У Магілёве, як і па ўсёй Беларусі на мінулым тыдні з’явіліся анімэшнікі, захопленыя субкультурай “Рэдан”. Яны абвясцілі масавы збор 1 сакавіка перад “Атрыумам”, які, аднак, не адбыўся.
Лаўрэата Нобелеўскай прэміі міру Алеся Бяляцкага і яго паплечнікаў асудзілі на вялізныя тэрміны.
Пасля некалькіх гучных аварый з удзелам маршрутак у Беларусі, пасажыраперавозчыкаў пачалі масава правяраць па ўсёй Магілёўскай вобласці.
У Бабруйску мужчына паставіў трагічны рэкорд – яго цела знайшлі з 10 праміле алкаголю.
Чэрыкаўскі электрадом абурыў уздутымі шпалерамі і вадой з люстры.
У магілёўскай Выставачнай зале адкрылі выставу сумна вядомай калекцыі карцін “Белгазпрамбанка”, якую збірала каманда Віктара Бабарыкі і якую канфіскоўвала дзяржава, а ў музеі Бялыніцкага-Бірулі запрацаваў праект “Жаночы род”.
Навукоўцы раскрылі таямніцу зніклых амстэрдамскіх ровараў, а ў Калумбіі прайшло першае ў гісторыі судовае пасяджэнне ў метасусвеце.
1869 год. Дз. Мендзялееў публічна прадставіў сваю перыядычную сістэму элементаў.
Перыядычная сістэма хімічных элементаў (табліца Мендзялеева) – класіфікацыя хімічных элементаў, якая ўстанаўлівае залежнасць розных уласцівасцей элементаў ад зарада атамнага ядра. Сістэма з’яўляецца графічным выразам перыядычнага закона, які ўстанавіў рускі хімік Дз. Мендзялееў.
Усяго прапанавана некалькі соцень варыянтаў малюнка перыядычнай сістэмы (аналітычных крывых, табліц, геаметрычных фігур і іншых). У сучасным варыянце сістэмы мяркуецца звядзенне элементаў у двухмерную табліцу, у якой кожны слупок (група) вызначае асноўныя фізіка-хімічныя ўласцівасці, а радкі ўяўляюць сабой перыяды, у пэўнай меры падобныя адзін аднаму.
1896 год. Нарадзіўся Ізі (Ісак) Харык.
Беларускі габрэйскі паэт. Член-карэспандэнт Беларускай акадэміі навук.
Друкаваўся ў габрэйскіх газэтах, працаваў рэдактарам менскага часопіса «Штэрн». Быў членам ЦВК БССР. Аўтар вершаў, 13 кніг вершаў на габрэйскай мове, артыкулаў, нарысаў у беларускамоўных выданнях. Перакладаў на габрэйскую мову творы Якуба Коласа, Міхася Чарота.
Яго паэзія перакладалася на беларускую мову, вершы «Над Бярозай», «Хлеб», «У шэрым змроку», «Век настане такі…» пакладзены на музыку. Паэзію Харыка выконвала Т. Гвердцытэлі (на музыку Мотла Палянскага).
Арыштаваны НКУС і асуджаны ў 1937 годзе як «сябар трацкісцка-зіноўеўскай арганізацыі» да вышэйшай меры пакарання з канфіскацыяй маёмасці.
Расстраляны ў «Чорную ноч» 29 кастрычніка 1937 году ва ўнутранай турме НКУС у Менску ў ходзе масавага расстрэлу, які таксама атрымаў назву «Ноч расстраляных паэтаў».
5 лістапада 1937 года была арыштавана, потым саслана ў лагер у Казахстан і яго жонка, маці дваіх сыноў, ураджэнка Бабруйска Дзіна Харык (Матліна).
1899 год. Нямецкі хімік Фелікс Хофман з кампаніі Bayer атрымаў патэнт на ацэтыльсаліцылавую кіслату пад камерцыйнай назвай “аспірын”.
Аспірын – адны з галоўных лекаў XX стагоддзі.
Па традыцыі нашы продкі зніжалі жар і здымалі боль воднай настойкай кары вярбы.
