Магілёвец заблукаў, калі пайшоў за грыбамі ў Клічаўскім раёне. Дзякуючы яго правільным дзеянням ратавальнікі без праблем знайшлі аматара ціхага палявання.
Падзеі адбываліся 28 кастрычніка 2025 года, калі ўвечары ўсхваляваны мужчына патэлефанавў ратавальнікам і паведаміў, што яго 52-гадовы сваяк з Магілёва яшчэ днём пайшоў у лес па грыбы каля вёскі Ядраная Слабада і да гэтага часу не вярнуўся.
Пры гэтым мабільны тэлефон заблукаўшага быў ужо недаступны. Шукалі грыбніка мясцовыя ратавальнікі, міліцыянеры і нават абласныя пажарныя. Праўда, вялікіх намаганняў, каб адшукаць мужчыну, не спатрэбілася.
“Заблудзіўшыся, мужчына дзейнічаў пісьменна і стрымана. Перад тым, як яго мабільны тэлефон адключыўся, ён адправіў геалакацыю свайго месцазнаходжання сваякам. І на працягу чатырох гадзін не адыходзіў ад указаных каардынат. Калі сваякі зразумелі, што самастойна не могуць яго знайсці, звярнуліся па дапамогу ў службу МНС. Праз дзве гадзіны пошукаў мы знайшлі грыбніка і на квадрацыкле вывезлі яго з лесу” – цытуе клічаўская раёнка работніка пажарнага аварыйна-выратавальнага атрада абласнога ўпраўлення МНС Сяргея Казлова.
Знойдзены не меў патрэбу ў медыцынскай дапамозе.
Фотаздымак: www.ufa.kp.ru
