Tag: полиция

Паліцыя Германіі занялася турэмшчыкам-садыстам з Бабруйска

Навіна ад

Нямецкія ўлады распачалі праверку ў дачыненні да экс-начальніка аператыўна-рэжымнай часткі папраўчай калоніі №2 у Бабруйску Дзмітрыя Шынвізэ.

Як паведамляе ініцыятыва BELPOL, яна атрымала адказ ад Федэральнага міністэрства юстыцыі Германіі. У ім паведамляецца, што атрыманыя раней ад BELPOL матэрыялы перададзеныя ў Федэральнае ведамства крымінальнай паліцыі. На гэты момант ведамства праводзіць праверку і расследуе магчымую датычнасць Шынвізэ да злачынстваў супраць чалавечнасці.

“Мы просім пацярпелых ад дзеянняў Дзмітрыя Шынвізэ, а таксама сведак звяртацца да нас у Telegram: @infobeLpoL або па электроннай пошце: [email protected]. Любая інфармацыя важная для аператыўнага дакументавання фактаў катаванняў і жорсткага абыходжання і будзе выкарыстана ў рамках далейшага расследавання” – гаворыцца ў паведамленні.

Нагадаем, што ў звароце BELPOL да нямецкай юстыцыі ўтрымлівалася апісанне меркаванай датычнасці Шынвізэ да катаванняў і жорсткага абыходжання з палітычнымі зняволенымі ў Беларусі. BELPOL таксама перадаў нямецкаму боку ўсе дакументы, якімі валодае арганізацыя, а таксама кантакты людзей, што пацярпелі ад дзеянняў Дзмітрыя Шынвізэ.

Паводле звестак BELPOL, Дзмітрый «Рудольф» Шынвізэ займаў пасаду начальніка аператыўна-рэжымнай часткі папраўчай калоніі №2 у Бабруйску. Менавіта пры яго ўдзеле і пад яго кіраўніцтвам, як сцвярджаецца, у калоніі ствараліся невыносныя ўмовы ўтрымання, ужываліся метады ціску, прыніжэння і жорсткага абыходжання ў дачыненні да сотняў палітычных зняволеных.

Нягледзячы на гэта, Шынвізэ на працягу доўгага часу пражывае ў Германіі і дагэтуль не сутыкнуўся з прававымі наступствамі. Цяпер жа ягоная роля ў падзеях у Бабруйскай калоніі стала прадметам увагі нямецкіх праваахоўных органаў.

Калаж: тэлеграм-канал “Мая краіна Беларусь”

Здымак магілёўскіх паліцаяў прадставіў Беларускі інстытут публічнай гісторыі

Навіна ад

У тэлеграм-канале арганізацыі “Беларускі інстытут публічнай гісторыі” з’явіўся рэдкі здымак паліцыянтаў Магілёва часоў гітлераўскай акупацыі.

На чорна-белым здымку можна пабачыць шасцёх мужчын, якія выстраены ў шэраг. Пры кожным – агнястрэльная зброя. Апранутыя яны кожны ў сваё. Толькі адзін мае нямецкую форму, якую насіў, імаверна, як звыклае адзенне, бо на ёй няма пагонаў.  

Як адзначаецца ў паведамленні, гэта – паліцыянты ў Магілёве 1943 года. Таксама ў тэксце распавядаецца пра даследаванне навукоўца Уладзіміра Лобача пра вобраз дапаможнай паліцыі ва ўспамінах вяскоўцаў паўночнай Беларусі. Яно было апублікавана ў часопісе Studia Białorutenistyczne (2023/17).

“У вусных апавяданнях частым ёсць параўнанне паліцаяў з немцамі, дзе калабаранты, якія заплямілі сябе крывёю і гвалтам, выступаюць як большае зло, нават у параўнанні з акупантамі («горш за немцаў»). Жорсткая ацэнка грунтуецца на непрыняцці чалавека, які быў «сваім», але перайшоў на бок «чужых» дзеля гвалту над аднавяскоўцамі”, – гаворыцца ў даследаванні.