У 1763 годзе святар Эдвард Стоўн зрабіў у Каралеўскім таварыстве Лондана даклад аб лячэнні ліхаманкавых дрыжыкаў настойкай кары вярбы. А ў 1838 годзе было паказана, што актыўным кампанентам кары вярбы з’яўляецца саліцылавая кіслата. Італьянскі хімік Рафаэль Пірыа вылучыў з вярбовай кары саліцылавую кіслату, вызначыў хімічны склад гэтага рэчыва і паспяхова сінтэзаваў яго. Яно атрымала назву саліцылавай кіслаты.
Каб атрымаць іншыя віды саліцылавай кіслаты, лячэбная ўласцівасць якіх магла б быць яшчэ больш дзейснай, Ф. Хофман распрацаваў тэхналогію вытворчасці ацэтыльсаліцылавай кіслаты.
1910 год. Нарадзіўся Аляксандр Мазалёў.
Беларускі савецкі жывапісец, графік, педагог.
Скончыў Ленінградскі інстытут пралетарскага мастацтва. Выкладаў у Віцебскім, Мінскім мастацкіх вучылішчах, Беларускім тэатральна-мастацкім інстытуце.
Падчас вайны за ўдзел у дзейнасці падпольнай арганізацыі акупантамі быў адпраўлены ў канцлагер. Пасля вызвалення з яго ў 1944 годзе ваяваў у Чырвонай Арміі.
Працаваў у галіне станковых жывапісу і графікі, у пейзажным, партрэтным, бытавым і батальным жанрах. Быў аўтарам тэматычных карцін, у якіх вельмі ёміста ўвасабляліся характэрныя прыкметы таго часу і галоўныя грамадскія ідэалы.
Сярод творчай спадчыны мастака таксама шмат эцюдаў, накідаў і замалёвак. Творы мастака захоўваюцца ў Нацыянальным мастацкім музеі Беларусі.
Памёр 1 жніўня 1970 года.
А. Мазалёў. На канікулах. 1966 год.
1913 год. Падчас святкавання 300-годдзя дома Раманавых у Санкт-Пецярбургу з-за цісканіны загінулі сотні людзей, пасля чаго Мікалай II атрымаў мянушку “Крывавы”.
За 19 гадоў да гэтага, 18 траўня 1894 года, на Хадынскім полі ў Маскве, падчас раздачы царскіх падарункаў з нагоды каранацыі Мікалая II з-за халатнасці ўлад адбылася цісканіна. Па афіцыйных дадзеных, загінула 1389 чалавек, знявечана было 1300. Слова Хадынка стала намінальным для гібелі людзей у цісканіне.
1923 год. Нарадзіўся АнатольЛяляўскі.
Беларускі тэатральны рэжысёр. Народны артыст.
У 1956-1986 гадах працаваў рэжысёрам Беларускага дзяржаўнага тэатра лялек, выкладаў у Беларускім тэатральна-мастацкім інстытуце.
Сярод яго лепшых пастановак па творах беларускіх аўтараў «Дзед і жораў» В.Вольскага, «Сярэбраная табакерка» паводле Змітрака Бядулі, «Ліпавічкі» У.Галубка, «Сымон-музыка» паводле Якуба Коласа і іншыя. Ставіў таксама – «Кот у ботах» Г. Уладычынай, «Канёк-гарбунок» паводле П. Яршова, «Доктар Айбаліт» паводле К. Чукоўскага, «Зорны хлопчык» паводле О. Уайлда.
Памёр 7 студзеня 1995 года.
1937 год. Нарадзілася Валянціна Церашкова.
Першая жанчына-касманаўт (1963), першая беларуска-касманаўт, генерал-маёр авіацыі, Герой Савецкага Саюза, кандыдат тэхнічных навук. Старшыня Камітэта савецкіх жанчын, Расійскага цэнтра міжнароднага навуковага і культурнага супрацоўніцтва пры расійскім урадзе.
Нарадзілася ў в. Вялікае Масленікава Яраслаўскай вобласці ў сялянскай сям’і выхадцаў з Беларусі. Бацька – з Бялыніцкага, маці — з Дубровенскага раёна. Па сведчанні самой Валянціны Церашковай, у дзяцінстве яна гаварыла па-беларуску.
