Магілёўцаў запрашаюць працаваць на вахтах у Марыупалі, ДНР, ЛНР

Грошы – праз трох пасярэднікаў, мясцовыя могуць атруціць.

Беларускія журналісты і расследвальнікі высветлілі, што жыхароў розных гарадоў краіны актыўна рэкрутуюць працаваць будаўнікамі на акупаваных Расійскай Федэрацыяй тэрыторыях Украіны. Падобныя аб’явы стракацяць таксама і ў магілёўскіх пабліках, прысвечаных пошуку працы. Так, групы УКантакце “Могилев работа”, “Работа | Могилев”, утрымліваюць як старыя, так і зусім новыя запрашальныя аб’явы. 

Аб’явы размяшчаюць расійскія рэкрутынгавыя арганізацыі. У самых апошніх аб’явах варыянт з працай у ДНР і ЛНР па будаўніцтве дамоў – адзін з шматлікіх варыянтаў працаўладкавання. У аб’явах гаворыцца пра бясплатнае пражыванне і харчаванне, высокую па беларускіх мерках зарплату – ад 3 250 да амаль 6 000 рублёў, калі перавесці на беларускія. Бяруць нават без вопыту працы.

Журналісты і расследвальнікі аднаго з беларускіх выданняў змаглі звязацца як з рэкруцёрамі, так і з працаўнікамі, якія мелі вопыт працы ў акупаваных гарадах. Працадаўцы сцвярджаюць, што ніякай небяспекі ў анэксіраваных гарадах Данбаса для працаўнікоў няма.

– Родныя хвалююцца – гэта зразумела. – расказаў адзін з наймальнікаў, Сяргей – Ну, там ціха, усё нармальна. Мы ўжо там два месяцы да гэтага працавалі на дэмантажных работах, зараз перайшлі на аддзелачныя ў жылых дамах. Не ведаю, усё быццам як нармальна. Здарэнняў ніякіх не было, усё добра, працуем як належыць. Калі, вядома, нешта будзе зноў, то назад усе паедзем. 

Карыстальнікі паблікаў і чатаў, якія ўжо працавалі ў Марыупалі, альбо чые знаёмыя зараз там знаходзяцца, даюць крыху іншую карціну:

– Выходзіць так, што праз тры пасярэднікі грошы атрымліваем. Гэта сапраўды не самы лепшы варыянт. У крамах у мясцовых нічога нельга купляць, бо могуць атруціць. Харчавацца можна толькі ў сталовых. Без дазволу працадаўцы нікуды нельга адтуль выехаць. Яны як бы ўвогуле не хочуць, каб толькі на месяц-два туды ехалі. Месяцаў на шэсць. Лепш па выніку ў Маскву амаль за тыя ж грошы ў спакоі працаваць, чым там. Пастаянна напружанне ў Марыупалі: што на будоўлі, што ў інтэрнаце – напісаў карыстальнік Юрый, сябар якога знаходзіцца ў Марыупалі.

Мінчук Дзмітрый, які ўжо не раз ездзіў на вахтавыя будоўлі за мяжу, рэкамендуе беларусам увогуле не разглядаць варыянты працы на акупаваных тэрыторыях:

– Нармальныя фірмы яшчэ пашукаць трэба. А гэтыя пасярэднікі набіраюць людзей, большую частку грошай забіраюць сабе, засяляюць у самыя дрэнныя ўмовы і ўсё. Ну і не варта нават разглядаць гэтыя вакансіі, не тое што ехаць – гэта лічыцца зона баявых дзеянняў. І ніхто ніякіх гарантый не дае, упадзе снарад заўтра ці не.

– У асноўным, беларусы і ездзяць. – разам з тым, расказаў працадавец Сяргей – З Гомеля вельмі шмат, са Жлобіна, Рэчыцы, Рагачова. Цяпер там нашых чалавек 30. Шмат, мы нават не паспяваем жыллё абсталяваць.

Фота: РИА Новости

Кірмаш вакансій па-клімавіцку – з дваццаці чалавек на суразмову запрасілі чатырох

25 лістапада ў сектары занятасці насельніцтва ўпраўлення па працы, занятасці і сацыяльнай абароне Клімавіцкага райвыканкама 25 лістапада быў арганізаваны чарговы кірмаш вакансій – піша раённая газета “Родная ніва”. 

Па працаўладкаванне звярнуліся 20 чалавек. 

