Донца гаршчка з гербам князя Ізяслава было знойдзенае 13 жніўня на раскопках мінскага гарадзішча. Пра сенсацыйны артэфакт паведаміў стваральнік музею “Стары Менск” Глеб Лабадзенка.
“Сенсацыя на раскопках у Старым Менску – знойдзена донца гаршка з асабістым гербам князя Ізяслава – то бок, гэта канец Х – пачатак ХІ ст., аналагаў няма, гэта першая такая знаходка ў Беларусі!” – напісаў Лабадзенка ў Фэйсбуку. Ягоны допіс падаваўМагілёў.media.
Дырэктар Інстытута гісторыі НАН Беларусі Вадзім Лакіза прызнаецца “знаходка нас здзівіла, таму што гэты сімвал – трызубец, які ўдалося інтэрпрэтаваць як асабісты княскі знак Ізяслава – сына Рагнеды і князя Уладзіміра Святаслававіча”.
“Вядомы факт, што пасля канфлікту Уладзімір выслаў Рагнеду з сынам на радзіму, але невядома, куды менавіта. Лічылася, што ў Заслаўе. Дарэчы, герб гэтага горада паўтарае знойдзены сімвал. Але ў Заслаўі не знаходзілі падобных знакаў. Знаходка можа сведчыць аб тым, што гэтыя тэрыторыі маглі быць аддадзены Кіевам князю Ізяславу і ўвайшлі ў Полацкае княства ў канцы 10 – пачатку 11 стагоддзя”, цытуеВадзіма Лакізу выданьне “СБ. Беларусь сегодня”.
Раскопкі гарадзішча на рацэ Менка пачалі з пачатку лета. Паводле Вадзімы Лакізы гэтая мясціна – ўнікальны гісторыка-культурны комплекс ды археалагічны аб’ект для краіны.
“Найважнейшы для разумення гісторыі беларускай дзяржаўнасці” – адзначае ён.
Рагвалод, Рагнеда, яе сын Ізяслаў – летапісныя легенды беларускай гісторыі. Кіеўскі князь Уладзімір забіў Рагвалода, бацьку Рагнеды, і гвалтам зрабіў яе жонкай. Яна спрабавала яго забіць, калі дазналася, што ён хоча ажаніцца з іншай.
Ейнага сына Ізяслава, які за матчыны крыўды кінуўся быў на бацьку з кінжалам, Полацк прызнаў за свайго валадара і так аднавілася полацкая дынастыя Рагвалодавічаў. Другі яе сын Яраслаў, вядомы як Мудры, княжыў у Кіеве.
Год таму праз нядбайства ўладальніка такога атракцыёну на фестывалі «Аляксандрыя сустракае сяброў», які наведвае Лукашэнка, пацярпелі 7 чалавек. Рэгламент з патрабаваннямі эксплуатацыі такіх забавак увялі толькі ў 2015 годзе, хаця атракцыёны ўжо былі.
Сёлета з 15 суб’ектаў гаспадарання, што ажыццяўляюць эксплуатацыю надзіманых атракцыёнаў і немеханізаваных батутаў, у 14 выяўлены парушэнні.
За паўторныя парушэнні 5 з іх прыцягнуты да адміністрацыйнай адказнасці. Па выніках маніторынгу суб’ектам гаспадарання выдадзены прадпісанні аб забароне аказання паслуг і рэкамендацыі. Парушэнні выяўляліся ад пачатку летняга перыяду.
Парушэнні ў эксплуатацыі атракцыёнаў
Пра тое паведамляе Магілёўская абласная інспекцыя дзяржаўнага нагляду
за выкананнем патрабаванняў тэхнічных рэгламентаў і стандартаў і дзяржаўнага метралагічнага нагляду Дзяржаўнага камітэту па стандартызацыі.
