Tag: криминальное дело

Мсціслаўчанін з сябрам курылі гашыш каля пад’езда — у выніку арганізатар адпачынку паедзе на зону

Навіна ад

У Мсціславе супрацоўнікі праваахоўных органаў затрымалі маладых людзей, якія курылі гашыш. На аднаго з іх заведзена крымінальная справа

Па папярэдніх дадзеных наркатычнае рэчыва на тэрыторыю Мсціслаўскага раёна правёз 18-гадовы мсціслаўчанін, які навучаецца ў Смаленску. Пакурыць гашыш малады чалавек вырашыў разам са сваім сябрам. Пасля ўжывання наркотыка ля аднаго з пад’ездаў шматпавярховак горада іх затрымалі супрацоўнікі міліцыі.

Экспертыза паказала, што курыльная сумесь, якую прывёз мсціслаўчанін, з’яўляецца наркатычным рэчывам — паведамляе мсціслаўская раённая газета “Святло кастрычніка”

У выніку ў дачыненні да 18-гадовага жыхара Мсціслаўля ўзбуджана крымінальная справа. Яму пагражае пакаранне ад 3 да 7 гадоў пазбаўлення волі.

Фота ілюстрацыйнае

20 удараў сякерай па галаве – у Бялыніцкім раёне адбылося жорсткае забойства

Навіна ад

Мясцовая пракуратура санкцыявала арышт 69-гадовага бялынiчаніна. Яму інкрымінавана наўмыснае забойства, учыненае з асаблівай жорсткасцю.

Паводле матэрыялаў крымінальнай справы, 1 жніўня ў перыяд часу з 15.30 да 22.00 мужчына знаходзячыся па месцы свайго жыхарства, будучы ў стане алкагольнага ап’янення, пасля сумеснага распівання спіртных напояў з таварышам 1969 года нараджэння, паміж сабутэльнікамі ўзнікла моцная сварка, якая перарасла ў асабістыя непрыязныя адносіны.

У выніку гаспадар сабутэльніку наўмысна нанёс не менш за 20 удараў абухом сякеры ў вобласць галавы, а таксама не менш за 7 удараў лязом сякеры ў вобласць грудной клеткі, прычыніўшы цялесныя пашкоджанні, ад якіх апошні памёр на месцы здарэння, – паведамляе Бялыніцкая раённая газета «Зары над Друццю».

Пакуль што мужчыну затрымалі да дакладнага высвятлення характару злачынства і абставін яго ўчынення. Крымінальная справа знаходзіцца ў распрацоўцы Бельніцкага раённага аддзела следчага камітэта. 69-галоваму бялынічаніну пагражае вялікі тэрмін пазбаўлення волі, бо забойства было ўчынена ім з асаблівай жорсткасцю, а абвінавачаны дзейнічаў з усведамленням таго, што нанясеннем вялікай колькасці ўдараў пацярпеламу па розных частках цела сякерай, ён прычыняе госцю асаблівы боль і пакуты.

Фота з адкрытых крыніц

Начальніца аддзела ў крычаўскай бальніцы прыпісвала сабе рабочы час, скраўшы амаль 700 рублеў

Навіна ад

Загадчык аддзела прававой і кадравай работы крычаўскай раённай бальніцы ўносіла недакладныя звесткі ў табель уліку працоўнага часу, учыніўшы такім чынам крадзеж амаль у 690 рублёў.

Падчас расследавання ўстаноўлена, што жанчына з карыслівых памкненняў, каб завалодаць грашовымі сродкамі, выкарыстоўвала службовыя паўнамоцтвы па складанні графікаў працоўнага часу і табеляў уліку працоўнага часу і з канца студзеня па канец ліпеня 2022 складала графікі і табелі, у якіх пазначала загадзя ілжывыя звесткі аб адпрацаваным ёй працоўным часе.

Такім чынам яна ўчыніла крадзеж на агульную суму 689,7 руб.