У мерапрыемстве ўдзельнічалі прадстаўнікі КСУП “Полашкава”, КСУП “Прыгранічны-Агра”, ААТ “Клімавіцкі ЛГЗ”, ГУКДСП “Клімавіцкая ПМК № 256”, ДРБУ-172, Клімавіцкага райспажыўтаварыства. Як падкрэсліла кіраўнік сектара Алеся Белькіна, сёння на рынку працы запатрабаваны прафесіі: кіроўца аўтамабіля, вадзіцель пагрузчыка, электрагазазваршчык, токар, электраманцёр, трактарыст-машыніст, заатэхнік, ветэрынарны ўрач, жывёлавод. 

Па выніках кірмашу чатыром суіскальнікам прапанавана прайсці ссуразмову ў будучых наймальнікаў.

У Магілёве жыхары скардзяцца на ліфт – відэа

Грукат, шархаценне, удары – адбіваюць жаданьне жыхароў ад перасовання ў ім.

Ліфт, усталяваны ў шматпавярховым доме па вуліцы Каштанавай тры месяцы таму, палохае яго жыльцоў незвычайнымі гукамі.  

Відэа з праблемнай працай ліфта адна з жыхарак выклала ў адзін з магілёўскіх паблікаў.

 

“Як вы думаеце, праца такога ліфта – ці бяспечная?” – задае пытанне аўтар відэа ў пабліку.

– Гэта труць кантрольныя чаравікаў… Спачатку нічога страшнага, пакуль не заб’юць накіроўвальныя, укладышы і г.д. – адказвае адзін абазаны чытач.

– Нічога небяспечнага няма, – паўтарае другі “спецыяліст” – ідзе прыцірка.

“Навошта і што прыціраецца ўжо тры месяцы? – не сунімаецца аўтар допісу – І шум апошнім часам у грукат перайшоў – у кватэрах чутны”.

– Не небяспечна. – супакойвае яшчэ адзін каментатар – Націсніце на кнопку са званочкам і растлумачце праблему дыспетчару. Абслугоўваючы механік прыбярэ праблему. Пасля мантажу, яшчэ бывае паўгода вылазяць “касякі”. І гэта таксама нармальна.

 

Якія самыя высокія зарплаты сярод магілёўскіх вакансій – паглядзелі для вас, што прапануе цэнтр занятасці

У верхніх радках – кіраўнікі ды начальнікі, але ёсць прыстойныя зарплаты і для сапраўдных рабацяг.

У Магілёве на актуальны момант больш за 2 200 вакансій на рынку працы для шараговых суіскальнікаў. Яшчэ некалькі дзясяткаў вольных месцаў прапануюцца мэтанакіравана інвалідам і пенсіянерам.

Самы вялікі заробак – 2 397 рублёў – абяцаюць на прадпрыемства «Ольса» на пасадзе начальніка цэху. Кар’ернае абмежаванне толькі адно – патрэбна вышэйшая адукацыя. «Ольса», між іншым, адзін з лідараў па «паталкам» зарплат для розных катэгорый працаўнікоў. Майстар, напрыклад, тут можа атрымліваць 1 410 рублёў, а слесар-сантэхнік 1 242, што з’яўляецца самым высокім паказчыкам у гэтых прафесіях на рынку працы.

Яшчэ адзін лідар па ўзроўні прапанаваных зарплат – домабудаўнічы камбінат. Працаўнікам тут прапануюць 1 200 – 1 400 рублёў, а маляру наагул 1 500.

Другі радок па ўзроўню зарплаты належыць заводу «Чырвоны металіст». Кіраўнік на гэтым прадпрыемстве можа разлічваць на 2 000 рублёў. Трэці радок дзеляць прадстаўнікі таксама кіроўных пасад – кіраўнік у структуры «Жыллёва-камунальнай гаспадаркі вобласці» і начальнік цэху на «Магілёўдрэве». Ім прапануюць па 1 800 рублёў.

Бліжэй за ўсіх да кіроўных пасадаў па ўзроўню зарплат сярод звычайных рабацяг падбіраюцца супрацоўнікі «Беларускай чыгункі». Машыніст дызель-электрапоезда можа разлічваць на 1 750 рублёў, а машыніст цеплавоза – на 1 600.

«Дэакупацыя Беларусі, правядзенне новых выбараў» – у другую гадавіну выбараў–2020 завяршылася канферэнцыя «Новая Беларусь» у Вільні. Залю «мініравалі»

Самая масштабная і прадстаўнічая канферэнцыя дэмакратычных сілаў апошняга часу прайшла ў Вільні 8 – 9 жніўня. 

