Да 7 гадоў пазбаўлення волі можа атрымаць жыхар Шклова за выраб агнястрэльнай зброі.
Як паведаміла shklovinfo.by, у студзені 2023 года Шклоўскі раённы аддзел следчага камітэта распачаў крымінальную справу супраць жыхара Шклоўскага раёна за пазазаконны выраб зброі.
У адпаведнасці з артыкулам 295 Крымінальнага кодэкса Рэспублікі Беларусі (незаконныя дзеянні супраць агнястрэльнай зброі, боепрыпасаў і выбуховых рэчываў) за падобныя дзеянні прадугледжваецца пакаранне ў выглядзе пазбаўлення волі да 7 гадоў.
Вядома, што мужчына самастойна з падсобных матэрыялаў вырабіў самаробны пісталет. Згодна з вынікамі балістычнага абследавання, ён прызнаны агнястрэльнай зброяй, якая прыдатная для стральбы.
З якімі мэтамі мясцовы вынаходнік вырабіў пісталет, не паведамляецца.
Пажар здарыўся днём 8 лютага ў вёсцы Туркі Бабруйскага раёна. На месцы ўзгарання ратавальнікамі было знойдзена цела гаспадара дома 1940 года нараджэння. Яго жонку 1948 года нараджэння яшчэ да прыезда пажарных выратавалі мясцовыя жыхары – паведамляе прэс-служба МНС. Прычына пажару, папярэдне – парушэнне правілаў эксплуатацыі пячнога і іншага абагравальнага абсталявання.
Могилевский район является одним из немногих в Беларуси, который максимально формирует бюджет за счет собственных поступлений. Но, если в Мозырском районе доходы получают в основном от переработки нефти, в Солигорском от калийной соли, в Островецком от работы АЭС, то Могилевский район зарабатывает исключительно за счет эффективной экономики.
Не зря ведь район признан победителем в категории лучший район для бизнеса Беларуси как в 2020, так и в 2021гг.
Могилевский район формирует 14 % выручки области, 17 % областного объема инвестиций в основной капитал, более 30 % всех экспортных поставок области.
Драйвером же экономического роста территории является частный сектор экономики. Алгоритм отношений с частным бизнесом, заложенный руководством района еще в середине 1990-х гг., сегодня продуктивно местной властью развивается на благо местного населения и бюджета. В частности, по итогам 2022 г. более 70 % бюджета района сформировано за счет налоговых отчислений малого и среднего предпринимательства и индивидуального сектора, в то время как в целом по Могилевской области этот показатель составил всего лишь 36,2 %.
Сегодня в Могилевском районе осуществляют свою деятельность более 2,4 тысячи субъектов хозяйствования малого и среднего бизнеса, включая индивидуальных предпринимателей (ИП), и этот фактор позволяет разрешать проблемы занятости и создания новых рабочих мест. Именно в частных предприятиях трудится 38 % экономически активного населения района (в области этот показатель 30 %), в частности в 735 зарегистрированных коммерческих организациях трудоустроено 6,9 тысяч работников.
По насыщенности субъектами предпринимательства – на 1 000 жителей района приходится 20 организаций частного бизнеса и 35 ИП. По данным показателям Могилевский район опережает все районы области и города Могилев и Бобруйск.
Развитие частного сектора «провоцирует» наращивание объемов торговли, которая в валовом региональном продукте (ВРП) района занимает 2 место после промышленности – 32,9 %.
По итогам работы за 2022 г. в районе зарплата выросла на 10,7 % (задание 9,5 %), совокупные доходы в бюджет на 9,3 % (задание 7,6 %), вырос экспорт услуг, производство продукции сельского хозяйства в хозяйствах всех категорий, объемы ввода жилья в эксплуатацию.
Из-за санкций не выполнены задания по привлечению инвестиций в основной капитал, объему строительно-монтажных работ, темпам роста экспорта товаров. Правда, не дремлют и чиновники из облисполкома, доведя району ключевые показатели эффективности работы с поквартальными отчетами. Это номинальная начисленная среднемесячная зарплата, рост инвестиций в основной капитал и рост совокупных поступлений доходов в консолидированный бюджет. А чтобы местные чиновники не дремали в течение года, решением облисполкома определены 10 дополнительных показателей, характеризующих развитие отдельных видов экономической деятельности в районе.
