Category: Навіны Горак

Горацкі цэнтр сацабслугоўвання аформіў 65 падпісак на “Советскую Белоруссию”

Навіна ад

Горацкі раённы Цэнтр сацыяльнага абслугоўвання насельніцтва выдаткаваў 217 рублёў на галоўную праўладную газету – “Советская Белоруссия. Беларусь сегодня”.

З дадзеных на партале дзяржзакупак вынікае, што Горацкі раённы Цэнтр сацыяльнага абслугоўвання насельніцтва (ЦСАН) актыўна закупляе самыя розныя тавары і паслугі. У пераліку патрэб ўстановы прадукты харчавання, базавыя медыкаменты і сродкі догляду. Гэта нядзіўна: ЦСАН адказвае за працу некалькіх сацыяльных аб’ектаў, сярод якіх установы, якія дапамагаюць пажылым людзям і грамадзянам з інваліднасцю.

Некаторыя падраздзяленні цэнтра ў хуткім часе атрымаюць абноўкі: арганізацыя плануе набыць па адной адзінцы бытавой тэхнікі халадзільнік, тэлевізар і пральную машыну.

Акрамя задавальнення матэрыяльна-бытавых патрэб, за кошт раённага бюджэту замоўлена 65 асобнікаў праўладнай газеты “Советская Белоруссия. Беларусь сегодня”. Кошт падпіскі складзе 217 рублёў. Згодна з закупкай, дастаўляцца газета будзе з сакавіка па снежань 2026 года. 

А 217 рублёў – гэта прыкладна столькі ж, колькі ЦСАН плануе выдаткаваць на бінты, антысептыкі, пластыры і мінімальны набор лекаў накшталт зялёнкі, ёду, валяр’яны, мазі Вішнеўскага і нітрагліцэрыну.

Фотаздымак ілюстрацыйны

У Горках п’яны мужчына атакаваў аўтамабілі

Навіна ад

Вяртаючыся ноччу з гасцей, жыхар Горак зачымсьці пашкодзіў чатыры чужыя аўтамабілі.

Чатыры аўтамабілі пашкодзіў жыхар Горак – ён драпаў машыны ключом, ламаў люстэркі задняга віду і шклоачышчальнікі. 

Больш за ўсё не пашанцавала аўтамабілю Opel – 38-гадовы хуліган адарваў і памяў яго рэгістрацыйны знак. 

Усё гэта трапіла на камеры відэаназірання, а на нумарным знаку засталіся яшчэ і адбіткі пальцаў.

Высветлілася, што мужчына не належыў да лудзіцкага руху. Свае паводзіны ён патлумачыў тым, што быў п’яны.

Паколькі ў хулігана няма судзімасцяў, ён раскаяўся і добраахвотна пакрыў нанесеную шкоду, вырашана было не прыцягваць яго да крымінальнай адказнасці.

Фота: “Беларусь Сегодня”.

Жыхары шматкватэрнага дома ў Горках пакутуюць ад затопленага сутарэння

Навіна ад

Жыхары дома №2 па праспекце Дзімітрава ў Горках ужо некалькі месяцаў жывуць з непрыемнай праблемай – каналізацыйныя сцёкі рэгулярна заліваюць іх сутарэнне. 

Нягледзячы на неаднаразовыя прамыўкі труб, у тым ліку ў чэрвені і верасні, вада зноў і зноў вяртаецца, піша Orsha.ue. На месца неаднаразова выязджала камісія з прадстаўнікоў розных камунальных службаў, але прычыны паўторных затапленняў так і не вызначылі. Як тлумачаць спецыялісты, сеткі вонкавай каналізацыі праходзяць пад зямлёй, таму праверыць, ці правільна яны былі зроблены пры будаўніцтве дома, амаль немагчыма.

Жыхары прапанавалі разабрацца з праблемай за кошт сродкаў, якія штомесяц адлічваюць на капітальны рамонт. Але ў адказ пачулі, што гэтыя грошы знаходзяцца на асобным рахунку, створаным «для акумулявання фінансаў на капрамонт па ўсім Горацкім раёне». Іншымі словамі, выкарыстаць іх на канкрэтны дом пакуль немагчыма.

Прадстаўнікі ўлад абяцаюць, што ў сутарэнні адновяць цеплаізаляцыю труб і прыбяруць наступствы затаплення. Калі ж праблема паўторыцца, яны зноў будуць шукаць яе крыніцу.

