Tag: могилев

Навіны пабрацімаў. Апублікаваныя фота з наступствамі начнога абстрэлу расійскімі войскамі Мікалаева

Навіна ад

Мікалаеў атакавалі ўначы. Па прыфрантавым горадзе расійскія войскі звыкла страляюць гэтай парой, альбо на золку. У выніку начнога абстрэлу адзін чалавек атрымаў раненні. У адным з паселішчаў вобласьці адзін чалавек загінуў.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Паводле абласной ваеннай адміністрацыі, «праціўнік абстраляў жылы квартал гораду». Адзін чалавек атрымаў раненні. Пашкоджаныя лініі сувязі і цывільная інфраструктура.

Горад расіяне атакавалі рэактыўнай сістэмай залпавага агню «Смерч», а таксама зенітна-ракетнымі комплексамі С-300.

«Сітуацыя ў нашым аператыўным раёне застаецца складанай, напружанай, але кантраляванай. Праціўнік працягвае весці баявыя дзеянні ўздоўж занятай лініі абароны. Істотных зменаў у яе складзе і становішчы няма», – паведамляе пра сітуацыю на фронце аператыўнае камандаванне «Поўдзень».

Акрамя Мікалаева ноччу былі абстраляныя і паселішчы вобласці. Выданне Inshe.tv піша , што з-пад завалаў дому ў адным з пасёлкаў дасталі цела загінулага чалавека.

Кіраўнік абласной ваеннай адміністрацыі Віталій Кім запэўнівае, што гораду не пагражае аблога. Па ягоных словах, «падставаў для турбот няма», бо «каб акружыць горад, расійскім войскам спатрэбіцца некалькі месяцаў».

«У цяперашні час лінія фронту знаходзіцца за 45 кіламетраў ад Мікалаева, таму пагрозы акружэння няма», настойвае Віталій Кім.

За час пакуль трывае поўнамаштабная вайна ва Ўкраіне, Мікалаеў расійскія войскі не абстрэльвалі толькі 22 дні з 172.

80 працэнтаў жыхароў гораду беспрацоўныя. Усе буйныя і сярэднія прадпрыемствы спынілі сваю дзейнасць. Кіраўніцтва гораду лічыць, што з Мікалаева з’ехала больш за палову яго даваеннага насельніцтва. Ім жыло амаль паўмільёны чалавек.

Пабрацімства Мікалаева з Магілёвам было замацаванае дамовай у 2009 годзе. 31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

фота з рэсурсу: facebook.com

Пенсіянерам і дачнікам дазволілі падзарабіць. Нязвыкла шмат гандляроў свойскай прадукцыі сабралася ля цэнтральнага рынку Магілёва

Навіна ад

Імправізаваныя гандлёвыя рады захапілі не толькі вуліцу Ціміразеўскую, на якой размешчаны рынак, але і суседнюю Першамайскую. Людзі прадаюць вырашчаную на сваіх палетках садавіну і гародніну, а таксама сабраная ў лесе грыбы ды ягады. Па колькасці тавару бачна, што ўсё гэта ўрадзіла.

Гараджане адзначаюць, што на прылеглай да рынку мясціне няма міліцэйскіх нарадаў, якія разганяюць у іншыя дні гандляроў. Расклееныя тут абвесткі папярэджваюць аб адміністрацыйнай адказнасці за гандаль у нявызначаным месцы.

Сярод гандляроў пераважаюць пенсіянеры. На прынесеных з сабою ўслончыках, ці сканструяваных на месцы лаўках, сядзяць і маладзейшыя іх калегі. Твары ўва ўсіх стомленыя, а ў вачах мальба да мінакоў, каб тыя чаго купілі.

Адзначыць Мядовы спас, асвяціўшы харчы, ля тутэйшай царквы сабралося багата праваслаўных вернікаў. Гандляры ля рынку і грамада ля бажніцы ажывілі цэнтр Магілёва ў выхадны дзень. Гараджане заўважаюць, што супрацоўнікі міліцыі назіраюць за абстаноўкай, але не ўмешваюцца ў гарадское дзейства, бо свята ж.

Colorfest прайшоў у Магілёве. Гараджане сталі крыху індусамі. Шмат фота

Навіна ад

Галоўная традыцыя фэсту – абсыпаць адзін аднаго рознакаляровымі яркімі і лёгка змыўнымі фарбамі. Штогадовая імпрэза праходзіла ў мясцовым Парку атракцыёнаў і традыцыйна сабрала шмат дзяцей і моладзі. Фарбы для мурзання ўдзельнікі куплялі на месцы. Яны бяспечныя, але і каштуюць не танна.