Есть уверенность, что эти показатели будут исполнены еще и потому, что территория Могилевского района давно уже распахнула двери для иностранных предприятий с их многомиллионными инвестициями. Среди иностранных лидеров могилевского бизнеса «ВМГ Индустри», «Мебелайн», ЗАО «Серволюкс» и другие.
В целом же промышленность в районе составляет 42,3 % в ВРП Могилевского района и данный показатель здесь намерены увеличивать. Для этого есть солидные основания – кроме вышеозначенных иностранных предприятий, в районе успешно работают «Протос», «Стальная линия», «Баир Вест», «Авансум», «Газосиликат», «Гермес Траст».
Еще недавно многие из них свою деятельность начинали с аренды и приобретения неиспользуемых объектов госсобственности и бывших военных городков, а сейчас являются современными промышленными предприятиями, известными далеко за пределами Беларуси.
В 2021 г. местными властями был проведен III районный инвестиционный форум «Могилевский район – территория возможностей», на котором было подписано договоров по привлечению в экономику района инвестиций на сумму 146 млн. рублей и 4 контракта на поставку продукции района на экспорт на сумму 17,9 млн. долларов. Все это позволяет смотреть с оптимизмом на перспективы экономического развития района. Не реализовал себя на полную силу и аграрный сектор экономики района…
Магілёўская абласная інспекцыя дзяржаўнага стандарту знайшла ў бялыніцкай краме цукеркі расійскай вытворчасці з сінтэтычнымі фарбавальнікамі, якія кепска ўплываюць на актыўнасць дзяцей.
Як паведаміла газета “Зара над Друццю”, у адным з гандлёвых прадпрыемстваў была выяўлена расійская цукеркавая карамель. Праверка абласной інспекцыі выявіла, што прадукцыя не адпавядае патрабаванням тэхнічных правілаў мытнага саюза.
Вытворца ўказаў у складзе прадукцыі натуральныя фарбавальнікі антоціан, карацін і куркумін. Але інфармацыя на маркіроўцы прысмакаў уводзіла ў зман спажыўцоў. У прадукцыі былі выяўлены сінтэтычныя фарбавальнікі: тартразін (E102) у колькасці 19,7 мг/кг, сонечны закат (E110) у колькасці 12,7 мг/кг, азорубін (E122) у колькасці 12,5 мг. / кг.
Акрамя таго, на цукерках не было папярэджанняў, што ў склад прадукцыі ўключаны фарбавальнікі, якія могуць негатыўна адбіцца на ўвазе і актыўнасці дзяцей.
Дзяржаўны стандарт забараніў імпарт і продаж неякасных прысмакаў у Беларусі.
У вёсцы Бель-1 Крычаўскага раёна 62-гадовая пенсіянерка спрабавала растапіць печку, лінуўшы бензіну. Ад успышкі лёгкаўзгаральных пароў яна атрымала апёкі 15% цела. У момант здарэння ў доме знаходзіўся сын пацярпелай, які загасіў на жанчыне вопратку і выклікаў медыкаў. Жанчына шпіталізаваная – паведамляе прэс-служба МНС.
Зямлян і навукоўцаў моцна усхвалявалі апошнія тэктанічныя падзеі, калі ў свеце за некалькі дзён адбылося каля 900 землятрусаў. Даследчыкі з Тэхаскага ўніверсітэта знайшлі раней невядомы пласт часткова расплаўленай пароды пад тэктанічнымі плітамі Зямлі – паведамляе Reuters. Ён уплывае на рух у мантыі, у тым ліку на прычыны землятрусаў.
Кіраўнік групы навукоўцаў Цзюньлінь Хуа даследаваў сейсмічныя выявы мантыі Зямлі пад Турцыяй. Спачатку ён ідэнтыфікаваў асобныя ўчасткі расплаўленай мантыйнай пароды на глыбіні каля 160 км пад паверхняй. Затым, сабраўшы аналагічныя дадзеныя з іншых сейсмічных станцый па ўсім свеце, ён убачыў, што гэта не анамальныя ўчасткі, а цэлы пласт.
Вынайдзены пласт – гэта таксама частка астэнасферы, па якой рухаюцца літасферныя блокі.
З вынікаў даследавання выцякае, што значна больш на рух літасферы ўплывае цеплаабмен у мантыі пад астэнасферай, а ціск і тэмпература мяняюцца з глыбінёй, кантралюючы глейкасць. Цвёрдыя пароды ў нетрах нашай планеты часам ссоўваюцца. Калі б мы маглі назіраць гэты працэс дастаткова доўга, то ўбачылі б, што пароды «цякуць, як мёд».
