Tag: BELPOL

Два лукашэнкаўскія шпіёны, родам з Магілёўшчыны, раскрыты ініцыятывай Belpol

Навіна ад

Магілёвец Дзяніс Мельнікаў і бабруйчанін Аляксандр Грыневіч выконваюць шпіёнскую працу пад дыпламатычным прыкрыццём, высветліла ініцыятыва былых беларускіх сілавікоў Belpol.

На YouTube з’явіўся фільм Belpol “Шпіёны Лукашэнкі па ўсім свеце”. “У новым расследаванні раскрываем сетку лукашэнкаўскіх шпіёнаў, якія дзейнічаюць пад дыпламатычным прыкрыццём у дзясятках краін свету. Пад выглядам дыпламатаў, дарадцаў, аташэ і супрацоўнікаў пасольстваў за мяжой працуюць прадстаўнікі КДБ і ГРУ Беларусі. Іх задачы – разведка, сачэнне за беларусамі за мяжой, ціск на дэмакратычныя сілы, дапамога рэжыму Лукашэнкі ў абыходзе санкцый і ўзаемадзеянне з расійскімі спецслужбамі”, – гаворыцца ў апісанні фільму, які названы першай часткай масштабнага расследавання.

Сярод раскрытых шпіёнаў, якія працуюць у дыпламатычных прадстаўніцтвах Беларусі за мяжой, названы двое ўраджэнцаў Магілёўскай вобласці. 

Так, у беларускай амбасадзе ў Швейцарыі пад выглядам дарадцы, які курыруе пытанні бяспекі і адміністратыўныя пытанні, працуе супрацоўнік КДБ Дзяніс Мікалаевіч Мельнікаў, 1979 года нараджэння, родам з Магілёва. Служыў ва Упраўленні КДБ па Магілёўскай вобласці, а потым у Цэнтральным апараце КДБ з 2015 года. Цяпер месцам яго рэгістрацыі з’яўляецца Мінск, вуліца Нёманская. Ініцыятыва высветліла, што яго бацька таксама быў супрацоўнікам КДБ.

У Расіі, як сведчаць расследавальнікі, найбольш шырокая і разгалінаваная сетка лукашэнкаўскіх шпіёнаў. Адзін з іх – былы супрацоўнік Галоўнага разведвальнага ўпраўлення Генеральнага штаба Узброеных сіл Беларусі, а цяпер дарадца беларускай амбасады ў Маскве, паўнамоцны прадстаўнік Беларусі пры АДКБ Аляксандр Яўгенавіч Грыневіч. Служыў таксама у дзяржаўным сакратарыяце Савета бяспекі Беларусі. 

Ён нарадзіўся ў Бабруйску ў 1966 годзе. Ваенны пенсіянер.  Цяпер зарэгістраваны ў вёсцы Чудзенічы Лагойскага раёна Мінскай вобласці, дзе пабудаваў цэлы маёнтак з некалькіх збудаванняў.

Расследавальнікі падкрэсліваюць, што пералічылі толькі афіцэрскі склад агентуры. У наступнай частцы яны абяцаюць прадставіць шпіёнаў, даўно ўкаранёных у МЗС, а таксама шпіёнаў беларускага дыктатара ў іншых краінах свету.

Фотаздымак: Belpol

На “Бабруйскаграмашы” ўзмацняецца кадравы голад

Навіна ад

За апошні час на ААТ “Бабруйскаграмаш” пашырыўся пералік спецыяльнасцяў, на якіх адчуваецца востры недахоп працоўных рук.

Адзін з найбуйнейшых машынабудаўнічых заводаў Магілёўскай вобласці працягвае сутыкацца з сур’ёзнымі праблемамі ўкамплектавання штату. Паводле новых звестак, якія з’явіліся ў распараджэнні маніторынгавай супольнасці BELPOL, за апошнія месяцы сітуацыя з кадрамі на “Бабруйскаграмашы” не толькі не стабілізавалася, але і прыкметна пагоршылася.