Ведамства пералічвае выяўленыя хібы абсталявання:
– мацаванне атракцыёнаў не адпавядае ўстаноўленым патрабаванням;
– зона вакол абсталявання не вызвалена ад перашкод, якія могуць траўмаваць дзяцей;
– у зоне падзення адсутнічае ўдарапаглынальнае пакрыццё;
– у гульнявай зоне знаходзяцца токаводныя часткі абсталявання;
– агароджы адсутнічаюць альбо ў поўнай меры не выконваюць сваіх функцыяў;
– канструкцыя гульнявога абсталявання не адпавядае нормам бяспекі. Абсталяванне прызначанае для 15 і больш карыстальнікаў не мае дадатковага выйсця;
– на гульнявым абсталяванні адсутнічае неабходная маркіроўка;
– адсутнічае належны кантроль і тэхнічнае абслугоўванне абсталявання.
Акрамя таго, пішуць інспектары, устаноўлены факты эксплуатацыі абсталявання, якое не прайшло працэдуру ацэнкі адпаведнасці (адсутнічалі дэкларацыі аб адпаведнасці).
Мела месца наяўнасць дэкларацый аб адпаведнасці прынятых на падставе пратаколаў выпрабаванняў, выдадзеных не акрэдытаванымі арганізацыямі.
Ведамства заклікае бацькоў: не пакідайце без увагі сваіх дзяцей і паклапаціцеся аб іх бяспецы.
Інцыдэнты з забаўкамі
Год таму на фестывалі «Аляксандрыя сустракае сяброў», які праходзіць з удзелам Лукашэнкі, сарвала было надзіманы атракцыён. На ім у той момант забаўляліся дзеці. Па медычную дапамогу звярнуліся двое дзяцей і трое дарослых. Пазней кіраўніцтва абласнога ўпраўлення аховы здароўя ўдакладніла, што пацярпелі 7 чалавек.
Тады паведамлялася, што атракцыён быў кепска замацаваны і яго ўзняў у паветра парыў ветру. Наведніка фестывалю, які зняў на відэа інцыдэнт і выклаў яго ў інтэрнэт, затрымалі. Пазней прызналі вінаватым у распаўсюджванні інфармацыйнай прадукцыі, уключанай у рэспубліканскі спіс экстрэмісцкіх матэрыялаў, а таксама ў вырабе, выданні, захоўванні або перавозцы з мэтай распаўсюджвання такой інфармацыйнай прадукцыі.
Вядома, што да 2015 года ў Беларусі наогул не было правіл, якія рэгламентуюць эксплуатацыю надзіманых атракцыёнаў, хаця самі атракцыёны былі.
На гэты прабел звярнулі ўвагу толькі пасля няшчаснага здарэння ў Горках. Там моцны вецер перавярнуўся надзіманы атракцыён, і дзевяць дзяцей аказаліся ў больніцы. У іх былі сур’ёзныя траўмы – пераломы, удары. Самаму малодшаму з пацярпелых дзяцей на той момант было 2,5 гады.
фота ілюстрацыйныя і ўзятыя з адкрытых у інтэрнэце крыніцах
Адзначаецца ад 2015 году і прымеркаваны да дня, калі славяне прыносілі падзяку маліне і шанавалі Ісака-Малінніка.
Лічылася, што з’едзеная на Ісака-Малінніка жменя маліны напаўняе цела асаблівай сілай супраць прастудных захворванняў, а зваранае ў гэты дзень сочыва дапамагае ўсёй сямʼі перажыць зіму без сурʼёзных хвароб.
1634 год. Мсціславу нададзены прывілей на вольнасць – Магдэбургскае права.
Горадам з самакіраваннем Мсціслаў зрабіўся з указу Караля польскага і Вялікага князя Літоўскага Уладзіслава Вазы за дапамогу гараджанаў у вызваленні з-пад маскоўскай акупацыі Смаленску.
Мсціслаў займеў герб «у залатым полі збройная рука з мячом – Малая Пагоня».
За часамі расійскай улады Мсціславу прыдумалі іншы герб. Да Малой Пагоні дамалявалі ці то ваўка, ці лісіцу.
1869 год. Памерла Альбіна Габрыэля Пузына.