– Гэтая праца важная, таму што разуменне ўласцівасцей астэнасферы і прычын, чаму яна слабая, мае асноватворнае значэнне для разумення тэктонікі пліт. – растлумачыла суаўтар Карэн Фішэр, сейсмолаг і прафесар Універсітэта Браўна
Пасля банкрутства “Магілёўаблсаюздрука” зачынілася былая кніжная крама “Раніца” на рагу праспекта Міра і вуліцы Першамайскай.
Пасля пратэстаў 2020 года кожны абласны цэнтр павінен быў адчыніць спецыялізаваную краму для продажу чырвона-зялёных сцягоў і іншай афіцыйнай сімволікі. У Магілёве такім месцам стаў адзін з магазінаў “Саюздрука”, былая “Раніца”. Верагодна, справы не надта ішлі ўгару – у кастрычніку 2022 года увесь асартымент крамы быў перанесены ў “Світанак”, што таксама на праспекце Міра, але на рагу з вуліцай Касманаўтаў. Пасля продажу памяшканняў “Раніцы”, сюды пераехаў сэканд-хэнд, які дагэтуль размяшчаўся па суседстве, але ў больш сціплых па плошчы памяшканнях.
Міжнародны дзень стаматолага (International Dentist Day)
Устаноўлены па ініцыятыве Асацыяцыі Стаматолагаў ЗША ў дзень шанавання каталіцкай Святой Апалоніі Александрыйскай. Святая не адраклася ад Хрыста і прыняла смерць на вогнішчы 9 лютага 249 года. Існуе павер’е, што варта толькі вымавіць імя Апалоніі, памаліцца ёй – зубны боль аціхне.
Археалогія даказала, што прафесія стаматолага існавала і ў старажытнасці. Першая машына, падобная на апарат для лячэння зубоў, выкарыстоўвалася ўжо 9 тысяч гадоў таму.
Навукоўцы даследавалі парэшткі людзей з Белуджыстана ўзростам не менш як 7 000 гадоў. І ў зубах выявілі адтуліны, дыяметр якіх быў не больш за 3 мм, а глыбіня – не больш за 3,5 мм. Гэтыя адтуліны былі выкананы ідэальна, нібы тут папрацавалі сапраўднай бормашынай.
1547 год. Нарадзіўся Крыштоф Радзівіл “Пярун”.
Дзяржаўны і вайсковы дзеяч ВКЛ. Вялікі гетман літоўскі, ваявода віленскі, кашталян троцкі, гетман польны літоўскі, вялікі падчашы літоўскі.
Удзельнік Інфлянцкай вайны 1558–1582 гадоў: у 16 гадоў браў удзел у бітве пры Уле, пазней узяў замак Усвяты, нанёс паражэнне маскоўскаму войску каля Вялікіх Лук. Мянушку Пярун атрымаў за прымяненне «тактыкі выпаленай зямлі».
Удзельнічаў у рэйдзе (1581) да вярхоўяў Волгі, заняў Старыцу і Ржэў, што разам з аблогай Пскова прымусілі Івана Жахлівага падпісаць перамір’е. Гэты рэйд паслужыў нагодай для стварэння шэрагу паэтычных твораў Ф. Градоўскага, Г. Пельгрымоўскага, Я. Каханоўскага, А. Рымшы.
Прыхільнік плана стварэння дзяржаўнай уніі ВКЛ, Польшчы і Расіі на чале з вялікім князем.
Змагаўся з паўстаннем Налівайкі 1594-1596 гадоў. У 1601 года нанёс паражэнне шведам ў бітве пад Кокенгаўзэнам, узяў Вендэн.
Фундатар і будаўнік кальвінісцкіх сабораў, апякун вучоных, дзеячаў беларускай культуры.
Памёр 20 лістапада 1621 года.
1667 год. Дзень Андрусаўскага замірэння (па новаму стылю).
Скончылася самая стратная ў гісторыі Беларусі вайна паміж Масковіяй і Рэччу Паспалітай 1654–1667 гадоў, у якой загінуў кожны другі жыхар. Мірная дамова была падпісана тэрмінам на 13,5 гадоў. Пагадненне было заключана ў в. Андрусава на мяжы Мсціслаўскага і Смаленскага ваяводстваў.