Калі раней дэфіцыт супрацоўнікаў закранаў пераважна асобныя вытворчыя ўчасткі, то цяпер недахоп людзей становіцца сістэмнай праблемай для прадпрыемства. Найбольш востра завод па-ранейшаму мае патрэбу ў рабочых спецыяльнасцях, звязаных з асноўнай вытворчасцю.

На сённяшні дзень прадпрыемства шукае адразу некалькі дзясяткаў работнікаў. Асабліва не стае маляроў і слесараў механазборачных работ – па 15 чалавек на кожную пазіцыю. Пры гэтым патрэба ў слесарах за два месяцы вырасла напалову. Таксама ад сакавіка не закрыты восем вакансій машыністаў кранаў.

Адначасова завод пачаў шукаць і новых спецыялістаў, якіх раней у спісах дэфіцытных прафесій не было. Гаворка ідзе пра станочнікаў шырокага профілю і зваршчыкаў, якія працуюць на аўтаматычных і паўаўтаматычных лініях. Па кожным з гэтых кірункаў прадпрыемству патрабуецца па шэсць чалавек.

Адначасова прадпрыемства пачало адчуваць недахоп спецыялістаў, наўпрост задзейнічаных у металаапрацоўцы і зварачнай вытворчасці, што можа сведчыць аб нарастальных цяжкасцях ў забеспячэнні вытворчага цыклу. Умовы, калі вакансіі застаюцца незакрытымі месяцамі, усё мацней уплываюць на працу прадпрыемства.

Сітуацыя паказвае, што кадравы голад на “Бабруйскаграмашы” ўжо даўно перастаў быць часовай праблемай. Недахоп кваліфікаваных рабочых набывае ўстойлівы характар.

Фотаздымак: Яндэкс.Карты

Злачыннасць у Магілёўскім раёне амаль удвая вышэй чым па вобласці

Навіна ад

Нягледзячы на зніжэнне злачыннасці ў Магілёўскі раёне, яна застаецца амаль удвая вышэйшая чым ў сярэднім па Магілёўскай вобласці.

 

У распараджэнні арганізацыі былых сілавікоў BELPOL аказаўся ўнутраны дакумент МУС, які адлюстроўвае рэальную крымінальную сітуацыю ў Магілёўскім раёне. Афіцыйная статыстыка дэманструе пэўнае зніжэнне агульных паказчыкаў, аднак дэталёвы аналіз сведчыць пра наяўнасць устойлівых і трывожных тэндэнцый.

Менш злачынстваў, але не менш рызык

 

Паводле справаздачы, у 2025 годзе ў раёне зарэгістравана 473 злачынствы супраць 530 у 2024-м (-10,8%). Зменшылася і колькасць злачынстваў у грамадскіх месцах – з 61 да 48 (-21,3%). Не зафіксавана забойстваў (годам раней іх было тры), істотна скарацілася і колькасць кіберзлачынстваў – з 85 да 59 (-30,6%).

 

Аднак агульнае зніжэнне не змяняе галоўнага: узровень злачыннасці ў разліку на 10 тысяч насельніцтва складае 120,2 выпадка, што амаль удвая больш за сярэдні па Магілёўскай вобласці (72,9).

Рост цяжкіх злачынстваў і рэцыдыву

 

На фоне агульнага змяншэння колькасці злачынстваў павялічылася доля цяжкіх і асабліва цяжкіх – з 68 да 73 (+7,4%). Адначасова вырасла і рэцыдыўная злачыннасць: колькасць злачынстваў, учыненых раней судзімымі асобамі, павялічылася з 142 да 156 (+9,9%).

 

Асобна адзначаецца рэзкі рост групавых злачынстваў – з 23 да 46. Фактычна іх колькасць падвоілася, што можа сведчыць пра пагаршэнне сацыяльнага асяроддзя і слабасць прафілактычнай працы.