Пісьменніца, паэтка, мемуарыстка.
Аўтарка ўспамінаў «Мая памяць», якія багата ілюстраваны малюнкамі, літаграфіямі і фотаздымкамі, уяўлялі панараму жыцця ўсіх слаёў грамадства паўночна-заходняй Беларусі, змяшчалі каштоўную інфармацыю пра мастацкае жыццё краю, паўстанне 1830-1831 гадоў.
1874 год. Нарадзіўся Аляксандр Уласаў.
Грамадскі дзеяч, рэдактар-выдавец газеты «Наша ніва», польскі сенатар.
Чалец Рады Беларускай Народнай Рэспублікі. Меў багатую бібліятэку, шмат архіўных матэрыялаў пра «нашаніўскі» перыяд, нацыянальную асвету ў Заходняй Беларусі.
У 1939 годзе быў арыштаваны савецкімі органамі ўнутраных спраў паводле абвінавачвання ў «шпіёнска-правакатарскай дзейнасці». Паводле лагернай даведкі «памёр ад паралюшу сэрца».
Рэабілітаваны ў 1961 годзе.
1878 год. Нарадзіўся Дамінік Сямашка.
Палітык. Дзеяч беларускага нацыянальнага руху на Віленшчыне.
Удзельнічаў у пасяджэнні Рады Беларускай Народнай Рэспублікі, якая абвясціла незалежнасць БНР. Прыхільнік федэрацыі Беларусі і Літвы.
Кіраўнік Міністэрства беларускіх спраў Літвы. Уваходзіў у склад літоўскай дэлегацыі пры заключэнні мірнага дагавора паміж Літвой і РСФСР 1920 г. «як прадстаўнік беларускага насельніцтва Віленскай і Гродзенскай губерняў».
1903 год. Нарадзіўся Мікола Абрамчык.
Грамадскі і палітычны дзеяч, прэзідэнт Беларускай Народнай Рэспублікі. Дзеяч беларускай эміграцыі ў Чэхаславакіі, Францыі.
Старшыня Беларускага нацыянальнага цэнтру, удзельнік антыкамуністычнага руху, прэзідэнт Лігі за вызваленне народаў СССР.
Ініцыятар стварэння беларуская рэдакцыі Радыё «Вызваленне/Свабода».
1941 год. Паланёныя нацыстамі савецкія салдаты абвяшчаліся здраднікамі, а іх сем’і пазбаўляліся дзяржаўнай падтрымкі.
Такі ўказ выдала стаўка Сталіна.
Паводле загаду, здраднікамі адразу станавіліся сотні тысяч ваеннапалонных. Па розных падліках, трапіла ў палон і прапала без вестак ад 3,4 да 4,6 млн савецкіх вайскоўцаў і ваеннабавязаных.
1945 год. СССР падпісаў дагавор пра мяжу з Польшчай па «лініі Керзона» 1919-1920 гадоў.
У выніку рэспубліка-пераможца ў вайне з нацыстамі Беларусь згубіла кожнага трэцяга жыхара, пазбавіўшыся Беластоцкай вобласці і яшчэ 3 раёнаў Брэсцкай вобласці. Не ўбачыла БССР і абяцанай Калінінградскай вобласці.
Мовазнавец, заснавальнік беларускай фанетычнай школы.
У 1990-я гады быў намеснікам старшыні Дзяржаўнай камісіі ўдасканалення беларускага правапісу і кіраўніком рабочай групы па падрыхтоўцы праекту новай рэдакцыі «Правіл беларускай арфаграфіі і пунктуацыі», старшынём Рэспубліканскай тэрміналагічнай камісіі пры НАН Беларусі.
2020 год. У Мінску адбыўся самы масавы пратэст у гісторыі Беларусі «Марш за свабоду».
У ім удзельнічала больш за 300 тысяч чалавек.
Падобныя маршы прайшлі ў іншых гарадах Беларусі.
