Category: Навіны Магілёва

У Магілёве для першакласнікаў, чые бацькі члены «Белай Русі», арганізавалі свята. На ім раздавалі марозіва

Навіна ад

На ўсцяж рускамоўнае свята прыйшло некалькі сот чалавек. Шмат дзяцей.

Хто на свяце найбольш чаканы, гаварылася ў яго анонсах.

«У скверы 40-годдзя Перамогі адбудзецца гарадское свята «Здравствуй школа!» для першакласнікаў, чые бацькі з’яўляюцца членамі РГА «Белая Русь», паведамляў «Веснік Магілёва.

Адзначалася, што ў скверы «40-годдзя Перамогі» будзе арганізавана дэгустацыя прадукцыі мясцовых прадпрыемстваў. Сярод іх згадваліся «Фабрыка марожанага» і «Бабушкіна крынка», якія вырабляюць шмат смачнага для дзяцей. 

Свята абвясцілі ў рамках рэспубліканскай акцыі “Соберем портфель вместе”, накіраванай на дапамогу ў набыцці школьных прылад.

Некаторыя з удзельнікаў былі здзіўленыя адсутнасцю беларускамоўных выступленняў, але, па іх словах, дзятва не сумавала. Кожны знаходзіў сабе занятак.

У цэнтры Магілёва пілуюць дрэвы. Гараджане не задаволеныя, але што рабіць – не ведаюць

Навіна ад

Ад дрэваў пазбаўляюцца ўздоўж праезнай часткі вуліцы Піянерскай. Гэта адна з самых загружаных гарадскіх магістраляў цэнтры Магілёва. На ёй дазволены праезд транзітнага буйнатанажнага транспарту.

Як паведамілі Магілёў.media чытачы, з выгляду здаровыя дрэвы спілоўваюць і тут жа вывозяць. Працы вядуцца ў аўральным рэжыме. Камлі распілоўваюць на месцы, а галлё крышаць на шчапу. Работнікі адмаўляюцца гаварыць, чаму пазбаўляюць цэнтар гораду ад патрэбных яму раслін.

Па словах адной з незадаволеных гараджанак, у гарвыканкаме з такімі пытаннямі просяць звяртацца пісьмова. Яна кажа, што цяпер гэта рабіць небяспечна, бо “потым саму ніхто не абароніць”.

На Магілёўшчыне сітуацыя з рэспіраторнымі і кавід-інфекцыямі «дастаткова напружаная». Медыкі ў чаканні росту захворванняў

Навіна ад

Штотыдзень фіксуецца павелічэнне колькасці хворых з рэспіраторнымі інфекцыямі да 10-15 працэнтаў, а з кавід-інфекцыямі да 40-50 працэнтаў.

«Сітуацыя застаецца дастаткова напружаная і мы ў чаканні чарговага ўздыму рэспіраторных інфекцыяў, у тым ліку і кавід-інфекцыяў» – кажа галоўны санітарны ўрач Магілёўскай вобласці Святлана Нячай у інтэрв’ю тэлеканалу «Беларусь 4 Магілёў».

Яна лічыць, што заўчасна, на дадзены момант, казаць пра кавід-інфекцыю, як сезоннае захворванне.

Па яе словах, захворвальнасць рэспіраторнымі інфекцыямі, у тым ліку кавід-інфекцыямі, нарастае.

«Па рэспіратарным гэта блізу 10-15 працэнтаў штотыднёва, па кавід-інфекцыі, па статыстыцы дыягностыкі, гэта лічба нават вышэй. Яна даходзіць да 40-50 працэнтаў за тыдзень. Але пры гэтым захворвальнасць у абсалютных лічбах даволі невялікая. Усё гэта гаворыць пра неабходнасць ужывання прафілактычных захадаў, аналагічна тым, якія выкарыстоўваліся і раней», – тлумачыць сітуацыю Святлана Нячай.

