Category: Навіны

Сталi вядомыя асноўныя прычыны гібелі людзей на пажарах на Магілёўшчыне

Навіна ад

У Магілёўскай вобласці за першы квартал 2025 года сітуацыя з пажарнай бяспекай істотна пагоршылася — зафіксаваны 273 пажары, у выніку якіх загінулі 40 чалавек.

Паводле звестак інфармацыйнай службы абласной пракуратуры, на якiя спасылаеца БелТА, большасць ахвяр — пенсіянеры і непрацуючыя грамадзяне. Асноўнымі прычынамі трагедый сталі неасцярожнае абыходжанне з агнём і курэнне, асабліва ў стане алкагольнага ап’янення: 31 загінулы быў нецвярозым.

Праверка пракуратуры выявіла сур’ёзныя недапрацоўкі з боку органаў прафілактыкі. Парушэнні датычыліся фармальнага падыходу да ліквідацыі пагроз у жыллёвым фондзе і ігнаравання выпадкаў небяспечных умоў пражывання. Так, у адным з трагічных інцыдэнтаў у Круглянскім раёне загінулы ўтрымліваў дом у антысанітарным стане, але замест прыцягнення да адміністрацыйнай адказнасці атрымаў толькі папярэджанне.

Былі выяўлены і сістэмныя памылкі ў працы мясцовых уладаў. У шэрагу сельсаветаў не вяліся ці не актуалізаваліся спісы адзінока пражываючых пажылых людзей і асоб, схільных да злоўжывання спіртнымі напоямі. У выніку пракурорская праверка паказала, што доля домаўладанняў з прыкметамі небяспечнага пражывання ў некаторых раёнах можа дасягаць 70%, у той час як мясцовыя справаздачы фіксавалі толькі 16%.

У сувязі з выяўленымі парушэннямі пракуратура Магілёўскай вобласці накіравала прадстаўленне ў аблвыканкам з патрабаваннем ліквідаваць выяўленыя недахопы і забяспечыць рэальнае выкананне нормаў пажарнай бяспекі. Выкананне прадпісанняў знаходзіцца пад кантролем нагляднага органа.

Варта адзначыць, што па стане на 21 красавіка 2025 года, згодна з інфармацыяй, апублікаванай на афіцыйным сайце Магілёўскага абласнога ўпраўлення МНС, у красавіку 2025 года ў Магілёўскай вобласці быў зафіксаваны прынамсі адзін выпадак гібелі чалавека на пажары.

Фотаздымак ілюстрацыйны з адкрытых крыніц

У Бабруйскім раёне загінуў пешаход – ён ішоў ледзь не па цэнтры дарогі

Навіна ад

Увечары 20 красавіка на трасе Р43 у Бабруйскім раёне адбылося смяротнае дарожна-транспартнае здарэнне, паведамляе УУС Магілёўскага аблвыканкама.

На 242-м кіламетры аўтадарогі мяжа РФ – Бабруйск – Івацэвічы 60-гадовы вадзіцель аўтамабіля Volkswagen здзейсніў наезд на 66-гадовага мужчыну, які знаходзіўся на праезнай частцы. Ад атрыманых траўм пешаход памёр на месцы.

Паводле інфармацыі праваахоўнікаў, пацярпелы не меў на вопратцы святлоадбівальных элементаў, што магло спрыяць трагедыі. Варта адзначыць, што гледзячы па фотаздымках з месца здарэння, удар прыйшоўся на левае крыло аўтамабіля, а гэта значыць, што пешаход мог рухацца ледзь не па цэнтры дарогі.

У Бабруйску і яго ваколіцах за апошнія гады адбываліся дарожна-транспартныя здарэнні з удзелам пешаходаў, некаторыя з якіх завяршыліся трагічна.

Так, 14 снежня 2018 года на вуліцы Комбінатскай у Бабруйску жанчына-вадзіцель аўтамабіля Ford Galaxy збіла двух пешаходаў. Адзін з іх, 27-гадовы мужчына, загінуў на месцы, другі быў шпіталізаваны ў цяжкім стане. Пасля наезду аўтамабіль урэзаўся ў дом.

