16 жніўня ў Дняпры каля в. Паляшчыцы Горацкага раёна патануў 22-гадовы жыхар Горак. Ягонае цела знайшлі толькі 20 жніўня – паведамляе МНС.
У в. Падлужжа Кіраўскага раёна на Чыгірынскім вадасховішчы нырнуў мужчына і больш на паверхні вады не з’яўляўся. Праз 2 гадзіны пошукаў работнікамі МНС было знойдзена цена жыхара Расійскай Федэрацыі 1961 г.н.
Яшчэ два мужчыны патанулі ў рацэ Свіслач у Асіповіцкім раёне – пра гэта мы пісалі раней.
Фота: МНС
Грамадскае абмеркаванне адбудзецца 1 жніўня па адрасе: Горацкі раён, Даброўскі сельскі савет, 17, каля аўтадарогі Р-7. Пачнецца мерапрыемства а 9-й гадзіне.
У гэты дзень будзе вырашана, як паступіць з трыма кустамі ядлоўца, якія растуць каля запраўкі “Беларуснафта. Згодна заключэнню аддзела архітэктуры і будаўніцтва мясцовага райвыканкама кусты маюць “неналежны якасны стан” – паведамляецца на сайце Горацкага райвыканкама.
Прыняць удзел у абмеркаванні гэтага пытання запрашаюць усіх жадаючых. Для ўдзелу, аднак, трэба мець з сабой пашпарт ці іншы дакумент, які пацвярджае асобу.
Нагадаем, што гэта ўжо не першае падобнае абмеркаванне, якое здзіўляе дробнымі масштабам і рашэннем нязначных пытанняў грамадскага жыцця. Дагэтуль райвыканкам у Горках ініцыяваў грамадскае абмеркаванне адной бярозы, пра што пісалі mogilev.media.
Фота ілюстратыўнае
З 17 па 27 ліпеня акадэмія праводзіць дадатковы набор на сельскагаспадарчыя спецыяльнасці для тых, хто жадае заключыць мэтавую дамову.
У такіх абітурыентаў будзе магчымасць стаць студэнтамі наогул без здачы ўступных іспытаў або без прадастаўлення сертыфікатаў па хоць якіх-небудзь навучальных дысцыплінах – паведамляе сайт Горацкай сельскагаспадарчай акадэміі.
У гэтым выпадку хлопцы або дзяўчаты змогуць атрымліваць гарантаваную штомесячную даплату да стыпендыі пры ўмове своечасовай здачы ўніверсітэцкіх іспытаў.
Відавочна, што такі дадатковы набор паказвае незапатрабавальнасць шэрагу прафесій сельскагаспадарчай акадэміі, а таксама негатыўнае стаўленне вялікай колькасці маладых людзей да мэтавай дамовы, згодна якой выпускніка непазбежна чакае двухгадовая адпрацоўка.
Фота з адкрытых крыніц
У выхадныя дні ў Беларусі адзначалася ўстойлівае спякотнае надвор’е. Людзі масава накіраваліся да вады, каб правесці свой вольны час. На жаль, адпачынак прынёс 11 смерцяў за выходныя ў Беларусі, сур’ёзныя траўмы пры купанні атрымаў падлетак – паведамляе прэс-служба Следчага камітэта.
Трагедыі адбыліся ва ўсіх абласцях краіны, у Віцебскай – адразу 5, трагедыя здарылася і на Магілёўшчыне. Увечары 36-гадовая ўраджэнка Горацкага раёна са сваім сужыцелем ужывала спіртныя напоі на беразе возера Аршанскае. У нейкі момант жанчына вырашыла выкупацца. Яна зайшла ў вадаём і знікла. Праз некаторы час труп у вадзе знайшоў рыбак, які знаходзіўся на беразе.
Адразу два чалавекі загінулі на Магілёўшчыне за панядзелак, 17 ліпеня – паведамляе МНС. У вёсцы Залахвенне Быхаўскага раёна загінуў пенсіянер 1952 года нараджэння.
У вёсцы Каменка Магілёўскага раёна патануў хлопчык 2015 года нараджэння з вёскі Брылі.
