У Міністэрстве аховы здароўя прызнаюць рост хворых на каранавірус і раяць экстрэнна вакцынавацца

Як вынікае са слоў начальніцы аддзелу гігіены, эпідэміялогіі і прафілактыкі Міністэрства аховы здароўя Іны Карабан рост пакуль нязначны. Паводле яе, беларуская медыцына падрыхтаваная да магчымай эпідэміі. Уздым захворванняў чакаецца ў верасні.

Вядома, што ў Беларусі ўжо выяўлены амікрон-ніндзя, адзін са штамаў каранавірусу. У інтэрв’ю тэлеканалу «СТВ» Іна Карабан не падала статыстыкі адносна цяперашняга стану па захворванням, але прызнала, што назіраецца невялікі рост. Яна адзначыла, што «ніндзя» больш распаўсюджваецца ў ЗША і Еўропе і працякае там у лёгкай і сярэдняй ступені цяжкасці.

«Мы бачым, што ўжо паціху выпадкі пачынаюць павялічвацца. І сітуацыя ў краінах вакол нас гэта паказвае. Каранавірус становіцца бліжэй да сезоннага. Чакаем, як і грып, але толькі ён будзе крыху раней, чым грып» даводзіць  прадстаўніца Міністэрства аховы.

Паводле яе, за папярэднія 2,5 гады пандэміі беларуская медыцына напрацавала неабходны досвед барацьбы з каранавірусам. Падрыхтаваныя планы дзеянняў на выпадак эпідэміі і пры неабходнасці яны будуць карэктавацца ў залежнасці ад развіцця сітуацыі. Як зʼявіцца неабходнасць, будуць разгортвацца новыя ложкі ў больніцах.

Па словах Іны Карабан ратаваць беларусаў ад новых штамаў каранавірусу будуць расійскімі і кітайскімі вакцынамі, якія, паводле ўрадоўкі, засведчылі сваю эфектыўнасць. Як зʼявіцца неабходнасць, будуць выкарыстоўваць кубінскую вакцыну, якую нядаўна зарэгістравалі ў Беларусі.

Іна Карабан заклікае беларусаў тэрмінова вакцынавацца, каб пазбегнуць ускладненняў цяжкіх форм захворвання.

Пра тое, што наступная хваля каранавірусу надыдзе ў верасні, спрагназаваў міністр аховы здароўя Дзмітрый Піневіч. Ён запэўніваў, што апасацца эпідэміі не варта, бо «каранавірусная інфекцыя становіцца ўсё больш сезонным захворваннем», пісаў Магілёў.media.

фота з рэсурсу: bbc.com

Праблемы з высокатэхналагічным абсталяваннем, намеснік прэм’ер-міністра пра сітуацыю ў медыцыне

Паводле Ігара Петрышэнкі «санкцыйны ціск» сказывацца на пастаўцы высокатэхналагічнага абсталявання па тэрмінах і лагістыцы.

Па ягоных словах уся сістэма аховы здароўя скіраваная на захаванне ўстойлівасці ва ўмовах санкцыйнага ціску, перадае тэлеграм-канал “Официальный Минздрав”.

Урадовец кажа, што абсталяванне, тым не менш, падтрымліваецца ў належным стане. Калі нешта ламаецца, то прымаюцца меры, каб замяніць псаваную дэталь.

«Пацыент, які мае патрэбу ў тым, ці іншым даследаванні не павінен гэтага адчуць», – адзначае ён.

Запэўніванні Ігара Петрышэнкі практыкуючыя медыкі лічаць спробаю прыхарошыць рэальны стан у медыцыны. Паводле іх неабходныя дэталі да абсталявання паволі замяняцца таннымі аналагамі, а тэрміны рамонту павялічацца.

«Мы ўжо маем праблемы з расходнікамі, у вырабах медычнага прызначэння, у рэактывах. Кіраўнікоў тых структурных падраздзяленняў, дзе выявілі перарасходаванне матэрыялаў, караюць», – каментуе сітуацыю адзін з медыкаў.

“Надбаўка зменшыцца з 3000 да 500 рублёў”, медык пра змены ў аплаце працы

Беларускім медыкам будзе павышаная заработная плата, устанаўленнем стымуляваных выплат, гаворыцца ў паведамленні прэсавай службы Аляксандра Лукашэнкі, апублікаваным 21 чэрвеня.

Паводле яго для рэалізацыі такіх намераў Міністэрства аховы здароўя падрыхтавала праект пастановы, якая прадугледжвае ўвядзенне з 1 ліпеня дадатковай надбаўкі ўсім катэгорыям медычных работнікаў.

«Найбольшы яе памер прадугледжаны для дактароў і медычных сясцёр аддзялення анестэзіялогіі і рэанімацыі, участковай службы, прыёмных аддзяленняў, хуткай дапамогі, аддзяленняў для пацыентаў з інсультамі», – тлумачыць прэс-служба Лукашэнкі.

Але, згодна з распараджэннем Лукашэнкі, скасоўваюцца ковідныя даплаты. Тлумачыцца гэта «стабілізацыяй у краіне эпідэміялагічнай сітуацыі па інфекцыі COVID-19».

«Пры ковідзе максімальная надбаўка на стаўку складала 3 тысячы рублёў, цяпер яе прыбралі і максімальная надбаўка будзе крыху больш за 500 рублёў», – выказваецца адзін з медыкаў.

Ён цвердзіць, што яго калегі таксама не ў захапленні ад новаўвядзенняў. На ягоную думку пад абяцаннем надбавак проста ўразаюць медыкам заробкі.

Павышэнне заробкаў медыкам абяцаў міністр аховы здароўя Дзмітры Піневіч 16 чэрвеня. Ён тады не ўдакладняў наколькі ўзрастуць яны і прасіў дачакацца прыняцця канчатковага рашэння.

Урадовец адзначаў, што гэта напярэдадні прафесійнага свята «Дня медычных работнікаў» – падарунак ад Лукашэнкі, які «мы павінны адпрацаваць на працоўных месцы».

У Беларусі працягвае расці дэфіцыт медработнікаў. У краіне не хапае больш за 3900 урачоў-спецыялістаў. Таксама медсясцёр.

фота: encrypted-tbn0.gstatic.com