5 лістапада 2016 года каля вёскі Баяры вадзіцель Renault Megane здзейсніў наезд на жанчыну і двух яе дзяцей, якія пераходзілі дарогу па нерэгуляваным пешаходным пераходзе. Маці загінула на месцы, дзеці былі шпіталізаваны з траўмамі.

Працверазеўшы, нічога не памятаў – п’яны бабруйчанін разграміў гандлёвую кропку

Навіна ад

Пра тое, што ён натварыў, 37-гадовы жыхар Бабруйска даведаўся ўжо ад міліцыянтаў. Здорава напіўшыся, мужчына ўварваўся ў гандлёвы цэнтр і стаў крушыць прылавак гандлёвай кропкі, разбіваючы вітрыны нагамі. Супрацоўнікі цэнтра выклікалі ахову, якая і скруціла дэбашыра. Пазней, ужо працверазеўшы, мужчына так і не ўспомніў, што ён натварыў, пакуль яму не паказалі відэа з камер назірання – піша міліцэйскі Тэлеграм-канал.

Фота ілюстрацыйнае 

Цела жыхара Чэрыкаўскага раёна знайшлі на месцы гарэння сухой травы

Навіна ад

Вечарам на Вялікдзень, каля 18:30 20 красавіка здарыўся пажар сухой расліннасці на прыдамавым участку ў вёсцы Вербеж Чэрыкаўскага раёна. Калі на месца ўзгарання прыбылі ратавальнікі, то выявілі цела мясцовага жыхара, пенсіянера 1955 года нараджэння. Дакладныя абставіны яго гібелі высвятляюцца – паведамляе прэс-служба МНС. 

Фота ілюстрацыйнае

Расія абвясціла пра перамір’е на Вялікдзень – рэакцыі

Навіна ад

Пачынаючы з 18.00 сённяшняга дня і да 00.00 21 красавіка (з нядзелі на панядзелак). Пра гэта заявіў Уладзімір Пуцін падчас сустрэчы ў Крамлі з кіраўніком Генштаба Расійскай Федэрацыі Валерыем Герасімавым. У заяве прэс-службы Крамля гаворыцца пра загад спыніць усе баявыя дзеянні на час святкавання Вялікдня.

У адказ на заяву Уладзіміра Пуціна прэзідэнт Украіны Уладзімір Зяленскі заявіў, што гаворка ідзе пра “чарговую спробу Пуціна пагуляцца з чалавечымі жыццямі”.
Свой аналіз сітуацыі прапанаваў вядомы украінскі журналіст Юрый Бутусаў. Прыводзім яго меркаванне цалкам:

“1. Аднабаковая заява, якая не спыняе вайну, але мае на мэце згуляць з Трампам, дэманструючы нібыта мірную ініцыятыву, каб паказаць, што заявы Трампа не былі марнымі. Пуціну важна падтрымліваць адносіны з Трампам, бо ён выкарыстоўвае іх, каб раскалоць агульную пазіцыю краін NATO па Украіне.

2. Гэта не крок да міру, таму што спыненне агню было абвешчана Пуціным самастойна, а не ў выніку мірных пагадненняў. Ні пра якія сістэмы маніторынгу і кантролю за захаваннем рэжыму спынення агню не гаворыцца. А такія «перамір’і», як вучыць вопыт вайны на Данбасе, заўсёды ператвараюцца ў перастрэлку. І Пуцін, як заўсёды, абвінаваціць у парушэнні Украіну.

3. Адначасова гэта сведчыць аб слабасці пазіцый Расіі ў вайне; Пуцін хоча аслабіць падтрымку Украіны, таму што разумее, што не можа дабіцца перамогі на полі бою. І таму, каб працягваць вайну, ён спрабуе скараціць падтрымку Украіны ЗША.

4. Пуцін ухіляўся ад заяў аб рэальных кроках па спыненні вайны – правядзенні афіцыйных перамоваў, дамоўленасці аб спыненні агню.”

Фота: t.me/official24ombr

Магілёўскі райсуд узначаліў суддзя, які ўдзельнічаў у палітычных расправах

Навіна ад

Лукашэнка прызначыў старшынёй Магілёўскага раённага суда Максіма Курпачэнку, які праславіўся сваёй актыўнай роляй у палітычных судовых працэсах.

