Tag: ОАО «Могилевлифтмаш»

Магілёў паставіў тысячу ліфтоў у Расію, а яны аказаліся бракаванымі

Навіна ад

Прынамсі частка з гэтай партыі ліфтоў была пастаўлена на акупаваныя тэрыторыі Украіны. Зараз пачаліся вяртанні пад’ёмнікаў заводу-вытворцы з-за брака.

У магілёўскага “Ліфтмаша” наспяваюць чарговыя праблемы. Крыніцы mogilev.media паведамляюць, што партыя з тысячы ліфтоў, пастаўленых у Расію і ў тым ліку на акупаваныя украінскія тэрыторыі, аказалася бракаванай і цяпер прадпрыемства чакаюць суды і непрыемныя эканамічныя наступствы.

“Магілёўліфтмаш” і “ДНР”

Супрацоўніцтва магілёўскага ліфтавага гіганта з калабаранцкай адміністрацыяй акупаваных тэрыторый фіксуецца пачынаючы з 2023 года. Сяргей Чарткоў, які зараз з’яўляецца старшынёй Магілёўскага гарвыканкама, а ў той час працаваў генеральным дырэктарам “Магілёўліфтмаша”, у жніўні 2023 года падпісаў пагадненне аб супрацоўніцтве з кіраўніцтвам так званай ДНР. Яго мэтай была як лакалізацыя зборкі ліфтоў на тэрыторыі ДНР так і прамыя пастаўкі абсталявання.

Вынікам стала пастаўка ліфтоў магілёўскага завода на акупаваныя тэрыторыі і канкрэтна ў Марыупаль. Так, ужо да канца 2023 года ў ДНР чакалі пастаўку з 150 магілёўскіх ліфтоў. Справа, відаць, прайшла паспяхова і мела далейшы працяг, бо ўжо восенню 2025 года  пад’ёмнікі “Магілёўліфтмаша” ўстанаўліваліся на вуліцы 50 год СССР і праспекце Будаўнікоў – паведамляе мясцовы рэсурс MRPL.NEWS. 

Штопраўда, на акупаваных тэрыторыях магілёўскі вытворца сустракаецца з жорсткай канкурэнцыяй. Так, марыупальскі мікрараён “Ленінградскі квартал”, з якога мясцовыя ўлады робяць вітрыну “пацёмкінскага” аднаўлення горада, забяспечваецца кітайскімі ліфтамі. А таксама пастаўку і мантаж ліфтавага абсталявання ў ДНР і канкрэтна ў Марыупаль ажыццяўляе “Шчэрбінскі ліфтабудаўнічы завод”.

Тысяча бракаваных ліфтоў – ужо ідуць вяртанні

Такім чынам, праблемны магілёўскі гігант сутыкаецца з сур’ёзнай канкурэнцыяй нават у такой рызыкоўнай зоне, як нестабільная тэрыторыя анексаваных земляў. Гэтая канкурэнцыя ўжо прывяла да першага гучнага правала “Магілёўліфтмаша” за ўсю яго гісторыю, калі гендырэктар прадпрыемства Руслан Страхар атрымаў па выніках 2025 года вымову за правал з экспартам прадукцыі.

А цяпер на прадпрыемства абрынуўся яшчэ і новы ўдар – партыя з тысячы ліфтоў, пастаўленая ў Расію – як паведамляюць крыніцы mogilev.media – аказалася бракаванай. Завод ужо атрымлівае назад няякасную прадукцыю і прэтэнзіі з боку партнёраў, што вядзе як да эканамічных, так і іміджавых страт.

 

Калі вас цікавіць, што адбываецца з лідарам магілёўскага машынабудавання, чытайце наш ранейшы агляд:

Як складваецца сітуацыя на “Магілёўліфтмашы” – наш вялікі разбор

Буря в стакане воды или новые подходы к общежитию лифтостроителей Могилева

Навіна ад

Тему выживания молодых специалистов в общежитии ОАО «Могилевлифтмаш» снова рассмотрели. Теперь уже более масштабно. 

Подселение новых жильцов в общежитие ОАО «Могилевлифтмаш» с разноцветными шариками и перерезанием красной ленточки, казалось бы себя исчерпало – посмеялись и хватит. 

Однако теперь благодатную тему принялась окучивать газета “Беларусь Сегодня”. Обыденные события в обычной общаге рассматриваются уже с другого ракурса – установлена сакральная связь перемен в обители могилевских лифтостроителей с заявлением престарелого Лукашенко о том, что странной вот-вот начнет управлять молодежь.

Отсюда вывод – молодежи надо создавать достойные условия существования. Усилия директора Руслана Страхара, как пионера создания этих условий, снова и, на этот раз более тщательно, изучили.