1937 год. У Асіповічах нарадзіўся Уладзімір Крукоўскі.
Беларускі мастак-плакатыст. Суаўтар эталона дзяржаўнага герба «Пагоня», аўтар сцяга і малой эмблемы БНФ.
Скончыў мастацка-графічны факультэт Віцебскага педагагічнага інстытута.
Працаваў у часопісах «Маладосць», «Мастацтва Беларусі», «Спадчына», бюлетэні Помнікі гісторыі і культуры Беларусі. Член БНФ з дня заснавання.
Асноўная тэматыка плакатаў – гісторыя, культура, экалогія, антываенныя і юбілейныя тэмы, афішы. Аўтар публікацый па гісторыі беларускай прыватнай геральдыкі.
Творы захоўваюцца ў музеях Беларусі, Польшчы, Літвы і Расіі.
Узнагароджаны медалём «За заслугі ў выяўленчым мастацтве», медалём 100 гадоў БНР Рады Беларускай Народнай Рэспублікі.
Памёр 3 красавіка 2022 года.
1944 год. Пачалося фарміраванне Беларускай краёвай абароны (БКА).
БКА – вайсковае фарміраванне на тэрыторыі генеральнай акругі «Беларусь», якое планавалася зрабіць ядром Нацыянальных узброеных сіл незалежнай Беларусі. Рашэнне аб стварэнні БКА было прынята 23 лютага 1944 года выконваючым абавязкі генеральнага камісара Беларусі К. фон Готбергам і прэзідэнтам Беларускай цэнтральнай рады Р. Астроўскім. Кіраўніком стаў маёр Ф. Кушаль.
Аснову фарміравання складала мабілізаванае мужчынскае насельніцтва 1908-1924 гадоў нараджэння – усяго каля 25 000 чалавек, з якіх планавалася стварыць 48 батальёнаў па 450-500 чалавек. Да сярэдзіны красавіка было створана 39 пяхотных і 6 сапёрна-будаўнічых батальёнаў.
Пад уплывам агітацыі партызанаў і падпольшчыкаў, поспехаў Чырвонай Арміі частка вайскоўцаў БКА перайшла са зброяй да партызанаў. У той жа час, частка насельніцтва з раёнаў, якія знаходзіліся пад кантролем партызанаў, дабраахвотна ішла служыць у БКА.
Частка жаўнераў БКА вырашылі ісці з немцамі на захад. Ва Усходняй Прусіі і Польшчы было каля 10 000 жаўнераў БКА.
На базе частак БКА на пачатку 1945 года была ўтворана 1-я беларуская грэнадзёрская брыгада, пазней —30-я грэнадзёрская дывізія, якая ўдзел у баях не брала і здалася ў палон да амерыканцаў.
Пасля вайны значная частка ўдзельнікаў БКА апынулася ў эміграцыі.
1964 год. Нарадзіўся Уладзімір Міхно.
Беларускі журналіст і пісьменнік.
Скончыў факультэт журналістыкі БДУ. Працаваў у Чашніцкай раённай газеце «Чырвоны прамень», у «Чырвонай змене», «Настаўніцкай газеце».
Аўтар кніг, зборнікаў прозы, аповесцей. З апавяданнямі выступаў у беларускім друку, на радыё.
Памёр 26 лістапада 2019 года.
1972 год. Заснавана выдавецтва «Мастацкая літаратура».
Утворана на аснове рэдакцый мастацкай і дзіцячай літаратуры выдавецтва «Беларусь». Гэта быў час, калі інтэлектуальны і эстэтычны ўзровень грамадства патрабаваў выдання велізарнай колькасці мастацкай літаратуры розных кірункаў і жанраў, а ў адукацыйных дзяржаўных праграмах было прадугледжана глыбейшае вывучэнне класікаў беларускай і сусветнай літаратуры.
У савецкія часы ў выдавецтве існавалі рэдакцыі паэзіі і прозы, збораў твораў, выбраных твораў і перакладной літаратуры, крытыкі і драматургіі, літаратуры народаў СССР, гісторыка-дакументальных кніг «Памяць». Штогод выдавалася каля двухсот кніг, якія былі адрасаваны шырокаму кругу чытачоў. Тыраж кніг арыгінальнай паэзіі быў не меней трох тысяч, а арыгінальнай прозы – не меней шасці тысяч асобнікаў.