Упершыню Colorfest правялі ў Магілёве ў 2017 годзе. Ён адбыўся на стадыёне існуючага на той момант заводу штучнага валакла. Гэта аддаленая ад людных вуліц мясціна, куды адпраўлялі апазіцыянераў пратэставаць. Апошнія гады фэст праводзяць у Парку атракцыёнаў.

Ідэю правядзення фестываляў фарбы еўрапейцы падгледзелі ў індуісцкай культуры. Свята Holi (Пяшчоты) – адно з найбольш маляўнічых у Індыі і Непале. Бенгальцы з фарбамі адзначаюць сваё навагоддзе і свята вясны.

Упершыню ў Еўропе свята Holi правялі 29 чэрвеня 2012 года ў Берліне. У тым жа годзе, убачыўшы, наколькі спадабалася імпрэза людзям, адбылося яшчэ тры падобныя фэсты. Самы масавы адбыўся ў Мюнхене. На яго прыйшло 10 тысяч ахвотнікаў пабыць мурзатымі ад фарбаў.

Ад 2014 году Colorfest становіцца адным з улюблёных дзействаў еўрапейцаў. Яго сталі праводзяць не толькі на старым кантыненце, але ў Новай Зеландыі і нават Паўночнай Афрыцы.

У Беларусі таксама ўзяліся папулярызаваць свята з індуісцкімі каранямі. Да такога наватарства ў Магілёве мясцовая ўлада паставілася з недаверам, таму і адправіла ахвотнікаў абсыпацца фарбамі на аддалены ад гарадскога цэнтру стадыён, што на вуліцы Чалюскінцаў.

Адаптаваная пад Colorfest свята Holi падаецца як фестываль, дзе ўсе роўныя, незалежна ад колеру скуры, нацыянальнасці, узросту і полу. На ім няма месца курэнню і алкаголю – толькі здаровы розум, чыстыя эмоцыі, светлыя пачуцці і жывыя зносіны.

Дзень у гісторыі: 13 жніўня. Памёр Якуб Колас. У Магілёве нацысты стварылі гета – пачатак трагічнай гісторыі мясцовых габрэяў. Нарадзіліся: Ларыса Фінкельштэйн, даследніца габрэйскай спадчыны ў Беларусі і Яўген Колчаў, скульптар, аўтар рэльефаў Чырвонага касцёл

Навіна ад

Міжнародны дзень леўшуноў

Адзначаецца ад 1992 году з ініцыятывы брытанскага Клуба леўшуноў, каб прыцягнуць увагу да неабходнасці ўлічваць інтарэсы леварукіх. Сцвярджаецца, што іх каля 10%.

У 1976 годзе ў ЗША правялі Міжнародную канфедэрацыю леўшуноў, якая ўклала «Біль аб леўшунах». Паводле яго:

– кожнаму чалавеку павінна быць забяспечана свабода выбару ў выкарыстанні зручнай для яго рукі;

– тавары для леўшуноў павіны быць у свабодным доступе і па канкурэнтаздольных коштах;

– ніхто не можа ўціскаць леўшуноў;

– свет павінен быць адаптаваны так, каб леўшунам не даводзілася прасіць прабачэння за тое, якая ў іх дзеючая рука.

– абвясціць 13 жніўня Міжнародным днём леўшуноў для адстойвання правоў і годнасці леўшуноў ува ўсім свеце.

1913 год. Нарадзіўся Анатоль Багатыроў.

Кампазітар, педагог і грамадскі дзеяч.

Заснавальнік нацыянальнай беларускай оперы і беларускай нацыянальнай кампазітарскай школы.

Выхаваў плойму беларускіх кампазітараў.

Аўтар опер, створаных паводле твораў беларускіх пісьменнікаў і паэтаў.

1941 год. Акупацыйная ўлада гітлераўцаў у Магілёве загадала мясцовым габрэям пакінуць свае жытло і перасяліцца ў гета ў Падніколле.

У верасні гета было створана паміж Быхаўскім рынкам і вуліцай Віленскай. 

Да лістападу 1941 году нацысты знішчылі габрэяў з гета.

Там, дзе была ўваходная брама у гета, цяпер на вуліцы Лазарэнкі стаіць памятны знак: камень з высечанымі на ім далонямі.

1950 год. Нарадзілася Ларыса Фінкельштэйн

Мастацтвазнаўца, арт-крытык.

Заснавальніца першай беларускай галерэі «Брама», упершыню ў Беларусі пачала цыкл выставаў, прысвечаных мастакам-габрэям Беларусі і габрэйскай тэматыцы ў творчасці беларускіх аўтараў.