Пратэсты 2020 году, сталі адказам на афіцыйныя вынікі прэзідэнцкіх выбараў, якія адбыліся 9 жніўня. Паводле іх, перамог Лукашэнка. Абурэнне выклікаў гвалт сілавікоў, якія выкарыстоўвалі супраць пратэстоўцаў спецсродкі і збівалі іх. У першыя тры дні пасля выбараў былі затрыманыя тысячы людзей.
Выбары 2020 году прывялі да глыбейшага палітычнага крызісу ў краіне, які не пераадолены дагэтуль. Рэжым Лукашэнкі знішчыў цалкам незалежную прэсу і арганізацыі грамадзянскай супольнасці. Супраць рэжыму Лукашэнкі былі ўведзеныя санкцыі Еўрапейскіх краінаў, ЗША.
У публікацыі выкарыстаныя звесткі з рэсурсу «Вікіпедыя» і іншых адкрытых у інтэрнэце крыніцаў
Фінская кампанія Olvi асудзіла вайну ва Ўкраіне і заявіла ў сакавіку, што ўжо спыніла экспарт прадукцыі ў Расію і Беларусь. Тады ж пачала працэс сыходу з беларускага рынку і спыніла інвестыцыі ў Беларусь.
Кампаніі належаць 96,36% акцыяў «Лідскага піва» і цягам бліжэйшага году яна наважаная прадаць беларускія актывы. Пры гэтым прызнае, што страта паспяховага беларускага бізнесу моцна ўдарыць па яе фінансавых паказчыках, аднак збіраецца давесці прынятае ў сакавіку рашэнне да канца.
У піваварным холдынгу лічаць, што ажыццяўленню плана не павінна перашкодзіць чэрвеньская забарона беларускіх уладаў на адчужэнне доляў айчынных прадпрыемстваў, якімі валодаюць уласнікі з «недружалюбных» краін, піша рэсурс MyFin.
Кампанія звяртае ўвагу на тое, што для завяршэння гэтага працэсу патрабуюцца асобныя дазволы ад мясцовых улад і беларускага антыманапольнага рэгулятара, пры гэтым улады маюць пераважнае права набыцця кампаніі.
Холдынг ужо пачаў шукаць магчымага пакупніка і весці перамовы аб адчужэнні бізнесу.
«Нягледзячы на новыя абмежаванні, кіраўніцтва кампаніі мяркуе, грунтуючыся на даступнай у дадзены момант інфармацыі і праведзеных з мясцовымі ўладамі перамовах, што продаж актываў магчыма ажыццявіць у адпаведнасці з папярэдне вызначаным 12-месячным тэрмінам» – пазначана ў фінансавай справаздачы кампаніі за сёлетнія студзень-чэрвень, на якую спасылаецца рэсурс Myfin.
Праблемы з пакункамі TetraPak дабраліся і да «Малочных горак». Гэта прадпрыемства знаходзіцца ў райцэнтры Горкі, што на Магілёўшчыне.
Мясцовыя спажыўцы малочнай прадукцыі звярнулі ўвагу, што ў пакунках, прызначаных для малака разлітыя вяршкі 10-працэнтнай тлустасці. Тое ўдакладняла налепка.
Сама ж упакоўка была не з «Малочных горак», а «Малочнага гасцінца», прадпрыемства з Мачулішчаў Мінскай вобласці. Акрамя расейскай мовы на этыкетках меўся надпіс на кітайскай мове, паведамляе рэсурс Horki.info.
Праблемы з упакоўкай днямі прызнаў міністр сельскай гаспадаркі і харчавання Вадзім Шагойка.
«Ёсць пэўныя складанасці з тэтрапакам, але гэтае пытанне вырашаецца» – запэўніваў ён.
Раней беларускую прадукцыю з кітайскай мовай на этыкетках прадавалі ў Магілёве і Бабруйску. У тамтэйшыя крамы малако пастаўляла акцыянернае таварыства «Бабушкіна крынка», пісаў Магілёў.media.
Яе прадстаўнікі тлумачылі, што ў продаж прадукцыя з кітайскай мовай трапіла, бо прадпрыемства збіралася супрацоўнічаць з Кітаем.
