ГУБАЗіК заявіў пра затрыманне двух магілёўцаў, якія нібыта яны ехалі ў Беларусь з пашпартамі Новай Беларусі. Офіс Ціхаўноўскай выкарыў хлусню сілавікоў.
“Адзін затрыманы пад арыштам, другі спадзяецца адкупіцца”
Паводле заявы губазікаўцаў, аднаго з затрыманых яны «яшчэ ў мінулым годзе папярэджвалі пра наступствы атрымання» такога пашпарта і, як пішуць, яны прапаноўвалі ад дакумента адмовіцца.
Цяпер мужчыну абвінавачваюць паводле ч. 1 арт. 361-4 КК Беларусі – «садзейнічанне экстрэмісцкай дзейнасці», што можа цягнуць да шасці гадоў пазбаўлення волі. Ён змешчаны пад арышт, пішуць губазікаўцы.
Другі магілёвец знаходзіцца пад падпіскай – паводле губазікаўцаў, ён пагадзіўся заплаціць 10 тысяч долараў – у «сторазовым памеры кампенсацыі», спадзеючыся на «спыненне крымінальнай справы за фінансаванне экстрэмізму».
Пашпарты аказаліся муляжамі
Дарадца Святланы Ціханоўскай Франак Вячорка ў каментарыі «Нашай Ніве» адзначыў, што пашпарты, якія трапілі на фотаздымак тэлеграм-канала сілавкіоў – падробленыя. На іх не так напісана назва краіны, як на арыгінальным пашпарце Новай Беларусі.
На пашпарце Новай Беларусі краіна напісана як «Беларусь», а на фота губазікаўцаў — «Рэспубліка Беларусь».
Вячорка упэўнены, што падробку дакумента зрабілі беларускія спецслужбы. «Аблажаліся яны. Нават муляж не могуць зрабіць нармальна», — сказаў Вячорка.
Фота: тэлеграм-канал сілавікоў
