Category: Навіны Бабруйска

Два пажары ў Магілёве, адзін у Бабруйску. Загінула жанчына

Навіна ад

Днём 20 студзеня на Магілёўшчыне тройчы адбыліся пажары – паведамляе прэс-служба МНС. Трагічным стала ўзгаранне ў Магілёве ў аднапавярховым доме на дзве кватэры па вуліцы Макарава, 24. Тут ратавальнікі здолелі выцягнуць з агня мужчыну 1972 года нараджэння, які быў шпіталізаваны з атручэннем. На месцы здарэння было знойдзена цела яго сужыцельніцы 1977 года нараджэння. Прычыны пажару высвятляюцца.

У той жа дзень здарыўся пажар у прыватным доме па вуліцы Восеньскай. Гаспадар дома, пенсіянер 1957 года нараджэння быў шпіталізаваны з атручэннем прадуктамі гарэння.

У 18:25 20 студзеня адбылося ўзгаранне ў незакрытым падвале пяціпавярховага дома па вуліцы Чарняхоўскага. З кватэр пад’езда супрацоўнікі МНС эвакуявалі 9 чалавек, пры гэтым адна з жыхарак, пенсіянерка 1951 года нараджэння была шпіталізаваная з атручэннем.

Фота ілюстрацыйнае

Паглядзіце, як бабруйскія кіроўцы радуюцца заснежаным дарогам – відэа

Навіна ад

Ролік з дрыфтам бабруйскіх аўтааматараў выклала на сваім тэлеграм-канале прэс-служба абласнога УУС.

Паведамляецца, што 22-гадовы кіроўца Cadillac дрыфтаваў на заснежанай дарозе і ўрэшце рэшт сутыкнуўся з прыпаркаваным мікрааўтобусам. Цяпер яму пагражае пазбаўленне правоў на тэрмін да двух гадоў і штраф ад 5 да 20 базавых.

У Бабруйску выратавалі двух пенсіянераў з кватэры, што палала

Навіна ад

Раніцай 14 студзеня работнікі МНС выратавалі двух бабруйскіх пенсіянераў з кватэры падчас пажару. 

Continue reading “У Бабруйску выратавалі двух пенсіянераў з кватэры, што палала”

Быў п’яным, хацеў пакатацца – бабруйчанін за ноч скраў дзве машыны

Навіна ад

Абодва аўто стаялі незакрытымі і з ключамі ў замку запальвання. Раскрыць злачынства дапамаглі судовыя эксперты.

У Бабруйску за адну ноч былі ўгнаныя дзве аўтамашыны – Volkswagen Passat і малакавоз Iveco. Як высветлілі спецыялісты судовых экспертыз, за ўгонамі стаяў адзін і той жа чалавек – у аўтамабілях былі выяўленыя мікравалокны з яго штаноў. Злачынцам аказаўся неаднаразова судзімы 29-гадовы жыхар Бабруйска, які быў нападпітку і вырашыў ноччу пакатацца. Першую машыну, Volkswagen Passat ён разбіў аб дваравую канструкцыю для сушкі бялізны. На малакавозе Iveco ён вылецеў з дарогі і ўрэзаўся ў дрэва на ўзбочыне. Абедзьве машыны стаялі ноччу ў двары незапертыя, з ключамі ў замку запальвання – ўдакладняюць у Камітэце судовых экспертыз.

Фота: Судовыя экспертызы

Бабруйчанка расказала, як жыць на адну пенсію і дазваляць сабе буйныя пакупкі

Навіна ад

За больш чым дзесяць гадоў на пенсіі жанчына змагла набыць два халадзільнікі, два тэлевізары, два ноўтбукі, маразілку і кучу ўсяго іншага. Гісторыю 67-гадовай бабруйскай пенсіянеркі расказвае выданне “Камерцыйны кур’ер”.

Continue reading “Бабруйчанка расказала, як жыць на адну пенсію і дазваляць сабе буйныя пакупкі”

Бабруйскі скураны завод пазбег банкруцтва

Навіна ад

Нягледзячы на нявыплачаныя запазычанасці ў 24 мільёны рублёў, Эканамічны суд Магілёўскай вобласці спыніў справу пра эканамічную няздатнасць Бабруйскага скуранога завода.

Адносна прадпрыемства была спыненая справа аб банкруцтве – піша “Камерцыйны кур’ер”. З гэтым рашэннем пагадзіліся больш за палову крэдытораў, з якімі скураны завод дасягнуў міравога пагаднення. Запазычанасць у амаль што 24 мільёны рублёў прадпрыемства будзе аддаваць у растэрміноўку. 

На працягу 2023 года Бабруйскі скураны завод здолеў выйсці на чысты прыбытак у 259 тысяч рублёў. У бягучым годзе прадпрыемства ўжо спрабавалі прадаць за 25 мільёнаў рублёў, каб адразу і цалкам разлічыцца з запазычанасцямі, але ўласнік і магчымыя пакупнікі не сышліся ў канчатковым кошце завода. Зараз пытанне пра продаж прадпрыемства больш не актуальнае.