А каб схаваць ад супрацоўнікаў міліцыі гэты крадзёж, унесла загадзя ілжывыя звесткі ў загад галоўнага доктара ўстановы аб аб’яўленні ёй працоўных дзён і адгулаў – паведамляе раённая газета “Крычаўскае жыццё”.

Суд пастанавіў прызначыць работніцы раённай бальніцы пакаранне ў выглядзе пазбаўлення волі тэрмінам на 2 гады са штрафам у памеры 50 базавых велічынь і пазбаўленнем права займаць пасады, звязаныя з арганізацыйна-распарадчымі абавязкамі, тэрмінам на 5 год з адтэрміноўкай на адзін год.

Фота ілюстрацыйнае

Сямнаццаць удараў качаргой, а яна прасіла яму дараваць – побытавыя драмы на Крычаўшчыне

Навіна ад

Адбылося выязное паседжанне суда Крычаўскага раёна, на якім разглядалася справа аб бытавым гвалце. На ім вынеслі прысуд сямейнаму скандалісту, які збіў сужыцельніцу качаргой.

Абвінавачаны і пацярпелая – сужыцелі з вёскі Іванаўкі Крычаўскага раёна. Ёй 59 год, а яму – 66. Аднак страсці ў пары зашкальваюць, ажно часам да рукапрыкладства. Такі выпадак адбыўся паміж сужыцелямі напярэдадні 8 сакавіка, які пара вырашыла добра адзначыць яшчэ за дзень да наступлення жаночай даты ў календары. З самай раніцы мужчына закупіўся бутэлькамі 0,25 і 0,5 літра гарэлкі. Меншую з бутэлек пара выпіла на дваіх, а другую разам з таварышам, які прыйшоў у госці на дапамогу.

Аднак алкаголь хутка скончыўся, а часу яшчэ было шмат, пагэтаму троіца вырашыла адправіцца да іншага таварыша, захапіўшы папярэдне яшчэ 0,5 літра гарэлкі.

Вяртаючыся ўвечары дамоў сужыцелі, якія былі напатпітку, паспелі моцна рассварыцца, успомніўшы ўсе старыя крыўды. “Напэўна, ён прыраўнаваў мяне да свайго брата” – успамінала потым на судзе жанчына. 

Жанчына, якая першай дабралася да дома, зайшла ў яго і зачыніла дзверы. Мужчына крычаў каб яму адчынілі, але жанчына не рэагавала. Праз паўгадзіны ён зламаў дзверы дома. Прайшоўшы па хаце сужыцель спачатку не змог знайсці жанчыну, пакуль не пачуў кашаль з шафы ў заднім пакоі, у якім яна хавалася. Мужчына хацеў дастаць яе з шафы, але тая збегла ў другі пакой.  

У рэшце раззлаваны мужчына схапіў качаргу і нанёс ёй сужыцельцы каля 17 удараў па галаве, тулаве, руках і нагах. Гэта доўжылася пару хвілін, пакуль жанчына не ўцякла да суседкі. Тая заўважыла кроў на галаве пацярпелай і выклікалі хуткую. А на наступны дзень абвінавачанага забрала міліцыя. У выніку пабояў пацярпелай наклалі чатыры швы на галаве. Таксама вынікам гвалту сталіся сінякі па ўсім целе жанчыны – паведамляе пра здарэнне раённая газета “Крычаўскае жыццё”. 

На судзе жанчына прасіла дараваць сужыцелю, але гэта ўжо не першы зафіксаваны выпадак іх сямейны-побытавых разборак і зваротаў у міліцыю. У выніку ў пары перамір’е, але на мужчыну заведзеная крымінальная справа за наўмыснае прычыненне лёгкіх цялесных пашкоджанняў. Таксама ён павінен будзе заплаціць 40 базавых велічыняў штрафу.

Фота ілюстрацыйнае

Жанчына знайшла чужы бранзалет у паліклініцы і атрымала крыміналку

Навіна ад

У міліцыю Магілёва звярнулася 31-гадовая мясцовая жыхарка, якая расказала, што ў яе быў выкрадзены згублены залаты бранзалет. Інцыдэнт адбыўся ў адной з медыцынскіх устаноў горада, куды жанчына хадзіла з малалетнім дзіцём.

