Category: Навіны

Фотаальбом “Магілёў. media”. Шпацыр пагулянкай

Навіна ад

«Знаёмцеся, Магілёў», такімі словамі адрэагавала на дэбютную публікацыю рубрыкі «Фотаальбом «Магілёў. media» жыхарка абласнога цэнтру, якая назвалася Аленай. Жанчына адзначае, што звярнуцца ў наша выданне наважылася, бо «першая старонка фотаальбому» ёй «не зусім спадабалася». На яе погляд апублікаваныя на ёй  фотаздымкі «маюць выразна палітычную скіраванасць, якая затуляе прыгажосць гораду».

На дасланых чытачкай фотаздымках зафіксаваная магілёўская пагулянка. Як кажа аўтарка ліста «яна старалася фатаграфаваць тое, чым прыцягальная пешаходная вуліца і яе бліжэйшыя ваколіцы».

“Асабліва прыемна прайсціся пешаходнай вуліцай у выхадны дзень ранкам, калі яна толькі прачынаецца – раіць магілеўчанка. – Увечары ж пасядзець з філіжанкай кавы і паназіраць за мітусьнёй мінакоў”.

Паўторымся, што мы публікуем фотаздымкі без каментароў. Гэты прывілей аддаём чытачам. Няхай яны самі крытыкуюць, альбо захапляюцца краявідамі роднага ім гораду. Мы ж абяцаем апублікаваць іхныя допісы з абавязкова далучанымі да іх фотаздымкамі.

Чакаем вашых допісаў у [email protected].

 

В Беларуси масштабный сбой с картами Mastercard. Что происходит?

Навіна ад

В Беларуси наблюдается масштабный сбой с картами белорусских банков Mastercard. По ним невозможно расплатиться в магазинах, интернете и других сервисах, пишет ресурс myfin.by.

Первыми о проблемах с карточками Mastercard сообщили в Альфа-Банке. Как рассказали в банке, картами Mastercard нельзя расплатиться в белорусских магазинах. Также не работают переводы на карты другого банка через сервис Альфы.

Кроме того, с аналогичными проблемами в расчетах столкнулись люди с карточками Mastercard других белорусских банков: Приорбанка, БНБ-Банка, Белгазпромбанка, МТБанка и ряда других банков. Проблемы наблюдаются также в системе ЕРИП, часть платежей по таким картам не проходит.

«Патрэбнае дзяржаўнае рэгуляванне цэнаў», прэм’ер-міністр Галоўчанка пра сітуацыю ў будаўнічай галіне

Навіна ад

Прэм’ер-міністр Беларусі Раман Галоўчанка не выключае “узмацнення дзяржаўнага ўздзеяння ў рэгуляванні цэнаў” на сыравіну і матэрыялы, якія выкарыстоўваюцца ў будаўніцтве па-за бюджэтных аб’ектаў. Ён лічыць, што «у перыяд складаных працэсаў, якія адбываюцца, умяшанне дзяржавы ў пытаннях рэгуляторыкі неабходнае», перадае словы Галоўчанкі праўладнае агенцтва «Белта».

Падчас наведвання Магілёва, дзе абмяркоўваліся праблемы будаўнічай галіны, старшыня ўраду адзначыў, што сталі прыкметнымі тэндэнцыі ў скарачэнні аб’ёмаў будаўніча-мантажных і падрадных прац. Паводле яго «спадарожным фактарам з’яўляецца рост цэнаў на сыравіну і матэрыялы, якія выкарыстоўваюцца ў будаўніцтве». Таму, на ягоную думку, і патрэбнае дзяржаўнае рэгуляванне цэнаў.

«Гэта дапаможа скараціць недзе кан’юктурныя, а недзе спекулятыўныя фактары», лічыць ён.

Чым выкліканы рост цэнаў у публікацыі Белта не згадваецца.

Тым часам, кіраўніцтва Магілёўскага домабудаўнічага камбінату прызнае, што сутыкнулася з «некаторымі цяжкасцямі», выкліканымі «санкцыйным ціскам». Паводле дырэктара Лявона Аракеляна тычыліся яны закупу сыравіны на таварна-сыравіннай біржы.