У верхніх радках – кіраўнікі ды начальнікі, але ёсць прыстойныя зарплаты і для сапраўдных рабацяг.
У Магілёве на актуальны момант больш за 2 200 вакансій на рынку працы для шараговых суіскальнікаў. Яшчэ некалькі дзясяткаў вольных месцаў прапануюцца мэтанакіравана інвалідам і пенсіянерам.
Самы вялікі заробак – 2 397 рублёў – абяцаюць на прадпрыемства «Ольса» на пасадзе начальніка цэху. Кар’ернае абмежаванне толькі адно – патрэбна вышэйшая адукацыя. «Ольса», між іншым, адзін з лідараў па «паталкам» зарплат для розных катэгорый працаўнікоў. Майстар, напрыклад, тут можа атрымліваць 1 410 рублёў, а слесар-сантэхнік 1 242, што з’яўляецца самым высокім паказчыкам у гэтых прафесіях на рынку працы.
Яшчэ адзін лідар па ўзроўні прапанаваных зарплат – домабудаўнічы камбінат. Працаўнікам тут прапануюць 1 200 – 1 400 рублёў, а маляру наагул 1 500.
Другі радок па ўзроўню зарплаты належыць заводу «Чырвоны металіст». Кіраўнік на гэтым прадпрыемстве можа разлічваць на 2 000 рублёў. Трэці радок дзеляць прадстаўнікі таксама кіроўных пасад – кіраўнік у структуры «Жыллёва-камунальнай гаспадаркі вобласці» і начальнік цэху на «Магілёўдрэве». Ім прапануюць па 1 800 рублёў.
Бліжэй за ўсіх да кіроўных пасадаў па ўзроўню зарплат сярод звычайных рабацяг падбіраюцца супрацоўнікі «Беларускай чыгункі». Машыніст дызель-электрапоезда можа разлічваць на 1 750 рублёў, а машыніст цеплавоза – на 1 600.
Дзве групы маладзёнаў старэйшага і малодшага падлеткавага ўзросту сабраліся з відавочна агрэсіўнымі намерамі пад вокнамі жылога дому. Нецэнзурнай лаянкай завадатары абедзвюх груповак запалохвалі праціўніка ды падбухторвалі паплечнікаў да эскалацыі.
Аддаліўшыся ад акон і балконаў, яны ўсчалі сутычку. У эпіцэнтры апынуліся два маладзёны, якія біліся сам на сам. Па перамозе аднаго з іх калектыўная бойка згасла і кампанія ўзбуджанай разышлася.
Калектыўная сутычка моладзі адбылася на ўскрайку вуліцы Крывуліна блізу 21 гадзіны. Амаль адразу на месца бойкі прыехала патрульная машына.
Відэа бойкі (асцярожна, шмат нецэнзурнай лаянкі!):
Масавыя дваравыя бойкі – рэдкасць для цяперашняй Беларусі. Росквіт баёў «раён на раён» прыходзіўся на 1970-я 1980-я гады. Тады моладзь у гарадах і мястэчках ад няма чаго рабіць арганізоўвала групавыя ходкі для высвятлення адносін паміж жыхарамі розных мікрараёнаў.
Мяркуецца, што гэтая традыцыя сфармавалася ў выніку ўрбанізацыі, але ў найноўшы час страціла сваю актуальнасць – моладзь пераважна сядзіць па дамах, занятая гаджэтамі.
Міністр прамысловасці Пётр Пархомчык наракае, што ў Беларусі бракуе заходніх камплектуючых і таму «даводзіцца ствараць свой аўтамабіль».
«Нам патрэбны свае масты, патрэбна свая каробка перадач, патрэбен свой рухавік. Але змарнаваны час. Спадзяваліся, што ў свеце ўсё будзе так, як было, – апісвае сітуацыю ўрадовец у інтэрв’ю тэлеканалу «СТВ»
«Мы паспадзяваліся на міжнародную кааперацыю і ўвесь свет жыве міжнароднай кааперацыяй. – працягвае ён – Цяпер даводзіцца ствараць свой аўтамабіль. Мы абмяркоўваем гэтую праблему, ёсць даручэнні Лукашэнкі».