Выяснилось, что в злополучном общежитии:

  1. Молодая девочка живет рядом с семейными либо одинокими возрастными работниками и эти щепетильные нюансы усложняют адаптацию. 
  2. Зато вот очередей на общей кухне по утрам нет – графики работы у жильцов разные. 
  3. Стоимость такого жилья – около 50 рублей, что ни в какое сравнение не идет с ценами на съемные квартиры.
  4. Есть спортзал.  Двадцать минут с утра размялся – заряжен энергией на день.

Напоминаем, что в этом общежитии сейчас живет всего 15 человек, а в 2025 году ОАО “Могилевлифтмаш” ожидает прихода ста молодых специалистов.

Что произойдет, когда заявится вся эта толпа, предсказать трудно. Возможно, придется потратиться на издание книги “Как выжить в общежитии ОАО “Лифтмаш” или… вернуть Руслана Страхара на должность кого-нибудь в облисполкоме. Этот вариант, вероятно, быстрее всего успокоит бурю, поднятую в стакане воды.

Фото “Беларусь Сегодня”.

Кар’ерны ліфт паехаў уніз – Руслана Страхара прызначылі кіраваць “Магілёўліфтмашам”

Навіна ад

Алаксандр Лукашэнка падпісаў прызначэнне былога намесніка старшыні Магілёўскага аблвыканкама Руслана Страхара, адказнага за сферу эканомікі, на пасаду генеральнага дырэктара прадпрыемства “Магілёўліфтмаш”.

“Кар’ерны ліфт паехаў зверху ўніз” – так коратка пракаментаваў гэтую навіну гарадскі паблік “Могилев Live”. Сапраўды, прызначэнне падобнага характару варта ўспрымаць як паніжэнне, нягледзячы на тое, што “Магілёўліфтмаш” лічыцца самым паспяховым дзяржаўным прадпрыемствам нашага рэгіёна. Адначасова, гэта можа ўказваць на схаваныя ад шырокай публікі праблемы на гэтым прадпрыемстве.

Не першы раз “пажарны”?

Руслан Страхар пачаў працаваць у Магілёўскім аблвыканкаме ў 2007 годзе, прычым адразу памочнікам старшыні, а неўзабаве галоўным дарадцай. З 2012 па 2014 гады ён выканаў своеасаблівую функцыю “пажарнага”, калі быў пераведзены на пасаду намесніка генеральнага дырэктара ледзь жывой “Строммашыны”. Намаганні Руслана Барысавіча асабліва не дапамаглі – “Строммаш” ледзь дажыў да 2020-х, трапіў пад ускосныя санкцыі, збанкрутаваў і нарэшце быў прададзены. 

З 2014 года Руслан Страхар – зноўку працуе ў кабінетах аблвыканама, а з 2019 года займае пасаду намесніка старшыні, курыруючы пытанні эканомікі. Крыніцы mogilev.media у Магілёўскім аблвыканкаме характарызуюць Руслана Барысавіча як даволі адэкватнага чалавека з шырокімі поглядамі, якога з цягам часу пачаў “з’ядаць” чыноўнік. Гэтая трансфармацыя ўвасаблялася ў тым, што замест рашэння праблем, можна было заўважыць імкненне прыкрыць іх маніпуляцыямі са статыстыкай.

Год таму mogilev.media зрабіў заўвагу, калі падобныя маніпуляцыі сталі відавочнымі – у аблвыканкаме расказвалі, як цудоўна развіваецца эканоміка рэгіёна, але гэтаму супярэчылі заявы прадстаўнікоў Дзяржкантроля. Руслан Страхар у адказ на публікацыю нашага рэсурса разразіўся дзесяціхвілінным ролікам, каб даказаць, што верыць трэба менавіта чыноўнікам аблвыканкама. Але і тут не ўтрымаўся ад маніпуляцый. 

“Усяго 74 прамысловыя прадпрыемствы з 1600 спрацавалі ў мінулым годзе «ў мінус»” – паведаміў чыноўнік, не ўказваючы, аднак, што гэта за 74 прадпрыемствы. Мы разбіралі гэтыя выказванні вось тут, а потым асобна прысвяцілі вялікі матэрыял “Магілёўліфтмашу”, флагману сярод дзяржаўных прадпрыемстваў.

Чытаць:  Як складваецца сітуацыя на “Магілёўліфтмашы” – наш вялікі разбор

Цяпер Руслан Страхар накіраваны з пасады намесніка старшыні аблвыканкама менавіта на прадпрыемства “Магілёўліфтмаш”. Такія прызначэнні складана ўспрыняць як шараговую ратацыю. Магчыма, гэта прыкмета таго, што дзейнасцю кіраўніка эканомікай рэгіёна былі незадаволеныя, раз яго адправілі на падпарадкаванае яму прадпрыемства. І, магчыма, гэта звязана з сітуацыяй на самім прадпрыемстве, якое, нягледзячы на бравурныя заявы афіцыйных асобаў, часам падае трывожныя званочкі.

Чытаць: На “Магілёўліфтмашы” скарачаюцца заробкі, людзі разбягаюцца – крыніцы

Фота: Магілёўскі аблвыканкам