«Ва ўмовах санкцыйнага ціску мы пайшлі на рынкі сыравіны дружалюбных краінаў», – цытуе яго Белта. Сярод іх называюцца Расея, Кітай.

«Шэраг пазіцыяў быў украінскі, – дадае намеснік дырэктара Мікалай Янкоў, – але на сённяшні дзень мы пераарыентаваліся на Расею».

 

Ініцыятарка стварэння музею Алеся Адамовіча і журналістка праўладнай газеты ў фотаздымках паказала свет «Паміж сонцам і зямлёй»

Навіна ад

Шматгадовая карэспандэнтка праўладнай газеты «Звязда» Нэля Зігуля стала вядомай пасля таго, як у 2017 годзе ініцыявала стварэнне музэю Алеся Адамовіча на яго малой радзіме ў пасёлку Глуша. Стварыць музей у будынку, дзе месцілася пасялковая аптэка, дагэтуль не ўдалося, але ў 2019-ым у Глушы, ушанавалі пісьменніка і грамадскага дзеяча, паставіўшы яго бюст. 

Арганізаваць выставу «Паміж сонцам і зямлёй» журналістцы дапамагла найстарэйшая фотасуполка Магілёва «Радуга». Дэбютантка ў фатаграфіі, прэзентуючы сваю выставу, адзначыла, што спадзяецца на паблажлівасьць масцітых фатографаў, бо ейныя «здольнасці пакуль сціплыя».

«Ейнае аматарства ў фатаграфаванні дапамагло ёй зафіксаваць у здымках тое, на што не звярнуў бы ўвагі дасведчаны фатограф», адгукаюцца пра работы Зігуля наведнікі выставы .

«Сярод прадстаўленых фатаздымкаў  няма шэдэўраў і добра, што сваё аматарства прызнае іх аўтарка», – заўважае адзін з магілёўскіх фатаграфаў. 

«Работы Зігулі поўныя замілавання вясковымі краявідамі, – кажа ён. – Затое яны перадаюць ейны характар: дабрыню, любоў да радзімы, фантазію ды лёгкую летуценнасць».

 

Медычныя ўстановы Магілёўшчыны рыхтуюцца да ўздыму ковіднай інфекцыі

Навіна ад

Шэсць кіслародных газіфікатараў установяць да канца году ў больніцах вобласці. 

Падчас піку пандэміі Covid-19 у многіх гарадах Беларусі былі перабоі з кіслародам, які жыццёва неабходны для лячэння хворых. Выглядае, што цяпер улада стараецца ўлічыць памылкі, каб быць гатовай да магчымага ўздыму захворванняў. У некаторых больніцах, якія прымалі на лячэнне пацыентаў з каронавіруснай інфекцыяй, адбываецца мадэрнізацыя больніц.

На закуп пяці газіфікатараў сродкі выдзеленыя з абласнога бюджэту, а набыць абсталяванне для вырабу медычнага кіслароду ў Касцюковіцкую больніцу дапамагла спонсарская дапамога Беларускай цэментнай кампаніі, адзначана на афіцыйным партале Магілёўскага аблвыканкаму. Кошт мэдычнай тэхнікі вагаецца ад 120 да 530 тысяч рублёў.

Паводле начальніка галоўнага ўпраўлення аховы здароўя аблвыканкаму Аляксандра Старавойтава новыя ўстаноўкі запрацуюць у Бялыніцкай, Чавускай, Касцюковіцкай, Шклоўскай раённых больніцах, а таксама Бабруйскай гарадской больніцы хуткай дапамогі і Магілёўскім шпіталі інвалідаў вайны.

У прыватных гутарках магілёўскія медыкі адзначаюць, што на піку пандэміі расход кіслароду быў велічэзным. У многіх медычных установах былі з ім перабоі. Пацыенты, якім не маглі наладзіць падачу кіслароду гінулі. У больніцах, каб уратаваць больш жыццяў даводзілася змяншаць аб’ём падачы кіслароду пацыентам. 