Да Масквы перайшлі Смаленскае ваяводства, Северская зямля з Чарнігавам і Старадубам, Левабярэжная Ўкраіна – палова тэрыторыі Рэчы Паспалітай. За землі Левабярэжнай Украіны Масковія сплаціла 1 000 000 злотых – каля 200 000 рублёў.
Рэчы Паспалітай заставаліся Правабярэжная Ўкраіна і Беларусь. Кіеў быў перададзены Масковіі на 2 гады, але так і ня быў вернуты, у 1686 годзе Масква за яго сплаціла 146 000 рублёў.
Запарожская Сеч апынулася пад агульным пратэктаратам абедзьвюх дзяржаваў. Гэта развеяла спадзевы запарожцаў на стварэнне ўласнай дзяржавы, і казацкі гетман Пятро Дарашэнка пачаў шукаць дапамогі ў туркаў.
1710 год. Пётр I зацвердзіў новую грамадзянскую азбуку і грамадзянскі шрыфт.
Царква працягвала карыстацца стараславянскім алфавітам.
Распрацаваў і адліў новы шрыфт у 1707 годзе ў Маскоўскай урадавай друкарні ураджэнец Мсціслава Ілля Капіевіч (1651–1714). Але кіраўнік друкарні Палікарпаў, каб пазбавіцца ад канкурэнта, назваў яго ерэтыком з-за пратэстанцкага веравызнання. Зразумела, прызнаць, што грамадзянскі шрыфт распрацаваў літвін-ерэтык, не выпадала, а таму пальму першынства атрымаў сам цар Пётр І. Капіевічу заставалася толькі трываць несправядлівасць: «И тако сими утешаяся, да познаем нашу немощь, и держимося смиренномудрия и правды». Капіевіч з’яўляецца першым выкладчыкам Пятра І у Галандыі, друкаром, перакладчыкам кніг, увёў у зварот назвы сучасных 12 сузор’яў, тэрміны глобус, мапа/карта.
1881 год. Памёр Фёдар Дастаеўскі.
Расійскі пісьменнік і філосаф. Выхадзец з літоўскага шляхецкага роду герба «Радван», які меў маёнтак Дастоева на Піншчыне.
Вайсковы інжынер. Перакладчык «Яўгеніі Грандэ» Бальзака.
З выхадам першага свайго твора «Бедныя людзі» адразу здабыў папулярнасць.
За ўдзел у рэвалюцыйным гуртку М. Петрашэўскага арыштаваны (1849), асуджаны да пакарання смерцю, якое заменена на катаргу ў Омску. Пасля катаргі служыў радавым у лінейным сібірскім батальёне.
Аўтар многіх вядомых твораў, у тым ліку «Злачынства і пакаранне», «Ідыёт», «Браты Карамазавы».
Фрыдрых Ніцшэ прызнаваў, што Дастаеўскі адзіны, хто здолеў яму растлумачыць, што такое чалавечая псіхалогія.
1893 год. Дзень нараджэння стрыптызу.
У вядомым парыжскім кабарэ “Мулен Руж” упершыню ў свеце танцорка-мадэль Манон Лавіль “Мона” распранулася перад публікай пад час традыцыйнага баля студэнтаў-мастакоў.
За гэты пэрфоманс яна была арыштавана паліцыяй і аштрафавана на 100 франкаў па ініцыятыве актывістаў Лігі абароны маралі. У абарону танцоркі ў Парыжы пачаліся беспарадкі і пратэсты.
Своеасаблівым протастрыптызам можна лічыць танец “канкан”, які з’явіўся ў Францыі на паўстагоддзя раней. У Амерыцы стрыптыз зваўся “бурлеск”.
Стрыптыз стаў неад’емнай часткай масавай культуры, звычайна яго дэманструюць у начных клубах. Класічны элемент стрыптызу – пілон (тычка). Танец на пілоне – pole dance – самастойны накірунак у спорце. Сучасны стрыптыз дасягнуў дасканаласці, ператварыўшыся ў спалучэнне пластыкі і гульні, прыгажосці і харэаграфіі.
На Беларусь стрыптыз прыйшоў на пачатку 1990-х і першым стрып-клубам стала мінская «Лагуна». Усе канцэртныя нумары для гасцей стрыптыз-клубы павінны ўзгадняць з камісіяй Мінкульта Беларусі. Адзіны клуб у Магілёве, дзе дазволены стрыптыз – “Steak and Wine”.
