Tag: махлярства

Студэнт з Магілёўскай вобласці прадаваў неіснуючыя білеты

Навіна ад

Шкода ад дзеянняў студэнта з Магілёўскай вобласці, які прадаваў “лішнія білеты”, склала 10 тысяч рублёў.

У Магілёўскай вобласці расследуюць крымінальную справу аб серыі інтэрнэт-махлярстваў. Фігурантам яе стаў 19-гадовы навучэнец аднаго з каледжаў Магілёўшчыны.

Паводле дадзеных следства, з красавіка 2025 года па студзень 2026-га ён знаходзіў на гандлёвай інтэрнэт-пляцоўцы людзей, якія шукалі білеты на хакейныя матчы, канцэрты, спектаклі і цыркавыя прадстаўленні. Прадстаўляючыся перакупшчыкам, навучэнец пераносіў зносіны ў Viber або Telegram і прасіў перадаплату.

Атрымаўшы грошы на картку, малады чалавек пераставаў выходзіць на сувязь. На дадзены момант устаноўлена каля 70 пацярпелых, агульная шкода склала каля 10 тысяч рублёў.

Фота ілюстрацыйнага характару з адкрытых крыніц.

Абяцаў свята і знікаў. Дырэктар магілёўскага прадпрыемства прысвоіў грошы кліентаў

Навіна ад

Свята, якое заўсёды з табой – пры ўмове, калі ты не заплаціў за яго гэтаму магілёўцу.

У Магілёве 50-гадовы дырэктар аднаго з гарадскіх прадпрыемстваў браў грошы за арганізацыю забаўляльных мерапрыемстваў і раствараўся ў паветры. Свята не надыходзіла, а грошы ішлі на асабістыя патрэбы прадпрымальнага кіраўніка.

У Ленінскі РУУС звярнуліся адразу некалькі магілёўцаў, якія паверылі аднаму і таму ж абяцанню і пазбавіліся ў агульнай складанасці каля 3 тысяч рублёў. 

Схема працавала безадмоўна: прыняў заказ, узяў аплату, знік.

Свята ў выніку ўсё ж адбылося – але ўжо для следчых. Узбуджана крымінальная справа.

 

Фота ілюстрацыйнага характару з адкрытых крыніц.

Магілёвец падмяняў Apple iPhone муляжамі

Навіна ад

Спрыт рук і ніякага махлярства. Магілёвец падмяняў дарагія гаджэты муляжамі.

Жыхар Магілёва падмяніў муляжом арыгінальны смартфон у адным з ламбардаў горада. Праз некалькі дзён у краме канфіскаваных тавараў у Мінску ён аналагічным спосабам падмяніў яшчэ тры тэлефоны – пры гэтым паспеў пераклейваць цэннікі і налепкі з кодамі.

Падмена была выяўлена, супрацоўнікі міліцыі ўстанавілі дачыненне да яе 21-гадовага мужчыны, аднак тэлефонаў пры ім ужо не аказалася – яны былі прададзены.

Узбуджана крымінальная справа за махлярства. Судовая экспертыза ўстанавіла, што канфіскаваныя муляжы – гэта проста набор карпусных кампанентаў.

У ходзе расследавання ўстаноўлена, што малады чалавек падмяніў арыгінальныя смарт-гадзіннікі і навушнікі AirPods на муляжы, у тым ліку пры продажы праз інтэрнэт-пляцоўку. Крымінальная справа накіравана ў суд.

 

Фота ведамаснага сайта Дзяржаўнага камітэта судовых экспертыз.

Чорная магія з наступным выкрыццём. У Магілёве пенсіянерка перавяла буйную суму аферыстам.

Навіна ад

У Магілёве 61-гадовая жанчына стала ахвярай інтэрнэт-аферстаў, паверыўшы ў абяцанні «нетрадыцыйнага аздараўлення». Сума шкоды перавысіла 46 тысяч рублёў.

Паводле інфармацыі Кастрычніцкага РАУС  Магілёва, адна жанчына адгукнулася ў сацыяльнай сетцы на аб’яву пра альтэрнатыўныя спосабы аднаўлення самаадчування. У перапісцы невядомая прадставілася памочніцай экстрасэнса і прапанавала доступ да закрытага фармату «абрадаў». Для ўдзелу, а таксама набыцця неабходных атрыбутаў патрабавалася аплата.

