Tag: маці

Асіпаўчанка асуджана на 15 гадоў калоніі за забойства маці

Навіна ад

Магілёўскі аблсуд асудзіў 35-гадовую жыхарку Асіповічаў, якая забіла сваю 56-гадовую бездапаможную маці.

Цягам некалькіх месяцаў абвінавачаная, якая мае ўласнае малалетняе дзіця, жыла разам з маці і даглядала яе. Пацярпелая амаль не магла самастойна перасоўвацца і патрабавала пастаяннай дапамогі.

Трагедыя адбылася ў снежні 2025 года. Паводле матэрыялаў справы, падчас сямейнага канфлікту дачка, знаходзячыся ў стане алкагольнага ап’янення, нанесла маці не менш за 45 удараў рукамі і нагамі па розных частках цела.

У судзе адзначылі, што абвінавачаная разумела: яе маці не здольная абараніцца або аказаць супраціў. Ад атрыманых траўмаў жанчына памерла на месцы.

Абвінавачаная прызнала віну часткова. Аднак суд палічыў, што яе віна цалкам пацвярджаецца даследаванымі доказамі.

Акалічнасцю, якая абцяжарвае адказнасць, суд прызнаў здзяйсненне злачынства ў стане алкагольнага ап’янення. У якасці змякчальных абставінаў былі ўлічаны раскаянне і наяўнасць на ўтрыманні малалетняга дзіцяці. У выніку жанчыне прызначылі 15 гадоў пазбаўлення волі ў калоніі агульнага рэжыму.

Прысуд пакуль не ўступіў у законную сілу.

Фотаздымак з адкрытых крыніц

На Магілёўшчыне сямікласніца паскардзілася ў міліцыю на пабоі ад маці

Навіна ад

Дванаццацігадовая дзяўчынка сядзела ў тэлефоне і ігнаравала заклікі маці пайсці вячэраць. Атрымаўшы рамяня, дачка паскардзілася на маці ў РАУС.

У міліцыю паступіла заява ад дзяўчынкі, якая сцвярджала, што ў ходзе сваркі яе збіла ўласная маці. Пачалася праверка, выясненне абставін і ўсталявання цяжкасці цялесных пашкоджанняў.

У выніку ўдалося высветліць, што 12-гадовую дзяўчынку маці некалькі разоў клікала да вячэры, а тая адмаўлялася, бо забаўлялася ў тэлефоне і есці не хацела. На паўторную просьбу мамы адкласці тэлефон дачка адрэагавала з агрэсіяй, і жанчына, раззлаваўшыся на фоне таго, што дзіцёнак шмат часу праводзіць у тэлефоне, некалькі разоў ударыла дзяўчынку далонямі і рамянём. Праз тыдзень падлетак звярнулася ва ўстанову аховы здароўя і міліцыю.

Што ж тычыцца траўмы, то ёй аказаўся сіняк на плячы, які, як высветлілі спецыялісты, не пацягнуў кароткачасовага растройства здароўя або нязначнай стойкай страты працаздольнасці. Такім чынам ва ўзбуджэнні крымінальнай справы было адмоўлена.

Фотаздымак з адкрытых крыніц

У Магілёве маці збівала свайго дзіцёнка-груднічка да сінякоў

Навіна ад

Факт збіцця немаўляці ў Магілёве выявіла медыкі, а за імі пракуратура. Міліцыя ж не ўбачыла праблем у сям’і.

У Магілёўскай вобласці пракуратура праверыла працу служб, якія адказваюць за абарону дзяцей у сацыяльна небяспечных сем’ях. Аказалася, што многія структуры выконвалі свае абавязкі фармальна.

Так, у Магілёве, нягледзячы на паведамленне аб знаходжанні груднога дзіця ў неспрыяльнай сямейнай абстаноўцы, міліцыя не ўбачыла ніякіх праблем. Аднак праз непрацяглы час пры абследаванні немаўляці ў медыцынскай установе ў яго знайшлі шматлікія цялесныя пашкоджанні рознай даўнасці. Як аказалася, іх нанесла маці.

Па загадзе пракурора Магілёва малое адабрана і змешчана на дзяржаўнае забеспячэнне. А ў дачыненні да жанчыны ўзбуджана крымінальная справа за наўмыснае прычыненне менш цяжкага цялеснага пашкоджання.

Фотаздымак з адкрытых крыніц