Tag: Магілёўская вобласць

Расійскі дрон упаў на тэрыторыі Магілёўскай вобласці – паведамляюць сведкі

Навіна ад

Расійскі дрон упаў на ўсходзе Магілёўскай вобласці. Неафіцыйная інфармацыя аб гэтым паступіла непасрэдна Мogilev.media.

Здарэнне адбылося 16 верасня. Падзенне ваеннага беспілотніка суправаджалася грохатам. Больш дакладнае месца падзенне дрона вядома рэдакцыі, але з прычыны бяспекі крыніц інфармацыі, мы не ўказваем яго ў гэтым тэксце.

Паводле сведак, гэта першы такі выпадак на Магілёўшчыне. Пры гэтым, мясцовым жыхарам на тэлефоны прыходзілі СМС-паведамленні-папярэджанні “аб нераспаўсюдзе недакладнай інфармацыі”. Як лічаць сведкі, гэтыя папярэджанні паступалі ад спецслужб.

Фотаздымак: Middle East Images/picture alliance

Наведваць лясы на Магілёўшчыне можна толькі ў Шклоўскім раёне

Навіна ад

Забарона на наведванне лясоў уведзена ва ўсіх раёнах Магілёўскай вобласці, акрамя Шклоўскага.

У большасці раёнаў Беларусі дзейнічаюць забароны і абмежаванні на наведванне лясоў. Пра гэта сведчаць даныя інтэрактыўнай карты на афіцыйным сайце Міністэрства лясной гаспадаркі Беларусі. 

Посещение лесов могилевская область

Найбольш складаная абстаноўка склалася ва ўсходняй частцы краіны. У Гомельскай вобласці забароны на наведванне лясоў уведзены ва ўсіх раёнах, у Магілёўскай таксама – за выключэннем Шклоўскага, дзе дзейнічае абмежаванне на наведванне лясоў. Гэта значыць, толькі на Шклоўшчыне можна заходзіць у лес для прагулак, збору грыбоў і ягад, але пры гэтым забаронены ўезд у лясны масіў на механічных транспартных сродках і распальванне вогнішчаў.

Дарэчы, на днях адбыўся лясны пажар ва Усакінскім лясніцтве Клічаўскага раёна. Плошча ўзгарання склала 0,3 га.

Фотаздымак: Тэлеграм Мінлясгаса

Дрыбінскі ўвайшоў у пяцёрку самых бедных раёнаў Беларусі

Навіна ад

У пяцёрку самых багатых раёнаў краіны ніводны раён Магілёўскай вобласці не трапіў.

Старшыня Белстата Іна Мядзведзева дала інтэрв’ю агенцтву БелТА, у якім распавяла пра самыя бедныя і самыя багатыя рэгіёны Беларусі. На першым месцы з самай высокай сярэдняй зарплатай чакана аказаўся Астравецкі раён. Яго даганяюць Мінскі, Салігорскі, Дзяржынскі і Рэчыцкі. “Сярэдні заробак у гэтых раёнах вар’іруецца ад 2,9 тыс. да 3,4 тыс. рублёў” – паведаміла чыноўніца.

Пяцёрка раёнаў з самай нізкай сярэдняй зарплатай выглядае так:

  • Шаркаўшчынскі
  • Расонскі
  • Міорскі
  • Брагінскі
  • Дрыбінскі

Тут сярэдняя зарплата не перавышае 2 000 рублёў у месяц.

Чытаць яшчэ: Дрыбін адзначае юбілей – знаемімся з горадам

На Магілёўшчыне рэзка скарацілася колькасць першакласнікаў

Навіна ад

У надыходзячым навучальным годзе колькасць дзяцей у Магілёўскай вобласці, якія ўпершыню сядуць за парты, значна меншая ў параўнанні з папярэднімі гадамі.

Як заявіла падчас абласной педагагічнай канферэнцыі начальнік Галоўнага ўпраўлення па адукацыі Магілёўскага аблвыканкама Людміла Здорыкава, у Магілёўскай вобласці ў новым навучальным годзе за парты сядуць каля 10,5 тыс.першакласнікаў. 

Год таму першакласнікаў было мінімум на паўтары тысячы больш – звыш 12 тыс. дзяцей. У 2023 годзе іх налічвалася столькі ж – 12 тыс. першакласнікаў. Тое ж самае было і ў 2022 годзе – 12 тыс. дзяцей, якія ўпершыню пайшлі ў школу.

Зыходзячы з таго, што насельніцтва Магілёўскай вобласці мае трывалую тэндэнцыю памяншэння, варта чакаць, што ў наступным навучальным годзе першакласнікаў стане яшчэ менш.

Фотаздымак БелТА

Абласная пракуратура знайшла парушэнні працоўных правоў у 186 работнікаў

Навіна ад

С начала 2025 года прокуратурой Могилевской области выявлены факты невыплаты или несвоевременной выплаты заработной платы 186 работникам.

По данным сайта Генпрокуратуры, общая сумма задолженности по зарплате за этот период превысила 230 тысяч рублей. Прокуратура вмешалась в 37 случаев.