Хатні гвалт і алкаголь

 

Адной з найбольш трывожных тэндэнцый стаў рост злачынстваў, звязаных з хатнім гвалтам – з 17 да 24 (+41,2%). Пераважная большасць з іх (21 з 24) учынена ў стане алкагольнага ап’янення.

 

У справаздачы таксама адзначаецца павелічэнне колькасці злачынстваў гэтай катэгорыі, учыненых жанчынамі, а таксама з’яўленне фактаў гвалту ў дачыненні да пажылых людзей.

 

У якасці «прафілактычнай меры» працягваецца накіраванне грамадзян у лячэбна-працоўныя прафілакторыі. У 2025 годзе ў ЛПП ізалявана 55 чалавек (52 — у 2024-м). Пры гэтым аналіз доўгатэрміновай эфектыўнасці такой практыкі ў дакуменце адсутнічае.

Крадзяжы: змяненне структуры

 

Агульная колькасць крадзяжоў знізілася са 148 да 138 (-6,8%). Аднак колькасць крадзяжоў з жылля, наадварот, вырасла — з 68 да 79 (+16,2%). Усё часцей аб’ектамі становяцца кватэры і прыватныя дамы, што непасрэдна ўплывае на адчуванне бяспекі жыхароў.

Праблемы ў аграрным сектары

 

Справаздача закранае і сітуацыю ў сельскай гаспадарцы. У 2025 годзе ў раёне загінула 1 447 галоў буйной рагатай жывёлы супраць 1 157 годам раней. Асноўнымі прычынамі названы парушэнні тэхналогій кармлення і ўтрымання, а таксама недастатковая прафілактыка захворванняў.

 

Больш за палову страт (53,3%) прыпадае на цялят ва ўзросце да шасці месяцаў, што сведчыць пра сістэмныя праблемы ў кіраванні галінай.

 

Як лічаць у BELPOL, справаздача па Магілёўскім раёне дэманструе характэрную для сучаснай Беларусі сітуацыю: фармальнае зніжэнне агульнай колькасці злачынстваў суправаджаецца ростам цяжкіх, рэцыдыўных і сацыяльна небяспечных правапарушэнняў. На гэтым фоне ўзровень злачыннасці застаецца амаль удвая вышэйшым за сярэднеабласны, што ставіць пад сумнеў аптымістычныя ацэнкі афіцыйнай статыстыкі.

 

Выява: BELPOL

“Белшына”, “Ольса”, “Тэхналіт” – з’явіўся спіс прадпрыемстваў Магілёўшчыны, якія дапамагаюць расійскай агрэсіі

Навіна ад

Сем прадпрыемстваў з Магілёўскай вобласці, якія дапамагаюць расійскай ваеннай машыне знішчаць украінцаў, сталі вядомыя пасля расследавання, праведзенага арганізацыяй Belpol.

Ініцыятыва былых сілавікоў Belpol упершыню сістэматызавала інфармацыю пра тое, якія беларускія прадпрыемствы дапамагаюць расейскай агрэсіі супраць Украіны і якія канкрэтна выконваюць заказы расейскага ваенпрама.

Матэрыял адкрыў першую частку пераліку беларускіх кампаній, якія прама ці ўскосна спрыяюць прадаўжэнню расійска-ўкраінскай вайны.

З апублікаванай табліцы “Магілёў.Media” абраў прадпрыемствы, якія знаходзяцца на тэрыторыі Магілёўскай вобласці. Гэта толькі першая частка спісу – у ім няма некаторых кампаній, аб удзеле якіх у выкананні расійскіх заказаў было вядома раней. Спіс будзе дапоўняцца.