Выходзілі серыі «Першая кніга паэта», «Першая кніга празаіка», «Паэзія народаў», «Бібліятэка замежнай прозы», «Скарбы сусветнай літаратуры», «Бібліятэка беларускай класікі».
У выдавецтве выйшлі Зборы твораў амаль усіх буйных беларускіх пісьменнікаў.
Выдаюцца серыі «Беларуская паэзія ХХ стагоддзя», «Беларуская проза ХХ стагоддзя», «Беларуская паэзія ХХІ ст.», «Беларуская проза ХХІ ст.», «Жыццё знакамітых людзей Беларусі».
1975 год. Памёр ураджэнец беларускага г. Рэчыца Яфім Капелян (1912-1975).
Акцёр тэатра і кіно, адзін з вядучых акцёраў Вялікага драматычнага тэатра ў Ленінградзе. Народны артыст СССР.
Скончыў Рэчыцкую школу. Працаваў мастаком пры Рэчыцкім кінатэатры, у Вялікім драматычным тэатры імя М. Горкага. У гады вайны быў акцёрам франтавога Тэатра народнага апалчэння.
Адначасова шмат здымаўся ў кіно, выканаў мноства яркіх характэрных роляў у фільмах «Няўлоўныя мсціўцы», «Інтэрвенцыя», «Даўрыя», «Вечны кліч», «Саламяны капялюшык». Адна з найбольш вядомых работ – аўтарскі тэкст у тэлесерыяле “Семнаццаць імгненняў вясны”. Браў удзел у дубляжы замежных фільмаў на кінастудыі “Ленфільм”, агучыў адну із роляў у фільме “Паласаты рэйс”. Спрабаваў сябе ў рэжысуры, паставіў некалькі спектакляў на Ленінградскім тэлебачанні.
1990 год. У Мінску створана Згуртаванне беларусаў свету “Бацькаўшчына” (1990-2021).
Міжнароднае грамадскае аб’яднанне. Створана дзеля захавання беларускай прысутнасці ў свеце, яднання ў адзіную супольнасць усіх беларусаў, павышэння аўтарытэту беларускай нацыі на міжнародным узроўні.
Першым Прэзідэнтам ЗБС «Бацькаўшчына» быў абраны Васіль Быкаў, старшынёй Рады – Яўген Лецка. З’езды ЗБС праводзіліся ў 1993, 1997, 2001, 2005, 2009, 2013, 2017 гадах. Сярод наступных кіраўнікоў ЗБС былі Р. Гарэцкі, А. Грыцкевіч, А. Макоўская.
У чэрвені 2021 года павінен быў прайсці VIII з’езд, але праз распаўсюджванне COVID-19 у Беларусі Вялікая рада прагаласавала за перанос з’езда, у той час як кіраўніцтва ЗБС пракансультавалася з Міністэрствам юстыцыі, як не парушыць заканадаўства і статут арганізацыі. Аднак у рамках пагрому грамадскіх арганізацый у Беларусі Міністэрства юстыцыі выставіла прэтэнзіі да дзейнасці арганізацыі з нагоды пераносу з’езда.
20 жніўня 2021 года Следчы камітэт распачаў крымінальную справу па «прыкметах злачынства, прадугледжанага часткай 3 артыкула 361 Крымінальнага кодэкса Рэспублікі Беларусь» (заклікі да дзеянняў, накіраваных на прычыненне шкоды нацыянальнай бяспекі Рэспублікі Беларусь).
24 верасняВярхоўны суд (суддзя –Рыма Філіпчык) прыняў рашэнне задаволіць позву Міністэрства юстыцыі і ліквідаваць згуртаванне.
Крычаўскі агратэхнічны каледж – адна з найстарэйшых навучальных устаноў Рэспублікі Беларусь. Яго гісторыя бярэ сваё пачатак у XIX стагоддзі, калі ў Расійскай імперыі з’явіліся першыя прафесійныя школы.