Так, прокуроры Бобруйска обязали руководство частной строительной компании выплатить 12,8 тыс. рублей заработной платы 19 сотрудникам.

В Могилёве шестеро сотрудников торговой компании получили 17 тысяч рублей после обращения прокуратуры. Люди не получали зарплату более трёх месяцев.

Как отмечается в сообщении, руководители данных предприятий привлечены к административной ответственности.

Кстати, подобные случаи задержки заработной платы, которые выявляет прокуратура Могилёва, не редкость. Например, в июне стало известно , что одно из коммерческих предприятий областного центра не выплатило 21 сотруднику более 30 тысяч рублей зарплаты за декабрь 2024 года. При этом зарплата там должна выплачиваться дважды в месяц — 5 и 25 числа.

В марте 2025 года ведомство сообщило, что частная компания семь месяцев не выполняла обязательства по выплате заработной платы 19 сотрудникам. Сумма задолженности составила более 64 тысяч рублей.

Фото из открытых источников

На Магілёўшчыне і Віцебшчыне найменшая працягласць жыцця ў краіне

Навіна ад

Самая нізкая працягласць жыцця ў Беларусі – ў жыхароў Магілёўскай і Віцебскай абласцей – 73,5 гадоў. Пра гэта сведчаць даныя Белстату па выніках 2024 году.

Пры гэтым менавіта на Магілёўшчыне найменшая працягласць жыцця ў жанчын – 78,5 гадоў. Пры гэтым у сярэднім па краіне гэты паказчык на ўзроўні 79,8 гадоў. Мужчыны ў Магілёўскай вобласці хоць і не жывуць менш за ўсіх мужчын ў Беларусі, але паказчык іх жыцця на год меншы, чым па ўсёў Беларусі – 68,3 супраць 69,3. 

Магілёўская вобласць застаецца самым маланаселеным рэгіёнам Беларусі – 971 365 жыхароў. У найбліжэйшай ад яе па колькасці насельніцтва Гарадзенскай вобласці – 984 880 чалавек, пры тым, што па тэрыторыі Магілёўшчына большая за Гарадзеншчыну. Але больш за ўсё ў разрэзе рэгіёнаў жыве ў сталіцы – амаль два мільёны – 1 996 730 жыхароў. 

Дарэчы, менавіта на Магілёўшчыне найменьшая колькасць сяльчан – 181 647. А вось гараджан менш за ўсё ў краіне знаходзіцца на Гарадзеншчыне – 767 381 чалавек. Жыхароў гарадоў у Магілёўскай вобласці – 789 718.

За 2024 год на Магілёўшчыне нарадзілася ўдвая менш, чым памерла – 6 659 супраць 13 630. Па Беларусі карціна прыкладна тая ж – за год нарадзілася 58 938 чалавек, а памерла 115 124.

Фотаздымак: bobr.by

Магілёўская міліцыя сведчыць аб росце кіберзлачыннасці

Навіна ад

Кіберзлачыннасць працягвае расці ў Магілёве. Пра гэта заявіў на ААТ “Хімвалакно” прадстаўнік міліцыі Кастрычніцкага раёна горада.

Як паведамляе тэлеграм-канал прадпрыемства, днямі супрацоўнікаў вытворчасці нетканых палотнаў наведаў маёр міліцыі, старэйшы аперупаўнаважаны па супрацьдзеянню кіберзлачынствам Кастрычніцкага РАУС Андрэй Кальніш.

Паводле яго, статыстыка ў сферы кіберзлачыннасці няўмольна расце. Праўда, канкрэтных лічбаў парваахоўнік не прывёў. У той жа час прывёў прыклад, калі магілёўцу паступіў званок ад нібыта аператара МТС, а потым нібыта ад супрацоўніка Дзяржкантроля. Апошні настойваў, каб мужчына перавёў грошы на спецыяльны рахунак. Толькі дзякуючы пільнасці старонняй жанчыны, што ўбачыла сітуацыю, магілёвец не стаў ахвярай кібермахляроў.

Што ж тычыцца статыстыкі, то ў снежні 2024 года на Магілёўшчыне было зарэгістравана 1833 кіберзлачынстваў, паведамляў сайт аблвыканкама. А за першыя пяць месяцаў таго года іх колькасць вырасла больш чым ў два разы, пісала БелТА.

Фота з адкрытых крыніц

Збіты ў Мінску дрон пралятаў над Магілёўскай вобласцю

Навіна ад

Збіты ў Мінску баявы беспілотнік прыляцеў у сталіцу з боку Барысава, а раней перамяшчаўся над Магілёўскай вобласцю. Пра гэта гавораць відавочцы.

“Наша ніва” прааналізавала паведамленні ў сацыяльных сетках. Паводле іх, беспілотнік заляцеў у ноч на 29 ліпеня 2025 года ў Мінск з паўночнага ўсходу. З расказаў людзей робіцца ясным маршрут палёту баявой машыны.

Дрон спачатку праляцеў над Магілёўскай вобласцю. Мяркуючы па ўсім, ён заляцеў у яе каля 12 ночы і ляцеў над Магілёўшчынай прыкладна гадзіну.

