Tag: магілеў

Магілёўскі «сенатар» Гарошкін выказаўся пра шырокую Лімпапо, дзе гуляе Гіпапо

Навіна ад

Старшыня магілёўскіх «дэпутатаў» – у захапленні ад палёту Лукашэнкі па афрыканскай дузе і ўласнага галавакружэння ад «адкрытых перспектыў».

Старшыня Магілёўскага абласнога савета «дэпутатаў» Аляксандр Гарошкін дэталёва прааналізаваў нядаўнія візіты Лукашэнкі да афрыканскіх плямёнаў і прыйшоў да шакавальных высноў. Гарошкін перакананы, што сямейныя туры беларускага дыкатара сведчаць:

  • пра імкненне Беларусі да дыверсіфікацыі знешніх сувязяў і ўмацавання сваіх пазіцый на міжнароднай арэне;
  • пра тое, што беларускія кампаніі атрымалі новыя магчымасці для выхаду на рынкі М’янмы, Амана і Алжыра;
  • пра тое, што праведзеныя бізнес-форумы і «круглыя сталы» спрыялі наладжванню прамых кантактаў і абмену вопытам;
  • пра тое, што візіты садзейнічаюць паспяховаму прасоўванню нацыянальных інтарэсаў і забеспячэнню ўстойлівага развіцця краіны.

Ключавое слова тут, канешне – дыверсіфікацыя. Прасцей кажучы, здольнасць Аляксандра Рыгоравіча Лукашэнкі правільна размяркоўваць сямейны капітал і Аляксандра Рыгоравіча Гарошкіна – граматна размяркоўваць хлусню ў сваіх ліслівых заявах.

Бо ніякіх бізнес-форумаў і «круглых сталоў» праводзіць нават не збіраліся. Усе візіты Лукашэнкі па шырокай афрыканскай дузе праходзілі ў выключна вузкім, сямейным коле.

Але Гарошкіна можна зразумець. Будаўніцтвам паветраных замкаў ён займаецца не таму, што наіўна верыць у тое, быццам бы Алжыр дапаможа ўпарадкаваць Магілёў без крымінальшчыны сярод чыноўнікаў, а Аман укладзе інвестыцыі ў стратныя калгасы вобласці.

Проста ад колькасці лапшы, павешанай на вушы магілёўцаў, залежыць асабісты дабрабыт Гарошкіна. Афрыканская дуга – далёка, а мяккае крэсла ў абласным савеце «слуг народа» – пад рукой. Сядзячы ў ім, можна беспакарана хлусіць электарату пра што заўгодна. Нават пра шырокую Лімпапо, дзе гуляе Гіпапо.

Фота “Магілёўскія ведамасці”.

Кенгуру, эму, канадскі воўк – у Магілёўскім заасадзе з’явіліся новыя жывёлы

Навіна ад

Новых экзатычных звяроў завезлі ў Магілёўскі заасад з Расіі на пачатку снежня, але паглядзець іх пакуль нельга.

Новыя жывёліны – карова шатландскай пароды хайленд, два эму, самец кенгуру Бенета і канадскі воўк, паведамляе тэлеграм-канал ZatestilMogilev. Наведвальнікі заасада яшчэ не могуць пабачыць гэтых звяроў на ўласныя вочы, бо ўсё яны дзіцяняты – узростам да аднаго года і пакуль знаходзяцца на каранціне.

Як піша “СБ”, карова, эму і кенгуру прыехалі з расійскага Ніжняга Ноўгарада, а воўк – з Пензы. Гэта ўжо не першае папаўненне з Ніжагародскага заапарка: толькі сёлета адтуль прыехала бенгальская тыгрыца. З Мінскага заапарка на ПМЖ у Магілёў нядаўна перабраліся сеткаватыя пітоны – цяпер яны дасягаюць усяго толькі 2,5 метра ў даўжыню, а вырастуць да васьмі. 

“У наступным годзе плануем прывезці малпачак – пачнем з маленькіх парод, такіх як ігрункі і чырвонарукія тамарыны. А калі атрымаем дастатковы вопыт у сыходзе за імі, будзем пашырацца” – кажа загадчык вучэбнай лабараторыі “Заасад” Магілёўскага дзяржаўнага агралесатэхнічнага каледжа імя К. П. Арлоўскага Іван Ніжнікаў.

Зараз у Магілёўскім заасадзе больш за 50 відаў жывёл, а гэта звыш 400 галоў. З іх самыя шматлікія – плямістыя алені і зубры. Апошніх налічваецца 40 асобін.