Яна адзначае, што актуальнай застаецца асабістая гігіена, а ў месцах, дзе немагчыма вытрымліваць сацыяльную дыстанцыю, трэба бараніць органы дыхання. Што да масачнага рэжыму, то, на погляд галоўнага санітарнага ўрача, яго будуць выкарыстоўваць кропкава.

Па словах Нячай, з канца верасня ў паліклініках будзе даступная вакцына супраць грыпу і вакцынацыя ад яго ў цяперашніх умовах дужа актуальная.

фота: belinstitute.com

Сачыў за прадпрымальнікам і ноччу скраў з яго машыны інструмент

Навіна ад

Раней ужо асуджаны за крадзеж, 49-гадовы жыхар Воршы здзейсніў прадуманае рабаўніцтва ў Магілёве – паведамляе.

Ён доўга сачыў за мікрааўтобусам індывідуальнага прадпрымальніка, паведамляе прэс-служба абласной міліцыі.

33-гадовы магілёўскі бізнесмен на вачах у зламысніка доўгі час пагружаў і раскладваў тэхніку ды інструмент у сваім транспартным сродку. Пра факт знаёмства паміж зламыснікам і ахвярай нічога не паведамляецца – верагодна, аршанец стаў выпадковым сведкай маніпуляцый магілёўца.

А другой гадзіне ночы жыхар Воршы пад’ехаў да прыпаркаванага ў двары мікрааўтобуса прадпрымальніка. Узламаўшы замок багажніка, скраў з аўтамабіля маёмасці на 10 000 рублёў і з’ехаў з ім у Воршу.

Зламысніка выкрылі па гарачых слядах, паведамляюць у прэс-службе УУС, а ўсё нарабаванае вернута ўласніку.

Прыгожае відэа з магілёўскай пагулянкай. 4 частка – музыкі

Навіна ад

У магілёўскай пешаходніцы ёсць свой голас. Яго ствараюць не толькі прахожыя сваёй гаманою, але і вулічныя музыцы. Гэта, пераважна, маладыя людзі, якія свой горад стараюцца зрабіць напраўду сваім. Невялікае відэа з пагулянкі, прысвечанае тутэйшым музыкам і іх рамяству рабіць жыццё вуліцы весялейшым.

 

Пешаходную вуліцу ведае кожны магілёвец. Гэта ўлюбёнае месца шпацыру гараджанаў. Яны прыязджаюць з аддаленых куткоў Магілёва, каб прайсціся ёю. Адпачыць ад будзённасці, акунуцца ў свет гісторыі роднага гораду і, магчыма, угледзець будучыню.

Працягласць нашай пешаходніцы 1490 метраў. Іх мы пройдзем з відэакамерай і пакажам тое, што, можа, не разгледзелі землякі заклапочаныя сваімі справамі, ці захопленыя прыяцельскімі гутаркамі.

Такім чынам, у дарогу. На відэа сённяшняга дня – чацвёрты адцінак падарожжа.

Выхадзец з Алтаю прыехаў у Магілёў, выдумляе «казачью общину» і вучыць шанаваць «гісторыю агульнай некалі краіны»

Навіна ад

Намеры стварыць у абласным цэнтры «казачью общину «Казаки города Могилева»» агучыў заўсёднік праўладных мерапрыемстваў Алег Ахрэменка пад час адзначэння гадавіны смерці савецкага пісьменніка і журналіста Канстанціна Сіманава. Ягоны прах развеяны над Буйніцкім поле пад Магілёвам. Там жа стаіць яму памятны знак.

mogilove.by

Пра Алега Ахрэменка стала вядома з леташняга велапрабегу «За единую Беларусь». На ім ён шчыраваў за «айчыну і праваслаўную веру». Ахрэменка нязменна пазіруе ў кубанцы. Кажа, што родам з Алтаю і настойвае, каб «мы ведалі гісторыю нашай агульнай некалі краіны». Хаця, падкрэслівае ён, для яго «яна дагэтуль адна».