У 1880-х гадах па ўсёй Расійскай імперыі былі створаны тэхнічныя і рамесныя вучэльні, а пры агульнаадукацыйных школах адчыняліся рамесныя класы.Такія рамесныя класы былі адкрыты ў Крычаве ў 1888 годзе пры 1-м народным вучылішчы. А ў 1905 годзе замест іх была пабудавана рамесная вучэльня, якая праіснавала да 1924 года.
Крычаўская рамесная школа мела 2 аддзяленні: слясарна-кавальскае і сталярна-такарнае.
Навучанне праходзіла 4 гады. Двухпавярховы цагляны будынак рамеснай школы з дапаможнымі памяшканнямі быў пабудаваны на месцы згарэлых рамесных класаў з захаваннем усіх строгіх тэхналагічных патрабаванняў таго часу. Адкрыццё школы адбылося ў студзені 1905 году. Будынак рамеснай вучэльні быў спалены ў гады Другой сусветнай вайны.
У цяперашні час Крычаўскі прафесійны агратэхнічны каледж з’яўляецца вядучай навучальнай установай аграрнай і будаўнічага комплексу Магілёўшчыны. У 2017 годзе да Крычаўскага каледжу быў далучаны філіял «Слаўгарадскі прафесійны ліцэй». Адзначым, што за 130 гадоў свайго існавання прафесійная навучальная ўстанова выпусціла больш за 30 тысяч маладых спецыялістаў.
У Магілёве адкрылася постмадэрнісцкая выстава “Жаночы род”, якая нестандартным чынам ілюструе долю беларускай жанчыны.
У музеі Вітольда Бялыніцкага-Бірулі Магілёва, які з’яўляецца філіялам Нацыянальнага мастацкага мастацтва, пачаў працаваць выставачны праект «Жаночы род». Часовая экспазіцыя ўдала прыстасавана пад музейную пляцоўку, галоўная задача і ідэя якой – распавесці аб жаночым і аб жанчыне. Адзначым – пра беларускую жанчыну, пра тое, пра што яна з радасцю расказвае сама, а яшчэ больш пра тое, пра што маўчыць.
Партрэт, які сведчыць, што жанчыны цікавыя ў любым узросце.
Тыя, хто ўмее бачыць і цаніць прыгожае, знойдуць шмат вартых прагляду жаночых вобразаў і нечаканых інтэрпрэтацый тэмы жаноцкасці.
Падчас адкрыцця выставы гучалі народныя песні ад жаночага фальклорнага калектыву “Узвіжанне”. Яны праспявалі шэраг бяседных песень, якія сэнсава былі звязаны з тэматыкай выставы.
Сама выстава падзелена на два залы — «Жаночы» і «Род», знітавана з міфапаэтычным светам і звернута да архетыпаў, да нечага такога, што ляжыць у глыбінных пластах памяці. Творы, якія прадстаўлены на часовай экспазіцыі, ўключаюць ад народных посцілак да сюрэалістычных палотнаў, час стварэння – ад неаліту да эпохі інтэрнэту.
Адкрываюць экспазіцыю два творы, якія сягаюць да пракаветнасці. «Формы нёманскай культуры» Тамары Васюк — гэта і знойдзены ў раскопе гліняны сасуд, і жаночая фігура, архаічнае боства плоднасці і аховы роду. Як адзначаецца на сайце Нацыянальнага мастацкага музея: “Жаночы Род” – гэта выставачны праект, у якім творы народнага і прафесійнага выяўленчага мастацтва дэманструюць традыцыйныя архетыпічныя і міфапаэтычныя ўяўленні аб прыродзе жаночага свету і жаночай вобразнасці”.
Выставачны праект будзе працаваць у музеі па 28 мая.
Шаленне на ваенную тэматыку становіцца прыкметнай рысай магілёўскай глыбінкі. Mogilev.media не змаглі прайсці міма абсурдных карцінак з гарадской прасторы раённых цэнтраў.