  1. ТАА “Дазатар-Плюс» (Магілёў). Вытворчасць дэталяў прыцэла Сасна-У для расійскіх танкаў Т-72Б3 і Т-80У.
  2. УПНВП “Тэхналіт” (Магілёў). Вытворчасць дэталяў для рамонта рухавікоў баявых машын. 
  3. ІК-9 (Горкі). Вытворчасць дэталяў прыцэла Сасна-У для расійскіх танкаў Т-72Б3 і Т-80У.
  4. ІК-2 (Бабруйск). Абмундзіраванне. Скрыні для артылерыйскіх снарадаў калібру 152 мм.
  5. ОАО «Беларусьразінатэхніка» (Бабруйск). Дэталі для капітальнага рамонта бронетранспарцёраў БТР-82А і БТР-82АМ.
  6. ААТ «Белшына» (Бабруйск). Аўтамабільныя шыны: 19 000 штук по вераснёўскімкантрактам 2022 года; 8 586 штук па кантракце ад 29 сакавіка 2023 года; 21 600 штук па кантракце ад 22 чэрвеня 2023 года.
  7. ААТ «Ольса». Пастаўка камплектуючых для рэактыўных снарадаў калібру 122 мм.

“Гэтай публікацыяй мы адкрываем першую частку пераліку беларускіх кампаній, якія прама ці ўскосна спрыяюць прадаўжэнню расейскай агрэсіі супраць Украіны. У спіс уключаны прадпрыемствы і структуры, па якіх завершаны збор доказаў. Уся сабраная інфармацыя ўжо перададзена партнёрам у Еўрапейскім Звязе, ЗША, Канадзе, Вялікабрытаніі і Украіне – для ініцыявання санкцыйных працэдур і прыняцця абмежавальных мер”, – адзначаюць аўтары расследавання.

Яны падкрэсліваюць, што зняцце санкцый з кампаній і банкаў, якія падтрымліваюць пастаўкі ўзбраенняў у Расею, фактычна азначае садзейнічанне агрэсару. “Гэта не нейтральнае эканамічнае рашэнне, а прамы ўклад у працяг вайны і новых ахвяр”, – падагульняюць у Belpol.

Выява: belpol.pro

Паліцыя Германіі занялася турэмшчыкам-садыстам з Бабруйска

Навіна ад

Нямецкія ўлады распачалі праверку ў дачыненні да экс-начальніка аператыўна-рэжымнай часткі папраўчай калоніі №2 у Бабруйску Дзмітрыя Шынвізэ.

Як паведамляе ініцыятыва BELPOL, яна атрымала адказ ад Федэральнага міністэрства юстыцыі Германіі. У ім паведамляецца, што атрыманыя раней ад BELPOL матэрыялы перададзеныя ў Федэральнае ведамства крымінальнай паліцыі. На гэты момант ведамства праводзіць праверку і расследуе магчымую датычнасць Шынвізэ да злачынстваў супраць чалавечнасці.

“Мы просім пацярпелых ад дзеянняў Дзмітрыя Шынвізэ, а таксама сведак звяртацца да нас у Telegram: @infobeLpoL або па электроннай пошце: [email protected]. Любая інфармацыя важная для аператыўнага дакументавання фактаў катаванняў і жорсткага абыходжання і будзе выкарыстана ў рамках далейшага расследавання” – гаворыцца ў паведамленні.

Нагадаем, што ў звароце BELPOL да нямецкай юстыцыі ўтрымлівалася апісанне меркаванай датычнасці Шынвізэ да катаванняў і жорсткага абыходжання з палітычнымі зняволенымі ў Беларусі. BELPOL таксама перадаў нямецкаму боку ўсе дакументы, якімі валодае арганізацыя, а таксама кантакты людзей, што пацярпелі ад дзеянняў Дзмітрыя Шынвізэ.

Паводле звестак BELPOL, Дзмітрый «Рудольф» Шынвізэ займаў пасаду начальніка аператыўна-рэжымнай часткі папраўчай калоніі №2 у Бабруйску. Менавіта пры яго ўдзеле і пад яго кіраўніцтвам, як сцвярджаецца, у калоніі ствараліся невыносныя ўмовы ўтрымання, ужываліся метады ціску, прыніжэння і жорсткага абыходжання ў дачыненні да сотняў палітычных зняволеных.

