Tag: общежитие

Без гарачай вады і з камуналкай 200 рублёў – жыхарка Чавусаў напісала зварот да Лукашэнкі

Навіна ад

У любы момант у пакоі інтэрната можа разваліцца сцяна, столі ў кухні чорныя ад вільгаці, а ў ванным пакоі некалькі гадоў не было ванны. Зварот да Лукашэнкі ў Тік-Ток сабраў 160 тысяч праглядаў.

Жыхарка Чавусаў Кацярына Дулесава напісала відэазварот да Аляксандра Лукашэнкі ў сваім Тік-Ток і расказала пра жахлівыя ўмовы ў інтэрнаце, дзе жыве яе сяброўка з сынам. Паводле жанчыны, за пакой у інтэрнаце сяброўка вымушаная плаціць па 150-200 рублёў за месяц, але пры гэтым у яе няма гарачай вады, сцены на кухні чорныя ад цвілі а адна са сцен у жылым памяшканні вось-вось можа абрынуцца на краватку дзіцяці.

Аўтарка відэа просіць дапамагчы Лукашэнку, бо «тут дабіцца ў інстанцыях нічога не магчыма». Яна кажа, што звярталіся неаднойчы ў ЖКГ, у райвыканкам – «нічога не робіцца». Звароты былі і наконт гарачай вады. Паводле дзяўчыны, у інтэрнаце два-тры гады чакалі, пакуль паставяць ванну. Спачатку гарачая вада з’явілася, але неўзабаве знікла.

Яна распавядае, што паўгода таму прыязджалі з райвыканкама. «Паглядзелі, сказалі, што ўмовы тут прыўкрасныя, а калі штосьці каго не задавальняе, каб шукалі сабе жыллё. Але, прабачце, Чавусы – маленькі гарадок, не надта што знойдзеш».

@user5132653859430♬ оригинальный звук – Дулесова Катька❤️

Сяброўка, паводле блогершы, ужо спрабуе шчасця ў Магілёве, але трымае пакой і ў Чавусах. Кажа, што паставіла пломбу на электрычнасць, але камуналку плаціць так, быццам тут жыве. «За што? За тое, што тут жах такі, страх. Не дай бог у такіх умовах жыць з дзіцём».

Зварот да Лукашэнкі за дзень набраў больш за 160 тысяч праглядаў. Пазней жанчына распавяла, што а 21:30 патэлефанавалі сяброўцы і сказалі, што дадуць іншы пакой.

Фота: Кацярына Дулесава, скрыншоты

Трэш у магілёўскім інтэрнаце – кішыць тараканамі, камуналка 264 рублі

Навіна ад

Жорсткімі кадрамі з інтэрната па вуліцы Куцепава, 16 у Магілёве падзяліўся Тэлеграм-канал “ЧП Могилев”. Уваходнай дзверы ў адным з пад’ездаў няма наогул, рудыя разводы на столі паказваюць, што дах будынка пастаянна працякае.

У самім пад’ездзе сцены кішаць тараканамі.

Пры гэтым камунальныя паслугі для жыхароў інтэрната складаюць да 264 рублёў за месяц.

Фота: “ЧП Могилев”.

Мужчына з дачкой выратаваліся, калі загарэўся суседні пакой у інтэрнаце – МНС

Навіна ад

Пакой у інтэрнаце па вуліцы Ульянаўскай у Бабруйску загарэўся днём 22 студзеня – паведамляе прэс-служба абласнога МНС. У блоку на восьмым паверсе, дзе пражывае сям’я з чатырох чалавек, загарэўся адзін з пакояў. У другім пакоі ў гэты час знаходзіліся муж і дачка 2017 года нараджэння, жонка 2000 года нараджэння і іх сын дома адсутнічалі. Пабачыўшы пажар, мужчына разам з дачкой выскачыў да суседзяў, яны не пацярпелі. Адзначаецца, што спрацавала пажарная сігналізацыя і апавяшчальнік. Усяго з восьмага паверха інтэрната ратавальнікі эвакуявалі 14 чалавек, трое з іх – дзеці.

Фота: МНС

У Магілёве выпаў з акна студэнт

Навіна ад

Трагедыя адбылася ў адным з інтэрнатаў беларуска-расійскага ўніверсітэту.

Вядома, што хлопец выпаў з акна чацвёртага паверху і з траўмамі дастаўлены ў шпіталь.

Міліцыя занятая расследаваннем.

Вайна ва Ўкраіне. Расія атакавала Харкаў, шмат загінулых і параненых (абноўлена)

Навіна ад

У выніку абстрэлаў Харкава вечарам 17 жніўня і раніцай 18 жніўня ў больніцы гораду шпіталізавана 25 дарослых, з іх адзін у рэанімацыі. Загінула больш за 10 чалавек. Пад вечар колькасць забітых павялічалася да 17, а параненых да 42.

Паводле Абласной ваеннай адміністрацыі, піша выданне «Об’ектив», у больніцах знаходзяцца 4 дзіцяці: дзяўчынка 13 гадоў і хлопчык 12 гадоў, траўмаваныя ў выніку абстрэлу ў Слабадскім раёне Харкава (хлопчык – у цяжкім стане); дзяўчынка 12 гадоў, траўмаваная ў Салтаўскім раёне; яшчэ 1 дзяўчынка 12 гадоў, што пацярпела ў Краснаградзе.

Цягам дня ратавальнікі разбіралі зруйнаваныя дамы. У завалах адшукалі целы яшчэ 7 загінулых. Такім чынам, колькасць загінулых павялічыся да 17 чалавек. Сярод іх хлопчык 2009 года нараджэння. Параненых стала 42 чалавекі.

17 жніўня познім вечарам расійская крылатая ракета «Калібр» пацэліла ў інтэрнат, дзе пражывалі людзі з парушэннямі слыху. Загінулі 7 і атрымалі раненні 20 чалавек.

У інтэрнаце жыло больш за 30 чалавек, у тым ліку пенсіянеры і дзеці. У некалькіх пад’ездах мелі пакоі людзі з парушэннямі слыху.

На досвітку абстрэл Харкава працягнуўся. У выніку загінула яшчэ 3 чалавекі і 15 аказаліся параненымі.

Паводле старшыні Харкаўскай абласной ваеннай адміністрацыі Алега Сінягубава, расіяне сталі страляць па абласному цэнтру блізу 4 гадзінаў раніцы. Ракеты цэлілі ў адно з камунальных прадпрыемстваў, але трапілі ў жылы дом. 

«Загінулі 3 чалавекі, атрымалі раненні блізу 15. Там даволі значныя разбурэнні, і цяпер на месцы працуюць падраздзяленні ратавальнікаў, экстранай медычнай дапамогі, і мы прагназуем па гэтым абʼекце павелічэнне колькасці ахвяр» – каментуе сітуацыю Алег Сінягубаў, якога цытуе https://www.unian.net/ інфармацыйнае агенцтва «УНІАН».

Ён кажа, што два ракетныя ўдары зазнала культурная інфраструктура Харкава. Паводле папярэдніх звестак, ахвяр там няма.

Сінягубаў адзначае, што за апошнія содні зафіксавана каля 8 ракетных пускаў па Харкаве і вобласці.

Паводле яго ў райцэнтры Краснаград у выніку абстрэлу загінула сямʼя, у тым ліку 12-гадовае дзіця.

Расія прызнала абстрэл Харкаўскай вобласці. Заяўляецца, што «высокадакладнай зброяй наземнага базавання знішчаны пункт часовай дыслакацыі замежных наймітаў у Харкаве. Знішчана больш за 90 баевікоў».

Фота з рэсурсу: objectiv.tv