Кісларод патрэбны для лячэння хворых з дыхальнай нястачай. У медычных установах ён выкарыстоўваецца ў палатах інтэнсіўнай тэрапіі, хірургіі, рэанімацыях і ў радзільнях. Падчас лячэння каронавіруснай інфекцыі кісларод дапамагае купіраваць гіпаксію (паніжанае ўтрыманне кіслароду ў арганізме, або ў асобных органах і тканках). Калі ж пацыент не можа дыхаць самастойна, то яго пераводзяць на апарат штучнай вентыляцыі лёгкіх. Найбольш чуйныя да браку кіслароду цэнтральная нервовая сістэма, мышца сэрца, тканкі нырак і пячонкі.

У кастрычніку 2021 году ўрад у сувязі з пандэміяй каронавірусу вывозіць медычны і тэхнічны кісларод з краіны на шэсць месяцаў забараніў. У снежні 2021 году міністр аховы здароўя Дзмітры Піневіч казаў у інтэрв’ю Белта, што спажыванне медычнага кіслароду на піку захворвальнасці COVID-19 павялічылася ў пяць разоў у параўнанні з даэпідэміялагічным перыядам.

Паводле Міністэрства аховы здароўя у чацвёртую хвалю каронавірусу пацыенты найбольш былі залежныя ад кіслароднай падтрымкі.

Незалежныя мэдыі пісалі, што вытворчых магутнасцяў для вылучэння медычнага кіслароду не хапала. Яго ў Беларусі вырабляе толькі акцыянернае таварыства «Крэон». Таму, ліцэнзіі на яго вытворчасць атрымалі былі прадпрыемствы, якія такую прадукцыю раней не выпускалі.

 

На Магілёўшчыне прынамсі двое чалавек пацярпелі ад навальніцы, якая абрынулася на рэгіён 12 мая

Навіна ад

Паводле абласнога ўпраўлення надзвычайных сітуацыяў дзве жанчыны былі траўмаваныя ў Асіповічах і Чавускім раёне.

 

Праз падзення дрэваў, гаворыцца на сайце ведамства, на паўтары гадзіны спазніўся цягнік на чатырох участках чыгункі ў Клічаўскім, Быхаўскім, Клімавіцкім і Крычаўскім раёнах.

Выратавальнікі адзначаюць, што шквалісты вецер сягаў 31 мэтра за секунду. Былі пашкоджаныя дахі 75 жылых дамоў, 64 сельскагаспадарчых і вытворчых аб’ектаў, а таксама 13 іншых будынін. 

фота: МЧС

‌ Гэты дзень у гісторыі: 13 мая

Навіна ад

13 мая – Дзень Святога Якуба. На Якуба, казалі, грэе люба.

13 мая – Успамін Найсвяцейшай Марыі Панны з Фацімы.

13 мая 1622 года памёр Іван Мялешка, дзяржаўны і вайсковы дзеяч ВКЛ. У 1613 г. ініцыяваў стварэнне ўніяцкага Жыровіцкага манастыра на чале з І. Кунцэвічам, перадаў манастыру сваю частку Жыровічаў.

13 мая 1624 года нарадзіўся Аляксандр Сапега (1624-1671), рымска-каталіцкі і дзяржаўны дзеяч ВКЛ, камандзір драгунскай харугвы (1666), у 1671 г. перанёс Абраз Маці Божай Вастрабрамскай у новую капліцу, дзе ён знаходзіцца і зараз.

13 мая 1797 года Слонім наведаў расійскі імператар Павел І, які потым паехаў праз Ліду ў Вільню.

13 мая 1840 года на Беларусі нарадзіўся Тытус Далеўскі (1840-1863), памочнік К. Каліноўскага. У 23 гады расстраляны расійцамі ў Вільні.

13 мая 1870 года нарадзіўся Аляксандр Турчыновіч (1870-1917), гісторык, краязнавец, педагог.

13 мая 1875 года нарадзіўся Станіслаў Жукоўскі (1875-1944), польскі і расійскі мастак беларускага паходжання, аўтар 670 шэдэўраў мастацтва. Загінуў у гітлераўскім канцлагеры Прушкаў.

