«Нам чужыя еўрапейскія ідэалогія і каштоўнасці», міністр адукацыі пра сямейнае выхаванне беларусаў

Андрэй Іванец заяўляе, што Міністэрства адукацыі будзе жорстка кантраляваць і каардынаваць працу ў сямейным выхаванні.

На што будзе нацэленая дзейнасць ведамства ўрадовец згадаў у інтэрв’ю тэлеканалу «БТ», гаворачы пра ўвядзенне ў школах «гендарнага курсу». 

Паводле Іванца «міністэрствам адукацыі не рэкамендавана ніякага гендарнага курсу». Ім распрацавана шэсць факультатываў для вучняў розных класаў аб сямейных каштоўнасцях, якія заснаваны на традыцыйнай культуры, традыцыйных каштоўнасцях беларускага народу».

«Бо не проста так мы ў Канстытуцыі замацавалі ўжо тое, што шлюб – гэта саюз мужчыны і жанчыны», – адзначае ён.

«У сувязі з гэтым Міністэрства адукацыі будзе вельмі жорстка кантраляваць і каардынаваць працу ў сямейным выхаванні. Таму што нам чужая еўрапейская ідэалогія, чужыя еўрапейскія каштоўнасці, і мы проста не маем права дапусціць таго, каб яны ўсяляк праніклі ў розумы нашай моладзі», – настойвае Андрэй Іванец.

Ён лічыць, што прынятыя яго ведамствам захады не дазволяць «еўрапейскім каштоўнасцям» нейкім чынам трапіць «і ў беларускую сістэму адукацыі, і ў грамадства ў цэлым».

фота: ont.by

Беларуская адукацыя становіцца ўсё больш папулярнай за мяжой, сцвярджае міністр Іванец. Але ў каго?

Урадовец называе краіны, адкуль прыязджаюць вучыцца замежнікі, але вядома, што сярод іх пераважаюць студэнты з Сярэдняй Азіі і Блізкага ўсходу. Еўрапейцаў вобмаль. Пытанне аб прысутнасці Беларусі ў еўрапейскай адукацыйнай прасторы наагул адкрытае.

Колькасць замежных студэнтаў сягнула 32 тысяч.

Паводле міністра адукацыі Андрэя Іванца ў Беларусі вучацца студэнты з 107 краін і за апошнія пяць гадоў колькасць замежных студэнтаў павялічылася з 17 тысяч да 32 тысяч.

vsu.by

З якіх менавіта краёў прыязджаюць у Беларусь ахвотнікі атрымаць вышэйшую адукацыю, Іванец не сказаў, адзначыўшы, што «беларуская адукацыя становіцца ўсё больш папулярнай за мяжой», паведамляе БелТА.

З еўрапейскіх краін – Малдова, Сербія.

У спакайнейшым для Беларусі 2019 годзе, паводле рэсурсу President.gov.by, у мясцовыя ўніверсітэты паступалі грамадзяне з Туркменістану, Кітаю, Узбекістану, Расіі, Шры-Ланкі, Таджыкістану, Лівану, Індыі, Ірану, Казахстану, Азербайджану.

З еўрапейскіх краін згадваліся Малдова, Сербія.

«У 2019 годзе Міністэрства адукацыі падпісала міжнародныя дамовы з Кітаем, Турцыяй, Сірыяй, ААЭ, Егіптам, Узбекістанам, Таджыкістанам, Сербіяй, а таксама міжведамасную праграму развіцця супрацоўніцтва ў сферы вышэйшай адукацыі на 2019-2021 гады з Кубай. Уступілі ў сілу міжнародныя пагадненні з Бразіліяй і Малдовай. Установы адукацыі заключылі 628 прамых дамоваў з навучальнымі ўстановамі 44 краін свету», – адзначана на сайце President.gov.by.

Што з Балонскім працэсам?

Пасля падзеяў звязаных з вайной ва Ўкраіне, пад падгрозай аказалася прысутнасць Беларусі ў Еўрапейскай прасторы вышэйшай адукацыі. 11 красавіка 2022 году Назіральная група па Балонскім працэсе апублікавала рашэнне аб прыпыненні прадстаўніцтва ў ім у кампаніі з Расійскай Федэрацыяй.

reform.by

Паводле Андрэя Лаўрухіна, эксперта ў сферы адукацыі, навукі і інавацыяў і прадстаўніка грамадскай платформы «Рэфармуем сістэму адукацыі разам!», рашэнне аб удзеле Беларусі ў Балонскім працэсе пакуль не прынята. Калі тое адбудзецца, кажа ён у інтэрв’ю выданню, якое ўлады прызналі «экстрэмісцкім», то гэта можа стаць катастрофай.