Спачатку магілёўчанка перавяла больш за 38 тысяч рублёў з асабістых зберажэнняў. Калі грошы скончыліся, яна пачала пазычаць сродкі ў сваякоў і знаёмых. У выніку агульная сума пераведзеных сродкаў перавысіла 46 тысяч рублёў.

Западазрыўшы падман, 40-гадовы сын жанчыны звярнуўся ў праваахоўныя органы. Следчыя ўзбудзілі крымінальную справу па факце махлярства.

 

Фота ілюстрацыйнага характару з адкрытых крыніц.

У Чэрыкаве шматдзетная маці набрала крэдытаў, кінула дзяцей і збегла ў Расію

Навіна ад

Чэрыкаўскі суд прысудзіў чатыры гады зняволення шматдзетнай маці за паўторнае махлярства. Каб не сплочваць набраныя крэдыты, жанчына, кінуўшы дзяцей, два гады хавалася ў Расіі.

Маладая, на той час 31-гадовая маці чацвярых дзяцей, угаварыла свайго калегу па працы аформіць на яго імя крэдыты, якія яна абавязалася слоплочваць. У выніку на суму больш чым 13,6 тыс. рублёў жанчына набыла розныя тавары, сярод якіх тэлевізар, мікрахвалёўка, тры тэлефоны, пыласос, навушнікі. Акрамя таго, калега даў ёй яшчэ больш за 4,5 тыс. рублёў і карту растэрміноўкі, з якой яна зняла амаль 500 рублёў. 

Першапачаткова шматдзетная маці сумленна сплочвала даўгі, аднак пасля таго, як аддала крыху больш за 1,2 тыс. рублёў, у яе раптам ўзніклі нейкія фінансавыя цяжкасці. Жанчына прадала ўсе набытыя ў крэдыт тавары, пакінула дзяцей бацьку, а сама з’ехала ў Расію. Як падлічыла пракуратура, нясплочанымі засталіся 8,6 тыс. рублёў крэдытаў.

Каля двух гадоў бяглянка правяла там, пакуль не была затрымана расійскімі праваахоўнікамі і паводле адпаведнай канвенцыі аб прававой дапамозе краін СНД, была выдадзена ў Беларусь.

За махлярства, здзейсненае паўторна ў буйным памеры, суд прысудзіў жанчыне чатыры гады калоніі, штраф 4,5 тыс. рублёў, а таксама спагнаць маральны і матэрыяльны ўрон на карысць пацярпелага на суму ў 13,4 тыс. рублёў.

Прысуд пакуль у законну сілу не ўступіў.

Фотаздымак з адкрытых крыніц

Бухгалтарка з Магілёва аформіла сужыцеля на дзве працы і забірала зарплаты сабе

Навіна ад

Мужчына пра гэта нават не здагадваўся. У Магілёве раней судзімую «эканамістку» абвінавачваюць у тым, што яна ашукала ўласную арганізацыю на 65 тысяч рублёў.

Супрацоўнікі БЭП затрымалі 41-гадовую бухгалтарку адной з гандлёвых арганізацый горада. 

Спрытная эканамістка фіктыўна аформіла на працу ў дзве крамы свайго сужыцеля. 

На працягу больш за год дзве зарплаты, якія штомесяц налічваліся на банкаўскую картку мужчыны, яго «дама сэрца» забірала сабе і траціла на розныя рэчы. 

Агульная сума шкоды перавысіла 65 тысяч рублёў.

Узбуджаная крымінальная справа па артыкуле аб махлярстве ў асабліва буйным памеры.

Падазраванай, раней судзімай за аналагічнае злачынства, пагражае да 12 гадоў пазбаўлення волі.

Фота: скрыншот тэлеграм-канала “МВД Беларуси”.

Жыхар Мсціслаўскага раёна займаўся махлярствам з рамонтам мэблі

Навіна ад

Магілёўскі абласны суд пакінуў у сіле прысуд па справе жыхара Мсціслаўскага раёна, які пад выглядам рамонту мэблі падмануў два дзясяткі кліентаў, а таксама ўхіляўся ад выплаты аліментаў.

