Tag: магілеў

Магілёўскі перавозчык скасаваў рэйсы ў Вільню

Навіна ад

Магілёўскі перавозчык «АўтаСеўлад» скасаваў рэйсы з Магілёва ў Вільню праз Мінск.

Як паведамляе тэлеграм-канал «Infotrans Media Belarus», скасаваны рэйс на 09:30 з Магілёва (а 12:15 з Менску). Паведамленне датаванае 17 жніўня. Таксама паведамляецца аб сказаванні рэйса з Вільні ў Магілёў а 15:40 27 жніўня, але, магчыма, ў даце абдрукоўка, і павінна быць 17 жніжня.

Пасажырам абяцаюць вярнуць поўны кошт скасаваных квіткоў. На які час скасаваныя рэйсы і з якой прычыны – не паведамляецца.

Нагадаем, што з 12 жніўня 2025 года пасажырскі перавозчык «Eurolines» скасаваў некаторыя рэйсы з Вільні ў Мінск і назад. Пра часовае скасаванне рэйсаў у Вільню з 14 жніўня паведаміў і «Мінсктранс». Прычына – абмежаванні, якія ўвёў літоўскі бок яшчэ ў 2024 годзе ў межах рэжыму надзвычайнага становішча, але толькі цяпер Літва пачала сачыць за іх выкананнем.

Фотаздымак Infotrans Media Belarus

Чамадан, вакзал… – на што намякаюць у Магілёўскім аблвыканкаме?

Навіна ад

Чыгуначны вакзал Магілёва – гэта, аказваецца, самае пазнавальнае месца, якое можа прэзентаваць горад, мяркуючы па пазіцыянаванні ў аблвыканкаме.

Пару дзён таму старшыня Магілёўскага аблвыканкама Анатоль Ісачанка прымаў двух каталіцкіх святароў – Мітрапаліта Менска-Магілёўскай архідыяцэзіі Іосіфа Станеўскага і генеральнага вікарыя Менска-Магілёўскай архідыяцэзіі біскупа Аляксандра Яшэўскага.

Усё нібыта добра і прыгожа. Прынамсі, тэлеграм-канал Ісачанкі, акрамя фотаздымкаў з гэтай сустрэчы, нейкіх падрабязнасцяў не месціць. Будзем спадзявацца, што яна прайшла, як раней казалі, “у цёплай, дзелавой і добразычлівай атмасферы”, бо знайсці якую-кольвечы інфармацыю аб выніках гэтай сустрэчы аказалася немагчыма. Яе няма ні ў тэлеграм-канале Ісачанкі, ні на сайце Менска-Магілёўскай архідыяцэзіі, ні ў рэсурсах Магілёўскіх ведамасцей”.

Таму ўвагу прыцягвае пано з картай Магілёўшчыны, на фоне якога спаткаліся свецкія і рэлігійныя ўлады. Калі паглядзець на Магілёў, то яго сімвалізуе чыгуначны вакзал. Ні Ратуша, ні гарадскі тэатр, ні Станіславаўскі касцёл, а месца, дзе людзі звычайна знаходзяцца вельмі нядоўга. 

Як заўважае тэлеграм-канал “Спадчына”, “горад быццам сам нямакае, што найлепшае, што можна зрабіць – сесці на цягнік і з’ехаць адтуль назаўжды”.

Фотаздымак: тэлеграм-канал А.Ісачанкі

Амаль усю Магілёўшчыну цяпер можна пабачыць на аэрафотаздымках часоў вайны

Навіна ад

Нацыянальны архіў ЗША пачаў выкладаць у вольны доступ нямецкія аэрафотаздымкі часоў Другой Сусветнай вайны. Гэта тысячы кадраў, якія фіксуюць стан беларускіх вёсак і гарадоў на 1939 – 1945 гады.