Стрыптыз – задавальненне не для бедных, але і не толькі для багатых. Чэк у 6 мінскіх стрып-клубах дасягае 100 рублёў у агульнай зале, прыватны танец каштуе 150–300 рублёў.
1895 год. Дзень нараджэння валейбола.
У горадзе Халіоку штата Масачусэтс у спортзале каледжа Асацыяцыі маладых хрысціян інструктар па фізічнай культуры У. Морган прыдумаў новую камандную гульню ў мяч пад назвай “mintonette”. Пазней прафесар А. Хальстэд прапанаваў назву “валейбол” – “лятаючы мяч” (“at the volley” – “на ляту” і “ball” – “мяч”).
Падобныя гульні вядомы былі і раней. Старажытнарымскія легіянеры любілі перакідаць адзін аднаму ўдарамі кулака мяч, падвешаны на вяроўцы.
Першая афіцыйная дэманстрацыя гульні адбылася 7 ліпеня 1896 года на канферэнцыі Саюза хрысціянскай моладзі ў Спрынгфілдзе штата Масачусэтс. Менавіта гэтая асацыяцыя з’явілася актыўным ініцыятарам распаўсюджвання валейбола. У 1900 годзе валейбол выйшаў за межы ЗША. У Беларусі валейбол з’явіўся ў 1910–1920-х гадах.
Першы чэмпіянат Еўропы па валейболе сярод мужчынскіх каманд адбыўся ў Рыме ў 1948 годзе. Упершыню валейбол быў уключаны ў праграму XVIII Алімпійскіх гульняў у Токіа ў 1964 годзе.
1897год. Стартаваў першы поўны перапіс насельніцтва Расійскай Імперыі.
Прайшоў па ініцыятыве географа П. Сямёнава-Цянь-Шанскага.
Насельніцтва Беларусі ў сучасных межах склала 6 673 000 чалавек, у тым ліку па гарадах (тысяч чалавек): Мінск – 90,9, Віцебск- 65,9, Брэст – 46,6, Магілёў – 43,1, Гродна – 40,9, Гомель – 36,7,
Асіповічы – 0,9,
Бялынічы – 2,2,
Бабруйск – 22,0,
Быхаў – 6,4,
Глуск – 5,3,
Горкі – 6,7,
Дрыбін – 1,2,
Касцюковічы – 0,7,
Клімавічы – 4,7,
Клічаў – 0,6,
Краснаполле – 3,2,
Круглае – 1,6,
Крычаў – 6,2,
Мсціслаў – 8,5,
Прапойск – 1,0,
Хоцімск – 3,0,
Чавусы – 4,7,
Чэрыкаў – 5,6,
Шклоў – 9,7.
1940 год. У ноч з 9 на 10 лютага ажыццёўлена першая хваля (з чатырох) савецкай дэпартацыі насельніцтва з Заходняй Беларусі.
Дэпартацыі насельніцтва ў аддаленыя рэгіёны СССР – адзін са сродкаў рэпрэсій савецкай акупацыйнай уладай з мэтай знішчэння цэлых пластоў грамадства, патэнцыйна нелаяльных да савецкай улады.
Рэпрэсіям падлягалі людзі перадусім паводле свайго сацыяльнага стану: заможныя сяляне і прадпрымальнікі, інтэлігенцыя, духавенства, супрацоўнікі польскіх органаў улады, польскія асаднікі і іншыя. У савецкай, постсавецкай і польскай гістарыяграфіях гэтыя падзеі прынята абазначаць як “дэпартацыю польскіх грамадзянаў” ці “дэпартацыю палякаў”, хаця большасць дэпартаваных былі карэнныя жыхары Беларусі.
Маёмасць дэпартаваных канфіскоўвалася. Людзям даваліся лічаныя гадзіны на зборы і дазвалялася браць з сабою толькі мінімум асабістых рэчаў. Перавозка сасланых адбывалася пад канвоем у вагонах для быдла, сотні людзей загінулі пад час перавозкі ў бесчалавечых умовах.
У гэтую хвалю 33 749 асаднікаў і 17 561 службоўцаў лясной варты былі адпраўленыя ў Сібір і Казахстан.
1930 год. Нарадзіўся Валянцін Тарас.