У той жа час адзначаецца іншае стаўленне да тых, хто апынуўся ў паліцыі пад прымусам. Напрыклад, у маладога чалавека, які дасягнуў прызыўнога ўзросту, выбар часта быў невялікі: ці ісці ў паліцыю, ці быць вывезеным на працы ў Германію. Такія людзі, звычайна, не рабілі нічога кепскага і ў крытычных сітуацыях дапамагалі простым жыхарам («Ну, паліцаі, сматра якія, былі і добрыя»). Пакаранне такіх савецкай судовай сістэмай лічылася празмерна жорсткім і несправядлівым.

Фотаздымак: ТГ “Беларускі інстытут публічнай гісторыі”

В Могилеве дружеская помощь обернулась уголовным делом

Навіна ад

Могилевчанин снял колесо с велосипеда не для себя, а для друга, но ему все равно грозит срок за кражу.

В Ленинское РУВД Могилева поступило заявление от 27-летнего местного жителя: с его велосипеда исчезло колесо, сообщает близкий к правоохранительным органам телеграмм-канал.

Сотрудники уголовного розыска быстро установили личность похитителя. Им оказался 41-летний житель Могилева. Мужчина признался, что снял колесо с велосипеда для товарища, которому оно потребовалась для горного велосипеда.

За то, что могилевчанин не бросил друга в беде ему придется ответить по всей строгости закона. Возбуждено уголовное дело по факту кражи.

Фото иллюстративного характера из открытых источников.

Прарасійскія сілы ў Малдове выйшлі на пратэсты

Навіна ад

У нядзелю, 12 сакавіка, прарасійскія сілы ў Малдове ад партыі “Шор” выйшлі на пратэсты ў цэнтры Кішынёва. 

Удзельнікі акцыі патрабуюць, каб улады аплацілі рахункі грамадзян, якія выралі – піша news.pn са спасылкай на Newsmaker.

З сабой мітынгоўцы, пераважна пенсійнага ўзросту, узялі плакаты з крытыкай дзейнай улады і праваслаўныя іконы. У канцы мітынгоўцы маюць намер дайсці да будынка парламента, перад тым абышоўшы некалькі вуліц.

Расійскія прапагандысты з “ТАСС” ужо дакладваюць аб першых сутыкненнях грамадзян з паліцыяй. Newsmaker адзначае, што ад удзелу ў акцыях адмовіліся партыя PACE і асацыяцыя сілавых органаў Scutul Poporului – гэта адбылося, калі ўлады 11 сакавіка папярэдзілі аб магчымых масавых беспарадках падчас пратэстаў. Сапраўды, некалькі вуліц часткова былі перакрыты паліцыяй.

Навіны пабрацімаў. На Мікалаеўшчыне арыштаваныя беларускія асфальтныя заводы

Навіна ад

Пад арышт трапілі дзве кампаніі, якія належаць грамадзянам Беларусі. Кошт канфіскаванай маёмасці ацэньваецца ў 50 мільёнаў грыўнаў (звыш 1 мільёна 300 тысяч долараў ЗША па курсе на 19 верасня, ММ).

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Следчыя ўстанавілі, што ў рэгіёне дзейнічае некалькі кампаній, уладальнікі якіх рэзідэнты Беларусі. Прыбытак ад іх дзейнасці ішоў у беларускі бюджэт і, імаверна, выкарыстоўваўся для фінансавання расійскай агрэсіі, піша  інфармацыйна-аналітычны партал «UA.NEWS», спасылаючыся на звесткі мікалаеўскай паліцыі.

Паводле выданьня, следчыя правялі некалькі ператрусаў і спынілі два модульных заводы па вырабе асфальту. 