Маці хлопчыка, занепакоеная тым, што дзіця доўга не вяртаецца дадому, адправілася яго шукаць. Убачыла адзенне сына на беразе і патэлефанавала ратавальнікам. Як высветлілася, хлопчык купаўся ў возеры разам з сябрам. Калі ён пачаў тануць, дзеці, што купаліся разам, разбегліся.
Фота: МНС
13 ліпеня ўчынак сямнаццацігадовай дзяўчыны з горада Горкі шырока разляцеўся па СМІ. Паведамляецца, што дзяўчына выклала ролікі у сваім Тэлеграм-канале, і з іх можна было зразумець, што яна забіла хатнюю жывёлу, а потым зварыла яе галаву.
Пазней стала вядома што кот, відаць, не быў ёю забіты, а знойдзены мёртвым. Гэта, аднак, мала паўплывала на шок, выкліканы абыходжаннем з парэшткамі. Таксама скандальнасці навіне дабаўляла знешнасць дзяўчыны з Горак, апранутай і з макіяжам у стылістыцы субкультуры готаў.
У СМІ агучваюцца версіі, што падобны ўчынак быў здзейснены для хайпа. Дзяўчына паведаміла праваахоўнікам, што збіралася выкарыстаць чэрап у аздабленні свайго пакоя, а расчляненне цела патлумачыла “даследчыцкімі мэтамі”, быццам бы яна хоча стаць доктарам ці ветэрынарам.
Нам удалося знайсці адзін падобны ўчынак у масавай культуры ў апошнія гады, і прычым звязана гэта было зусім не з містычным ці вядзьмарскім рытуалам, як меркавалася першапачаткова.
Вядомая амерыканская рэп-спявачка Азілія Бэнкс агаломшыла публіку ў 2021 годзе фотаздымкамі свайго выкапанага (так, ён памёр у папярэднім, 2020 годзе, быў пахаваны, а потым выкапаны Азіліяй) ката Люцыфера. Таксама спявачка паведаміла, што зварыла яго галаву і размясціла ў своеасаблівым алтары разам з іншымі прадметамі, на першы погляд выпадковымі – бутэлькай шампанскага, стодоларавай банкнотай, паўлінымі пер’ямі і г.д.
Фотаздымак Азілія Бэнкс пракаментавала так: «Люцыпар 2009-2020. Мой дарагі кацяня. Дзякуй табе за ўсё. Легенда. Ікона. Назаўжды сервал служыць».
Фота выклікала вялікі розгалас – рэпершу западозрылі ў вядзьмарскіх рытуалах, паяданні цела свайго хатняга гадаванца. Пазней спявачка патлумачыла, чаму яна выкапала труп ката – і гэта быў не дзіўны кулінарны эксперымент ці містычны рытуал. Аказалася, яна хацела зрабіць з чэрапа ката ўпрыгожванне.
– Як вы маглі падумаць, што я стану есці мёртвую котку, – напісала Азілія Бэнкс у Інстаграме – калі я ледзь магу з’есці мёртвую карову? Гэта называецца таксідэрміяй… Дзякуючы ёй паляўнічыя вешаюць на сцены аленевыя галавы. Вы, хлопцы, паводзіце сябе як расісты, і гэта вельмі не падобна на ідэалы black lives matter.
Паводле яе слоў, у рондалі з астанкамі жывёлы быў наліты не булён, як меркавалі карыстальнікі сацсетак, а раствор перакісу для ачысткі касцей.
Пакуль няясна, ці ведала падлетак з Горак пра імпазантны ўчынак амерыканскай спявачкі, але гэтага нельга выключаць.
Фота з адкрытых крыніц
Мост паміж вуліцай Суворава і Слабой у Горках разламаны настолькі, што кожны, хто ім карыстаецца, рызыкуе праваліцца – паведамляюць horki.info.
Мостам штодзённа праходзіць мноства людзей, піша выданне. Мясцовыя жыхары ўжо неаднаразова спрабавалі адрамантаваць яго сваімі сіламі, але надоўга такога ўпарадкавання не хапае.
“Хадзіць тут рэальна небяспечна. – распавялі рэсурсу horki.info мясцовыя – Там такая вышыня пад зіготкімі дошкамі, што можа праваліцца дарослы чалавек.”