Суддзя Магілёўскага суда Максім Курпачэнка стаў прыкметнай фігурай у беларускай судовай сістэме на фоне масавых рэпрэсій, што пачаліся пасля прэзідэнцкіх выбараў 2020 года. Менавіта ён разглядаў шэраг адміністрацыйных спраў, непасрэдна звязаных з удзелам грамадзян у мірных акцыях пратэсту. Пад яго прысуды трапілі, у прыватнасці, аператар Аляксандр Сідарэўскі, педыятарка Святлана Леончык і яшчэ як мінімум дзясятак магілёўцаў.

Акрамя адміністрацыйных працэсаў, на рахунку Курпачэнкі і гучныя крымінальныя прысуды. Сярод іх – абмежаванне волі для актывіста Станіслава Паўлінковіча за «абразу» суддзі Аксаны Ратнікавай, рэальны тэрмін для ўдзельніка так званай «справы лялек» Дзмітрыя Лукашэвіча, а таксама трохмесячны арышт для Дзмітрыя Шнейдэрава, які вясной 2022 года зняў з флагштока чырвона-зялёны сцяг.

Цікава, што такі імклівы ўзлёт у судовай сістэме адбыўся на фоне адносна нядаўняга прызначэння: суддзёй Курпачэнка стаў толькі ў маі 2019 года.

Да таго ён больш за дзесяць гадоў працаваў у сілавых структурах – з 2005 па 2019 год служыў следчым у ўпраўленні Следчага камітэта па Магілёўскай вобласці. Судзячы па практыцы апошніх гадоў, менавіта гэты досвед у многім вызначыў яго падыход да правасуддзя: жорсткі, скіраваны на падаўленне грамадзянскай актыўнасці.

Фотаздымак з адкрытых крыніц 

Паглядзіце, як стылёва – у Бабруйску старажытныя дамы вызваляюць ад тынкоўкі

Навіна ад

У Бабруйску працягваецца тэндэнцыя аднаўлення гістарычнага аблічча будынкаў: з фасадаў старой забудовы здымаюць пласт штукатуркі, адкрываючы арыгінальную цагляную кладку.​

Ачышчэнне фасадаў: вяртанне да вытокаў

На плошчы Перамогі, насупраць танка-монумента, з двухпавярховых дамоў часткова была змыта штукатурка. Другі паверх цяпер выглядае, як сто гадоў таму, з насычаным чырвона-цагляным колерам, які мастакі называюць «сіенна».​
тынкоўка

Цікава, што ачышчэнне фасадаў адбываецца фрагментарна, не цалкам. Гэта надае будынкам асаблівы шарм і падкрэслівае іх гістарычную каштоўнасць.​

Іншыя прыклады аднаўлення

Гэта не адзіны прыклад вяртання старых фасадаў да першапачатковага выгляду за апошнія некалькі гадоў. Напрыклад, часткова ачышчаны фасад яслей-саду № 42 на вуліцы Пушкіна, 116. Таксама частка фасада дома па вуліцы К. Лібкнехта, 35 была вызвалена ад штукатуркі падчас падрыхтоўкі да адкрыцця кафэ «Голден».​

Гэтыя дзеянні сведчаць пра імкненне захаваць і падкрэсліць гістарычную спадчыну Бабруйска, вяртаючы будынкам іх аўтэнтычны выгляд.

Фасады Бабруйска

“Борец с коррупцией” наградил медалью свою невестку из Шклова

Навіна ад

Лукашенко, когда-то якобы боровшийся с коррупцией, снова наградил свою невестку Анну. В этот раз медалью Франциска Скорины. 

Анна Лукашенко – уроженка Шклова и жена среднего сына диктатора Александра Лукашенко Дмитрия. Под псевдонимом Анна Селук она пишет тексты поп-песен, в том числе пропагандистских. В релизе о награждениях названа “генеральным продюсером“. 

Ранее Анна Лукашенко возглавляла рабочую группу “республиканской общественно-культурной акции “Марафон единства“ к так называемым президентским выборам 2025 года.

