У Магілёве быў затрыманы Алег Дзячкоў

Магілёўскі краязнавец і былы кіраўнік гарадской суполкі ТБМ Алег Дзячкоў быў затрыманы 9 кастрычніка. У ягонай кватэры правялі ператрус – паведамляюць крыніцы mogilev media.

Дзячкоў атрымаў 10 сутак зняволення за «распаўсюджванне экстрэмісцкіх матэрыялаў». За некалькі дзён да затрымання ён быў пазбаўлены ліцэнзіі экскурсавода.

Фота з адкрытых крыніц.

 

 

Хроніка прыхаванай рэальнасці. Суды, зняволенні, вызваленні

Звесткі пра пераслед паводле праваабаронцаў, мэдыяў і родзічаў тых, хто зазнае яго.


Аляксандр Жук

На волі.

Фігурант «карагоднай справы» выйшаў, адбыўшы прысуджаны тэрмін зняволення, паведамляюць праваабаронцы.

Быў затрыманы 24 сакавіка 2021 года ў межах крымінальнай справы, узбуджанай па падзеях акцыі пратэсту 13 верасня 2020 года ў Брэсце, калі пратэстоўцаў разганялі вадамётам.

«Карагодная справа» стала адной з самых масавых палітычных спраў сучаснай Беларусі. У ёй праходзяць больш за сто фігурантаў. Ужо асудзілі 114 чалавек у 11 групах.

13 верасня 2020 году людзі вадзілі вялікі карагод пад музыку, спявалі, танцавалі. Удзельнікі, гаворачы пра тыя падзеі, успамінаюць «атмасфэру свята».


Поліна Шарэнда-Панасюк

20 дзён правяла ў штрафным ізалятары.

Яе этапавалі з Гомельскага следчага ізалятару №3 у жаночую калонію, якая месціцца ў вёсцы Зарэччы, Рэчыцкага раёну.

Праваабаронцы пераказваюць словы мужа Андрэй Шарэнда, які даводзіць, што ў калоніі жонку па прыбыцці адправілі на 20 дзён у штрафны ізалятар. Увесь гэты час родныя не ведалі, дзе яна.

Грамадская актывістка з Брэста праваабарончай супольнасцю прызнаная палітвязнем. Яе затрыманая 3 студзеня 2021. Асуджаная на тры гады калоніі агульнага рэжыму за гвалт у дачыненні да супрацоўніка міліцыі, абразу прадстаўніка ўлады і прэзідэнта.


Цімафей Ярошчык

Праваабаронцы, спасылаючыся на праўладныя тэлеграм-каналы, паведамілі пра затрыманне ў Магілёве хірурга, якога абвінавачваюць, нібыта, «у зліве» асабістых дадзеных супрацоўніка МУС.

Зняволены мае 15-гадовы стаж працы ў медыцыне.