Фота: horki.info
У Горках на вуліцы Будаўнікоў малады чалавек у двары прыватнага дома распальваў мангал. Дзень хіліўся да вечара, і, каб справа пайшла хутчэй ён плёснуў вадкасць-распальвальнік. Але пары вадкасці патрапілі на вопратку і тканіна хутка ўспыхнула – паведамляе міністрэства па надзвычайных справах. З апёкамі юнака шпіталізавалі ў раённую бальніцу.
Фота ілюстрацыйнае
У першы дзень фестываля можна будзе наведаць выстаўкі вырабаў дэкаратыўна-прыкладнога мастацтва і дзіцячых малюнкаў, бібліятэчныя выставы і фотазоны. Неад’емнай часткай фестывалю з’яўляецца творчая пляцоўка майстроў, дзе будуць адбывацца майстар-класы па салома- і лозапляценні, кераміцы, разьбе па дрэве, мастацкай апрацоўцы бяросты, вырабе народных лялек-абярэгаў, валянні з воўны.
Дзеці ў першы дзень фэста таксама знойдуць чым заняцца, бо для будзе арганізаваны конкурс дзіцячага малюнка на асфальце і дзіцячы плэнэр “Мой родны горад”. Як і ў папярэднія гады будуць пляцоўкі для гульняў і атракцыёны, а таксама продаж разнастайных сувеніраў, цацак і слодычаў.
Менавіта ў асноўны дзень фестываля на тэрыторыі розных ўстаноў адукацыі з 12-й да 18-й гадзіне пройдзе прагляд конкурсных праграм у розных намінацыях: па інструментальным і тэатральным жанры, па вакалу і харэаграфіі, у выяўленчым і дэкаратыўна-прыкладным мастацтве.
Разынкай першага дня фестывалю будзе прадстаўленне дзіцячай студыі батлеечных лялек “Дзіва”, а таксама фестываль фарбаў “Белхолі”, што пройдзе з 16-й па 18-й гадзіне ў гарадскім амфітэатры. Адбудзецца таксама квэст-кульня і вечаровая дыскатэка – паведамляе інфармацыйны рэсурс horki.info.
На наступны дзень гарадское свята працягнецца выставай прац пераможцаў фестываля і акцыяй пажадання фестывалю. Працягнуць таксама працаваць выстаўкі вырабаў дэкаратыўна-прыкладнога мастацтва і горад майстроў, а таксама пляцоўкі з атракцыёнамі і гульнямі, продаж сувеніраў і слодычаў. Завершыцца двухдзённае свята цырымоніяй ўзнагароджання пераможцаў X рэгіянальнага фестывалю дзіцячай творчасці “Славянскі карагод” і заключным гала-канцэртам.
Фота з адкрытых крыніц
Санстанцыя правяла паўторную праверку на возеры каля базы адпачынку “Мерэя” ў Леніно Горацкага раёна. 7 чэрвеня тут уводзілася першая ў гэтым сезоне забарона на купанне – паведамлялі mogilev.media. Цяпер жа наяўнасць кішачнай палачкі не перавышае нормы – піша “Горацкі веснік”. Пагэтаму ўсе абмежаванні для купання на гэтай зоне адпачынку знятыя.
Па іншых афіцыйна зацверджаных зонах адпачынку вынікі даследаванняў спроб вады не перавышаюць нарміруючых значэнняў.
Фота з адкрытых крыніц
Разам з капітальным рамонтам дома нумар 4 па вуліцы Інтэрнацыянальнай у Горках зрабілі ўкладку новага асфальта – распавядае рэсурс horki.info. Вось толькі любы дождж увесь двор гэтага дома ператварае ў басейн.
Мясцовыя жыхары скардзяцца, што прайсці па заасфальтаваным двары пасля кожнага дажджу немагчыма – прыходзіцца хадзіць па газонах, па траве.
– Пасля дажджу каля дома не прайсці ні праехаць. – расказаў выданню адзін з жыхароў – Тыя, хто выконваў рамонт, ад пачатку ведалі, што тут трэба было праектаваць зліўную сістэму. І абяцалі гэта зрабіць. Але, як відаць, не зрабілі.
Фота: horki.info