Фота: “Камерцыйны кур’ер”

На улице Социалистической в Бобруйске растет необычный тополь

Навіна ад

Зима в разгаре, а листья с этого дерева так и не опали. 

Снега и морозы тополю нипочем. Листья сделались серыми, но упорно держатся на ветвях. сообщает “Бобруйский курьер”.

Специалисты объясняют эту аномалию тем, что жизненные процессы дерева нарушены: если не могут опасть старые листья, новые уже не появятся.

Печально, но старый тополь умирает. Эта зима станет для него последней.

Когда-то эта часть улицы Социалистической была сплошь засажена тополями. Теперь осталось только три дерева и одно из них уже прощается с любимым городом.

Фото газеты “Бобруйский курьер”.

У доме пад Бабруйскам узарваўся ацяпляльны кацёл

Навіна ад

У суботу, 16 снежня ў 9.07 паступіла паведамленне аб разрыве самаробнага ацяпляльнага катла на цвёрдым паліве, уманціраваным у печ.

Здарэнне адбылося ў вёсцы Канчаны Бабруйскага раёна – паведамляе МНС.

Пажару ўдалося пазбегнуць, але пацярпеў гаспадар дома. Пенсіянер 1954 года нараджэння атрымаў траўмы. Пасля аказання медыцынскай дапамогі мужчына быў накіраваны на амбулаторнае лячэнне. У доме разбурана печ, пашкоджаны ацяпляльны кацёл і шкленне ў кухні, адбылася дэфармацыя часткі вонкавай драўлянай сцяны памяшкання кухні. Меркаваная прычына разрыву – парушэнне правілаў эксплуатацыі печаў, цеплагенерыруючых агрэгатаў і прылад (адсутнасць цыркуляцыі цепланосбіта ў сістэме).

Фота ілюстрацыйнае

У Бабруйску таксі сутыкнулася з трактарам

Навіна ад

У пятніцу, 8 снежня, у Бабруйску адбылося дарожна-транспартнае здарэнне – сутыкнуліся таксі Renault Logan і трактар з маніпулятарам.

Аварыя здарылася а другой гадзіне дня на вуліцы Якуба Коласа. У выніку сутыкнення аўтамабіль атрымаў сур’ёзныя механічныя пашкоджанні памята правае задняе крыло, дэфармаваны дзверы і вечка багажніка. Па папярэдніх дадзеных, людзі не пацярпелі.

Фота: komkur info

У Кіраўску кампанія пагуляла з алкаголем і наркотыкамі – пасадзілі ўсіх

Навіна ад

Пяць чалавек атрымалі судзімасць за вясёлую пагулянку ў Кіраўску. Усё пачыналася з простай п’янкі, а завяршылася наркатрыпам у Бабруйск і назад.

Кампанія з маладога мужчыны і двух дзяўчат пачала сваю гулянку раніцай у верасні 2022 года. Калі закончыўся алкаголь, 30-гадовы мужчына замовіў псіхатропаў, за якімі прыйшлося ехаць з Кіраўска ў Бабруйск. Забраўшы там закладку, кампанія частку наркотыка ўжыла яшчэ па дарозе назад, а потым працягнула вяселле. Бліжэй да вечара яны вырашылі зноў паехаць у Бабруйск у начны клуб. Для падвоза выклікалі свайго знаёмага кіроўцу таксі.

Па дарозе ў Бабруйск кампанія замовіла яшчэ адну закладку, а ўжо на месцы вырашыла вярнуцца назад у Кіраўск. Там яны пайшлі ў госці да сваёй 23-гадовай сяброўкі – прычым да гулянкі далучыўся і іх таксіст. У гасцях кіроўца частаваў кампанію сваёй марыхуанай.

Падчас далейшай пасядзелкі усіх пяцярых – мужчыну 30 гадоў, двух яго сябровак 19-ці і 29-ці гадоў, а таксама гаспадыню кватэры і таксіста накрыла міліцыя. Усю кампанію абвінавацілі ў абароце наркатычных рэчываў. Па артыкуле “Незаконнае абарачэнне асабліва небяспечных псіхатропных рэчываў у буйным памеры, здзейснены групай асоб” 30-гадовага мужчыну і яго сябровак 19-ці і 29 гадоў асудзілі на сем гадоў калоніі ўзмоцненага рэжыму кожнага.

23-гадовы таксіст атрымаў тры з паловай гады турмы з фармулёўкай “Незаконныя з мэтай збыту набыццё, захоўванне, перавозка і незаконны збыт наркатычных сродкаў”. 23-гадовую дзяўчыну, што прыняла кампанію ў сябе дома вызначылі ўласніцай прытона і асудзілі на тры гады абмежавання волі без накіравання ў вязніцу – паведамляюць “Магілёўскія ведамасці”.

Фота ілюстрацыйнае