Tag: пракуратура

У барацьбе са злачыннасцю злачыннасць на баку магілёўскай пракуратуры

Навіна ад

Намеснік пракурора Магілёва і памілаваны карупцыянер наведалі магілёўскі ліцэй №1 з “папярэджаннем” пра адказнасць за падпіску на “экстрэмісцкія” рэсурсы.

Магілёўскі дзяржаўны абласны ліцэй №1, дзе вучацца адны з самых таленавітых школьнікаў рэгіёна, даўно лічыцца ўзорнай навучальнай установай. Бацькі з ліку мясцовай эліты імкнуцца ўладкаваць туды сваіх дзяцей, бо ліцэй традыцыйна робіць стаўку на якасную адукацыю і культурнае развіццё, а не на ідэалагічныя кампаніі.

Як паведамляе Mayday, напярэдадні канікулаў у ліцэй прыйшлі намеснік пракурора Магілёва Яўген Фурманаў і намеснік кіраўніка адміністрацыі Ленінскага раёна Яўген Дуплеўскі. Апошні вядомы тым, што ў 2014 годзе ў дачыненні да яго тая ж пракуратура ўзбудзіла крымінальную справу па факце крадзяжу шляхам злоўжывання службовымі паўнамоцтвамі. Віну ён цалкам прызнаў і быў памілаваны Аляксандрам Лукашэнкам пасля кампенсацыі нанесенай шкоды.

На сустрэчу сабралі актыў вучнёўскага самакіравання. Галоўнай тэмай стала папярэджанне аб адказнасці за распаўсюд і падпіску на так званыя “экстрэмісцкія” рэсурсы. Паводле ўдзельнікаў, усе прысутныя вучні добра разумелі (што не можа не радаваць), пра якія інтэрнэт-пляцоўкі ідзе гаворка.

Намеснік пракурора падрабязна тлумачыў, якія наступствы могуць чакаць падлеткаў у выпадку, калі іх дзейнасць у сетцы прыцягне ўвагу праваахоўных органаў. Яўген Дуплеўскі, у сваю чаргу, выступіў коратка і абмежаваўся агульнымі разважаннямі пра неабходнасць “законпаслухмяных паводзінаў”.

Сустрэча прайшла ў фармальна-прафілактычным ключы, аднак, паводле сведак, мела выразны ідэалагічны падтэкст і ўспрымалася хутчэй як папярэджанне, чым як выхаваўчая гутарка.

Фотаздымак: Mayday

У Магілёве маці збівала свайго дзіцёнка-груднічка да сінякоў

Навіна ад

Факт збіцця немаўляці ў Магілёве выявіла медыкі, а за імі пракуратура. Міліцыя ж не ўбачыла праблем у сям’і.

У Магілёўскай вобласці пракуратура праверыла працу служб, якія адказваюць за абарону дзяцей у сацыяльна небяспечных сем’ях. Аказалася, што многія структуры выконвалі свае абавязкі фармальна.

Так, у Магілёве, нягледзячы на паведамленне аб знаходжанні груднога дзіця ў неспрыяльнай сямейнай абстаноўцы, міліцыя не ўбачыла ніякіх праблем. Аднак праз непрацяглы час пры абследаванні немаўляці ў медыцынскай установе ў яго знайшлі шматлікія цялесныя пашкоджанні рознай даўнасці. Як аказалася, іх нанесла маці.

Па загадзе пракурора Магілёва малое адабрана і змешчана на дзяржаўнае забеспячэнне. А ў дачыненні да жанчыны ўзбуджана крымінальная справа за наўмыснае прычыненне менш цяжкага цялеснага пашкоджання.

Фотаздымак з адкрытых крыніц

Трое жыхароў Магілёўшчыны папаліся на арганізацыі незаконнай міграцыі

Навіна ад

У суд пайшла крымінальная справа трох жыхароў Магілёўшчыны і аднаго жыхара Мінскай вобласці, якія стварылі канал незаконнай міграцыі замежных грамадзян у Расію.