Увяла ў лексікон мастацтвазнаўства паняцце «філасофская кераміка».

Аўтар шматлікіх арт-пректаў.

1956 год. Памёр Якуб Колас (Канстанцін Міцкевіч).

Найадметнейшая постаць у беларускай культуры. Празаік, паэт, педагог, навуковец, грамадскі дзеяч.

Яго творы ўключаныя ў школьную праграму і перакладзеныя на 50 моваў свету.

Кожны беларус ведае класічныя коласаўскія творы: «Новая зямля», «Сымон музыка». У іх увасобленыя спрадвечныя беларускія чаканні: мець сваю зямлю і права распараджацца сваім жыццём без прынукі.

Імем Якуба Коласа ўганараваныя многія ўстановы культуры, названыя вуліцы. У Магілёве такой вуліцы няма.

1959 год. Нарадзіўся Яўген Колчаў.

Скульптар і фатограф.

Стварае станкавыя скульптуры ў рэалістычным стылі, захапляецца анімалістычным жанрам.

Удзельнічаў у аднаўленні складаных архітэктурных і скульптурных элементаў помнікаў готыкі і барока ў Германіі і Польшчы. 

Працы скульптара ўпрыгожваюць вуліцы і будынкі Мінска, знаходзяцца ў калекцыі Музея сучаснага выяўленчага мастацтва Беларусі, а таксама ў прыватных калекцыях.

Ён аўтар рэльефаў Чырвонага касцёлу ў Мінску, а таксама ў гонар Кастуся Каліноўскага.

 

 

У публікацыі выкарыстаныя звесткі з рэсурсу «Вікіпедыя» і іншых адкрытых у інтэрнэце крыніцаў

 

У Ходасах радасць – адкрылі кавярню з караоке. Чырвоную стужку перарэзалі чыноўнікі

Навіна ад

Гэта адзіная ядальня ў мястэчку, якое з дзясятак гадоў як лічыцца аграгарадком. Паводле закладзеных уладамі сацыяльных стандартаў у ім даўно мелася быць такая ўстанова харчавання.

Адкрыцця кавярні «Сустрэча» жыхары Ходасаў чакалі шэсць гадоў. Яны неаднаразова звярталіся з прапановаю да мясцовай улады і кіраўніцтва райспажыўтаварыства.

«І як толькі ў спажывецкага таварыства з’явіліся сродкі, мара сельскіх жыхароў спраўдзілася», – адзначае інтэрнэт-рэсурс мсціслаўскай раёнкі «MstLife».

mstlife.by

 На адкрыццё «сучаснага кафэ з караоке» наведаліся чыноўнікі і жыхары паселішча. Прыехаў нават кіраўнік райвыканкаму з Мсціслава Дзмітрый Пімашэнка.

«З адкрыццём кафэ вырашаецца адна з праблем па забеспячэнні месцамі грамадскага харчавання, аказанні паслуг спажывецкім таварыствам» – заявіў ён і выказаў меркаванне, што «абʼект будзе запатрабаваным».

На кавярню райспажыўтаварыства патраціла 40 тысяч рублёў. Працы трывалі чатыры месяцы. Кавярня гатовая прыняць адначасова 86 чалавек. Абяцаецца, што ў меню будуць пераважаць стравы беларускай кухні.

mstlife.by

У Ходасах пад 2 тысячы жыхароў. Паўз мястэчка праходзяць чыгунка з Воршы ў расійскую Ўнечу. Паселішча – адміністрацыйны цэнтр Ходаўскага сельсавету. Да Мсціслава – 15 кіламетраў. Да Магілёва 85-ць.

 

Адсутнасць звестак пра пачатак і завяршэнне будаўніцтва сацыяльных аб’ектаў становіцца нормай. Працяг тэмы

Навіна ад

На публікацыю пра адсутнасць датаў пачатку і завяршэння будаўніцтва новага корпусу інфекцыйнай больніцы адрэагавалі чытачы Магілёў.media, даслаўшы фотаздымак з пацверджаннем, што на пашпарце аб’екту іншай лякарні таксама адсутнічаюць такія звесткі. Гаворка пра ўзвядзенне новага корпусу больніцы хуткай дапамогі.

З пашпарту аб’екту невядома, калі пачалося будаўніцтва і калі яно завершыцца. Радкі на інфармацыйным стэндзе не запоўненыя.