«Беларуская адукацыя рускамоўная, і ў яе няма магчымасці трымацца ў баку ад рускамоўнай прасторы. – лічыць ён. – А там Расія зʼяўляецца галоўным аператарам і мадэратарам усіх працэсаў у вышэйшай адукацыі. І Беларусь не вытрымае канкурэнцыі, яна будзе проста паглынутая больш мадэрнізаванай і канкурэнтаздольнай сістэмай».

Выбар: Расія, ці Еўропа.

Па словах Андрэя Лаўрухіна, беларуская адукацыя стаіць між выбарам – калі не еўрапейская прастора, то расійская і «іншага проста няма».

«Мы нават не можам існаваць аўтаномна. Гэта будзе сімвалічная інстытуцыйная акупацыя. – мяркуе ён. – І дзверы на Захад для моладзі зачыняцца так, што не ўдасца прасунуць нават нос. Гэта будзе катастрофа, таму важна захаваць хаця б культурную і адукацыйную сувязь з Заходняй Еўропай, не рваць гэтыя сувязныя ніткі».

 

Навіны пабрацімаў. У трох універсітэтах Мікалаева, разбураных расійскімі абстрэламі, навучальны год пачнецца своечасова

Паводле абласной адміністрацыі, ВНУ маюць дадатковыя карпусы, дзе можна праводзіць заняткі.

Расійскія ракеты пацэлілі ў тры вядучыя ВНУ Мікалаева – Нацыянальны ўніверсітэт караблебудавання, Чарнаморскі нацыянальны ўніверсітэт імя Пятра Магілы і Нацыянальны ўніверсітэт імя Сухамлінскага. Будынкі навучальных установаў маюць сур’езныя пашкоджанні.


Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці


glavcom.ua

Навучанне ў гэтых універсітэтах пачнецца своечасова, нягледзячы на тое, што іх разбамбілі, заяўляе старшыня абласной ваеннай адміністрацыі Віталій Кім. Паводле яго, навучанне будзе праходзіць як у анлайн, – так і ў афлайн-фарматах.

«Педагагічны калектыў і іншыя супрацоўнікі цэлыя. Абітурыентаў набралі дастаткова, таму яны будуць працаваць у іншых, няхай і не такіх камфортных, але памяшканнях», – падае словы Кіма выданне «УКРІНФОРМ».

Нацыянальны ўніверсітэт караблебудавання і Універсітэт імя Сухамлінскага расійскія войскі атакавалі 15 ліпеня. У будынак Чарнаморскага нацыянальнага ўніверсітэту імя Пятра Магілы ракеты пацэлілі ўначы з 16 на 17 жніўня.

img.novosti-n.org

Па словах Віталія Кіма, толькі каля 5 працэнтаў гімназіяў і дзіцячых садоў будуць працаваць у аўтаномным рэжыме. Бацькі самі вызначаць фармат навучання.


Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

Почём высшее образование в Могилёве. Подготовьтесь конспектировать

Высшие учебные заведения Могилева замерли в ожидании абитуриентов. Те в свою очередь готовятся стать студентами. А сколько будет стоить дорога к высшему образованию.

Журналисты “Вечернего Бобруйска” поинтересовались этим вопросом и выяснили цены в двух популярных вузах областного центра. Исследователи предупреждают: цены могут измениться.

Дело в том, отмечают они, что университеты, чтобы не отпугивать абитуриентов, как правило, стараются особо не афишировать стоимость обучения до августа. А вот в августе может ждать сюрприз…

Таким образом посмотрим теперешний прейскурант.

