Магілёўскія ВНУ не дабралі больш за чатырыста студэнтаў

Не стае студэнтаў на бюджэтным і платным навучанні. Бракуе навучэнцаў ва ўстановах сярэдняй спецыяльнай адукацыі. 

Не выканалі плану прыёму на платнае навучанне 4 дзяржаўныя ўстановы вышэйшай адукацыі і 1 прыватная. Недабор сягнуў 337 чалавек. 32 месцы засталіся вакантнымі ў 2 установах сярэдняй спецыяльнай адукацыі вобласці, піша рэсурс «Golk.by», спасылаючыся на звесткі Камітэту дзяржаўнага кантролю.

Паводле іх, кантрольныя лічбы прыёму на навучанне за кошт сродкаў бюджэту не выканалі 2 дзяржаўныя ўстановы вышэйшай адукацыі. Недабор у цэлым склаў 86 чалавек. 75 чалавек недабрала 1 установа сярэдняй спецыяльнай адукацыі вобласці.

Ва ўступных іспытах у 5 дзяржаўных установах вышэйшай адукацыі Магілёўскай вобласці на бюджэтныя формы навучання (вочную і завочную) узялі ўдзел 3147 абітурыентаў пры плане набору 2548 чалавек, на 1161 платнае месца прэтэндавалі 913 чалавек.

“Недаатрымаем да 1 мільярда рублёў”, міністр фінансаў пра бюджэт з дэфіцытам

У студзені-ліпені выдаткі перавысілі прыбыткі на 1,9 мільярдаў рублёў (720 мільёнаў долараў ЗША).

«Па стане на 1 жніўня практычна ў нас па рэспубліканскім бюджэце склаўся пэўны дэфіцыт – выдаткі перавысілі прыбыткі дзесьці на 1,9 мільярдаў рублёў, пры тым што планава ў нас 2,8 (мільярда рублёў) па годзе дэфіцыт», – даводзіць міністр фінансаў Юрый Селіверстаў у эфіры тэлеканалу СТВ.

Па яго словах,  большая частка дэфіцыту звязана з недаатрыманнем экспартных пошлінаў ад падсанкцыйных нафтапрадуктаў і калійных угнаенняў.

«Экспарт калійных угнаенняў, нафтапрадуктаў з улікам санкцый, пэўных лагістычных цяжкасцяў – зразумела, што той аб’ём, які быў да канца першага квартала, цяпер замарудзіўся. Мы бачым, што мы дзесьці ў грашовым выражэнні недаатрымаем да 1 мільярда рублёў », – адзначае ўрадовец. 

Кіраўнік ведамства запэўнівае: з улікам кошту хлоркалію на сусветным рынку зніжэнне абʼёмаў яго экспарту не аказвае крытычнага ўплыву на бюджэт.

На пачатку ліпеня Міністэрства фінансаў выдаліла са свайго сайту дадзеныя аб выкананні бюджэту ў бягучым годзе і пакуль не паведамляе пра перыядычнасць і форму публікацый справаздачнасці ў перспектыве.

«Частку інфармацыі мы свядома не размяшчаем, таму што яна выкарыстоўваецца ў рамках разнастайнага роду інсінуацый», – тлумачыць Селіверстаў.

На 2022 год бюджэт зацверджаны з дэфіцытам на ўзроўні 2,8 мільярдаў рублёў – гэта 1,6 працэнты прагназаванага валавага ўнутранага прадукту з даходамі ў 28,13 мільярды рублёў і выдатках у 30,94 мільярды рублёў.

У Клімавічах таксама скупалі цукар. Чыноўнікі запэўніваюць, што яго назапашана дастаткова

Жыхары райцэнтру, як і многія ў Беларусі, сталі закупляць цукар у запас. Іх сталі дакараць, што яны паддаліся чуткам аб дэфіцыце і падаражэнні прадукту. Каб супакоіць насельніцтва паведамілі пра назапашаныя тоны цукру.

Начальнік аддзелу эканомікі райвыканкаму Галіна Зубарава кажа, што цукар адносіцца да сацыяльна значных тавараў і цана на яго рэгулюецца дзяржавай. Урадам вызначаныя гранічныя максімальныя надбаўкі.

Паводле чыноўніцы ў крамы РАЙПО «ужо паступіла 14 тон цукру», а «у гандлёвыя аб’екты сістэмы Еўрагандаль – 3 тоны». Таксама ёсць ён і ў крамах сеткі «Нівагандаль», у гандлёвых абʼектах малога бізнесу, піша клімавіцкая раёнка «Родная ніва».

Паводле яе павялічаны попыт на цукар назіраўся і ў сярэдзіне мінулага года. Гэта было звязана з пладова-ягаднымі нарыхтоўкамі, якія робіць насельніцтва на зіму. Тады цукар адсутнічаў у некаторых крамах пару дзён. А потым сітуацыя стабілізавалася.