Сышчыкі высветлілі, што чужую маёмасць забрала 35-гадовая магіляўчанка, якая таксама наведвала паліклініку. Перад гэтым залаты бранзалет парваў дзіця, будучы на руках у маці. Апошняя гэтага не заўважыла – ювелірнае ўпрыгожванне зачапілася за металічнае сядзенне крэсла ў прыёмнай і засталося там. Пасля бранзалет выявіла іншая жанчына, якая і забрала яго з сабой, паклаўшы ў кашалёк. Упрыгожванне нейкі час ляжала дома ў жанчыны – яна планавала пакінуць яго сабе – паведамляе тэлеграм-канал абласнога УУС.

У выніку ў дачыненні да жанчыны, якая знайшла бранзалет і забрала сабе, узбуджана крымінальная справа.

Фота ілюстрацыйнае

Магілёвец папаўся п’яным на чужой машыне – у пяты раз

Навіна ад

44-гадовы мужчына вырашыў у нецвярозым стане пакатацца на чужым аўтамабіле BMW, які яму пакінулі для афарбоўкі. Пры затрыманні аказалася, што ён садзіцца ўжо ў пяты раз кіраваць аўтамабілем у нецвярозым стане. 

Магілёўца затрымалі супрацоўнікі дзяраўтаіснпекцыі і даставілі на агляд, які паказаў наяўнасць у яго 2,3 праміле алкаголю. Аказалася, што на рахунку мужчыны гэта ўжо пятая такая паездка, раней былі адміністрацыйныя пратаколы, а папярэдняя скончылася крымінальнай справай за паўторнае кіраванне транспартным сродкам у стане алкагольнага ап’янення – паведамляе ўпраўленне ўнутраных спраў Магілёўскага аблвыканкама.

На гэты раз за адну паездку ў дачыненні да мужчыны распачаты адразу дзве крымінальныя справы. Яму давядзецца адказаць за паўторнае кіраванне ў нецвярозым стане і выкраданне чужога аўтамабіля.

Фота ілюстрацыйнае 

Жыхар Чавускага раёна асуджаны на 22 гады за забойства

Навіна ад

Мужчына забіў свайго сабутэльніка, меўшы пры гэтым  наркотыкі ў доме і незнятую судзімасць за папярэдняе забойства. 

У Чавускім раёне 55-гадовы мясцовы жыхар у канцы 2022 года распіваў у сябе дома спіртное з прыяцелем. У нейкі момант гаспадар ударыў госця ў грудзі нажом. Мужчына памёр на месцы. Прычынай агрэсіі стала асабістая непрыязнасць, якая раптоўна ўспыхнула да пацярпелага. Варта адзначыць, што зламыснік ужо меў незнятую і непагашаную судзімасць за раней учыненае забойства.

Праваахоўнікі абшукалі дом злачынцы і знайшлі марыхуану. На судзе жыхар Чавускага раёна сваю віну так і не прызнаў, адмаўляў сваю датычнасць і да забойства і да незаконнага абарота наркотыкаў – паведамляе інфармацыйнае агенства БелТА. 

Суд вынес абвінаваўчы прысуд, на падставе якога мужчын асуджаны ў сукупнасці на 22 гады пазбаўлення волі з адбываннем пакарання ў папраўчай калоніі ва ўмовах асаблівага рэжыму.

Фота ілюстрацыйнае

Жыхар Касцюковіцкага раёна ледзь не забіў рыдлёўкай двух чалавек з рэўнасці

Навіна ад

Касцюкаўчанін атрымаў 15 гадоў турмы за замах на былую каханую жанчыну і яе сужыцеля.

У нецвярозым стане мужчына прыйшоў у дом, дзе знаходзілася яго былая пасія і яе каханы. Пачалася сварка, у выніку якой нецвярозы схапіў у рукі штыкавую рыдлёўку і стаў жорстка збіваць гаспадара дома і жанчыну.