Фотаздымак з адкрытых крыніц

Уладзімір Цумараў, вядомы таксама як «Прас», пайшоў з пасады профбоса

Навіна ад

Былы «мэр» Магілёва, карупцыянер і прафсаюзны дзеяч Уладзімір Цумараў быў пазбаўлены перадпенсійнай сінекуры.

У Магілёве выбралі новага кіраўніка абласнога аб’яднання прафсаюзаў, лаяльнага да ўлады. Старога, Уладзіміра Цумарава, пасля пераліку заслуг у прафсаюзнай справе праводзілі – магчыма, на пенсію, а магчыма, на іншую «ветэранскую» пасаду.

Цумараў – яркая фігура для Магілёва. 

За сваю працяглую чыноўніцкую кар’еру ён паспеў папрацаваць намеснікам кіраўніка адміністрацыі Кастрычніцкага раёна Мінска, кіраўніком адміністрацыі Ленінскага раёна Магілёва, кіраўніком горада – і, нават, адсядзець чатыры гады ў калоніі ўзмоцненага рэжыму з канфіскацыяй маёмасці.

18 мая 1999 года Уладзімір Цумараў быў затрыманы аператыўнай групай УКДБ на працоўным месцы па падазрэнні ў атрыманні хабару ад аднаго з прадпрымальнікаў.

Падчас агляду яго кабінета сярод дакументаў былі знойдзены раней памечаныя стодоларавыя купюры.

Патлумачыць, адкуль яны ўзяліся, Уладзімір Цумараў не змог. У райвыканкаме ён курыраваў выдачу ліцэнзій на гандаль.

У выніку следства было ўстаноўлена, што Цумараў на працягу доўгага часу атрымліваў хабары. Найбуйнейшы, які ўдалося даказаць у судзе, склаў 3400 долараў. Найменшым хабарам быў прас за 15 долараў.

Адразу пасля турмы галоўны спецыяліст Беларусі па кадрах 24 снежня 2003 года даў згоду на прызначэнне Цумарава кіраўніком адміністрацыі Ленінскага раёна Магілёва, а 12 красавіка 2013 года зрабіў яго кіраўніком усяго горада.

Можна, канешне, казаць, што ўрок пайшоў на карысць і што Цумараў апраўдаў давер. Але…

Калі ў Лукашэнкі, з улікам асаблівасцяў яго характару, памяць на карупцыйныя злачынствы кароткая, то народ сваіх герояў памятае. З мянушкай «Прас», якую яму далі ўдзячныя магілёўцы, Цумараў так і падымаўся па кар’ернай лесвіцы.

Фота: “Магілёскія ведамасці”.

Студэнты БРУ будуць рамантаваць тэхніку для адзінага краснапольскага калгаса

Навіна ад

Беларуска-Расійскі ўніверсітэт (БРУ) будзе дапамагаць працоўнымі рукамі ААТ “Краснапольскі” – адзінаму сельгаспрадпрыемству ў раёне.

Як паведамляе сайт БРУ, прадстаўнікі гэтага вну наведалі гаспадарку і падпісалі дамову аб супрацоўніцтве. Паводле яе, супрацоўнікі і студэнты ўніверсітэта акажуць дапамогу прадпрыемству ў рамонце складаных вузлоў і дэталяў сельскагаспадарчай тэхнікі.

Як адзначае тэлеграм-канал Mayday, гэта даволі нетыповае шэфства, бо раней калгасы аддавалі ў падшэфныя да заможных, прыбытковых прадпрыемстваў. Тут жа шэфамі стала арганізацыя, якая сама існуе за кошт дзяржаўнага бюджэта. 

Да таго ж, асноўны напрамак дзейнасці ААТ “Краснапольскі” – гэта вырошчванне і ўборка збожжавых і зернебабовых культур, што не мае нічога агульнага са спецыфікай БРУ. 

Па ўсім відаць, што галоўнай прычынай такой дапамогі – элементарны недахоп кадраў ў “Краснапольскім”. Паводле яго даных, штогод на прадпрыемстве хуткімі тэмпамі скарачаецца колькасць працуючых. Так, на 1 студзеня 2023 года іх сярэднеспісачная лічба была 366, праз год – 316, а сёлета на 1 студзеня – 307.

Фотаздымак: БРУ

Шаснаццаць судзімасцяў. У Магілёве затрымалі аўтамабільнага злодзея

Навіна ад

У сорак два гады ў магілёўца – шаснаццаць судзімасцяў за крадзяжы. Яго злавілі ў сямнаццаты раз.