МГУ имени А.А. Кулешова (дневная форма)

1 курс, специальности: экономическое право, социальные коммуникации, правоведение, психология, экономическая информатика

  • 3 626,00 руб. за учебный год

1 курс, все специальности, кроме экономического права, социальных коммуникаций, правоведения, психологии, экономической информатики

  • 3 501,00 руб. за учебный год

2 курс специальности: экономическое право, экономика и управление на предприятии, правоведение, психология

  • 3 206,00 руб. за учебный год

2 курс все специальности, кроме экономического права, экономики и управления на предприятии, правоведения, психологии

  • 3 097,00 руб. за учебный год

3 курс специальности: экономическое право, экономика и управление на предприятии, правоведение, психология

  • 3049,00 руб. за учебный год

3 курс все специальности, кроме экономического права, экономики и управления на предприятии, правоведения, психологии

  • 2927,00 руб. за учебный год

Белорусско-Российский университет

1 курс дневной формы обучения (по экономическим специальностям)

  • 3 389,00 pyб.

1 курс дневной формы обучения (по техническим специальностям)

  • 3 324,00 pyб.

2 курс дневной формы обучения (по экономическим специальностям)

  • 3 318,00 pyб.

2 курс дневной формы обучения (по техническим специальностям)

  • 3 257,00 pyб.

3 курс дневной формы обучения (по экономическим специальностям)

  • 3 257, 00 pyб.

3 курс дневной формы обучения (по техническим специальностям)

  • 3 194,00 pyб.

4 курс дневной формы обучения (по экономическим специальностям)

  • 3 194,00 pyб.

4 курс дневной формы обучения (по техническим специальностям)

  • 3 131,00 pyб.

5 или 4 курс (выпускной) дневной формы обучения (по экономическим специальностям) (4 – 5 лет обучения)

  • 3 077,00 pyб.

5 курс (выпускной) дневной формы обучения (по экономическим специальностям) (4,5 года обучения)

  • 1 538,00 pyб.

5 или 4 (выпускной) курс дневной формы обучения (по техническим специальностям)

  • 3 012,00 pyб.

5 курс (выпускной) дневной формы обучения (по техническим специальностям) (4,5 года обучения)

  • 1 506.00 pyб.

 

9 тысяч беларускіх студэнтаў вучацца за мяжой. У беларускіх ВНУ іншаземцаў – 27 тысяч

У Беларусі вучацца расіяне, кітайцы, выхадцы з паўднёва-ўсходняй Азіі ды з краін постсавецкай прасторы. Туркменаў паменела.

У нашых ВНУ атрымліваюць веды 2155 грамадзян Расіі. У той жа час у суседняй краіне беларускіх грамадзян – 9 тысяч. Усяго ж замежнікаў вучацца ў краіне – 27 тысяч.

Прыкладам інтэграцыі адукацыйных прастор Беларусі і Расійскай Федэрацыі называюць адзін з магілёўскіх універсітэтаў.

Паводле газеты «СБ. Беларусь сегодня», універсітэты Беларусі і Расіі рэалізуюць 15 сумесных адукацыйных праграм. Узаемадзеянне ў адукацыйнай сферы ажыццяўляецца з 73 рэгіёнамі Расійскай Федэрацыі.

Прыкладам інтэграцыі адукацыйных прастор Беларусі і Расійскай Федэрацыі лічыцца Беларуска-Расійскі ўніверсітэт, які знаходзіцца ў Магілёве. Гэта дзяржаўная ВНУ ў сумесным вядзення дзвюх краін.

Таксама ў Беларусі функцыянуюць два расійскія філіялы, якія вядуць адукацыйную дзейнасць паводле заканадаўства Расійскай Федэрацыі і расійскім адукацыйным стандартам з выдачай дыпломаў расійскага ўзору. Гаворка пра філіял Расійскага дзяржаўнага сацыяльнага ўніверсітэта і Мінскім філіяле Расійскага эканамічнага ўніверсітэта імя Г.У. Пляханава.

 

Замежныя студэнты за навучанне плацяць удвая больш за беларусаў

На кастрычнік 2021 году ўсяго ў Беларусі вучылася 27 тысяч замежнікаў. Паводле прадстаўніка міністэрства адукацыі Сяргея Каспяровіча сярод замежных студэнтаў пераважаюць прадстаўнікі з постсавецкіх краінаў. Ёсць кітаўцы і студэнты з паўднёва-ўсходняй Азіі.

Па словах урадоўцы раней шмат вучылася грамадзян з Туркменістану, але гэты кантынгент студэнтаў паволі амаль знік.