13 (1) мая 1879 года нарадзіўся Янка Серада (1879-1943), педагог, дзеяч нацыянальнага руху, старшыня прэзідыума Рады БНР.

13 мая 1894 года нарадзіўся Іван Ермачэнка (1894-1970), беларускі палітычны дзеяч, публіцыст, ад’ютант генерала П. Урангеля, прадстаўнік ураду БНР у Канстантынопалі, консул на Балканах, сузаснавальнік Злучанага беларуска-амерыканскага дапамогавага камітэту.

13 мая 1895 года нарадзіўся Уладзіслаў Паўлюкоўскі (1895-1955), беларускі паэт, празаік, этнограф, краязнавец, мастак, вязень канцлагера Бярозы-Картускай, савецкі палітвязень.

13 мая 1905 года нарадзілася Стэфанія Станюта (1905-2000), Народная артыстка Беларусі, СССР.

13 мая 1921 года СНК РСФСР прыняў дэкрэт аб стварэнні сеткі дамоў адпачынку. Першымі ў БССР запрацавалі дамы адпачынку “Ждановічы”, “Чонкі” (1922), “Мінскі” (1923). З 1930 г. працаваў Дом адпачынку завода штучнага валакна ў Салтанаўцы.

13 мая 1921 года нарадзіўся Аркадзь Качан (1921-1982), дзеяч беларускай эміграцыі ў Аўстраліі.

13 мая 1922 года нарадзіўся Леанід Кароль (1922-1998), грамадскі дзеяч у Вільні.

13мая 1933 года нарадзіўся Аляксандр Кішчанка (1933-1997), мастак, аўтар слыннага “Габелену стагоддзя”, на якім выяўленыя самыя значныя постаці сьвету і Беларусі. Кажуць, паспеў мастак уставіць туды і А. Лукашэнку.

13 мая 1940 года ўтворана Магілёўскае ўпраўленне лясной аховы і лясных насаджэнняў у складзе 7 лясгасаў і 44 лясніцтваў.

13 мая 1953 года ў Мінску нарадзілася Вольга Любіцава, украінскі географ, доктар геаграфічных навук, прафесар.

13 мая 1981 года на плошчы Св. Пятра ў Рыме турэцкі тэрарыст Мэхмэд Алі Агджа некалькі разоў стрэліў у Папу рымскага Яна Паўла ІІ.

13 мая 1986 года ў Мінску нарадзіўся Аляксандр Рыбак, нарвежскі скрыпач, спявак, кампазытар. Адзіны з беларусаў пераможца “Еўрабачання” (2009).

13 мая 1996 года пачала выдавацца газета “Педагог” Магілёўскага педінстытута імя А. Куляшова. З верасня 1997 – “Універсітэцкі веснік” МДУ імя А. Куляшова. Рэдактары газеты: Л. Шышакова (1996-2018), В. Караткевіч (2018-2019), С. Сомаў (з 2019).

13 мая 2000 года “Малады Фронт” правёў у гарадах Беларусі грамадскую акцыю “Горад наш!”.

фота: AP

 

З Мікалаева з’ехала прыкладна дзве траціны працаздольнага насельніцтва. У Клайпедзе высвятляюць, як жыхары ставяцца да дэмантажу элементаў савецкай ідэалогіі на могілках савецкіх салдат

Навіна ад

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

Мікалаеў, Украіна

Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

Увечары 12 мая Мікалаеў атакавалі расейцы. Горад быў абстраляны з рэактыўных сістэмаў залпавага агню, піша інтэрнэт-выданне «Багнет», спасылаючыся на паведамленне мэра Аляксандра Сянкевіча.

Па ягоных словах стралялі па Мікалаеву з боку Херсона (акупаваны расейцамі, Магілёў. media) і з мора. У розных раёнах гораду былі чуваць моцныя выбухі.

Пад абстрэл трапіла прамысловая, гарадская і прыгарадная інфраструктура гораду, удакладняе  інфармацыйны рэсурс «0512», спасылаючыся на дадзеныя аператыўнага камандавання «Поўдзень».