У міліцыю звярнуўся адзін з членаў гаражнага кааператыву ў Магілёве. Ён выявіў, што шкло яго аўтамабіля разбітае, а з салона скрадзеныя калонкі.

Следча-аператыўная група ўстанавіла, што адбылася серыя аналагічных крадзяжоў. Злачынец пранік у пяць аўтамабіляў і скраў відэарэгістратар, набор інструментаў, радыятар, махавік рухавіка і іншыя рэчы агульным коштам больш за тысячу рублёў.

На месцы злачынства былі знойдзеныя сляды абутку. Менавіта па гэтых слядах праваахоўнікі выйшлі на беспрацоўнага магілёўца. Мужчына аказаўся рэцыдывістам, за плячыма якога – 16 судзімасцяў. Ён прызнаў сваю віну. Частку скрадзенага канфіскавалі. Некаторыя рэчы ён паспеў здаць у пункт прыёму металалому. У ходзе следства таксама ўстаноўлена, што фігурант двойчы краў грошы ў сваіх знаёмых.

Суд прысудзіў аўтазлодзея да чатырох гадоў пазбаўлення волі ў ІК строгага рэжыму з прымусовым лячэннем ад хранічнага алкагалізму.

Ніякіх маральных высноў з гэтай гісторыі не зробіш. Выпадак унікальны. Шаснаццаць судзімасцяў – гэта не выпадковасць, а цалкам свядома абраны жыццёвы шлях.

Фота: «Магілёўскія ведамасці».

Палітвязню з магілёўскай турмы, які шукаў зніклых, пакінулі ў сіле прысуд

Навіна ад

Вярхоўны суд адмовіў у скарзе на абвінаваўчы вырак былому каардынатару пошукавага атрада «Анёл», палітвязню Максіму Федаровічу, які знаходзіцца ў магілёўскай турме.

Як паведамляе Праваабарончы цэнтр “Вясна”, палітзняволенага Максіма Федаровіча абвінавачвалі ў «садзейнічанні экстрэмісцкай дзейнасці». Яго затрымалі 9 траўня 2025 года. Мужчыну судзілі за дзевяць выпадкаў перадачы даных маніторынгаваму каналу “Беларускі гаюн”. Прысуд вынесены ў Менскім абласным судзе. Яму прызначылі тры гады пазбаўлення волі, а максама штраф – 500 базавых велічынь. Федаровіч спачатку ўтрымліваўся ў менскім СІЗА №1, з другой паловы кастрычніка пераведзены ў следчую турму №4 ў Магілёве.

Максім быў каардынатарам пошукавага атраду “Анёл”. Раней ён працаваў тэхнолагам на “Мінск-Крышталі”, але цалкам змяніў жыццё пасля таго, як у 2017 годзе далучыўся да руху пасля маштабных пошукаў Максіма Мархалюка ў Белавежскай пушчы. Вядома, што ў палітвязня ёсць малое дзіця.

Фотаздымак: Праваабарончы цэнтр “Вясна”

У Магілёве закрылася знакамітая кавярня “Дыяніс”

Навіна ад

Кавярня на праспекце Міру зноў шукае арэндатара – “Дыяніс” закрыўся.

Паведамленне аб тым, што кавярня цяпер не працуе, з’явілася ў акаўнце групы  “Могилев Live” у Фэйсбуку. “Кафэ “Дыяніс” на праспекце Міру – ўсё. А калісьці гэта папулярнае месца для карпаратываў было. І нават студэнты з МДУ Куляшова (хто з грашыма) не-не ды і харчаваліся там” – гаворыцца ў паведамленні.

Варта адзначыць, што раней кавярня мела іншую назву – “Дубрава”, і таксама карысталася папулярнасцю. Там часта гулялі вяселлі, дні народзінаў і тыя ж самыя карпаратывы.

Як будзе называцца кавярня пасля “Дыяніса” і як хутка зноў адчыне свае дзверы для наведвальнікаў – пакуль невядома.

Фотаздымак: “Могилев Live”

230 000 чалавек займаліся азеляненнем, але з высаджаных у Магілёве кустоў не знайшлі ніводнага

Навіна ад

Чыноўнікі заяўляюць, што Магілёўшчыну азелянялі 230 тысяч чалавек – а гэта амаль усё дарослае насельніцтва абласнога цэнтра, разам з пенсіянерамі і інвалідамі. Цяпер рознымі прыпіскамі, дрэвамі і кустамі, высаджанымі толькі на паперы, займаецца пракуратура.