Агрэсар нанёс пацярпелым шматлікія ўдары па розных частках цела, у тым ліку жыццёва важным органам. Прычым ён біў таксама металічнай завостранай часткай рыдлёўкі, спрабуючы забіць сваіх ахвяр. На шчасце, ахвяры засталіся жывыя, пацярпелым была своечасова аказана медыцынская дапамога.

На судзе нападнік прызнаў віну толькі часткова. Ён сцвярджаў, што не збіраўся нікога забіваць, а толькі хацеў адпомсціць з рэўнасці, бо жанчына пайшла да другога – паведамляе інфармацыйнае агенства БелТА.

Магілёўскі абласны суд прызнаў мужчыну вінаватым і прызначыў яму пакаранне ў выглядзе пазбаўлення волі на тэрмін 15 гадоў з адбываннем у папраўчай калоніі ва ўмовах узмоцненага рэжыму. Ён таксама выплаціць пацярпелым 40 тысяч беларускіх рублёў грашовай кампенсацыі маральнай шкоды.

Фота ілюстрацыйнае

 

Быхаўчанін скарміў сабаку тушы мёртвых баброў і атрымаў крыміналку

Навіна ад

Знайшоў двух мёртвых баброў, і гэта абярнулася для жыхара Быхаўскага раёна крымінальнай адказнасцю.

Як высветліла следства, абвінавачаны ў пачатку лютага гэтага года, знаходзячыся ў пойме ракі Друць, паблізу вёскі Хамічы Быхаўскага раёна, знайшоў у лёдзе двух мёртвых баброў. Пры дапамозе сякеры мужчына дастаў целы жывёл, а пасля завёз іх дадому і разабраў, каб скарміць свайму сабаку – паведамляе інфармацыйнае агенства БелТА.

Пракуратура палічыла, што мужчына нанёс навакольнаму асяроддзю шкоду, роўную 5180 рублёў (140 базавых велічынь). У судзе абвінавачаны прызнаў сваю віну цалкам. Аднак заўважыў, што не ведаў аб крымінальнай адказнасці за перамяшчэнне і разборку дзікай жывёлы.

Паводле правілаў паляванне транспарціроўка і разборка дзікіх жывёл, у тым ліку загінулых ці іх частак, без дакументаў, прадугледжаных заканадаўствам, забараняюцца. 

У выніку мужчыну прызначана пакаранне ў выглядзе аднаго года абмежавання волі без накіравання ў папраўчую ўстанову адкрытага тыпу.

Фота ілюстрацыйнае

14 месяцаў калоніі атрымала быхаўчанка, якая схлусіла пра выбух і стукнула нагой міліцыянта

Навіна ад

Жанчыне інкрымінавана заведама ілжывае паведамленне аб выбуху ў пажарную службу, а таксама гвалт у дачыненні да супрацоўніка органаў унутраных спраў.

Як высветліла следства, нецвярозая быхаўчанка ў канцы мінулага года са свайго мабільнага тэлефона патэлефанавала ў мясцовую пажарную службу і паведаміла ілжывую інфармацыю аб выбуху, які нібыта рыхтуецца. У гэты ж дзень праваахоўнікі ўстанавілі асобу, якая тэлефанавала, і для разбіральніцтва запрасілі яе ў раённы аддзел міліцыі. Жанчына з’явілася ў стане алкагольнага ап’янення і ў фае будынка міліцыі нанесла удар нагой аднаму супрацоўніку органаў унутраных спраў – паведамляе генеральная пракуратура.

На судовым паседжанні жанчына прызнала сваю віну і папрасіла прабачэння ў пацярпелага. За здзейсненыя ўчынкі жыхарка Быхава атрымала пакаранне ў выглядзе пазбаўлення волі на тэрмін 1 год і 2 месяцы з адбываннем у папраўчай калоніі ва ўмовах агульнага рэжыму. Акрамя таго, у абвінавачанай канфіскавалі мабільны тэлефон у даход дзяржаве.

Фота ілюстратыўнае