Таксама канфіскаваныя спецтэхніка і аўтамабілі, якія праводзілі рамонт дарог. Кошт выяўленай маёмасці складае 50 мільёнаў грыўнаў. Арыштаваную маёмасць перадалі ў аддзел АРМА (спецыяльны орган, які ўпаўнаважаны фармаваць і рэалізоўваць дзяржаўную палітыку ў сферы выяўлення ды вышуку актываў, якія могуць быць арыштаваныя ў рамках крымінальнай вытворчасці, а таксама па кіраванні такімі актывамі, ММ).

“UA.NEWS” нагадвае, што раней Падольская раённая пракуратура Кіева арыштавала і перадала Агенцтву па вышуку і кіраванні актывамі тры асфальтабетонныя заводы, якія працуюць на тэрыторыі Украіны, але належаць Беларусі.

Агенцтву АРМА таксама былі перададзеныя 50 беларускіх вагонаў-цыстэрнаў, якія прыбылі ва Украіну напярэдадні вайны.

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

фота: ua.news

Цяпер цяляты! Расіянін спрабаваў вывесці 30 беларускіх бычкоў

Навіна ад

50-гадовага кантрабандыста выкрылі дарогаю ў Расію. Туды ён кіраваў фуру наладаваную «жывым таварам», на які не было дакументаў. Спынілі машыну ў Кіраўскім раёне.

“Падчас агляду ў паўпрычэпе было выяўлена 30 бычкоў коштам блізу 65 тысяч рублёў”, – паведамляе тэлеграм-канал «Милиция Могилёщины».

Паводле яго, устаноўлена, што жывёлы былі закуплены ў грамадзян у Капыльскім раёне для далейшага перапродажу.

Аўтамабіль з грузам затрыманы. Праводзіцца праверка, па выніках якой дзеянням перавозчыка будзе дадзена прававая ацэнка.

Паведамленні пра выкрыццё кантрабанды дарогаю ў Расіі апошнім часам у міліцэйскім тэлеграм-каналам з’яўляецца ледзьве не штодня. У суседнюю краіну, на мяжы з якой адсутнічае сталы беларускі пагранічны і мытны кантроль, незаконна вязуць металалом, мясныя харчы, гароднінную прадукцыі, а цяпер і буйную рагатую жывёлу.

 

У Мінску следчыя стварылі крыміналістычную відэатэку, з дапамогай якой выяўляюць пратэстоўцаў

Навіна ад

Іх называюць удзельнікамі «вулічнага тэрору» і заяўляюць, што з дапамогаю відэатэкі ўстаноўлены больш за 1400 яго ўдзельнікаў.

Начальнік упраўлення Следчага камітэту па Мінску Сяргей Паско кажа, што за апошнія паўгода затрыманы больш за 280 «удзельнікаў беспарадкаў», з якіх 238 выстаўленыя абвінавачанні і яны арыштаваныя.

Акрамя таго, суды, паводле пазоваў следчых, прызналі больш за 60 рэсурсаў “экстрэмісцкімі матэрыяламі”, паведамляе БелТА.

Расіянам не дазволілі вывезці буйную партыю беларускай гародніны

Навіна ад

Двое грамадзянаў Расійскай Федэрацыі везлі з Беларусі 6 тон агародніннай прадукцыі без фітасанітарных дакументаў. Гэта выявілі магілёўскія мытнікі.

Адзначаецца, што затрыманне расіян стала вынікам «спецыяльнага мерапрыемства» супрацоўнікаў аддзелу па барацьбе з кантрабандай сумесна з супрацоўнікамі мсціслаўскага ДАІ»

«Паблізу беларуска-расійскай мяжы на тэрыторыі Мсціслаўскага раёну былі спыненыя дзве грузавыя машыны пад кіраваннем грамадзян Расійскай Федэрацыі» – паведамляе тэлеграм-канал «MOGILEVNEWS».

Што зрабілі з выяўленай кантрабанднай прадукцыяй, праўладны рэсурс не паведамляе.