А пакуль на інфармацыйным стэндзе яны размясцілі “Правілы карыстання сістэмай каналізацыі”.

Фотаздымак ілюстратыўны з адкрытых крыніц

Горацкіх камунальнікаў злавілі на растраце мільёна бюджэтных грошай

Навіна ад

КДК Магілёўскай вобласці праверыў горацкае УКПП «Камунальнік». Вынікі ўражваюць і шакуюць.

Незаконнае атрыманне больш за мільён рублёў бюджэтных сродкаў выяўлена Камітэтам дзяржаўнага кантролю Магілёўскай вобласці пры праверцы горацкага УКПП «Камунальнік». 

Устаноўлена, што горацкія камунальнікі:

  • неабгрунтавана завышалі планавыя выдаткі пры фарміраванні планавых разліковых цэн на паслугі па цеплазабеспячэнню;
  • уключалі ў акты выкананых работ па ўтрыманні вулічна-дарожнай сеткі лішнія сумы да аплаты;
  • парушалі правілы бухгалтарскага ўліку пры прыёме лому чорных і каляровых металаў; 
  • хімічылі са здаваемай у арэнду дзяржаўнай маёмасцю;
  • парушалі правілы праезду цяжкавагавых і буйнагабарытных транспартных сродкаў па аўтамабільных дарогах агульнага карыстання.

Вынік – мільён рублёў, незаконна атрыманы з бюджэту. Здаецца, няма такога правіла, якое б камунальнікі Горак не парушылі. Карацей кажучы, наш пастрэл усюды паспеў.

Вось толькі фармулёўка «вінаватыя ў парушэннях службовыя асобы і прадпрыемствы прыцягнуты да адміністрацыйнай адказнасці» наводзіць на думку, што растраты сродкаў падаткаплацельшчыкаў не спыняцца.

Фота ілюстратыўнага характара з адкрытых крыніц.

Трох палітвязняў з Горак абвясцілі экстрэмістамі

Навіна ад

У міліцэйскім пераліку асоб, якія нібыта датычны экстрэмісцкай дзейнасці, 31 кастрычніка 2025 года з’явіліся прозвішчы трох жыхароў Горак.

Спіс, размешчаны на сайце МУС, папоўнілі 43-гадовая Ганна Уласенка, 56-гадовая Алена Сафронава і 50-гадовы Сяргей Даронін.

Усе трое былі асуджаныя Магілёўскім абласным судом па абвінавачванні ў стварэнні экстрэмісцкага фармавання або ўдзеле ў ім. Згодна з інфармацыяй на сайце МУС, усе трое адбываюць турэмны тэрмін. У чым менавіта абвінавацілі гэтых людзей – не паведамляецца. Праваабаронцы прызналі іх палітычнымі зняволенымі. 

Зараз у міліцэйскім спісе “экстрэмістаў” 5942 чалавекі.

Фотаздымак: TUT.BY

Горецкий райсуд показал дремучее незнание трудового права

Навіна ад

В Горецком районном суде уверены, что участие в республиканском субботнике, является обязанностью.

“Участие в республиканском субботнике – это не только обязанность, но и прекрасная возможность внести свой вклад в благоустройстве родного края” – говорится в сообщении суда Горецкого района от 25 октября 2025 года.

Там же с восторгом сообщается, что “коллектив суда Горецкого района под руководством председателя суда Горецкого района Волкова Виталия Николаевича дружно принял активное участие в уборке опавшей листвы и благоустройстве прилегающей территории суда”.

Исходя из того, как коллектив суда замечательно убрал территорию, можно порекомендовать ему в полном составе перейти в низовые работники коммунального хозяйства. Возможно, там от них пользы будет больше. Особенно это касается судей, поскольку по юриспруденции у них такие пробелы в знаниях, что вряд они могут выполнять свои нынешние обязанности.

В пункте 4 постановления Совета министров РБ от 16 октября 2025 года №570 «О проведении республиканского субботника» черным по белому дается указание “Республиканским органам государственного управления и иным организациям, подчиненным Правительству  Республики  Беларусь, местным  исполнительным и распорядительным органам: создать в областях, городах, районах, организациях рабочие группы по подготовке и проведению  республиканского  субботника  с учетом  участия в них граждан исключительно на добровольной основе”.

Кроме того, согласно ст.20 Трудового кодекса РБ, “наниматель не вправе требовать от работника выполнения работы, не обусловленной трудовым договором, за исключением случаев, предусмотренных законодательными актами”.