Раней Пётр Пархомчык прызнаваў, што беларускі вытворца аўтамабіляў Geely адчувае пэўныя цяжкасці з-за еўрапейскіх санкцый. Наракаў на кітайскіх партнёраў, якія не хочуць пастаўляць неабходныя для беларускага легкавіка машынакамплекты, паведамляла БелТА.
Як вынікае са слоў начальніцы аддзелу гігіены, эпідэміялогіі і прафілактыкі Міністэрства аховы здароўя Іны Карабан рост пакуль нязначны. Паводле яе, беларуская медыцына падрыхтаваная да магчымай эпідэміі. Уздым захворванняў чакаецца ў верасні.
Вядома, што ў Беларусі ўжо выяўлены амікрон-ніндзя, адзін са штамаў каранавірусу. У інтэрв’ю тэлеканалу «СТВ» Іна Карабан не падала статыстыкі адносна цяперашняга стану па захворванням, але прызнала, што назіраецца невялікі рост. Яна адзначыла, што «ніндзя» больш распаўсюджваецца ў ЗША і Еўропе і працякае там у лёгкай і сярэдняй ступені цяжкасці.
«Мы бачым, што ўжо паціху выпадкі пачынаюць павялічвацца. І сітуацыя ў краінах вакол нас гэта паказвае. Каранавірус становіцца бліжэй да сезоннага. Чакаем, як і грып, але толькі ён будзе крыху раней, чым грып» даводзіць прадстаўніца Міністэрства аховы.
Паводле яе, за папярэднія 2,5 гады пандэміі беларуская медыцына напрацавала неабходны досвед барацьбы з каранавірусам. Падрыхтаваныя планы дзеянняў на выпадак эпідэміі і пры неабходнасці яны будуць карэктавацца ў залежнасці ад развіцця сітуацыі. Як зʼявіцца неабходнасць, будуць разгортвацца новыя ложкі ў больніцах.
Па словах Іны Карабан ратаваць беларусаў ад новых штамаў каранавірусу будуць расійскімі і кітайскімі вакцынамі, якія, паводле ўрадоўкі, засведчылі сваю эфектыўнасць. Як зʼявіцца неабходнасць, будуць выкарыстоўваць кубінскую вакцыну, якую нядаўна зарэгістравалі ў Беларусі.
Іна Карабан заклікае беларусаў тэрмінова вакцынавацца, каб пазбегнуць ускладненняў цяжкіх форм захворвання.
Пра тое, што наступная хваля каранавірусу надыдзе ў верасні, спрагназаваў міністр аховы здароўя Дзмітрый Піневіч. Ён запэўніваў, што апасацца эпідэміі не варта, бо «каранавірусная інфекцыя становіцца ўсё больш сезонным захворваннем», пісаўМагілёў.media.
1382 год. Забіты беларуска-літоўскі вяльможа Кейстут.
Сярод ягоных тытулаў згадваецца і князь Вялікалітоўскі. Гаспадарыў ён у Вялікім Княстве Літоўскім толькі год.
Кейстут быў адным з сыноў вялікага князя Гедзіміна. Ад бацькі ў спадчыну атрымаў Старыя Трокі, Горадню, Коўна, Упіту і Ліду.
За сваё жыццё Кейстут удзельнічаў у шматлікіх звадах, каб займець вышэйшую пасаду ў дзяржаве, хадзіў у рабаўніцкія паходы на суседнія землі.
Яго апісваюць, як «высокага, статнага чалавека», «кожнае слова якога шмат значыла», а калі ён каму пагражаў, то на ілбе набухалі вены і ўвесь выгляд яго будзіў страх.
Гістарычныя крыніцы падаюць, што яго задушыў пляменнік Ягайла Альгердавіч у Крэўскім замку.
