыўся, а галоўнае – ніколі не адрываўся ад народа. Служыў у міліцыі, потым працаваў, не пакладаючы рук, у сістэме выканаўчай улады Магілёўскага раёна.

З сакавіка 2022 года Лісоўскі ўзначальваў Магілёўскае раённае аб’яднанне прафсаюзаў, а цяпер змяніў на пасадзе старшыні абласнога аб’яднання прафсаюзаў Уладзіміра Цумарава – былога карупцыянера па мянушцы «Прас».

Ён, як сведчаць матэрыялы крымінальнай справы, таксама прымаў хуткія, нават паспешныя рашэнні. Праўда, ад міліцыі знаходзіўся тады па іншы бок барыкад.

Фота сайта федэрацыі прафсаюзаў Беларусі.

Дзаржаўная сацыёлаг распавяла пра патаемныя жаданні жыхароў Магілёўшчыны

Навіна ад

Аналіз “грамадскіх” ініцыятыў Магілёўскай вобласці ідзе поўным ходам: трэба прымаць дэлегацыі і ратаваць шэрых журавоў.

Кіраўнік Цэнтра аналізу грамадзянскіх ініцыятыў Беларускага інстытута сацыялагічных даследаванняў (БІСД) «Народная пяцігодка» Кацярына Рэчыц распавяла пра сінтэз і аналіз, якія праводзіць адна з самых бессэнсоўных структур. У сваім інтэрв’ю Рэчыц паведаміла, што іх інстытуцыя правяла даследаванне мясцовых ініцыятыў на Магілёўшчыне.

Апытанне БІСД паказала, што:

  • жыхары Кастрычніцкага раёна Магілёва занепакоены працай адной з паліклінік;
  • у мікрараёне каля ААТ «Ольса» мясцовыя жыхары хацелі б, каб былі пасаджаныя кусты і дрэвы;
  • жыхароў Глускага раёна хвалюе якасць мабільнай сувязі і пытанне абмежавання палявання ў зоне пражывання чырвонакніжных шэрых журавоў;
  • жыхары Слаўгарадчыны прапануюць перааснасціць гасцініцу «Блакітная Крыніца», каб яна магла прымаць афіцыйныя дэлегацыі.

Складаецца ўражанне, што ўпраўленне аховы здароўя аблвыканкама скасавана разам з «Магілёўзелянбудам», мабільнымі аператарамі Глуска і яго прыродаахоўнай службай, а ў Слаўгарадзе грамадзяне і дня не пражывуць без дэлегацый.

На самой справе і службы на месцы, і слаўгарадчане пакуль не пакутуюць на сіндром Даўна.

Проста за “ініцыятывы” БІСД выдае тое, над чым чыноўнікі павінны працаваць штодня. Навошта? Рэчыц распавяла і пра гэта. Аказваецца, ініцыятывы трэба яшчэ і правесці праз УНС – яшчэ адну структуру-прывід.

Фота: “Магілёскія ведамасці”.

Даже в дружеской, непринужденной обстановке Хотимского председателя никак не отпускает ВНС

Навіна ад

На мероприятии, посвященном 1 мая и прошедшем в апреле, в Хотимске собрались молодые работники АПК района, их старшие коллеги и ветераны отрасли, пишет «Шлях Кастрычніка».  Журналисты подчеркнули, что это был «…не помпезный и пафосный или сухой и протокольный церемониал, а именно встреча трех поколений…». И все бы ничего, если бы «домашнюю и душевную атмосферу» не нарушил председатель райисполкома Геворг Мелконян. Он, само собой, возглавлял хотимскую группировку на всебелорусской тусовке и начал рассказывать участникам мероприятия о ВНС и «военной доктрине».

Авторы статьи утверждают, что тема вызвала у присутствующих «живой отклик». Однако в этом стоит усомниться. Все-таки на празднике собрались не круглые идиоты и вызвать у них хоть какой-то отклик столь анекдотичная и заезженная тема вряд ли могла.

 Фото: «Шлях Кастрычніка».

Учиться пацифизму нужно у вечно воинствующего Лукашенко – считает бобруйский идеолог

Навіна ад

Мы понимаем, что информационное поле и так уже пресыщено ВНС-бесием, поэтому позволим себе только краткую рефлексию по поводу актуальных событий. Ну, вот например. Заместитель председателя по идеологической работе сельскохозяйственного производственного кооператива «Гигант» Бобруйского района Анастасия Гацко побывала на ВНС и пришла к интересному выводу, сообщает сайт Могилевского облисполкома. Она считает, что «…нам стоит поучиться у президента так ценить мир…» и призывает молодежь внимательно слушать человека, который привел Беларусь к «… высокому уровню развития…».

Насчет высокого уровня развития государства, являющегося страной третьего мира, с Гацко можно и поспорить. Как и с тем, что трудно назвать миротворцем демагога, постоянно вколачивающего в головы белорусов мысли о войне.

Вспомним о том, что главный ценитель мира, вычеркнул из Конституции Беларуси ее безъядерный статус и стремление к нейтралитету, сделал страну соагрессором нападения на Украину и постоянно угрожает нападением геополитическим соседям.

Получается, что перещеголять Лукашенко в его любви к миру могут, пожалуй, только древние викинги. Наверное и сама Анастасия Гацко это прекрасно понимает и морозит чушь исключительно по должностным обязанностям.

Фото: СБ