Хотя, возможно, в Горецком райсуде прекрасно знают, что участие в субботниках в Беларуси, если по закону, дело добровольное, а не обязательное. А это сообщение в телеграм-канале суда является лишь желанием показать, что в реальности все наоборот – участие в субботнике является обязанностью. Только мы и так знаем, что в Беларуси при нынешней власти всё “не до законов”. Поэтому никакой жалости и сочувствия к судьям-дворникам это сообщение не вызывает.

Фотоснимок: телеграм-канал Горецкого райсуда

Грузавік з буракамі перакуліўся ў Горацкім раёне

Навіна ад

Грузавік, які перавозіў кармавыя буракі, перакуліўся каля Горак. Кіроўца шпіталізаваны.

Дарожна-транспартнае здарэнне адбылося 21 кастрычніка 2025 года. Акурат пасярод дарогі побач з кальцавым перакрыжаваннем са стэлай “Горкі” перакуліўся грузавы аўтамабіль, які вёз буракі. 

Карняплоды аказаліся раскіданыя па дарозе. Мясцовыя жыхары казалі, што яна стала падобная на поле пасля ўборкі ўраджаю, піша Інстаграм cp_belarus. 

Вадзіцель атрымаў траўмы і быў дастаўлены ў бальніцу. Аб прычынах аварыі пакуль не паведамляецца.

Скрыншот: Інстаграм cp_belarus

Таблички с указанием расстояния до укрытий появились в Горках

Навіна ад

В Горках местные жители увидели новые таблички с указанием расстояния до укрытий. Возможно, это связано с активностью залетающих в Беларусь российских дронов.

Как сообщает Orsha.eu, фотографии таких табличек сразу же оказались в интернете. Одна из них располагается на корпусе студенческого общежития в центре города. На ней написано, что ближайшее укрытие находится в 14 метрах от здания. 

Есть табличка, прибитая к дереву в парке местного вуза. Там указано, что до  ближайшего укрытия 300 метров.

“Почему именно сейчас в городе появились подобные таблички, нигде официально не сообщается. Можно предположить, что это может быть связано с активностью российских беспилотников, которые атакуют Украину, но иногда залетают на территорию Беларуси. Хотя, может быть, причина не в этом” – рассуждают в независимом издании.

Фотоснимок: Orsha.eu

В Горках осудили троих мужчин за избиение таксиста-конкурента

Навіна ад

Трое мужчин предстали перед судом в Горках по обвинению в злостном хулиганстве – жестоком избиении таксиста с целью устранения его как конкурента.

В июне 2025 года 40-летний житель Витебской области решил устранить соперника, который оказывал услуги такси на личном автомобиле, пишет сайт Генеральной прокуратуры. Вместе с двумя знакомыми он разработал план нападения. 

По схеме, 55-летний участник группы должен был сыграть роль пассажира и сесть в машину конкурента. В то же время инициатор расправы и его 20-летний сообщник следовали за такси, готовясь к нападению. Когда ничего не подозревающий водитель был вынужден остановиться, 40-летний мужчина выбежал из автомобиля, вытащил водителя, повалил его на землю и не меньше 27 раз, как выяснили следователи, ударил его по голове руками и ногам. Подоспевшие подельники также избивали мужчину – следствие насчитало не менее 16 ударов по различным частям тела. После избиения двое обвиняемых спустили все шины автомобиля жертвы.

На момент совершения преступления 40-летний и 55-летний мужчины находились в состоянии алкогольного опьянения.

В суде двое обвиняемых полностью признали вину, третий только частично. Суд Горецкого района по статье злостное хулиганство назначил 40-летнему мужчине три года ограничения свободы с направлением в исправительное учреждение открытого типа, 55-летнему – два года ограничения свободы без направления. 20-летний участник получил один год лишения свободы, однако исполнение наказания отсрочено на год с обязанностью отработать 120 часов общественно полезных работ.

Приговор пока не вступил в законную силу.

Фотоснимок из открытых источников

“Нізкі статус” для палітвязняў – здзекі ў горацкай калоніі

Навіна ад

Былому лідару партыі «Зялёныя» і палітвязню Дзмітрыю Кучуку ў Горацкай калоніі №9 прысвоілі «нізкі статус» – маргінальны турэмны маркер, што ператварае чалавека ў ізгоя.