Яны з’яўляюцца часткай велізарнай калекцыі здымкаў тэрыторыі СССР, што трапіла ў ЗША пасля завяршэння вайны. Здымкі доўгі час былі засакрэчанымі, бо выкарыстоўваліся амерыканскай разведкай. У наш час сакрэтнасць знятая, і здымкі можна было заказаць у архіве, але ў свабодны доступ іх пачалі выкладаць толькі цяпер – піша “Наша Ніва”.

Зараз гэта 6264 фотаўдымкі, і яны густой сеткай пакрываюць тэрыторыю Магілёўскай вобласці, за выключэннем Бабруйшчыны. Пошук кадраў у самім Нацыянальным архіве ЗША складаны, таму беларускія аматары пераўпакавалі гэты архіў і выклалі вось тут, у выглядзе мапы, якой зручна карыстацца.

Для многіх гэтая калекцыя – магчымасць пабачыць родныя мясціны па-новаму, у іх гістарычнай трансфармацыі. Для даследчыкаў, гісторыкаў, эколагаў і іншых спецыялістаў гэтыя здымкі каштоўныя інфармацыяй пра змены ў гістарычнай забудове, архітэктурна-планіровачнай структуры населеных пунктаў, ландшафце.

На фота: Чэрыкаў у 1943 годзе

Рэйтынг артэфактаў: пра што новы падкаст “Усход – Захад”

Навіна ад

Гісторык з Магілёва Аляксей Бацюкоў і краязнавец з Гродна Аляксей Шота прадставілі чарговую размову з параўнаннем культуры родных гарадоў. Гэтым разам гаворка зайшла пра самыя значныя артэфакты, якія можна сустрэць у Магілёве і Гродна. У цэнтры ўвагі аказаліся самыя старажытныя і важныя для гісторыі Беларусі рэчы: пліта з гербам Астафея Валовіча і Статут ВКЛ у Магілёве, гербавы картуш і старажытны гадзіннік у Гародні. Выпуск быў выкладзены на некалькіх платформах для падкастаў, а для вашай зручнасці яго можна цалкам паглядзець тут.


Кішачнай палачкі стала зашмат у магілёўскіх вадаёмах

Навіна ад

У шэрагу вадаёмаў у Магілёве і наваколлях эпідэміёлагі выявілі перавышэнне дапушчальнага ўзроўню кішачнай палачкі і забаранілі купанне.

Як паведамляе Магілёўскі занальны цэнтр гігіены і эпідэміялогіі, забаронена купацца і займацца воднымі відамі спорту ў зоне рэкрэацыі гарадскога пляжу ракі Днепр, на Дняпры ў раёне вуліцы Фаціна, у Пячэрскім вадасховішчы, на Дняпры ў вёсцы Палыкавічы, у вадаёме вёскі Вільчыцы.

Акрамя таго, абмежавана купанне дзяцей у зоне рэкрэацыі на ўчастку прыбярэжнай зоны сажалкі Брады ў Магілёве, на возеры Гусіным у вёсцы Кадзіна Магілёўскага раёна.

Пробы вады з гэтых вадаёмаў не адпавядаюць гігіенічным нарматывам па мікрабіялагічных паказчыках: у адной з проб вады, адабранай у дадзенай зоне рэкрэацыі, індыкатарны паказчык кішачнай палачкі Е.соli перавышае дапушчальны гігіенічны нарматыў.

Фотаздымак з адкрытых крыніц

Прадпрымальнік пяць гадоў распрадаваў перададзеныя яму на захоўванне ванны

Навіна ад

Тры гады калоніі атрымаў прадпрымальнік, якому, як аказалася, нельга было давяраць на захоўванне маёмасць.

Як паведамляе Магілёўскі абласны суд, у 2019 годзе мужчына заключыў дамову захоўвання з арганізацыяй, па якой яму было перададзена 189 розных ваннаў. Пачынаючы з таго года і аж да 2024-га ён іх распрадаваў, нягледзячы на тое, што не меў на гэта права. Удалося прадаць 162 ванны на суму амаль 39 тыс. рублёў.