11 жніўня Магілёў.media апублікаваў матэрыял пра сітуацыю з узвядзеннем новага корпусу інфекцыйнай больніцы. У ім адзначалася, што згодна з дзяржаўнымі стандартамі, на інфармацыйных стэндах павінны быць пазначаныя звесткі аб будаўніцтве аб’екту ў поўным аб’ёме. У адваротным выпадку, гэта парушэнне. У матэрыяле падкрэслівалася, што адсутнасць такой інфармацыі можа выкарыстоўваецца чыноўнікамі, каб апраўдацца перад грамадствам за спыненне працаў на аб’екце, альбо іх зацягванне.

Што да новага корпусу больніцы хуткай дапамогі, то паводле інфармацыі з сайту Магілёўскага аблвыканкаму, гэты будзе шматфункцыянальны сяміпавярховы корпус замест старых пабудоў. Яшчэ ў лістападзе 2019 году аказаць «садзейнічанне ў рэалізацыі перспектыўнага праекту выказалі гатоўнасць міністр аховы здароўя Уладзімір Каранік і старшыня Магілёўскага аблвыканкаму Леанід Заяц». Цяпер Каранік і Заяц займаюць іншыя службовыя пасады.

У верасні 2021 году ўжо новы міністр аховы здароўя Дзмітрый Піневіч у шэрагу з іншымі медычнымі ўстановамі, якія ўзводзяцца ў Магілёве, згадаў і больніцу хуткай дапамогі.

«Яшчэ праз пару гадоў завершыцца будаўніцтва новых карпусоў гарадской больніцы хуткай медычнай дапамогі. Гэта дазволіць Магілёву да канца 2023 года стаць горадам з аптымальна адладжанай сістэмай аховы здароўя ад паліклінік да буйных медычных цэнтраў», – падавала словы чыноўніка БелТА.

Вызначыць пачатак будаўніцтва новага корпусу больніцы хуткай дапамогі няпроста. Бурыць старыя камяніцы лякарні пачалі яшчэ ўзімку. Іх знішчэнне выклікала неадназначную рэакцыю краязнаўцаў і шараговых магілёўцаў.

У чэрвені агарадзілі пляцоўку пад будаўніцтва корпусу і ўзяліся капаць катлаван. Тады Магілёў.media напісаў, што на гэтым канчаткова знішчана гістарычная забудова мясцовай больніцы хуткай дапамогі.

Крымінальныя хронікі – пагоня ў Горацкім раёне, гектар канопляў і фарбаванае паліва

Навіна ад

На Магілёўшчыне міліцыя працягвае аперацыю «Мак». Праваахоўнікі вышукваюць плантацыі наркаўтрымліваючых раслінаў на прыватных участках, ці ў дзікай прыродзе.

Чарговыя зараслі канопляў выяўленыя ў Касцюковіцкім раёне. Плантацыя з гектар разраслася ў Зоне адчужэння – радыеактыўным участку Касцюковіцкага раёну, забароненым для наведвання чалавекам, паведамляе прэс-служба абласнога УУС.

У паселішчы Горы Горацкага раёну міліцыі прыйшлося даганяць бяспраўніка. 50-гадовы мясцовы жыхар вырашыў уцякаць ад патрульнай машыны, але быў дагнаны ля свайго дому. Як выявілася, ён ужо пазбаўлены правоў за п’янае ваджэнне. Цяпер яго чакае штраф памерамі ад 640 да 1 600 рублёў, альбо арышт, апавядае прэсавая служба абласной міліцыі.

Міліцыя вобласці занятая выяўленнем крадзяжоў калгаснай маёмасці. Магілёў.media раней пісалі, што ў адсутнасці рэальнага гаспадара на зямлі такія рэйды – адзінае, што можа супрацьпаставіць дзяржава носьбітам постсавецкай ментальнасці на сяле. Гэтым разам амаль 70 літраў фарбаванага паліва былі знойдзеныя ў жыхара вёскі Глухі, 65 літраў – у жыхара вёскі Тайманава Быхаўскага раёну. Злодзеяў чакае штраф ад 10 да 50 базавых.

Навіны пабрацімаў. За час вайны Мікалаеў толькі 22 дні пражыў без абстрэлаў. У вобласці праз вайну павялічылася колькасць хворых на сухоты ды інфекцыйных захворванняў

Навіна ад

Гэта тлумачыцца падзеннем узроўню і пагаршэннем умоў жыцця, а таксама стрэсавымі сітуацыямі, імунадэфіцытам. За час поўнамаштабнай агрэсіі Расіі супраць Украіны горад пражыў без абстрэлаў толькі 22 дні. Расійскія войскі атакавалі Ўкраіну 24 лютага.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Назіраецца тэндэнцыя да росту хворых на сухоты, якія вымагаюць шпіталізацыі.