Ці не кожны раённы цэнтр Магілёўшчыны можа пахваліцца сваімі недарэчнымі і абсурднымі лакацыямі. Напрыклад, незабыўнае ўражанне пакідае выгляд Касцюковіцкага краязнаўчага музея, які больш падобны на непрыступную фартэцыю, што рыхтуецца да абароны, чым на ўстанову культуры. Музей “ахоўваюць” дзве гарматы, адзін танк і тры бронемашыны. Ад вайсковага аб’екта ўстанову культуры адрознівае толькі надпіс “Краязнаўчы музей”, хоць і ён у спалучэнні з вайсковай тэхнікай глядзіцца абсурдна.
А вось у Слаўгарадзе вырашылі нестандартна “ўпрыгожыць” уваход на тэрыторыю мясцовага гісторыка-краязнаўчага музея. Перад уваходам на тэрыторыю паставілі імправізаванае жалезнае дрэўца з інсталяцыяй – савецкія каскі, фрагменты зброі і снарадаў часоў Другой сусветнай вайны.
Сюррэалістычна і абсурдна выглядае пляцоўка каля аўтастанцыі ў Крычаве – самаходка “СУ-100” каля стэлы “Манумент Міра”. Мясцовыя ўлады планавалі, што гэта месца стане гарадской адметнасцю, а атрымаўся шок-кантэнт.
Вішанька на торце – слаўгарадскі партызан у “доміку” на загалоўным фота. Ды там і ўвесь дзіцячы парк – той яшчэ трэш, пра які пісалі mogilev.media
Па тэрыторыі Мікалаеўскай вобласці працягваюцца ўдары расійскіх акупантаў. 5 сакавіка на Мікалаеўшчыны аб’яўлена паветраная трывога, як і яшчэ ў 10 абласцях Украіны.
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці. Улады, як і раней, нагадваюць грамадзянам – пад час трывогі выключаць святло, газ, узяць дакументы, неабходныя лекі, крыху харчавання і вады і перайсці ў сховішча.
Апошні раз тэрыторыя вобласці абстрэльвалася 4 сакавіка: у 08:45, 11:00 і 16:08 вораг наносіў артылерыйскія ўдары па акваторыі Ачакаўскай абшчыны. Пацярпелых няма.
Узброеныя сілы Украіны збілі 4 разведвальныя і ўдарныя “беспілотнікі” розных тыпаў.
У мікалаеўскіх бальніцах нягледзячы на ўдары артылерыі, ракет, дронаў, зменшылася колькасць пацярпелых ад варожых атак – паведаміла кіраўнік Мікалаеўскай абласной рады Ганна Замазеева.
Па стане на 5 сакавіка, у мікалаеўскіх лякарнях знаходзіцца 198 грамадзян. Яшчэ 6 атрымалі дапамогу амбулаторна. За мінулыя суткі ў бальніцах вобласці знаходзілася 228 пацярпелых.
Пабрацімства Мікалаева з Магілёвам было замацаванае дамовай у 2009 годзе. 31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.
Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.
Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.
Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».
На новы рабочы тыдзень, на які прыпадае Жаночы дзень, у Магілёўскай вобласці сіноптыкі прагназуюць неўстойлівае надвор’е з невялікімі маразамі ўноч і блізкімі да нуля тэмпературамі удзень, у асноўным пахмурнае з праясненнямі, са снегам і мокрым дажджом. Працягласць дня з панядзелка да пятніцы вырасце на 14 хвілін і дасягне 11 гадзін 24 хвілін.
Сінаптычны прагноз на панядзелак, 6 сакавіка: раніцай -1 -3°С, удзень каля 0 -1°С, уноч -1 -3°С. Прагназуецца невялікі снег, пахмурнае з праясненнямі неба ў першай палове дня, воблачнае надвор’е ў другой палове дня. Вецер заходні і паўднёва-заходні хуткасцю да 4-5 м/с. На дарогах галаледзіца.
Цімафей Веснавей (народны каляндар).
У даўніну лічылі, што ў гэты дзень вясна ўжо прыйшла і стаіць перад дзвярыма: “на Цімафея-вяснавея – цяплынь ля дзвярэй”.
Калі першы гром грымне пры паўночным ветры – да халоднай вясны, пры ўсходнім – да сухой і цёплай, пры паўднёвым – да цёплай.
Дажыць да Веснавея, а тамака і зіма не страшная.
Масавы прылёт гракоў.