«У Магілёўскай вобласці ў 12 гадзін ночы прыкладна пралятаў над домам» – піша адзін з каментатараў. Другі пацвярджае, што чуў шум.

«У гадзіну ночы над Магілёўскай вобласцю ляцеў. Я на галасавое паведамленне сяброўцы запісала шум» – сцвярджае іншая.

«Так-так. Ноччу. Гук, быццам бы на матацыкле так нехта гнаў ці на мапедзе… Адразу падумала, што падалося, што нешта ў небе. У выніку не падалося» – дзеліцца яшчэ адна відавочца.

А прыкладна а палове на другую гадзіну ночы гук, падобны да гуку мапеда, чулі ўжо жыхары Барысава.

Пазней Следчы камітэт апублікаваў відэазапіс моманту падзення беспілотніка ў Мінску. На абломках паказалі быццам бы ўкраінскія надпісы. Украінскія вайсковыя эксперты ў адказ на гэта заўважылі, што на баявых дронах няма сэнсу рабіць такія вялікія надпісы – гэта дэмаскіруе аб’ект. СК сцвярджае, што ў дрона была баявая частка, запоўненая трацілам і вялікай колькасцю паражальных элементаў.

Сапраўднасць абломкаў беспілотніка, відэа якіх апублікаваў Следчы камітэт Беларусі, незалежна праверыць немагчыма. Выданнне «Зеркало» паведамляла, што міліцыя ноччу ачапіла месца падзення. А днём праваабаронцы «Вясны» адзначалі, што АМАП праводзіць затрыманні каля дома, дзе ўпаў беспілотнік.

Нагадаем, што пасля того, як інфармацыя аб выбуху беспілотніка ў двары жылога дома ў Мінску з’явілася ў незалежных медыя, сваю версію падзеі выдала Міністэрства абароны. Яно заявіла, што беспілотнік быў падаўлены сродкамі радыёэлектроннай барацьбы. Пацярпелых няма.

«Дзяжурнымі сіламі СПА каля 2 гадзін ночы 29 ліпеня ў паветранай прасторы Рэспублікі Беларусь быў знойдзены і спынены палёт неапазнанай паветранай цэлі – парушальніка парадку выкарыстання паветранай прасторы, ідэнтыфікаванай як БЛА. У выніку ўздзеяння на яго сродкаў радыёэлектроннай барацьбы 02.33 БЛА ўпаў у раёне дома 72 па вул. Матусевіча г. Менска» – напісалі ў тэлеграм-канале Мінабароны.

Скрыншот ТГ Следчага камітэта

Па сярэднім заробку Магілёўская вобласць ужо не самая адсталая

Навіна ад

Па сярэдняй налічанай намінальнай зарплаце Магілёўская вобласць абагнала Віцебскую і па выніках чэрвеня 2025 года заняла перадапошняе месца ў краіне. Сярэдні заробак па Беларусі за чэрвень склаў 2 717 рублёў. На Магілёўшчыне ён – 2 301 рубель, паведамляе Нацыянальны статыстычны камітэт. Гэта амаль на 10 рублёў больш, чым у Віцебскай вобласці, якая цяпер пераймае ў Магілёўшчыны званне самай адсталай. Вышэй за Магілёўскую вобласць размясцілася Берасцейская з 2 390 рублямі сярэдняга заробку ў чэрвені.

средняя зарплата
Графіка: Нацыянальны статыстычны камітэт

Роўна год назад – пісалі mogilev.media – па выніках за чэрвень месяц Віцебшчына з 2 008 рублямі была вышэй за Магілёўшчыну, сярэдняя зарплата ў якой складала 1 981 рубель.

Фота: LookByMedia

Магілёўскія пракуроры заблакавалі сайты беларускіх і расійскіх праваабаронцаў

Навіна ад

Па рашэнні пракуратуры Магілёўскай вобласці ў Беларусі заблакавалі сайты праваабарончых праектаў “Праваабаронцы супраць катаванняў” і “Мемориал ПЗК”.

Пра блакаванне праваабарончых сайтаў беларускага protivpytok.org і расійскага memopzk.org, паведаміла Генеральная пракуратура.

Па версіі пракуратуры, на сайтах ініцыятыў “размяшчаліся інфармацыйныя матэрыялы, якія змяшчаюць загадзя ілжывыя звесткі аб палітычным становішчы Рэспублікі Беларусь, прававым становішчы грамадзян, а таксама экстрэмісцкія матэрыялы, якія накіраваны на дыскрэдытацыю кіраўніка дзяржавы, органаў улады і кіравання».

Ініцыятыва “Праваабаронцы супраць катаванняў” створана ў 2011 годзе, яна аб’ядноўвае беларускіх праваабаронцаў і юрыстаў, якія займаюцца праблемай катаванняў у Беларусі.

“Мемориал. Поддержка политзаключенных” — расійская ініцыятыва. Праект збірае і распаўсюджвае інфармацыю пра палітвязняў, дапамагае палітвязням знайсці і аплаціць адваката і г.д.

Фотаздымак з адкрытых крыніц