Як гаворыцца ў судовым рашэнні, усякія патрабаванні аб вяртанні перададзенай на захоўванне маёмасці прадпрымальнік ігнараваў. У выніку дырэктар арганізацыі пайшла ў праваахоўныя органы. Яны выявілі ў мужчыны 27 нераспрададзеных на той момант ваннаў на суму больш за 6,6 тыс.рублёў.

У судзе прадпрымальнік сваю віну прызнаў часткова, не пагадзіўшыся з ацэнкай кошту ваннаў. Таксама часткова кампенсаваў шкоду.

Спачатку суд Магілёўскага раёна прызнаў яго вінаватым у спробе растраты маёмасці асобай, якой яна даверана, у асабліва буйным памеры, і прызначыў падсуднаму тры гады калоніі ўзмоцненага рэжыму і штраф у 16,8 рублёў. Затым Магілёўскі аблсуд пакінуў прысуд без змены.

Фотаздымак з адкрытых крыніц

Музею цара ў Магілёве зноўку далі ход

Навіна ад

Праект па знішчэнні магілёўскага Замчышча і будаўніцтве на яго месцы музейнага комплекса, прысвечанага эпосе і асобе расійскага цара, вярнуўся ў кабінеты гарвыканкама праз год пасля ранейшага абмеркавання.  

На сайце Магілёўскага гарвыканкама з’явілася абвестка пра пачатак грамадскага абмеркавання ацэнкі на навакольнае асяроддзе будаўнічага аб’екта “Узвядзенне музейнага комплекса на тэрыторыі парка ім. Горкага ў г. Магілёве з добраўпарадкаваннем прылеглай тэрыторыі”. Такое грамадскае абмеркаванне – гэта адзін з абавязковых этапаў, які неабходна правесці перад пачаткам рэалізацыі самаго будаўніцтва. 

Пад фармулёўкай “музейны комплекс на тэрыторыі парка ім. Горкага” хаваецца праект, які прадугледжвае будаўніцтва музея, прысвечанага І Сусветнай вайне і перабыванню ў Магілёве Стаўкі Вярхоўнага галоўнакамандуючага, цара Мікалая ІІ. Ён быў прэзентаваны грамадскасці больш за год таму, у ліпені 2024 года. Прычым будаўніцтва прадугледжвае знішчэнне археалагічнага аб’екта – магілёўскага Замчышча, на якім тысячу гадоў таму вырас горад. Mogilev.media вось тут падрабязна пісалі, чаму гэты праект незаконны, і якую жахлівую шкоду ён можа нанесці гісторыі і спадчыне Магілёва.

Калі коратка: 

  • беларускае заканадаўства ў галіне аховы гісторыка-культурнай спадчыны адназначна забараняе будаўніцтва нейкіх новых аб’ектаў на тэрыторыі падобных археалагічных помнікаў;
  • на падземную частку музейнага комплекса прыходзіцца 2 650 квадратных метраў. Гэта значыць, што ўвесь гэты аб’ём зямлі будзе выкапаны з Замкавай гары, а гэта – тысячагадовы культурны слой таўшчынёй у некалькі метраў, які сведчыць пра самую раннюю і сярэдневяковую гісторыю магілёўскага замка.

Год таму ідэю будаўніцтва Магілёўскі гарвыканкам вырашыў падтрымаць, а цяпер – верагодна, завяршыўшы іншы маштабны праект па ўзвядзенні каля музея на Буйнічах QR-кода і вызваліўшы рэсурсы – вярнуўся да патаемнага жадання замяніць беларускую гісторыю Магілёва расійскай.

 

Жыццё вязняў калоніі №15 пагоршылася з прыходам новага начальніка

Навіна ад

З прыходам на пасаду начальніка магілёўскай калоніі №15 Івана Ігнаценкі родзічы вязняў больш не могуць выбраць для их тавар у інтэрнэт-магазіне ўстановы.