У аўторак, 7 сакавіка, надвор’е абяцае быць пахмурным, пераважна без ападкаў, з панаваннем паўднёва-заходніх і паўднёвых вятроў хуткасцю да 4-5 м/с, месцамі да 8 м/с. Раніцай тэмпература -1 -3°С, днём і ўвечар каля 0°С. На дарогах галаледзіца. Поўня на небе.
Прыкметы. Час цецерукоў выступаць з запеўкамі.
У сярэдзіне рабочага тыдня, на Жаночы дзень 8 Сакавіка, прагназуецца снег, снег з дажджом, пахмурнае надвор’е. Уранні -1 0°С, удзень каля +1°С, увечары да -2 -4°С. На працягу сутак чакаецца змена накірункаў руху паветраных мас з паўднёвага на паўднёва-заходні, заходні – да ночы. Хуткасць вятроў да 6-8 м/с. Поўня на небе.
Прыкметы. З 8 па 15 сакавіка магчымае вяртанне марозных дзён: “Сакавік месяц любіць куралесіць: марозам ганарыцца і на нос садзіцца”.
Самы час сарокам у лес ляцець, а цецерукам выступаць з запеўкамі.
Вераб’і галдзяць – месцы для гнёздаў дзеляць.
На рэках добры клёў.
У чацвер, 9 сакавіка, пры пануючых заходніх і паўднёва-заходніх вятрах хуткасцю да 5-7 м/с, прагназуецца пахмурнае марознае надвор’е з невялікім снегам. З рання да -4 -5°С, удзень -1 -2°С, ноччу да -3 -4°С.
Народныя прыкметы.
Вяртаюцца з цёплых краёў пералётныя птушкі, а ўбачыць жаўрука ці бусла ў гэты дзень – на шчасце.
Калі “рогі” ў Месяца стромкія і яркія, значыць быць марозу.
Калі дзяцел стукае ў сакавіку, то вясна будзе позняй.
Калі птушкі ўюць гнёзды на сонечным баку хат, значыць лета будзе халодным.
Почти детективная история про одно молокоперерабатывающее предприятие в Шкловском районе – продолжение нашего расследования, а начало здесь.
Напомним, Шкловский маслодельный завод занимался заготовкой молока, которое продавал по договорной цене “Юнимилку” (затем “Данон Шклов”) буквально через забор и за копейки. Иностранный партнер никакого участия в финансировании хозяйств сырьевой зоны не принимал. Но тут на заводе поменялся директор, который решил продавать молоко иностранному предприятию по цене, выгодной заводу.
Ниточки вели в министерство
Алчные российско-французские компаньоны отношениями с новым директором маслодельного завода заморачиваться не стали и вышли на министерский уровень принуждения строптивого. Министр сельского хозяйства, кстати, был не в курсе, хотя мог бы и поинтересоваться снижением объемов прибыли конкретного перерабатывающего предприятия при наращивании параллельно объемов переработки.
Из Минска по телефону было передано распоряжение ответственного работника министерства о… снижении цены реализации молока иностранным партнерам с 17 до 15 российских рублей за 1 литр продукции. Ответственный работник был тут же послан по маршруту известного российского корабля, а взяткодатели отправились восвояси. Кстати, до сих пор эта дама-чиновник управляет далеко не последними процессами в аграрной отрасли Беларуси с соответствующими доходами и, пожалуй, к ответственности призвана не будет.
Но расхитители шкловской собственности не успокоились: в 2019 г. у “Данона” созрела мысль о приватизации Шкловского маслодельного завода – дело в том, что на начало января доля государства в Шкловском заводе составила всего-ничего 8,7 %, так что приватизация должна была пройти без особых препятствий и весьма дешево. Местные работники запаниковали и обратились в Администрацию. И тут в ситуацию вмешался сам Лукашенко. Он лично приехал на маслозавод, поручил губернатору области и местному прокурору, известной своей принципиальностью, разобраться и доложить.
Это, конечно, многое говорит об экономической модели Беларуси, где простые рыночные решения внезапно принимаются в режиме ручного управления. Но больше о производственной деятельности “Данона” в Шкловском районе не слышали, а на его территории обнаруживались только охранники. Казалось, как хитрые схемы поставок молока, так и предприятие в целом, канули в Лету.