 

Сітуацыя на мяжы з Беларуссю абвастраецца. Літоўскае войска і паліцыю просяць умяшацца

Навіна ад

На Літоўска-Беларускай мяжы фіксуецца вялікі наплыў нелегальных мігрантаў. 

Па словах кіраўніка Службы аховы дзяржграніцы Рустама Любаева, рост колькасці нелегалаў назіраецца ўжо некалькі тыдняў.

«Ужо быў устаноўлены рэкорд гэтага года – за дзень не ўпусцілі больш за 100 чалавек. Даўно такога не было. Цяпер фіксуем каля 60-70 спробаў незаконнага перасячэння мяжы», даводзіць Любаеў.

Пасля таго, як нелегалаў паболела служба аховы дзяржграніцы звярнулася па дапамогу да арміі і паліцыі, піша інфармацыйнае агенцтва «Delfi».

Рустам Любаев кажа, што ўсё больш выпадкаў нелегальнага пранікнення там, дзе адсутнічае загарода і сістэма абароны мяжы. Фіксуюцца выпадкі пашкоджання фізічнага бар’ера – гэта, паводле службоўцы, робяць мігранты і беларускія пагранічнікі.

«З пачатку гэтага года зафіксавана каля 100 выпадкаў пашкоджання фізічнага барʼеру, адзначае ён. У 70 працэнтах загароду ламаюць там, дзе няма сістэм відэаназірання.

фота з рэсурсу: delfi.lt

Крымінальныя хронікі. Магілёўскі ДАІ-шнік не ўзяў хабар, міліцыя шукае сведкаў смяротнага ДТЗ, дзед скраў электрасамакат для ўнука

Навіна ад

Супрацоўнік дарожна-транспартнай інспекцыі адмовіўся браць хабар у 200 долараў ад кіроўцы, затрыманага чацвёрты раз за год без правоў. Іх 31-гадовы жыхар Магілёва быў пазбаўлены.

Бяспраўнік, каб пазбегнуць крымінальнай адказнасці за шматразовае парушэнне правілаў дарожнага руху, спрабаваў угаварыць супрацоўніка ДПС не афармляць пратакол і пакінуў у яго службовай машыне з камерай відэафіксацыі стодоларавыя купюры, – паведамляе прэс-служба абласнога ўпраўлення ўнутраных спраў. 

72-гадовы жыхар Магілёва падчас вячэрняга шпацыру пабачыў на вуліцы электрасамакат і вырашыў яго падарыць унуку.

Пажылы мужчына не ведаў, што транспартны сродак арандаваны і мае адпаведны GPS-трэкер, па якім уласніку лёгка адсачыць яго месцазнаходжанне, гаворыцца ў паведамленні абласной міліцыі.

У Горацкім раёне 17-гадовы падлетак, сагнаў трактар з прычэпам.

Трактарыст у замку запальвання пакінуў ключы, што справакавала падвыпіўшага маладзёна на правапарушэнне.

Падлетак вырашыў пракаціцца на трактары ў суседнюю вёску да сябра. У дарозе прычэп перавярнуўся, а хлопец уцёк. Пазней яго адшукалі міліцыянты, апавядае  прэс-служба абласнога міліцэйскага ведамства.

Магілёўская міліцыя шукае сведкаў аварыі, якая здарылася на вуліцы Крупскай абласнога цэнтру 11 ліпеня.

Загінула 36-гадовая жанчына. Яна стала ахвярай наезду аўтамабіля на пешаходным пераходзе. Магілёў.media пісаў  пра гэтую трагедыю.

ДТЗ адбылося на скрыжаванні вуліц Крупскай і Бялінскага. З-за пашкоджання кабелю не працавалі святлафоры. Жанчына пачала пераходзіць праезную частку і трапіла пад аўтамабіль.

Відавочцаў здарэння міліцыя просіць звярнуцца ў аператыўна-дзяжурную службу па тэлефоне 63-44-44.

фота з рэсурсу mogilev.mvd.gov.by