У выніку атакі пацярпела чатыры чалавекі, адзначае інтэрнэт-газета «Новости N». Адбыліся пяць пажараў.

Днём раней ад абстрэлу Мікалееўшчыны былі параненыя 11 чалавек.

З Мікалаева з’ехала прыкладна дзве траціны працаздольнага насельніцтва. Для тых хто застаўся ў горадзе працы няма, кажа мэр Аляксандр Сянкевіч у інтэрвʼю інфармацыйнаму агенцтву «УНІАН».

«У асноўным засталіся старыя, людзі, якія адмаўляюцца зʼязджаць, а таксама людзі, якія забяспечваюць жыццядзейнасць гароду», – адзначае ён.

Па ягоных словах гараджаніне звыкліся з вайной і чакаюць міра. Ён мяркуе, што многія ягоныя землякі змянілі стаўленне да Расеі.

«Нават тыя, хто клікаў Пуціна, – заўважае мэр Мікалаева, – чакаюць міра, каб усё супакоілася».

фота прэс-служба Аляксандра Сянкевіча

Старшыня Мікалаеўскай абласной адміністрацыі Віталій Кім лічыць, што вайна ва Украіне скончыцца мірным пагадненнем.

«У нас няма магчымасці падпісання капітуляцыі», – адзначае ён у інтэрвʼю «для спецпроекту ICTV Україна на звʼязку!», якое публікуе медыяхолдынг «НВ».

Клайпеда, Літва

8 сакавіка 1997 году падпісаная дамова аб аднаўленні пабрацімскіх сувязяў літоўскага гораду з Магілёвам. Месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

В Клайпедском порту в понедельник начался новый круизный сезон, во время которого в этом году ожидается 80 круизных судов.

Паводле Клайпедзкага цэнтру турызму і культуры ў гэтым сезоне мясцовы порт мае прыняць 80 круізных суднаў. Летась іх было два.

Першым літоўскі порт наведала судна з Нямеччыны, перадае інфармацыйнае агенцтва «Delfi». На ягоным барду было 300 нямецкіх турыстаў. Ім пакажуць стары горад Клайпеды, а таксама гарады Палагу і Нерынгу.

У жыхароў Клайпеды высвятляюць, як яны ставяцца да дэмантажу элементаў савецкай ідэалогіі , якія выкарыстоўваюцца ў мясцовым Парку скульптур на месцы пахавання савецкіх воінаў.

Згодна з заключэннем экспартнай групы месца пахавання салдат застанецца, але на ім не будзе сімволікі іншай атрыбутыкі, якія выкарыстоўваюцца ў эстэтыцы таталітарнага мілітарызму і савецкай прапагандзе, піша інфармацыйны рэсурс «Ftviraklaipeda».

atviraklaipeda.lt

«Пытанне аб пераносе парэшткаў або дэмантажы мемарыяльных дошак з прозвішчамі не разглядаецца – гэтага рабіць не плануецца, – адзначае прадстаўнік мясцовай улады Андрюс Дабранскіс. Ён кажа, што стаўленне да аховы парэшткаў пахаваных салдат будзе паважлівым і мудрым.

Высновы рабочай групы ды вынікі апытання грамадзян будуць перададзены ў гарадскі савет, які прыме канчатковае рашэнне.

фота: 24tv.ua

На Магілёўшчыне – зноў мора разліванае

Навіна ад

Засталіся лічаныя дні, каб на свае вочы пабачыць нечаканую для Магілёўшчыны атмасферу марскога ўзбярэжжа. Гэты ўчастак гомельскай трасы каля вёскі Вараніно добра вядомы аўтамабілістам. Амаль кожны год пойма Дняпра падчас веснавога разводдзя запаўняецца вадой, якая часам зусім крыху не дасягае ўзроўню дарожнага палатна. Сёлетняе разводдзе заснялі на відэа і прыслалі нашаму выданню чытачы.

 

Падобны разліў карысны для экасістэмы і для гаспадаркі – пракаментаваў з’яву вядомы магілёўскі географ і былы прафесар Магілёўскага дзяржаўнага універсітэта імя А. Куляшова Ігар Шаруха.