У Магілёве асобы апранутыя ў казацкае найчасцей з’яўляюцца на праўладных імпрэзах, а таксама на дзействах, якія арганізуе праваслаўная царква. Яны альбо нясуць абразы, альбо ўдаюць з сябе ахоўнікаў грамады. Былі спробы прыцягнуць іх да аховы грамадскага парадку на гарадскіх фэстах разам з міліцыяй. З гэтай задумы пакуль нічога не атрымалася.

Спробы стварыць «казацкія» фармаванні ў Магілёве адбываліся і раней у сучаснай Беларусі, але праваслаўнае духавенства, якое з’яўляецца юрыдычным «патронам» падобных ініцыятыў у нашай краіне, мела выразна акрэсленыя межы гэтай самадзейнасці. Казацкую арганізацыю было дазволена мець толькі ў Бабруйску.

Сучаснае «казацтва» пранікае ў Беларусь у моцна скажоным, што да гістарычнага паходжання гэтага феномена, выглядзе. Гэта найперш прарасійская ініцыятыва, якая не ведае і не ўлічвае складанага і пакручастага лёсу сапраўднага казацтва.

Казацтва як з’ява паявілася шмат у чым дзякуючы высілкам так званага першага кашавога атамана Астафея Дашкевіча, які быў на пачатку XVI стагоддзя старастам крычаўскім, канеўскім і чаркаскім.

У пачатку сваёй гісторыі казакі праводзілі лета на Дняпроўскіх парогах, а зімавалі на Магілёўшчыне. Іх першапачатковай задачай была абарона паўднёвых зямель Вялікага Княства Літоўскага ад турэцкай і крымскай пагрозы. Запарожскае казацтва, якое вырасла з ініцыятывы Дашкевіча, было забароненае ў Расійскай імперыі пры Кацярыне ІІ.

Магілёўскія ВНУ не дабралі больш за чатырыста студэнтаў

Навіна ад

Не стае студэнтаў на бюджэтным і платным навучанні. Бракуе навучэнцаў ва ўстановах сярэдняй спецыяльнай адукацыі. 

Не выканалі плану прыёму на платнае навучанне 4 дзяржаўныя ўстановы вышэйшай адукацыі і 1 прыватная. Недабор сягнуў 337 чалавек. 32 месцы засталіся вакантнымі ў 2 установах сярэдняй спецыяльнай адукацыі вобласці, піша рэсурс «Golk.by», спасылаючыся на звесткі Камітэту дзяржаўнага кантролю.

Паводле іх, кантрольныя лічбы прыёму на навучанне за кошт сродкаў бюджэту не выканалі 2 дзяржаўныя ўстановы вышэйшай адукацыі. Недабор у цэлым склаў 86 чалавек. 75 чалавек недабрала 1 установа сярэдняй спецыяльнай адукацыі вобласці.

Ва ўступных іспытах у 5 дзяржаўных установах вышэйшай адукацыі Магілёўскай вобласці на бюджэтныя формы навучання (вочную і завочную) узялі ўдзел 3147 абітурыентаў пры плане набору 2548 чалавек, на 1161 платнае месца прэтэндавалі 913 чалавек.

Выхадныя скончыліся – падарункі не. Прыгожае відэа з магілёўскай пагулянкай. 3 частка

Навіна ад

Працягваем вандроўку пешаходнай вуліцай Магілёва. Паблукайма ля звяздара і палічым мінакоў.

Гэтую мясцінку ў цэнтры гораду ведае кожны магілёвец. Пешаходніца – улюбёная вуліца шпацыру гараджанаў. Яны прыяжджаюць з аддаленых куткоў Магілёва, каб прайсціся ёю. Адпачыць ад будзённасці, акунуцца ў свет гісторыі роднага гораду і, магчыма, угледзець будучыню.