Дзмітрый Кучук быў затрыманы ў лютым 2024 года і асуджаны на шэсць гадоў калоніі за ўдзел у пратэстах і “заклікі да санкцый”. У няволі яму прысвоілі “нізкі статус”, а сем месяцаў ён правёў у адзіночнай камеры. У размове з “Вясной” ён распавёў, як адміністрацыя і крымінальныя «аўтарытэты» супрацоўнічаюць, каб прынізіць палітвязняў.

“Нізкі статус” па замове адміністрацыі

Паводле Кучука, “нізкі статус” яму прысвоілі па загадзе адміністрацыі, насуперак турэмным традыцыям. У атрадзе было каля 70 чалавек, з іх 20 з “нізкім статусам”, у тым ліку некалькі палітычных. Аператыўнікі загадалі аўтарытэтам прызначыць яму гэты статус, сцвярджаючы, што ён ўзначальваў ЛГБТ-супольнасць. “Яны сказалі, нібы я ўзначальваў у Беларусі ЛГБТ-супольнасць. Пазней я ўжо не змог ад яго пазбавіцца. Хаця паводле ўсіх вараўскіх традыцый гэта было бяспраўе (беспредел). Бо ў мяне не было ніякіх “касякоў” (парушэнняў турэмных правілаў, за якія могуць прызначыць “нізкі статус”). Пазней за гэты статус я апынаўся ў ШІЗА і ПКТ” – кажа ён.

Падчас каранціну начальнік прапанаваў яму памыць умывальнік, а гэта дзеянне, якое ў турэмных нормах лічыцца прыніжальным. За адмову палітвязня адправілі ў ШІЗА на 17 сутак. Так адміністрацыя свядома правакавала парушэнні, каб пакараць.

Жыццё ізгоя

Асуджаных з «нізкім статусам» аддзяляюць ад іншых: асобныя ўмывальнікі, туалет, посуд і сталы. Ім забаронена сядаць разам і дзяліцца ежай або цыгарэтамі. “Бо сесці за стол – гэта канчатковае прызнанне “нізкага статуса”. Калі ты харчуешся асобна, ты паказваеш, што не згодны з гэтым” – тлумачыць Кучук. Такіх вязняў лічаць ізгоямі, прымушаюць мыць прыбіральні і выконваць брудную працу. Асуджаныя пазбягаюць кантактаў з імі, бо могуць самі атрымаць “статус”.

“Нізкі статус” маральна знішчае, кажа Дзмітрый: “Вязняў з “нізкім статусам” там называюць “петух”, “підарас”. Цябе пастаянна будуць маральна забіваць, здзеквацца”. Адмяніць статус амаль немагчыма. Гэта могуць зрабіць толькі крымінальныя аўтарытэты, але ў дачыненні да палітычных яны падпарадкоўваюцца адміністрацыі.

Сем месяцаў у адзіночцы

З усяго тэрміну ў калоніі Кучук толькі два тыдні правёў у жылой зоне, астатні час прабыў у ШІЗА і ПКТ у адзіночнай камеры. Там не дазвалялі чытаць, атрымліваць перадачы, не выдавалі матраса. “Адзінае, можна перакінуцца парай словаў з раздатчыкам ежы ды паслухаць галасы вязняў з суседніх камер” – узгадвае ён.

Сілавікі праз радыёхвалю гучна транслявалі абразы і правакацыі, распускалі чуткі пра яго сям’ю, каб маральна зламаць. Праз гэта вязні жылі ў пастаяннай напрузе, чакаючы памілавання, пра якое часта падманам абвяшчалі.

Салідарнасць і чалавечнасць

Нягледзячы на статус, Дзмітрый сустракаў праявы падтрымкі. Загадчык гаспадаркі ставіўся да яго без абразаў, даваў газеты і матрас. Іншыя вязні перадавалі хлеб, кавалак сала ці дробязі як знакі салідарнасці. “Пры ўсім тым, што крымінальныя аўтарытэты прысвоілі мне гэты статус, яны ж у прыватных размовах стасаваліся са мною даволі на роўных. Яны ўсведамлялі, што “статус” мне далі за палітыку. Калі на прамзоне іншыя мяне правакавалі, аўтарытэты гэтыя пытанні вырашалі” – кажа ён.

Пасля  дэпартацыі ў Літву Кучук аднаўляе здароўе і збіраецца працягваць палітычную дзейнасць. Былы палітзняволены кажа, што нягледзячы на працяглы тэрмін у адзіночнай камеры, ён усё ж такі не здзічэў.

Фотаздымак: Праваабарончы цэнтр “Вясна”