– У выніку затаплянняў водамі ў поймах рэк фарміруецца глыбокі алювіяльны слой глебы, што з’яўляецца ідэальнай умовай для атрымання высокіх ураджаяў. Акрамя гэтага, высокае разводдзе спрыяе зарыбленню дробных старыц і сажалак уздоўж ракі, што прыцягвае як рыбакоў, так і жывёл, якія палююць на рыбу.

Ігар Шаруха паведаміў таксама, што ўзровень Дняпра сёлета дасягнуў максімума 29 красавіка 2022 года і склаў 495 сантыметраў. Да гэтага найбольшы ўзровень у ХХІ стагоддзі быў 19 красавіка 2013 года, калі рака паднялася да ўзроўню 661 сантыметр. А калі браць усю гісторыю гідралагічных назіранняў, то выявіцца, што самы магутны пад’ем вады за апошнія 200 гадоў адбыўся 24 красавіка 1931 года, калі вада паднялася вышэй за 853 см. Тады вада пералівалася праз мост на Пушкінскім праспекце Магілёва. Гэта ўсё звязана са снежнасцю зім, насычэннем вільгаццю глеб перад усталяваннем снежнага покрыва.

Акрамя Дняпра, агромністыя разлівы на поймах беларускіх рэк вядомыя яшчэ на Сажы на Гомельшчыне і на Прыпяці, дзе могуць нават пераўзыходзіць сваімі масштабамі магілёўскае разводдзе. Але разліў пад вёскай Вараніно Быхаўскага раёна больш знакаміты дзякуючы таму, што тут праходзіць міжнародная траса, якая ў мірныя часы звязвала Санкт-Пецярбург і Адэсу.

Каб пабачыць гэтае мора разліванае пад Вараніном засталося няшмат часу – як сведчыць маніторынг ад Белгідрамета, на рэках вобласці назіраецца ўстойлівае падзенне ўзроўню вады.

Горецкая пенсионерка борется за посаженную ей иву – неизвестные второй год стремятся её уничтожить

Навіна ад

Эту иву Людмила Васильевна посадила лет тридцать назад возле жилого дома по Интернациональному проспекту, 22. Дерево было посажено на расстоянии от проезжей и пешеходной части, поэтому не могло мешать людям, и со временем превратилось в живописный элемент ландшафта. Каково же было удивление женщины, когда в марте 2020 года кто-то спилил дерево на высоте около метра.

Как удалось выяснить по горячим следам, это не было делом рук коммунальщиков, а значит, налицо незаконное уничтожение городской растительности. 

В соответствии с законодательством, такое правонарушение наказывается штрафом на сумму до тридцати базовых величин, если ущерб насаждениям нанесло физическое лицо. Если юридическое – намного больше. 

Обращение в РОВД по факту нарушения привело к тому, что сигнал был переадресован в Горецкую районную инспекцию природных ресурсов и охраны окружающей среды. Кто спилил дерево, в ходе проверки выяснить не удалось. 

Ива, однако, выжила и пустила несколько отростков, которые за два года разрослись и давали надежду на восстановление изуродованного дерева.

И вот, вновь в марте, но уже 2022 года кто-то попытался спилить ещё и отростки. Из девяти ветвей, были спилены шесть, а на оставшихся трёх сохранились следы пилы – видимо, нарушителя что-то отвлекло или испугало. А кроме ивы были срезаны также кусты сирени на газоне возле той же многоэтажки.

– Кому-то это дерево не дает покоя. Конечно, я опять очень расстроилась, когда увидела это варварство. Позже я обнаружила спиленные ветви сперва возле кафе, которое здесь есть неподалеку, а потом уже и в мусорном контейнере. Я вызвала милицию, все рассказала. Надеюсь, на этот раз злоумышленника удастся установить, – поделилась Людмила Васильевна с изданием horki.info.

В своём комментарии ресурсу руководитель Горецкой районной инспекции природных ресурсов Андрей Павловский заявил:

– На следующей неделе мы выедем на место, пройдем по квартирам, поговорим со всеми людьми. Постараемся установить того, или тех, кто пилит это дерево. И накажем.

фото: horki.info