 

Працягласць нашай пешаходніцы 1490 метраў. Іх мы пройдзем з відэакамерай і пакажам тое, што, можа, не разгледзелі землякі заклапочаныя сваімі справамі, ці захопленыя прыяцельскімі гутаркамі.

Такім чынам, у дарогу. На відэа сённяшняга дня – трэці адцінак падарожжа.

Магілёўскае прадпрыемства гатовае абшываць расійскіх сілавікоў. Прадукцыю паказвала на выставе Міністэрства абароны Расіі

Навіна ад

Акцыянернае таварыства «Магатэкс», якое лічыцца лідарам тэкстыльнай галіны Беларусі, шукае заказы для загрузкі сваёй вытворчасці.

Вядома, што «Магатэкс» другі год запар спрацоўвае ў мінус. Па выніках 2021 года чыстыя страты перавысілі 6 мільёнаў рублёў. Годам раней было прыкладна мінус 15 мільёнаў, пісаў Магілёў.media.

У ліпені быў звольнены з пасады шматгадовы кіраўнік прадпрыемства Віктар Маціевіч. На яго месца паставілі былога намесніка старшыні Магілёўскага гарвыканкаму Аляксандра Пацёмкіна. Ён, як вынікае з ягонай біяграфіі, найдаўжэй працаваў чыноўнікам – 8 гадоў. У прамысловасці на розных кіроўных пасадах доўга не затрымліваўся.

«Магатэкст» шукае пакупнікоў сваёй прадукцыі пераважна на расійскім рынку. Прадпрыемства і раней прадавала там багата вырабаў.

На ваенна-тэхнічным форуме «Армія-2022», які шмат год склікае Міністэрства абароны, магілёўскае прадпрыемства прадставіла тканіну для дэмісезоннай і зімовай формы супрацоўнікаў сілавых структур і форменнае адзенне з іх, а таксама іншыя віды тканіны, з рознымі відамі ахоўных і спажывецкіх уласцівасцяў, зацверджаных у сілавых ведамствах.

На сайце «Магатэкс» напісана, што выстава ў Падмаскоўі для яго – «адна з ключавых пляцовак для дэманстравання як традыцыйных класічных узораў прадукцыі, так і перспектыўных распрацовак».

Да вайны ва Ўкране «Магатэкс» ездзіў на выставы ў Еўропу. У 2017 годзе прадстаўнікі прадпрыемства пабывалі ў Германіі. Паведамлялася, што там былі перамовы аб пастаўцы тканін і атрыманні заказаў на пашыў гатовых вырабаў у Польшчу, Германію, Кітай, Грэцыю, Украіну, Сербію, Партугалію, Італію, Румынію, Вялікабрытанію, Ірландыю, Данію, Латвію, Венгрыю, Канаду.

У тым жа годзе «Магатэкс» паказваў сваю прадукцыю ў Чылі і разлічваў мець заказы для сілавых структураў краін Паўднёвай Амерыкі.

фота: mogotex.com

Падарунак чытачам на выходныя. Прыгожае відэа з магілёўскай пагулянкай. 2 частка

Навіна ад

Працягваем вандроўку пешаходнай вуліцай Магілёва. Галоўнае не спяшацца і разглядзець яе ў дробязях.

Гэтую мясцінку ў цэнтры гораду ведае кожны магілёвец. Пешаходніца – улюбёная вуліца шпацыру гараджанаў. Яны прыяжджаюць з аддаленых куткоў Магілёва, каб прайсціся ёю. Адпачыць ад будзённасці, акунуцца ў свет гісторыі роднага гораду і, магчыма, угледзець будучыню.

 

Працягласць нашай пешаходніцы 1490 метраў. Іх мы пройдзем з відэакамерай і пакажам тое, што, можа, не разгледзелі землякі заклапочаныя сваімі справамі, ці захопленыя прыяцельскімі гутаркамі.

Такім чынам, у дарогу. На відэа сённяшняга дня – другі адцінак падарожжа.