Беларускі паэт, перакладчык, публіцыст. Падлеткам ўдзельнічаў у партызанскім руху.
Працаваў у газеце «Звязда», часопісе «Нёман». У 1968 годзе звольнены з працы «за антысавецкія размовы» і на працягу 8 гадоў яго не друкавалі, не дазвалялі здымаць фільм паводле яго сцэнарыя, не выпускалі за мяжу.
З пачаткам перабудовы быў у Назіральнай радзе Беларускага Фонду Сораса, членам Назіральнай рады Беларускага Хельсінкскага Камітэта, член Беларускага ПЭН-клуба. Адзін з стваральнікаў Хартыі-97.
Аўтар вершаў, шматлікіх зборнікаў паэзіі і кніг аповесцей і апавяданняў, мемуараў, літаратурна-драматычнай кампазіцыі і тэкстаў большасці песень для канцэртнай праграмы «Праз усю вайну» ансамбля «Песняры». Па яго творах здымаліся фільмы на Кіеўскай кінастудыі імя А. Даўжэнкі і на «Беларусьфільме».
Перакладаў п’есы для купалаўскага тэатра, на рускую мову пераклаў шматлікія творы, кнігі, у тым ліку Ф. Багушэвіча, Я. Купалы, Я. Коласа, М. Танка, Р. Барадуліна, М. Стральцова, К. Чорнага, Я. Брыля, В. Быкава і іншых.
Памёр 13 лютага 2009 года.
1946 год. Нарадзіўся Эдуард Зарыцкі.
Беларускі кампазітар. Народны артыст. Кавалер ордэна Ф. Скарыны.
Скончыў Беларускую дзяржаўную кансерваторыю.
Загадваў музычнай часткай Беларускага тэатра юнага гледача. Працаваў пераважна ў галіне інструментальнай музыкі, масавай і эстраднай песні, тэатральнай і кінамузыкі.
Аўтар больш за 600 песень, цыклаў на вершы А. Міцкевіча, Якуба Коласа і У. Караткевіча, шматлікіх сімфоній, сюіт, канцэрціна для сімфанічанага аркестра, канцэртаў для габоя і валторны, камернага аркестра, камерна-інструментальнай музыкі, музыкі да спектакляў, .
Да гэтага часу папулярнымі з’яўляюцца яго песні «Белыя крылы», «Замова», «Начныя кастры», «Будзьма», «Палыновая ростань», «Лісток календара», «Так прыйшла да нас Перамога».
Памёр 6 чэрвеня 2018 года.
1960 год. Нарадзіўся Міхась Казлоўскі.
Беларускі краязнавец, грамадскі дзеяч, крытык, публіцыст, выдавец.
Працаваў у Гудзевіцкім літаратурна-краязнаўчым музеі, у Цэнтры эстэтычнага выхавання г. Маладзечна, метадыстам Маладзечанскай цэнтральнай раённай бібліятэкі.
Заснавальнік клуба беларускай патрыятычнай моладзі «Беларуская хатка», мастацкай гасцёўні Я. Драздовіча, літаратурнага музея У. Караткевіча ў Маладзечне. Адзін са стваральнікаў гісторыка-краязнаўчага аб’яднання «Крывіч».
Рэдактар-выдавец альманаха «Куфэрак Віленшчыны». Пад яго рэдакцыяй выйшлі кнігі паэзіі, прозы і краязнаўчай публіцыстыкі, шэраг паштовак, прысвечаных дзеячам беларускай культуры.
Аўтар і ўкладальнік старонак «Куфэрак» у тыднёвіку «Рэгіянальная газета», краязнаўчых публікацый, рэцэнзій у перыядычных выданнях.
1991 год. У ЗША памёр ураджэнец г. Ліда Аркадзь Мігдал.
Савецкі фізік-тэарэтык, акадэмік АН СССР.
Вучыўся у Ленінградскім ўніверсітэце, адкуль яго выгналі ў 1931 годзе за «непралетарскае паходжанне». У 1933 годзе быў арыштаваны, сядзеў у вязьніцы.
З канца 1930-х гадоў вывучаў праблемы ўзаемадзеяння нейтронаў з атамамі. У выніку ім быў развіты арыгінальны метад «устрэсвання», які прынёс аўтару заслужаную вядомасць.