В 2023 году она получила специальную премию от своего тестя “За духовное возрождение”. Также она дважды становилась лауреатом конкурса «Песня года Беларуси» в номинации «Лучший автор слов».​

Безнаказанно-приближенная

Из опубликованных в 2024 году организацией бывших белорусских силовиков BELPOL документов следует, что в 2013 году Анна Лукашенко возглавила коммерческий отдел «Торгового дома БЕЛАЗ» – той самой организации, которая продает карьерные самосвалы в Россию и приносит огромные дивиденды Президентскому спортивному клубу.

Как долго Анна Лукашенко была главой коммерческого отдела, неизвестно. Но в своем расследовании, посвященном невестке Лукашенко, Белорусский расследовательский центр сообщал, что за 2018 год Анна заработала там 3  241 705 российских рублей (примерно по 3 890 долларов в месяц по актуальному на тот момент курсу). За 2020 год — 3 096 527 российских рублей (примерно 3 490 долларов в месяц).

Несмотря на близость к правящей семье, Анна Лукашенко не включена в санкционные списки Европейского Союза, в отличие от других членов семьи диктатора. Словакия в 2024 году заблокировала предложение о её включении в санкционный список ЕС .​
Фото: ОНТ

У Магілёве ўпарадкуюць пахаванне старажытнага шляхецкага рода

Навіна ад

Чыноўнікі нарэшце заўважылі, у якім жахлівым стане знаходзяцца гістарычныя пахаванні на гарадскіх могілках у Магілёве. Раней падобныя талакі арганізоўвалі толькі актывісты.

У Музеі гісторыі Магілёва, што размяшчаецца ў ратушы, прайшло пасяджэнне ініцыятыўнай групы па добраўпарадкаванні старажытных пахаванняў у нашым горадзе. Як паведамляе Тэлеграм-канал “Магілёў – мой горад”, дэпутатка Палаты прадстаўнікоў Галіна Бяляева праявіла ініцыятыву па прывядзенні ў парадак фамільнага захавання старажытнага шляхетнага рода Гартынскіх на Успенскіх могілках. Самым знакамітым прадстаўніком гэтай дынастыі з’яўляецца гісторык Мікалай Гартынскі, які пераклаў і выдаў “Магілёўскую хроніку” Сурты і Трубніцкіх у ХІХ стагоддзі.
Галіна Бяляева

Галіна БяляеваХарактэрна, што на заклік магілёўскай дэпутаткі адгукнуліся прадстаўнікі ўлады – на мерапрыемстве ў прэзідыўме прысутнічала намесніца старшыні Магілёўскага гарвыканкама Вікторыя Амялюсік, а выступаў таксама старшыня гарадскога савета дэпутатаў Максім Гурын.

Раней актыўную працу па рэстаўрацыі старажытных пахаванняў у Магілёве праводзілі хіба што неабыякавыя грамадзяне і актывісты. Так, каманда адмыслоўцаў раней праводзіла талакі на Лютэранскіх, Петрапаўлаўскіх могілках, а прадстаўнікі яўрэйскай грамады сваімі сіламі ўпарадкавалі старажытныя пахаванні на Яўрэйскіх.

Увага гарадскіх чыноўнікаў да гаротнага стану старажытных гістарычных пахаванняў на магілёўскіх могілках не можа не радаваць, асабліва, калі гэтая праца будзе мець сістэмны характар, а не ператворыцца ў фармальнасць альбо чысты піар. Рашаць гэтае пытанне, аднак, неабходна не падобнымі – цалкам сімпатычнымі, але ўсёж прыватнымі ініцыятывамі – а на ўзроўні дзяржаўнай палітыкі. Справа ў тым, што паводле дзейснага заканадаўства гарадскія ўлады не абавязаныя займацца пахаваннямі, што не маюць статуса гістарычнага помніка, альбо статуса воінскага пахавання. А даваць такі статус не зацікаўленыя ўжо самі гарадскія ўлады, каб не несці потым за гэта адказнасць. Атрымліваецца, што клопат за магілы людзей, што жылі ў ХІХ, XVIII, XVII стагоддзях фармальна кладзецца выключна на іх прамых нашчадкаў. Лішне казаць, што такіх людзей у горадзе практычна няма, а значыць, і гістарычныя пахаванні па-сутнасці збольшага лічацца “безгаспадарчымі”, за лёс якіх ніхто не нясе ніякай адказнасці.