Паводле пракуратуры, чатыры падзельнікі арганізавалі транзітны праезд у Расію прыбыўшых у Беларусь самалётам дзесяці грамадзян дзвюх краін Цэнтральнай Азіі. 

Паколькі забарона замежнаму грамадзяніну ўязджаць у Расію распаўсюджваецца і на забарону ўезда яму ў Беларусь, яны распрацавалі схему, калі пры праходжанні памежнага кантроля прыхоўваўся факт такой забароны, у тым ліку шляхам замены пашпарта замежніку.

Беларусы сустрэлі замежнікаў ў мінскім аэрапорце, перавезлі іх у месца начлега, а потым адвезілі да мяжы з Расіяй. Праўда, у адну з такіх паездак 7 красавіка 2025 года іх затрымалі ў Мсціслаўскім раёне.

Праваахоўнікі падлічылі, што такім злачынным шляхам здабылі ў пераліку 6,7 тыс. рублёў.

Справа аб арганізацыі незаконнай міграцыі ўжо накіравана ў суд. Трое фігурантаў знаходзяцца пад вартай, а адзін – пад асабістым паручыцельствам.

Фотаздымак: virtualbrest.ru

Калгасы Магілёўскай вобласці не спяшаюцца разлічвацца з работнікамі

Навіна ад

Запазычанасць перад работнікамі сельгаспрадпрыемстваў Магілёўшчыны пагасілі толькі па настойлівай “просьбе” пракуратуры.

Каб атрымаць належныя па законе грошы, работнікам АПК Магілёўскай вобласці даводзіцца звяртацца ў пракуратуру.

Тры выпадкі наглядна дэманструюць стаўленне “моцных гаспадарнікаў” да сваіх кадраў:

  • жыхар Асіповіцкага раёна працаваў трактарыстам. Пасля сыходу на тэрміновую службу прадпрыемства не выплаціла яму заработную плату ў поўным аб’ёме. Пасля ўмяшання пракуратуры, нестаючая тысяча рублёў знайшлася праз дзень;
  • жыхарка Глуска працавала даяркай. Спагнаць з роднага калгаса 2,8 тысячы рублёў ёй дапамагла пракуратура;
  • аналагічная сітуацыя і ў Бялыніцкім раёне. Там сума запазычанасці сельгаспрадпрыемства перад сваім “кадрам” склала 2000 рублёў. І зноў давялося ўмешвацца пракурору.

Пракуратура ў Магілёўскай вобласці працуе добра, але чаму пракурорская пугá патрэбная менавіта кіраўнікам сельгаспрадпрыемстваў?

Магчыма, Лукашэнка мае рацыю: залатыя кадры ў яго куюцца не ва ўніверсітэтах, а ў турмах.

Фота БелТА.

У аздараўленчым лагеры на Быхаўшчыне дзеці жылі ва ўмовах антысанітарыі

Навіна ад

Пракуратура выявіла масу парушэнняў у дзіцячым аздараўленчым лагеры ў Быхаўскім раёне.

Хоць арганізатары лагера заяўлялі яго як намётавы, падлеткі пражывалі ў капітальных будынках. Гэта ўсё высветліла пракуратура, прычым, як аказалася, высвятляла яна гэта сістэматычна. 

Таксама сістэматычна яна высвятляла, што нават гэтыя капітальныя будынкі не адпавядалі патрабаванням бяспекі.

“Уборка памяшканняў не праводзілася, пасцельная бялізна адсутнічала. Меры па ўкамплектаванню намётаў не прымаліся, пра што сведчыла адсутнасць у арганізатара спальных мяшкоў і цеплаізаляцыйных турыстычных дыванкоў. Выяўлены шматлікія парушэнні заканадаўства аб пажарнай бяспецы, факты неўкамплектавання аптэчак першай медыцынскай дапамогі. Таксама выяўлены прадукты харчавання са скончаным тэрмінам прыдатнасці” – паведамляюць пракуроры. 