Нягледзячы на гэта, Шынвізэ на працягу доўгага часу пражывае ў Германіі і дагэтуль не сутыкнуўся з прававымі наступствамі. Цяпер жа ягоная роля ў падзеях у Бабруйскай калоніі стала прадметам увагі нямецкіх праваахоўных органаў.

Калаж: тэлеграм-канал “Мая краіна Беларусь”

“Кошелек” Лукашенко получил льготы на поставки газа бобруйской “Белшине”

Навіна ад

Расследователи организации BELPOL нашли доказательства, что компания приближенного к власти бизнесмена Александра Мошенского получила льготы на поставку газа ОАО “Белшина”.

Замороженный проект – размороженные возможности

В распоряжении BELPOL оказалась докладная записка Александра Мошенского, адресованная белорусскому диктатору. В ней бизнесмен подробно описывал ситуацию с энергоснабжением предприятия “Белшина”, которое обслуживала компания “Клин Энерджи Груп Бел”.

По словам представителя BELPOL Матвея Купрейчика, документ попал к Лукашенко в конце 2018 – начале 2019 года.

Мошенский напоминал, что еще в 2007-2008 годах “Белшина” начала проект по строительству газотурбинной установки, чтобы самостоятельно производить электроэнергию, пар и тепло для нужд предприятия. Проект был одобрен государственными структурами, а в 2012 году к нему привлекли инвесторов, в качестве которых и выступила израильская компания “Клин Энерджи Груп Бел”.

Однако к 2015 году проект был заморожен из-за финансовых трудностей, и энергоснабжение “Белшины” вновь осуществляло РУП “Могилевэнерго”.

“Санта Бремор” входит в игру

Согласно документам, по личному одобрению Лукашенко компания Мошенского “Санта Бремор” приобрела 90% доли в “Клин Энерджи Груп Бел”, заменив израильских инвесторов. После этого проект возобновили: в него вложили около 8 млн долларов, и уже к августу 2018 года энергокомплекс был готов к эксплуатации.

Между компаниями была достигнута договоренность о поставке энергоносителей по цене на 5% ниже установленного тарифа. Однако в 2017 году правительство решило поддержать “Белшину”, снизив тариф на электроэнергию на 34,9%. В результате завод потребовал, чтобы скидка в 5% применялась не к базовому, а к уже льготному тарифу, что сделало проект неокупаемым.

Льготный газ как решение проблемы

В докладной Мошенский предлагал несколько вариантов выхода из ситуации. В итоге на уровне правительства было принято решение предоставить 33%-ную скидку на природный газ для “Клин Энерджи Груп Бел”, и цена снизилась с 276 до 185 долларов за тысячу кубометров.

По расчетам BELPOL, это эквивалентно 4,7 млн рублей в год (примерно 2,1 млн долларов по курсу 2018-2019 годов).

 

В расследовании также приведено служебное письмо премьер-министра Сергея Румаса и председателя Комитета госконтроля Леонида Анфимова, направленное Лукашенко в 2019 году. В нем указывалось, что переход “Белшины” на снабжение от “Клин Энерджи Груп Бел” приведет к выпадающим доходам энергосетей на сумму около 7,5 млн рублей в год.

Чиновники отмечали, что белорусское законодательство не предусматривает индивидуальных цен на газ для отдельных предприятий.

В качестве компромисса предлагалась схема: энергетический комплекс передается “Белшине” в аренду, компания Мошенского обеспечивает эксплуатацию собственными силами, а госпредприятие возмещает расходы арендной платой. Скидка на газ при этом оформляется для “Белшины”, а не для частной структуры.

BELPOL утверждает, что Лукашенко одобрил данное предложение, что подтверждается бухгалтерской отчетностью компании.

Прибыль без налога

Согласно данным BELPOL, прибыль “Клин Энерджи Груп Бел” за 2024 год составила более 5,5 млн рублей (около 1,9 млн долларов). При этом налог на прибыль не начислялся.

Авторы расследования делают вывод, что речь идет об исключительных экономических преференциях, предоставляемых приближенным к власти бизнесменам.

Скриншот: BELPOL