Наркакантроль затрымаў у Бабруйску 38-гадовага мясцовага жыхара, які зладзіў у сваёй кватэры невялікую лабараторыю для вырошчвання канабіса. Яшчык з некалькімі кустамі марыхуаны быў абсталяваны сістэмамі вентыляцыі, паліву і асвятлення. Міліцыя канфіскавала ў фігуранта справы кусты канабіса і насенне агульнай вагой у 100 грам. Цяпер бабруйчаніну пагражае да пяці гадоў няволі – паведамляе прэс-служба абласнога УУС.
Фота: УУС
У сваім дачным доме 29-гадовы бабруйчанін абсталяваў памяшканне для вырошчвання канопляў – піша Тэлеграм-канал прэс-службы МУС.
Падчас обшуку было знойдзена абсталяванне для вентыляцыі і асвятлення, рэгулятар кіслотнасці глебы, угнаенні, сістэма паліву. Канфіскаваны кусты канабісу, гашыш і марыхуана агульнай вагой больш за 100 г.
Фігурант затрыманы, следчымі, яму пагражае да пяці гадоў пазбаўлення волі.
Сушылку дзікарослай каноплі ён абсталяваў ва ўласным гаражы. Як паведамляе Тэлеграм-канал прэс-службы абласнога УУС, падчас аператыўных мерапрыемстваў быў затрыманы 26-гадовы жыхар Быхава. Падчас вобшуку ў яго былі знойдзеныя кусты марыхуаны, якія малады хлопец трымаў ва ўласным гаражы, а таксама яшчэ 850 грамаў ужо гатовай прадукцыі.
Наркатычныя рэчывы жыхар Быхава ўжываў сам, а дзікарослую каноплю збіраў у сваім раёне. Узбуджаная крымінальная справа.