Як паведамляе абласны суд, з лістапада 2023 па красавік 2024 года фігурант справы, грамадзянін М., размяшчаў у інтэрнэце аб’явы аб рамонце мэблі. Атрымаўшы заказы, ён прыязджаў да кліентаў, заключаў дамовы і забіраў мэблю, атрымаўшы перадаплату за будучую працу. Аднак свае абавязанні выконваць не спяшаўся — грашыма распараджаўся як хацеў, а на званкі заказчыкаў з часам перастаў адказваць.

Як высветлілася, ад дзеянняў М. пацярпелі 20 чалавек. Агульная сума шкоды склала 8 910 рублёў. У ходзе праверкі праваахоўнікі выявілі мэблю толькі ў часткі пацярпелых: шэсць чалавек атрымалі яе назад у адрамантаваным стане, у астатніх яна захоўвалася ў разабраным выглядзе або зусім стала непрыдатнай.

Таксама было ўстаноўлена, што М. сістэматычна ўхіляўся ад выплаты аліментаў на непаўналетнюю дачку. Нягледзячы на рашэнне суда аб абавязку штомесяц пералічваць 25% усіх відаў даходу, ён больш за тры месяцы цягам года не рабіў гэтага, не працаўладкоўваўся і іншай матэрыяльнай дапамогі не аказваў. Запазычанасць па аліментах склала 1 404 рублі.

У судзе абвінавачваны не прызнаў віны ў махлярстве, спасылаючыся на цяжкае фінансавае становішча, але прызнаў віну ва ўхіленні ад выплаты аліментаў і раскаяўся. Суд у Мсціславе прызначыў яму два гады пазбаўлення волі ў калоніі агульнага рэжыму і накіраваў на прымусовае лячэнне ад алкагалізму.

На карысць пацярпелых ён павінен выплаціць 5 160 рублёў.

Фотаздымак з адкрытых крыніц

Магілёвец абяцаў адрамантаваць аўто, але прагуляў грошы

Навіна ад

Пад выглядам аўтаслесара магілёвец падмануў пяцярых гараджан на суму каля 8 тыс. рублёў.

У дзяжурную частку Ленінскага РАУС амаль адначасова звярнуліся пяць пацярпелых, піша «Міліцыя Магілёўшчыны». Усе яны паведамілі, што перадалі свае аўтамабілі і грошы 35-гадоваму мужчыне, які раней сапраўды займаўся рамонтам машын.

Як высветлілася, магілёвец сапраўды арандаваў памяшканне пад аўтасэрвіс, але перастаў аплачваць арэнду, у выніку чаго дамова была скасавана. Тым не менш, ён працягваў браць замовы на рамонт, хоць насамрэч не меў ні абсталявання, ні ўмоў для выканання работ.

Кожнаму з кліентаў мужчына абяцаў якасны і своечасовы рамонт. Аднак замест працы над аўтамабілямі ён проста пакідаў іх на стаянках, а атрыманыя перадаплаты траціў на асабістыя патрэбы — арэнду жылля і вячэрнія забавы ў клубах.

У некаторых выпадках, пасля доўгага чакання ён паведамляў уладальнікам, што рамонт завершаны і машыну можна забіраць. Насамрэч аўтамабіль нават не пачыналі рамантаваць. Больш за тое, некалькі чалавек далі яму грошы ў доўг, але так і не змаглі вярнуць іх назад.

У дачыненні да махляра распачата крымінальная справа па факце махлярства.

У траўні стала вядома пра падобны выпадак махлярства з рамонтам аўтамабіляў. Праваахоўнікі высветлілі, што яшчэ адзін 35-гадовы жыхар Магілёва з лютага 2023 года па кастрычнік 2024 года размяшчаў на розных сайтах аб’явы пра рамонт аўтамабіляў. На іх адгукнуліся 14 грамадзян. Пагадзіўшыся на аб’ём работ, мужчына пераконваў уладальнікаў аўто перадаць яму грошы ў якасці перадаплаты. Ён тлумачыў гэта неабходнасцю набыцця запчастак і матэрыялаў для рамонту. Усяго за названы перыяд ён махлярскім шляхам атрымаў больш за 16,5 тысячы рублёў.

Каб стварыць бачнасць рамонту, абвінавачваны перыядычна дасылаў пацярпелым фатаграфіі аўтазапчастак, нібыта набытых для аднаўленчых работ, а таксама часткова разабраных машын. Аднак на самой справе рамонт не праводзіўся, і ён пастаянна прыдумляў новыя прычыны, каб адкласці вяртанне аўтамабіляў. Перададзенымі аўтамабілямі ён карыстаўся ў асабістых мэтах.