Як піша Mayday, цяпер у інтэрнэт-магазіне калоніі №15 родзічы вязняў могуць толькі купіць сертыфікат, вартасцю ад 50 да 1500 рублёў, абсалютна не ведаючы, якія прадукты збяруць на яго супрацоўнікі калоніі. Цяпер спіс тавараў больш не публікуецца ў інтэрнэт-магазіне.

Акрамя таго, адміністрацыя калоніі паведаміла, што пры адсутнасці грошай на асабовым рахунку доўгія спатканні могуць быць адменены. Такое патрабаванне ўзнікла з-за таго, што адміністрацыя патрабуе перадаплату за спатканні. Пры гэтым у іншых калоніях заплаціць па-ранейшым можна ў момант засялення ці пасля яго ў бухгалтэрыі пенітэнцыярнай установы.

Як раней паведамлялася, у калоніі №15 у ліпені забаранілі перадаваць сумкі-шопперы, парфюміраваныя крэмы і кепкі устаноўленага ўзору, набытыя па-за калоніі.

У канцы чэрвеня стала вядома, што ў калоніі памяняўся начальнік. У сувязі з дасягненнем 50-гадовага ўзросту Аляксей Лазарэнка пакінуў пасаду. Замест яго быў прызначаны Іван Ігнаценка, які займаў у гэтай жа калоніі пасаду намесніка начальніка па рэжыме і аператыўнай працы. З яго прыходам асуджаным цалкам забаранілі перасылаць кнігі, спасылаючыся на тое, што ў калоніі і так добрая бібліятэка.

Фотаздымак https://rup15mag.by/ 

Рамонт на вышыні неразважлівасці

Навіна ад

У Магілёве настолькі адчайныя рамонтнікі, што могуць рамантаваць дах, сарваны яшчэ ўраганам – на вялікай вышыні, не думаючы аб тэхніцы бяспекі.

Фотаздымак рамонтных прац па аднаўленні пакрыцця на даху 10-павярховага дома № 6В па вуліцы Каралёва ў рэдакцыю выдання “МагілёўОнлайн” даслаў магілёвец, якога ўсхвалявала магчымасць сур’ёзнага няшчаснага выпадку. Працаўнікі рамантавалі пашкоджаны ўраганам дах без якой-кольвек страхоўкі.

ремонт улица Королева Могилев

“Дах рамантаваць, канешне, трэба абавязкова, але ж не рызыкуючы ўласным здароўем і жыццём. Хлопцы лазаюць па даху, не выкарыстоўваючы страхоўку. А калі парыў ветру?” – з жахам пытаецца неабыякавы грамадзянін.

Пакуль інфармацыі аб нясчасным здарэнні падчас рамонту на даху дома № 6В па вуліцы Каралёва не паступала.

Фотаздымак МагілёўОнлайн

У Магілёве незнаёмы мужчына спрабаваў задушыць трохгадовага хлопчыка на вуліцы

Навіна ад

Інцыдэнт адбыўся ў спальным мікрараёне пасярод дня. Верагодна, мужчына быў пад наркотыкамі.

Пра надзвычайнае здарэнне паведамляе “Могилев Онлайн”. Паводле выдання, у рэдакцыю звярнуўся адзін з чытачоў, і гэты ж чалавек прадставіў відэазапіс з камеры назірання. Па ім можна пабачыць, што мужчына ў белай цішотцы падыходзіць да дзіцёнка на гульнявой пляцоўцы і хапае яго за горла. У хуткім часе да мужчыны падбягаюць жанчыны, якія пачынаюць вырываць хлопчыка з рук нападніка. Пасля таго, як гэта ім удаецца, жанчыны з дзецьмі пакідаюць пляцоўку, а мужчына некаторы час пастаяў і ўпаў.

Наркаман

Сведкі здарэння паведамляюць, што пра нападніка ім заявілі, што мужчына псіхічна хворы. Але, магчыма, ён быў пад уздзеяннем нейкіх рэчываў – мяркуюць чытачы выдання. Раніцай 6 жніўня паведамлялася, што міліцыя пачала праверку па факце інцыдэнта.

Фота: “Могилев Онлайн”, скрыншот