1903 год. Нарадзіўся Пётр Ракіцкі.
Біёлаг-генэтык.
Займаўся даследаваннямі ў галіне генэтыкі і матэматычнай біялогіі. Вывучаў узаемадзеянне паміж спадчыннасцю і адборам. Сфармуляваў і эксперыментальна абгрунтаваў паняцце пра поле дзеяння гена.
У 1974 годзе ўганараваны Дзяржаўнай прэміяй БССР за цыкл прац «Распрацоўка пытанняў статыстычнай генэтыкі і ўкараненне матэматыка-статыстычных метадаў у біялогію», апублікаваных у 1964–1974 гадах.
1927 год. Нарадзіўся Аляксандр Крывіцкі.
Мовазнаўца.
Выхаванец Магілёўскага педагагічнага інстытуту.
Даследаваў лексіку беларускіх народных гаворак. Вывучаў беларускую моўную культуру.
Мастак, скульптар, этнограф, краязнавец, астраном, археолаг, педагог, паэт, пісьменнік.
Адзін з заснавальнікаў беларускага нацыянальнага гістарычнага жывапісу, майстар дэкаратыўна-прыкладнога мастацтва.
Аўтар прац з апісаннем падзей VI – XX стагоддзяў. Яго графічнымі малюнкамі ўпрыгожаны першы беларускі падручнік геаграфіі Аркадзя Смоліча.
У гонар мастака названы вуліцы ў Мінску і яшчэ 6 гарадах, Германавіцкі музей мастацтва і этнаграфіі. Яму стаяць помнікі ў Мінску і Глыбокім.
1960 год. Нарадзіўся Ігар Варашкевіч.
Рок-музыка, мастак. Лідар гурта «Крама».
Калектыў трымаецца класічнага року, узорам якога выступаюць англійскія гурты Rolling Stones, Deep Purple, The Beatles.
У сваім рэпертуары мае багата хітоў, адзін з іх – «Будзь разам з намі». Запісаную ў 1993 годзе песню музыкі граюць амаль на ўсіх сваіх выступах.
Варашкевіч – удзельнік маладзёвага аб’яднання «Беларуская Майстроўня», выставаў мастацкіх працаў.
За сваю музычную кар’еру пабываў у лідарах гуртоў «Бонда», «Рокіс».
1963 год. Нарадзіўся Валеры Леванеўскі.
Палітык, грамадскі дзеяч, прадпрымальнік, палітычны зняволены.
З 1996 года ўзначальваў страйкавы камітэт прадпрымальнікаў. Арганізатар масавых акцый пратэсту прадпрымальнікаў. Заснавальнік і галоўны рэдактар рэспубліканскага бюлетэню «Прадпрымальнік».
У 2001 году вылучаўся кандыдатам у прэзідэнты Беларусі.
Быўшы зняволеным паводле крымінальнай справы, трымаў галадоўку пратэсту.
Быў асуджаны на два гады калоніі агульнага рэжыму з канфіскацыяй маёмасці, за абразу прэзідэнта Рэспублікі Беларусь. Вызваліўся 15-га мая 2006 года.
1972 год. Забіты Лявон Баразна.
Мастак дэкаратыўна-ўжытковага мастацтва.
Даследчык культуры, актывіст захавання гісторыка-культурнай спадчыны.
Разам з Зянонам Пазняком стварыў суполку «Аматары беларускага мастацтва», ладзіў экскурсіі па старым Мінску, этнаграфічныя экспедыцыі, выступаў у абарону вуліцы Няміга.
Блізкі сябар Уладзімера Караткевіча.
2002 год. Галіна Раковіч зрабіла 10000-ны скачок з парашутам.
Яна майстар спорту міжнароднага класа, двухразовая чэмпіёнка свету.
Для параўнання: украінка Валянціна Закарэцкая з 11500 скачкамі занесена ў Кнігу рэкордаў Гінэса.
У публікацыі выкарыстаныя звесткі з рэсурсу «Вікіпедыя» і адкрытых у інтэрнэце крыніцаў
