Tag: TikTok

Прыцягнуць увагу да асаблівасцяў катафарэзнай грунтоўкі – як бабруйскі завод разрывае ТікТок

Навіна ад

Самы папулярны рэкламны ролік Бабруйскага завода трактарных дэталяў і агрэгатаў ужо сабраў 1,3 мільёны праглядаў на ТікТок і каля 150 тысяч у Instagram. Ён выйшаў яшчэ пад Новы год, дагэтуль працягвае вірусіцца і вы яго дакладна бачылі. Па сюжэце вясковы жыхар атрымлівае ў падарунак ад Дзеда Мароза аўтамабіль, але заўважае не яго, а новенькі трактар і скача ад шчасця.

@bztda.official

А Вы примерно вели себя в уходящем году?😎 Желаем каждому из нас в Новогоднюю ночь найти тот самый желанный подарочек под Елкой!🤗 Начните год с BELARUSом! #новыйгод #новыйтренд #нг #2024 #подарок #мечта #трактор #мтз #belarus #belarustractor #рекомендации #хочуврек #рек #врекомендации #newvideo #популярное #followme #топ #followworldwide #popular #funnyvideo #followforfollowback

♬ оригинальный звук – BZTDA – BZTDA

Іншы дасціпны і гумарны ролік быў створаны крэатыўнымі завадчанамі, каб прыцягнуць увагу да асаблівасцяў катафарэзнай грунтоўкі – піша bobr.by. Галоўная гераіня пастаноўкі ніяк не можа падрапаць трактарны дыск, апрацаваны на прадпрыемстве гэтым тэхналагічным спосабам і нарэшце набывае яго сабе.

@bztda.official

Работаем на КАЧЕСТВО!👌 #трактор #тракторист #техника #спецтехника #колеса #диск #колесныйдиск #магазин #купитьтрактор #купитьдиски #катафорез #грунтовка #осень #прикол #love #рек #рекомендации #популярное

♬ оригинальный звук – BZTDA

У сацсетках завода не саромеюцца паказаць здымкі ў цэхах – паведамляе выданне. Вытворчы працэс падаецца без жартаў. Праўда, пры гэтым на змантаваныя ролікі накладваюць тэхна і дыска і іншую музыку, якая звычайна мяркуе зусім іншы відэашэраг.

Фота: ТікТок БЗТДіА, скрыншот

Тыктокерша знайшла міну на полі ў Александрыі, відэа сабрала сотні тысяч праглядаў

Навіна ад

Дзіцячы трэнер і тыктокерша з Магілёва з нікам olchik4713 паказала відэа з сельскагаспадарчага поля ў вёсцы Александрыя Шклоўскага раёна. Тут маладыя хлопцы і дзяўчаты збіралі цыбулю і натыкнуліся на мінамётную міну, верагодна, часоў Другой Сусветнай вайны. Ролік са знаходкай набраў ужо больш за 342 тысячы праглядаў і працягвае вірусіцца пад дасціпныя каментарыі карыстальнікаў соцсеткі.

@olchik4713 #беларусь #могилев ♬ оригинальный звук – Olchik

Аўтар відэа – трэнер дзіцячай спартыўнай школы, родам з Магілёва. У Шклове яна праходзіць абавязковае размеркаванне. Чаму яна апынулася на полі і збірае цыбулю, дзяўчына адказала проста: “Няма каму збіраць”. Відавочна, што разам з іншымі маладымі трэнерамі яе прыцягнулі да ўборкі ўраджаю на полі мясцовага сельгаспрадпрыемства.

Каментатары роліка адзначылі стрыманасць хлопцаў на відэа – “І ўсім так усё роўна, далей збіраюць”. “Міна без узрывальніка, бяспечна” – каментуе іншы.

Фота: olchik4713, скрыншот

«Міс Крычаўцэментнашыфер» разрываюць TikTok

Навіна ад

Амаль 600 тысяч праглядаў сабраў ролік з конкурсу прыгажосці «Міс Крычаўцэментнашыфер». 

У сакавіку ў Крычаўскім ДК «Цэментнік» абралі самую выдатную дзяўчыну ААТ «Крычаўцэментнашыфер». Конкурс “Міс Крычаўцэментнашыфер” сабраў у Крычаве 9 самых прафесійных і пры гэтым прыгожых работніц, сярод якіх было чатыры крычаўлянкі. Здавалася б нічога незвычайнага. Але аказалася, што конкурс прыгажосці са складанай назвай не пакінуў абыякавымі і карыстальнікаў сацсетак. «Міс Крычаўцэментнашыфер» узарвала TikTok, набраўшы звыш паўмільёна праглядаў.

Як піша “Камсамольская праўда” карыстальніца тыктока @fox_look_krychaw апублікавала ў сацсетцы некалькі ролікаў з заводскага конкурсу прыгажосці. Самым папулярным стаў кароткі ролік з дэфіле ўдзельніц. Гэта відэа літаральна ўзарвала сацсетку – амаль 600 тысяч праглядаў, больш за 5000 лайкаў і яшчэ каля 1000 каментарыяў.

@fox_look_krychaw #МиссКричевцементношифер2023 #мояжизнь #весна2023 #врек #life #любисмейсяживи❤️❤️❤️ ♬ оригинальный звук – Юлия Геннадьевна

Адзначым, што конкурс прыгажосці на крычаўскім прадпрыемстве апошні раз праводзілі больш за 15 гадоў таму. У 2023-м яго было вырашана аднавіць, запрасіўшы для ўдзелу дзяўчат з галоўнага крычаўскага прадпрыемства і з філіялаў завода. Дарэчы, конкурс адбыўся напярэдадні Міжнароднага жаночага дня.

Фота kcsh.by