Чаго каштавалі такія парушэнні іх канкрэтным вінаватым – адной з арганізацый прыватнай формы ўласнасці, якая і стварыла лагер – сайт Генпракуратуры не паведамляе.

Фотаздымак з адкрытых крыніц

У Шклоўскім раёне кароў кармілі сенам з цвіллю

Навіна ад

Пракуратура Магілёўскай вобласці выявіла шматлікія парушэнні ў жывёлагадоўлі рэгіёну.

Як высветлілі пракуроры, у Горацкім раёне пры праверцы парадку закладкі травяных кармоў быў парушаны тэмпературны рэжым зялёнай масы і тэрміны закладкі. Нараканні пракурора выклікала перавышэнне даўжыні рэзкі травы. У адзінкавым выпадку кармы, нарыхтаваныя ў палімерную ўпакоўку, мелі пашкоджанні плёнкі.

У адной з арганізацый Шклоўскага раёна на момант праверкі жывёлам давалі няякасныя кармы з цвіллю.

А ў Круглянскім і Горацкім раёнах пракурорамі ў трох арганізацыях устаноўлены факты нарыхтоўкі кармоў у капцы пры наяўнасці свабодных бетанаваных сховішчаў.

Па фактах закладкі кармоў у капцы пракурор Круглянскага раёна ініцыяваў прыцягненне дырэктара сельгасарганізацыі да адміністрацыйнай адказнасці. Кіраўнікі прадпрыемстваў Горацкага раёна таксама прыцягнутыя да адміністрацыйнай адказнасці. Пра пакаранне кіраўніка сельгасарганізацыі на Шклоўшчыне не паведамляецца.

Фотаздымак: Генпрокуратура РБ

На Дрыбіншчыне студатрад ледзьве не застаўся без заробку

Навіна ад

Толькі з дапамогай пракуратуры 15 студатрадаўцам удалося атрымаць заробак пасля працы на адну сельгасарганізацыю ў Дрыбінскім раёне.

Як распавядаецца на сайце Генеральнай пракуратуры, сельгасарганізацыя заключыла з 15 непаўналетнімі студэнтамі працоўныя дамовы. Аднак пры заканчэнні іх сельгаспрац і натуральным звальненні выплочваць заробак адмовілася. У выніку студэнты аказаліся без 4,2 тыс. рублёў заробленых грошай.

На сайце не распавядаецца, якім чынам звесткі аб нявыплаце дайшлі да пракуратуры. Верагодна, да яе звярнуліся бацькі пакрыўджаных сельгасарганізацыяй студэнтаў. Так ці інакш, але тая выявіла парушэнні патрабаванняў працоўнага заканадаўства і працоўных працоў непаўналетніх.

Пракуратура вынесла прадпісанне кіраўніку сельгасарганізацыі і студэнтам выплацілі заробкі.

Дарэчы, паводле даных нагляднага ведамства, у Дрыбінскім раёне за летні перыяд было восем студэнцкіх атрадаў, у якіх працавалі 96 чалавек, з іх 88 непаўналетніх.

Фотаздымак: Генпракуратура

Соцслужбы пазбавілі пенсіі крычаўляніна, пакуль яго судзілі – пракуратура ўмяшалася

Навіна ад

У Крычаве мясцовы пенсіянер, якога судзілі але пакінулі пад падпіскай, змог аднавіць выплату сацыяльнай пенсіі, дзякуючы ўмяшанню пракуратуры.

Як паведамілі ў Генеральнай пракуратуры, мужчына звярнуўся з абскаржваннем спынення выплат. Праверка паказала, што ўпраўленне па працы, занятасці і сацыяльнай абароне райвыканкама незаконна прыпыніла яму выплату пенсіі. Чыноўнікі абгрунтавалі гэта тым, што ён асуджаны і ўзяты пад варту, нягледзячы на тое, што мера стрымання ў далейшым была заменена судом на падпіску аб нявыездзе і належных паводзінах.