Начальніца аддзела добраўпарадкавання і работы з другаснымі матэрыяльнымі рэсурсамі ДУ «Жыллёва-камунальная гаспадарка Магілёўскай вобласці» Яна Мамчанка рапартавала аб вялікай рабоце па добраўпарадкаванні, праведзенай у Магілёўскай вобласці.

У рамонтах, мадэрнізацыі і азеляненні ўдзельнічалі:

  • 230 тысяч чалавек;
  • 7,2 тысячы юрыдычных асоб;
  • каля 46 тысяч грамадскіх актывістаў.

Асабліва хочацца спыніцца на поспехах грамадскіх актывістаў па азеляненні. З імі ўжо разбіраецца пракуратура. Масавыя прыпіскі выяўлены па ўсёй Беларусі, але асабліва вызначыўся Магілёў:

На кальцы вуліц Каштанавай і Крупскай пракурорскія работнікі шукалі жывую агароджу з бюрычыны. З дзвюхсот кустоў не знайшлі ніводнага.

На праспекце Шміта за два гады высаджана 600 дрэў – усе яны загінулі ў зарасніках пустазелля, вышэйшым за чалавечы рост.

Ля дома № 8 па вуліцы Крывуліна было нібыта высаджана 79 туй, а знайшлі толькі дзесяць.

Пры гэтым Яна Мамчанка сцвярджае, што “сумесныя намаганні далі станоўчую дынаміку”.

Калі з рамонтамі і мадэрнізацыяй справа ідзе так жа, як з азеляненнем, то не варта распыляць віну на 230 000 удзельнікаў добраўпарадкавання. Цалкам дастаткова прыцягнуць да адказнасці такіх, як Яна Мамчанка.

Фота скрыншот рэпартажа тэлеканала “Магілёў-4”.

Рэстаўратары раскрылі таямніцу магілёўскай іконы

Навіна ад

Адкрыццё, зробленае рэстаўратарамі Нацыянальнага мастацкага музея пры працы над магілёўскай іконай, змяняе ўяўленне пра беларускую школу іканапісу.

Пры рэстаўрацыі іконы «Багародзіца Адзігітрыя Магілёўская» з фондаў Магілёўскага абласнога краязнаўчага музея, спецыялісты Нацыянальнага мастацкага музея Рэспублікі Беларусь зрабілі важнае адкрыццё. Пад верхнім слоем фарбы было выяўлена больш ранняе, якое адносіцца да першай паловы XVII стагоддзя, пісьмо.

Ачыстка адваротнага боку іконы прывяла да іншага адкрыцця – праступілі надпісы, якія ўказваюць на паходжанне вобраза са знакамітай магілёўскай Барыса-Глебскай царквы і раскрываюць яго сапраўдную назву – «Багародзіца Казанская».

Гэтае адкрыццё змяняе ўяўленне пра гісторыю беларускага іканапісу.

Зараз ікону рыхтуюць да прэзентацыі ў Мінску, а потым яна вернецца ў Магілёўскі абласны краязнаўчы музей.

Фота “Магілёўскія ведамасці”.

Суд у Магілёве абвясціў экстрэмісцкім TikTok Аляксандра Івуліна

Навіна ад

Суд Ленінскага раёна Магілёва назваў экстрэмісцкім TikTok-акаўнт «ЧестнОК-LIVE» спартыўнага журналіста, экс-палітвязня Аляксандра Івуліна.

Гэты рэсурс ужо ўнеслі ў так званы Рэспубліканскі спіс экстрэмісцкіх матэрыялаў. 

Аляксандр Івулін – ураджэнец Оршы, вядомы спартыўны журналіст і футбаліст. Ён гуляў за “Крумкачоў”, працаваў у выданні Tribuna.com. 3 чэрвеня 2021 года Аляксандр быў арыштаваны спачатку на 30 сутак па адміністрацыйнай справе, а пазней асуджаны на два гады калоніі па артыкуле 342 Крымінальнага кодэксу (групавыя дзеянні, якія груба парушаюць грамадскі парадак). Пасля выхаду з калоніі Івулін з’ехаў за мяжу і аднавіў працу над уласнымі праектамі. 

Яго праект “ЧестнОК” у красавіку гэтага года быў прызнаны “экстрэмісцкім фарміраваннем”.

Фотаздымак: “Наша ніва”