Ва ўпраўленні аховы здароўя Мікалаеўскай абласной адміністрацыі адзначаюць, што ў параўнанні з пачаткам году колькасць хворых на туберкулёз, якія знаходзяцца на лячэнні ў стацыянары Мікалаеўскага абласнога фтызіяпульманалагічнага цэнтру, павялічылася амаль на 25 працэнтаў.

Апошнім часам назіраецца тэндэнцыя да росту зарэгістраваных на працягу месяца выяўленых сухотнікаў, у тым ліку тых, што патрабуюць шпіталізацыі.

Як адзначана на сайце газеты «Миколаївська правда» цяпер на амбулаторным лячэнні перабывае больш за 350 хворых на сухоты, якім праводзяцца неабходныя кансультацыі ўрачоў – фтызіятраў з мясцовага абласнога фтызіяпульманалагічнага медычнага цэнтру.

Выданне піша, што нягледзячы на ​​складаную ваенна-сацыяльную абстаноўку ў Мікалаеве, большасць супрацоўнікаў установы аховы здароўя засталіся адданымі сваёй прафесіі, працягваюць аказваць дапамогу хворым.

Удзень 10 і ноччу 11 жніўня ў Мікалаеве не зафіксавана абстрэлаў.

Паводле мэра Аляксандра Сянкевіча, апошні абстрэл гораду быў зафіксаваны ў ноч на 10 жніўня ў 01:40.

«У цэлым дзень прайшоў спакойна. Учора мікалаеўцы чулі абстрэл, але за межамі гораду. Можна сказаць, што за ўсю вайну гэта 22-і дзень, калі нас не абстралялі », – адзначыў Аляксандр Сяньковіч, словы якога падае  «Миколаївська правда».

Паводле старшыні Мікалаеўскага абласнога савету Ганны Замазеевай на раніцу 11 жніўня ў мясцовых больніцах перабывалі 288 параненых ад расійскіх абстрэлаў. Яшчэ 26 пацярпелых атрымліваюць дапамогу амбулаторна, паведамляюць «Николаевские новости».

Пабрацімства Мікалаева з Магілёвам было замацаванае дамовай у 2009 годзе. 31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Пабрацімства Мікалаева з Магілёвам было замацаванае дамовай у 2009 годзе. 31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

 

Мыцца стане даражэй. Кошты ў лазнях могуць падвысіцца на рубель

Навіна ад

Магілёўскі аблвыканкам пастанавіў прызначыць новы «паталок» цэнаў на наведванне лазняў і душавых кабінак у Магілёве, Бабруйску і іншых гарадах вобласці.

Калі раней двухгадзіннае наведванне лазні ў Магілёве каштуе 7 рублёў 50 капеек, то цяпер дазволена падняць максімальны кошт такога візіту да 8 рублёў 50 капеек – паведамляе партал MyCity.by.

Наведванне лазні ў Бабруйску можа абыходзіцца на 50 капеек танней – у 8 рублёў. У іншых паселішчах Магілёўшчыны у 6 рублёў.

Гэтаксама растуць і кошты на выкарыстанне душавымі кабінамі. Цяпер кошт за 45 хвілін асалоды складае 6,5 рублі ў Магілёве і Бабруйску, а ва ўсіх астатніх паселішчах вобласці – 5 рублёў.

У Кіраўскіх лясах выратавалі двух пенсіянерак. Яшчэ трох чалавек так і не знайшлі

Навіна ад

Усяго на Магілёўшчыне з пачатку года заблукалі ў лесе 40 чалавек, у тым ліку 10 дзяцей.

Аперацыя па пошуку трох заблуканых праходзіла ў ваколіцах вёскі Скачек Кіраўскага раёну. Дзве жанчыны 1961 і 1969 гадоў нараджэння перасталі арыентавацца ў лясным масіве і патэлефанавалі ў экстранную службу.

Наяўнасць тэлефона і выратавала пенсіянерак. Супрацоўнікі Міністэрства надзвычайных сітуацыяў пастаянна знаходзіліся з імі на сувязі. На месца здарэння выехалі два экіпажы ратавальнікаў, якія бесперапынна падавалі гукавыя сігналы. У выніку яны выйшлі на жанчын, апавядае прэс-служба МНС.

Раней Магілёў.media паведамляў сумную заканамернасць – часам пашукавікі знаходзяць не саміх людзей, а ўжо толькі іх парэшткі, і часам гэта адбываецца праз некалькі гадоў.

На Магілёўшчыне не знойдзеныя тры чалавекі. Іх пошукі вядуць у Быхаўскім, Клічаўскім і Касцюковіцкім раёнах.