 

Расійскаму «Вкусно и точка» бракуе бульбы. А, як жа Беларусь з яе бульбай?

Сетка ядальняў «Вкусно и точка» замяніла ў Расіі «Макдоналдс», які сышоў з мясцовага рынку праз вайну ва Ўкраіны.

Частка рэстаранаў гэтай сеткі прыбрала з меню бульбу фры, а некаторыя яшчэ і бульбу па-вясковаму.

Такія меры тлумачацца нястачай сыравіны для такіх страваў, бо мінулы год, нібыта, быў «неўраджайным».

«На працягу апошніх васьмі гадоў кампанія арыентавалася на расійскіх пастаўшчыкоў і закупляла прадукты ў іх. Акрамя таго, стаў немагчымы імпарт з рынкаў, якія маглі б стаць часовымі пастаўшчыкамі бульбы для прадпрыемстваў у Расіі», – заяўляюць прадстаўнікі кампаніі.

Выданне «Медуза» піша, што стравы з бульбы вернуцца ў меню, калі збяруць новы ўраджай.

Сярод прычынаў браку патрэбных гатункаў бульбы называюцца перабоі ў пастаўках пасадачнага матэрыялу з Бельгіі і Польшчы.

Тым часам, у Міністэрстве сельскай гаспадаркі Расіі заяўляюць, што расійскі рынак цалкам забяспечаны бульбай.

У маі рэстараны «Макдоналдс» набыў бізнесмен Аляксандр Говар, чыя кампанія кіравала 25 установамі гэтай сеткі хуткага харчавання ў Сібіры.

Новая сетка атрымала назву «Смачна і кропка», першыя яе рэстараны адкрыліся на месцы «Макдоналдсаў» 12 чэрвеня.

Паводле ўмовах здзелкі, новыя ўладальнікі не могуць выкарыстоўваць брэнд «Макдоналдс» і назву самых папулярных страў, напрыклад, «Біг Мак».

У «Вкусно и точка» запэўнівалі, што паспрабуюць захаваць меню «Макдоналдса».

фота з адкрытых крыніц

Яшчэ троху і дэфіцыт бюджэту дацягне да мільярду. На пачатку ж году фіксавалася перавышэнне яго даходаў над расходамі

У Беларусі за май дэфіцыт нацыянальнага бюджэту вырас адразу на 877 млн рублёў.

Тэндэнцыя перавышэння расходнай часткі бюджэту над даходнай развіваецца паскоранымі тэмпамі, адзначае інтэрнэт-рэсурс Myfin.

Выданне, спасылаецца на звесткі Міністэрства фінансаў, і указвае, што дэфіцыт рэспубліканскага бюджэту складае 1,0122 млрд рублёў. На канец жа красавіка гэты паказчык даходзіў да 134,9 млн рублёў. А па выніках І кварталу наагул фіксаваўся прафіцыт у 672 млн рублёў.

Myfin піша, што даходы рэспубліканскага бюджэту за студзень-май склалі 10,967 млрд рублёў, ці 38,5% удакладненага гадавога плану. Пры гэтым расходная частка вырасла да 11,9792 млрд рублёў – 36,5%.

фота: belmarket.by

В России дефицит картона. Придется коренным образом менять технологию производства

Нехватка картона для пищевой упаковки из-за санкций ЕС вынуждает крупных производителей продуктов искать варианты для стабилизации поставок.

Пятый пакет санкций ЕС, вступивший в силу 9 апреля, вынудил российских производителей молочной продукции просить Госдуму РФ о централизованном распределении пищевого картона, пишет издание “Комерсантъ”

Проблем у молочников появилось выше крыши.

Ждать милости от Европы не приходится. Так, например, попавшая под ограничения шведская компания «Tetra Pak», имеющее собственное производство в России, просила Национальный совет по торговле Швеции сделать исключение для социально-значимой продукции компании и разрешить поставки нужных компонентов, но получила отказ.

Принимаемые же меры по импортозамещению европейского картона пока малоэффективны: российский картон не отличается высоким качеством и не может обеспечить долгий срок хранения продуктов.

Искать выход приходится по всем направлениям: от налаживания собственного производства ламинированного картона требуемых параметров и поиска альтернативных поставщиков упаковки в странах Юго-Восточной Азии до перехода на другие виды упаковки.

Последний вариант сопряжен с большими трудностями: придется коренным образом менять технологию производства.

Представители «Союзмолока», на заседании комитета Госдумы РФ, просили включить российских производителей упаковки в список системообразующих предприятий, обеспечить им льготное кредитование на импорт упаковки и компонентов и обнулить ввозные пошлины на позиции, попавшие под санкции.

фото: kommersant.ru