При этом маслодельный завод продолжал работать и модернизировать производство. В течение года завод (что очень важно) какого-то рыночного “давления” не ощущал, сырьевая база удовлетворяет потребности завода, система расчетов аграриев устраивает. В настоящее время определение сортности молока идет по упрощенной схеме – идущее в переработку и отклоненное. Нивелированы по этой причине закупочные цены, которые не вызывают противоречий у производителей молока.
В последнее время совершенствуются технологии на основе технического переоснащения, развивается автопарк, расширяются торговые связи с российскими потребителями. Экспорт в соседнюю страну по итогам работы за прошлый год составил 210 %. Усилились производственные отношения и с “Бабушкиной крынкой” – полученная от производства творога сыворотка до 10 тонн ежесуточно после сушки на “Бабушкиной крынке” отправляется на пищевые комбинаты. Жизнь на маслодельном заводе продолжается.
Новый игрок
Заметим, что еще в ноябре прошлого года публично о статусе “Данона” местные чиновники не заявляли. Но, вдруг, в конце 2022 г. председатель Шкловского райисполкома Андрей Камко торжественно объявляет о возрождении предприятия по переработке молока в полном объеме под брендом ООО “МilkСтрейд” и под финансовой эгидой белорусского инвестора (имя пока в тайне). При этом, 28.12.2022 г. Шкловский завод вышел из состава участников СООО “Данон Шклов”. Кстати, наивный вопрос участникам сделки, а нельзя было присоединить активы “Данона” к Шкловскому заводу?
В кормление “МilkСтрэйду” назначили довольно крупные хозяйства ЗАО “Нива”, “Большие Словени”, “Полыковичское”, ОАО “Экспериментальная база “Спартак” и ОАО “Новогородищенское”, с территории которых ежедневно поставляется 90 тонн молока сорта “экстра”. Новое предприятие имеет аппетиты на переработку молока до 300 тонн в сутки.
Но, позвольте, именно такой объем продаж выдают зимой все организации района. Выходит, что “Мilk”у для обеспечения трехсменной работы придется искать не менее 100 тонн молока за пределами Шкловского района – ведь уже в марте текущего года планируется получить сметаны 200 тонн, а в целом переработку довести до 9 000 тонн молока. Так что придется напрячься по поводу поставок. И вряд ли поможет однофамилец директору ООО, который занимает должность первого заместителя председателя Шкловского райисполкома.
Па версіі ўплывовага ArchDaily будынкам 2023-га года стаў штучны падземны сямейны дом-рэстаран, выліты з бетону ў Японіі.
Японскі архітэктар Джунья Ішыгамі шмат гадоў сябраваў з замоўцам, і той прыйшоў да яго з запытам на будынак, «які будзе з часам усё больш цяжкім» і выглядаць пры гэтым «так, нібы ён быў тут заўсёды».
Архітэктарызмадэлявалі пабудову арганічнай формы ў 3D і прагналі іх каардынаты праз геадэзічны тахеометр, каб зразумець, куды забіваць палі.
Затым уручную выкапалі ямы, увесь час звяраючыся з дадзенымі з айпада, а ў іх залілі бетон – гэта значыць зямля стала апалубкай для ўнутраных памяшканняў. На ўзроўні зямлі канструкцыю накрылі дахам – таксама з бетону.
Асноўная ідэя пабудовы заключалася ў тым, каб стварыць зусім новы рэстаран, які выглядаў бы як даўно існуючы. Заказчык марыў аб памяшканні, што будзе адначасова домам і рэстаранам, а таксама чымсьці, што ён зможа перадаць сваім дзецям і ўнукам.
Цяпер гэта адначасова рэстаран, куды можна запрасіць сяброў як быццам бы ў свой дом. Калі рэстаран зачынены, зала служыць месцам, дзе сям’я праводзіць час, альбо дзе займаюцца дзеці. Уся канструкцыя падзеленая на дзве зоны – дом і рэстаран Каб перамяшчацца паміж гэтымі памяшканнямі, можна прайсці праз любы з трох унутраных панадворкаў, якія падзяляюць іх.