Фота: ілюстрацыйнае, mogilev.media

Магілёўскі “аўтамайстар” падмануў сваіх кліентаў на амаль 17 тыс. рублёў

Навіна ад

Жыхар Магілёва, назваўшы сябе аўтаслесарам, падмануў 14 кліентаў, скарыстаўшы іх аўтамабілі і атрымаўшы грошы за не зроблены рамонт.

Как паведамляе пракуратура горада Магілёва, з лютага 2023 па кастрычнік 2024 года магілёвец размяшчаў у інтэрнэце аб’явы аб паслугах па рамонце аўтамабіляў. Пасля дамоўленасцей з аўтаўладальнікамі ён атрымліваў ад іх перадаплату нібыта для закупкі запчастак. Для стварэння бачнасці працы ён адпраўляў кліентам фатаграфіі дэталяў і разабраных аўтамабіляў, аднак ніякага рамонту не рабіў.

Акрамя таго, аўтамабілі, перададзеныя на рамонт, абвінавачаны выкарыстоўваў у асабістых мэтах — ездзіў сам і перадаваў іншым людзям. Такая схема дзейнічала больш за паўтара года, пакуль адзін з пацярпелых выпадкова не ўбачыў свой аўтамабіль у руках незнаёмца і не паведаміў у міліцыю.

Як устаноўлена следствам, мужчына пад падставай рамонту падмануў 14 чалавек, прысвоіўшы больш за 16 500 рублёў. Пасля пачатку крымінальнай справы транспартныя сродкі былі вернуты ўладальнікам, аднак частка з іх знаходзілася ў няспраўным стане. Шкоду мужчына кампенсаваў толькі часткова — на суму 11 тысяч рублёў. Рэшта доўгу будзе спаганяцца за кошт арыштаванай маёмасці. Справа накіраваная ў суд.

У нечым падобны выпадак аўтамабільнага махлярства быў выяўлены летась. Тады Следчы камітэт паведаміў пра мужчыну, які набываў у Расіі аўтамабілі з падробленымі дакументамі і прадаваў іх у Беларусі. Адзін з пацярпелых, жыхар Магілёўскай вобласці, набыў Hyundai Santa Fe з фальшывым пасведчаннем аб рэгістрацыі і ідэнтыфікацыйным нумарам. Агульная сума махлярскіх здзелак склала 379 тысяч рублёў.

Фота: mogilev.media, ілюстрацыйнае

У Бабруйску выкрылі махляроў і злавілі серыйную зладзейку

Навіна ад

У Бабруйску супрацоўнікі міліцыі раскрылі адразу дзве крымінальныя справы: махлярства з бюджэтнымі сродкамі і серыйныя крадзяжы. У выніку — фігуранты затрыманы, заведзены крымінальныя справы.

Супрацоўнікі аддзела па барацьбе з эканамічнымі злачынствамі УУС Бабруйскага гарвыканкама выкрылі групу з трох чалавек, якія махлярскім шляхам завалодалі грашыма дзяржаўнай арганізацыі, паведамляюць “Магілёўскія ведамасці”.

Устаноўлена, што падазраваныя пад выглядам закупкі матэрыяльна-тэхнічных каштоўнасцяў аформілі накладную на неіснуючы тавар. Атрыманыя сродкі яны перавялі ў гатоўку і патрацілі на ўласныя патрэбы.

Мяркуючы па гэтых апісаннях, махляры былі чыноўнікамі, або скарысталіся халатнасцю чыноўнікаў.

У тым жа Бабруйску затрымалі 26-гадовую мясцовую жыхарку, якую падазраюць у серыі крадзяжоў, паведамляецца на сайце УУС Магілёўскага аблвыканкама.

Высветлілася, што дзяўчына дзейнічала некалькімі спосабамі: у некаторых выпадках яна забірала наяўнасць з незачыненых кабінетаў, дастаючы яе з жаночых сумак. Акрамя таго, яна неаднаразова падбірала ключы да шафак у распранальні спартыўнага комплексу, пасля чаго забірала чужыя рэчы. Агульная сума скрадзенага склала больш за 1000 рублёў.

Фота ілюстрацыйнага характару з адкрытых крыніц.