Замежнікі за навучанне плацяць больш за беларусаў. Паводле Каспяровіча ніжняя мяжа па кошце за год складае крыху больш за $1 тыс. – $1,2 тыс. Верхняя – $1,5 – 1,6 тыс.

«Калі мы гаворым аб замежных грамадзянах, то тут кошт вышэйшы ў два разы, у асобных выпадках – у два з паловай разы, чым для беларускага грамадзяніна», – даводзіць прадстаўнік міністэрства адукацыі.

У медычных ВНУ, – дадае ён, – дзе з-за спецыфікі затраты на навучанне вышэйшыя, плата за навучанне замежных грамадзян можа даходзіць і да $5 тыс. у год.

фота: belta.by 

«Польскія» класы закрываюць згодна заканадаўству. У Магілёве іх таксама не будзе

Права пазабавіцца «польскіх» класаў даў уладам зменены Кодэкс аб адукацыі.

Міністэрства адукацыі не ўгледзела парушэння канстытуцыі ў закрыцці класаў, дзе школьнікі паглыблена вывучалі польскую мову. Яна ў Беларусі лічыцца моваю нацыянальнай меншасці, а атрыманне на ёй ведаў – канстытуцыйнае права грамадзяніна.

У 50 яе артыкуле гаворыцца, што дзяржава гарантуе ў адпаведнасці з законам свабоду выбару мовы выхавання і навучання.

У петыцыі, якая была адрасаваная Міністэрству адукацыі 19 мая, яе аўтары звяртаюць увагу чыноўнікаў, што заняткі па-польску збіраюцца абмежаваць вывучэннем мовы і літаратуры адным урокам на тыдзень. Астатнія дысцыпліны будуць выкладацца па-расійску.

У петыцыі, якую падпісалі 106 чалавек, адзначаецца: новая рэдакцыя Кодэксу аб адукацыі ўшчамляе правы нацыянальных меншасцяў на атрыманне адукацыі на роднай мове.

На падпраўлены Кодэкс аб адукацыі, спасылаецца начальнік упраўлення агульнай, сярэдняй і спецыяльнай адукацыі Марыя Кіндзірэнка. Яе подпіс стаіць пад адказам на петыцыю. Паводле службоўкі ў 82 артыкуле Кодэксу вызначаныя мовы навучання ў Беларусі, а таксама прадугледжаныя магчымасці вывучэння мовы і літаратуры нацыянальных меншасцяў ва ўстановах агульнай і сярэдняй адукацыі.

«Такім чынам, заканадаўствам Рэспублікі Беларусь вывучэнне мовы нацыянальнага меншасці, рэгламентавана», – настойваюць у Міністэрстве адукацыі.

«Польскія» класы закрываюць у Магілёве, Брэсце, Гродно і Ваўкавыску.

 

Праваслаўнае духавенства возьмецца вучыць студэнтаў сельгасакадэміі патрыятызму

Беларуская сельскагаспадарчая акадэмія наладзіла супрацоўніцтва з Магілёўскай епархіяй Беларускай праваслаўнай царквы Маскоўскага патрыярхату. Дамова аб тым падпісаныя 2 чэрвеня.

Бакі, гаворыцца ў ёй, будуць выкарыстоўваць патэнцыял традыцыяў і каштоўнасцяў беларускага народу дзеля духоўна-маральнага і патрыятычнага выхавання моладзі, гаворыцца на партале Беларускай праваслаўнай царквы.

Прыярытэтнымі напрамкамі супрацоўніцтва праваслаўнага духавенства і адміністрацыя навучальнай установы лічаць выхаванне, культурную і творчую дзейнасць, а таксама захаванне гістарычнай і культурнай спадчыны ды сацыяльную працу.

У 1985 годзе акадэмію ў Горках скончыў Аляксандр Лукашэнка. Вучыўся ён на эканамічным факультэце.

На сайце навучальнай установы яго біяграфія размешчаная ў раздзеле выбітныя выпускнікі.

У акадэміі вучацца больш за 10 тысяч студэнтаў. На сайце навучальнай установы гаворыцца, што яе навучэнцамі з’яўляюцца грамадзяне з 20 краінаў. Сярод іх пераважаюць краіны Афрыкі. Згадваецца Ізраіль, Расія, Украіна ды Грузія. Усяго ў акадэміі 425 студэнтаў з-за мяжы.

фота: baa.by