Фота: Тэлеграм-канал “Магілёў – мой горад”

Кар’ерны ліфт паехаў уніз – Руслана Страхара прызначылі кіраваць “Магілёўліфтмашам”

Навіна ад

Алаксандр Лукашэнка падпісаў прызначэнне былога намесніка старшыні Магілёўскага аблвыканкама Руслана Страхара, адказнага за сферу эканомікі, на пасаду генеральнага дырэктара прадпрыемства “Магілёўліфтмаш”.

“Кар’ерны ліфт паехаў зверху ўніз” – так коратка пракаментаваў гэтую навіну гарадскі паблік “Могилев Live”. Сапраўды, прызначэнне падобнага характару варта ўспрымаць як паніжэнне, нягледзячы на тое, што “Магілёўліфтмаш” лічыцца самым паспяховым дзяржаўным прадпрыемствам нашага рэгіёна. Адначасова, гэта можа ўказваць на схаваныя ад шырокай публікі праблемы на гэтым прадпрыемстве.

Не першы раз “пажарны”?

Руслан Страхар пачаў працаваць у Магілёўскім аблвыканкаме ў 2007 годзе, прычым адразу памочнікам старшыні, а неўзабаве галоўным дарадцай. З 2012 па 2014 гады ён выканаў своеасаблівую функцыю “пажарнага”, калі быў пераведзены на пасаду намесніка генеральнага дырэктара ледзь жывой “Строммашыны”. Намаганні Руслана Барысавіча асабліва не дапамаглі – “Строммаш” ледзь дажыў да 2020-х, трапіў пад ускосныя санкцыі, збанкрутаваў і нарэшце быў прададзены. 

З 2014 года Руслан Страхар – зноўку працуе ў кабінетах аблвыканама, а з 2019 года займае пасаду намесніка старшыні, курыруючы пытанні эканомікі. Крыніцы mogilev.media у Магілёўскім аблвыканкаме характарызуюць Руслана Барысавіча як даволі адэкватнага чалавека з шырокімі поглядамі, якога з цягам часу пачаў “з’ядаць” чыноўнік. Гэтая трансфармацыя ўвасаблялася ў тым, што замест рашэння праблем, можна было заўважыць імкненне прыкрыць іх маніпуляцыямі са статыстыкай.

Год таму mogilev.media зрабіў заўвагу, калі падобныя маніпуляцыі сталі відавочнымі – у аблвыканкаме расказвалі, як цудоўна развіваецца эканоміка рэгіёна, але гэтаму супярэчылі заявы прадстаўнікоў Дзяржкантроля. Руслан Страхар у адказ на публікацыю нашага рэсурса разразіўся дзесяціхвілінным ролікам, каб даказаць, што верыць трэба менавіта чыноўнікам аблвыканкама. Але і тут не ўтрымаўся ад маніпуляцый. 

“Усяго 74 прамысловыя прадпрыемствы з 1600 спрацавалі ў мінулым годзе «ў мінус»” – паведаміў чыноўнік, не ўказваючы, аднак, што гэта за 74 прадпрыемствы. Мы разбіралі гэтыя выказванні вось тут, а потым асобна прысвяцілі вялікі матэрыял “Магілёўліфтмашу”, флагману сярод дзяржаўных прадпрыемстваў.

Чытаць:  Як складваецца сітуацыя на “Магілёўліфтмашы” – наш вялікі разбор

Цяпер Руслан Страхар накіраваны з пасады намесніка старшыні аблвыканкама менавіта на прадпрыемства “Магілёўліфтмаш”. Такія прызначэнні складана ўспрыняць як шараговую ратацыю. Магчыма, гэта прыкмета таго, што дзейнасцю кіраўніка эканомікай рэгіёна былі незадаволеныя, раз яго адправілі на падпарадкаванае яму прадпрыемства. І, магчыма, гэта звязана з сітуацыяй на самім прадпрыемстве, якое, нягледзячы на бравурныя заявы афіцыйных асобаў, часам падае трывожныя званочкі.

Чытаць: На “Магілёўліфтмашы” скарачаюцца заробкі, людзі разбягаюцца – крыніцы

Фота: Магілёўскі аблвыканкам