Працаваў у Інстытуце фізічных праблем АН СССР, прафесарам Маскоўскага інжынерна-фізічнага інстытута, у Інстытуце атамнай энергіі, Інстытуце тэарытычнай фізікі. У 1947 годзе быў апанентам на абароне кандыдацкай дысертацыі А. Сахаравым.
Заснавальнік новых кірункаў у ядзернай фізіцы і фізіцы металаў. Даследаваў праблему палярызацыі і вакууму ў моцных магнітных палях.
У навуковы ўжытак увайшлі такія азначэнні, як асаблівасць Мігдала-Кона, скачок Мігдала, канстанта Мігдала.
У Чавускім гісторыка-краязнаўчым музеі 7 лютага адкрылася выстава воскавых фігур – паведамляе газета “Іскра”. Яна будзе працаваць да 14 сакавіка.
Выставу арганізаваў праваслаўны актывіст, кіраўнік міжнароднай арганізацыі праваслаўных аўтараў і выканаўцаў “Благодар” Уладзіслаў Асака, і тэматычна яна прысвечаная знакамітым сюжэтам і персонам.
На выставе прадстаўлены кампазіцыя “Тайная Вячэра” – фігуры Хрыста і апосталаў выкананы ў натуральную велічыню. Таксама ёсць фігуры М. Гогаля, А. Пушкіна, Ф. Дастаеўскага, Серафіма Сароўскага, членаў сям’і апошняга рускага цара Мікалая II і іншыя.
Выданне піша, што гледачоў на адкрыцці выставы ўразіла вельмі рэалістычнае выканананне фігур, партрэтнае падабенства са знакамітымі асобамі мінулага. Скульптары для іх вырабу выкарыстоўвалі спецыяльны склад з дабаўленнем сілікону, натуральныя валасы, адлюстравалі дробныя маршчынкі, зморшчыны, надалі тварам эмоцыі, задуменнасць.
Адны з бяднейшых у краіне і самыя бедныя ў Магілёўскай вобласці – Хоцімскі, Слаўгарадскі і Мсціслаўскі раёны.
Паводле афіцыйнай статыстыкі Белстат за 2022 год самымі дэпрэсіўнымі, з самымі нізкімі заробкамі і мільённымі крэдытамі з’яўляюцца пяць раёнаў краіны.
Самы бядотны стан у двух: Шаркаўшчынскім Віцебскай вобласці з сярэднім месячным заробкам 1 005 рублёў 5 капеек (383 даляры) і 8,4 мільёнамі рублёў пратэрмінаваных пазык і Кармянскім Гомельскай вобласці з заробкам 1 007 рублёў 6 капеек (384 даляры) і 19 мільёнамі рублёў пратэрмінаваных пазык.
Адразу тры раёны Магілёўскай вобласці занялі з 3-га па 5-е месцы антырэйтынгу: Хоцімскі, Слаўгарадскі і Мсціслаўскі. І гэта пры тым, што ўсе яны падпадаюць пад Указ ад 8 чэрвеня 2015 года №235 «Аб сацыяльна-эканамічным развіцці паўднёва-усходняга рэгіёна Магілёўскай вобласці» і маюць пэўныя прэферэнцыі.
У Хоцімскім раёне за 2022 год рэальны заробак упаў на 3,7% і склаў 1036 рублёў 8 капеек (395 даляраў) і вырасла пратэрмінаваная запазычанасьць на 6,2 мільёны рублёў – да ўзроўню 19,2 мільёны рублёў. На тэрыторыі раёна працуе ільнозавод і 6 сельскагаспадарчых арганізацый.
У Слаўгарадскім раёне з сярэднім заробкам 1045 рублёў (398 даляраў) 13,3% арганізацый стратныя. Тут пратэрміноўка крэдытаў складае 16,8 мільёны рублёў, у раёне нулявыя замежныя інвэстыцыі. З прамысловасці працуюць філіялы “Бабушкина крынка” і прадпрыемства “Красный пищевик”.
Самую вялікую пратэрміноўку мае Мсціслаўскі раён – 34,5 мільёны рублёў (пры чыстым прыбытку 2,9 мільёна). У раёне 5,2 мільёны рублёў пазык толькі за паліўныя рэсурсы. Тут сярэдні заробак за 2022 год склаў 1047 рублёў 50 капеек (399 даляраў). І гэта пры тым, што ў раён летась укладаліся замежныя інвэстары на 254,3 тысячы даляраў. У раёне дзейнічае вытворчасць малака, льну і хлебабулачных вырабаў.
