П’яны падлетак танчыў на даху чужой машыны у Горках

Цяпер супраць яго ўзбуджана крымінальная справа.

Пацярпелы – студэнт адной з навучальных устаноў – распавёў праваахоўнікам, што пакінуў свой «Citroen Xantia» на ноч каля інтэрната, а раніцай знайшоў пашкоджанні на даху аўтамабіля. Таксама – сляды абутку невядомага.

У поле зроку супрацоўнікаў міліцыі патрапіў 16-гадовы мясцовы жыхар, які можа мець дачыненне да здзяйснення дадзенага злачынства. Супраць яго ўзбуджаная крымінальная справа па артыкуле «Хуліганства» – паведамляе прэс-служба Дзяржаўнага камітэта судовых экспертыз. У маладога чалавека канфіскавалі кеды і накіравалі на судовую трасалагічную экспертызу.

Падчас следства высветлілася, што ў тую ноч 16-гадовы мясцовы жыхар ужываў спіртное і, праходзячы міма інтэрната, залез на дах чужога аўтамабіля і патанцаваў на ім, а потым пайшоў далей.

 

У Магілёве выпаў з акна студэнт

Трагедыя адбылася ў адным з інтэрнатаў беларуска-расійскага ўніверсітэту.

Вядома, што хлопец выпаў з акна чацвёртага паверху і з траўмамі дастаўлены ў шпіталь.

Міліцыя занятая расследаваннем.