Згодна закону “Аб пенсійным забеспячэнні», у даным выпадку выплата сацыяльнай пенсіі можа прыпыняцца толькі на час адбывання пакарання ў выглядзе пазбаўлення волі. Заканадаўства не прадугледжвае спынення выплат пры прымяненні меры стрымання, нават калі гэта заключэнне пад варту, а таксама пры прызначэнні іншых відаў пакарання, не пералічаных у законе.

Такім чынам, рашэнне спыніць выплату пенсіі крычаўскаму пенсіянеру прызнана незаконным. Пасля звароту пракурор раёна вынес прадпісанне начальніку ўпраўлення па працы, занятасці і сацыяльнай абароне. Мужчыне вярнулі выплату, а таксама налічылі пераразлік за час незаконнага прыпынення – больш за 1400 рублёў.

Паводле пракуратуры, прынятыя меры дазволілі пенсіянеру, які жыве адзін і фактычна застаўся без сродкаў для існавання, аднавіць свае правы і вярнуць заслужаныя выплаты.

Фотаздымак: Генеральная пракуратура

Абласная пракуратура знайшла парушэнні працоўных правоў у 186 работнікаў

Навіна ад

С начала 2025 года прокуратурой Могилевской области выявлены факты невыплаты или несвоевременной выплаты заработной платы 186 работникам.

По данным сайта Генпрокуратуры, общая сумма задолженности по зарплате за этот период превысила 230 тысяч рублей. Прокуратура вмешалась в 37 случаев.

Так, прокуроры Бобруйска обязали руководство частной строительной компании выплатить 12,8 тыс. рублей заработной платы 19 сотрудникам.

В Могилёве шестеро сотрудников торговой компании получили 17 тысяч рублей после обращения прокуратуры. Люди не получали зарплату более трёх месяцев.

Как отмечается в сообщении, руководители данных предприятий привлечены к административной ответственности.

Кстати, подобные случаи задержки заработной платы, которые выявляет прокуратура Могилёва, не редкость. Например, в июне стало известно , что одно из коммерческих предприятий областного центра не выплатило 21 сотруднику более 30 тысяч рублей зарплаты за декабрь 2024 года. При этом зарплата там должна выплачиваться дважды в месяц — 5 и 25 числа.

В марте 2025 года ведомство сообщило, что частная компания семь месяцев не выполняла обязательства по выплате заработной платы 19 сотрудникам. Сумма задолженности составила более 64 тысяч рублей.

Фото из открытых источников

Магілёўскія пракуроры заблакавалі сайты беларускіх і расійскіх праваабаронцаў

Навіна ад

Па рашэнні пракуратуры Магілёўскай вобласці ў Беларусі заблакавалі сайты праваабарончых праектаў “Праваабаронцы супраць катаванняў” і “Мемориал ПЗК”.

Пра блакаванне праваабарончых сайтаў беларускага protivpytok.org і расійскага memopzk.org, паведаміла Генеральная пракуратура.

Па версіі пракуратуры, на сайтах ініцыятыў “размяшчаліся інфармацыйныя матэрыялы, якія змяшчаюць загадзя ілжывыя звесткі аб палітычным становішчы Рэспублікі Беларусь, прававым становішчы грамадзян, а таксама экстрэмісцкія матэрыялы, якія накіраваны на дыскрэдытацыю кіраўніка дзяржавы, органаў улады і кіравання».

Ініцыятыва “Праваабаронцы супраць катаванняў” створана ў 2011 годзе, яна аб’ядноўвае беларускіх праваабаронцаў і юрыстаў, якія займаюцца праблемай катаванняў у Беларусі.

“Мемориал. Поддержка политзаключенных” — расійская ініцыятыва. Праект збірае і распаўсюджвае інфармацыю пра палітвязняў, дапамагае палітвязням знайсці і аплаціць адваката і г.д.

Фотаздымак з адкрытых крыніц