Кабінет Ціханоўскай

Яе галоўным вынікам стала стварэнне Кабінета Святланы Ціханоўскай, мэта якога была агучаная як «дэакупацыя краіны і правядзенне новых выбараў». Прадстаўнікамі Святланы Ціханоўскай у Кабінеце сталі Павел Латушка (прадстаўнік па транзіце ўлады), Аляксандр Азараў (па бяспецы), Валер Кавалеўскі (па замежных справах) і Валерый Сахашчык (па абароне і нацыянальнай бяспецы).

Намеснікамі Ціханоўскай у яе адсутнасць будуць Латушка і Кавалеўскі, а ў звычайны час галоўная першага будзе заключацца ва «узмацненні ціску на рэжым, выкарыстанні ўсіх магчымых юрыдычных, эканамічных, персанальных рэсурсаў дзеля гэтага».

Кабінет – не ўрад у выгнанні

Ідэя Кабінета з’явілася адказам на ініцыятывы па стварэнні часовага ўраду ў выгнанні, якія гучалі на канферэнцыі ў напярэдадні. Наогул атмасфера канферэнцыі характарызуецца яе ўдзельнікамі як напружаная, часам нервовая, са спрэчкамі. Да гэтай напружанасці дадалося паведамленні аб мініраванні ў Вільні 20 устаноў, у тым ліку залі, дзе праходзіла канферэнцыя.

Чальцы Кабінету пры пасадах будуць 6 месяцаў. Праца з прыхільнікамі пераменаў ў онлайне

Службовыя абавязкі ўсіх прадстаўнікоў Кабінета будуць вызначацца на працягу жніўня і верасня, а тэрмін знаходжання кожнага на пасадзе вызначаны ў 6 месяцаў. 

Таксама восенню чакаецца запуск праекту «лічбавай Беларусі» ад Паўла Лібера. Ён павінен перанесці ў віртуальную рэальнасць працу з актыўнымі прыхільнікамі дэмакратычных перамен у Беларусі, даць ім платформу для волевыяўлення і прыкладання намаганняў.

У Беларусі скарэктавалі спіс недаступных для жанчын відаў прац. Ён зменшыўся, але ў пажарныя іх не возьмуць

Калі ў спісе забароненых прафесіяў было 181 пазіцыя, то цяпер 88.

Міністэрства працы і сацыяльнай абароны апублікавала скарэктаваны спіс прац, якія застаюцца недаступнымі для жанчын. Іхныя ўмовы аднесеныя да небяспечных і шкодных для жаночага здароўя. Пастанова міністэрства піша газета «СБ. Беларусь сегодня» набудзе моц 24 чэрвеня.

Жанчынам цяпер дазволілі працаваць кіроўцамі самазвалаў, ліцейшчыкамі, а таксама наймацца на прафесіі цэлюлознай і папяровай вытворчасці.

Не возьмуць іх на працы, якія вымагаюць уздымання цяжкасцяў пэўнай вагі. Занятак у горнай і горнакапітальнай сферы ім шукаць не варта. Да зварачных прац у замкнёнай прасторы і да тушэння пажараў жанчыны допуску не атрымаюць.

фота: fotorelax.ru

Лічба дня. У Клімавічах на кірмаш вакансіяў прыйшло 10 чалавек

Дваіх працадаўца запрасіў на сумоўе, яшчэ двое пагадзіліся паехаць на навучальныя курсы.

Апошні кірмаш вакансіяў, пра які напісала мясцовая газета «Родная ніва» праходзіў 9 чэрвеня на прадпрыемстве «Камунальнік». Паводле выдання па працаўладкаванне звярнуліся 10 чалавек.

Клімавічы, райцэнтр на ўсходзе Магілёўшчыны. Да Магілёва 140 кіламетраў. Да беларуска-расійскай мяжы напрасткі пад тры дзясяткі.

Да пандэміі шмат мясцовых жыхароў выязджала ў суседнюю краіны ў заробкі. У прыватных гутарках жыхары раёну адзначалі: каб не Расія не ведалі б, што рабіць. Па іхных словах і наведваюцца туды дагэтуль, але зарабіць, як раней не ўдаецца.

Паводле Галоўнага статыстычнага ўпраўлення Магілёўскай вобласці ў 2020 годзе (свяжэйшых звестак адшукаць не ўдалося) узровень беспрацоўя ў раёне 0,3 працэнты ад колькасці працаздольнага насельніцтва. Ад 2007-га колькасць беспрацоўных на Клімавіччыне няўхільна змяншалася. Пятнаццаць гадоў таму яна складала 1,4 працэнты.

Насельніцтва раёну ў 2019 годзе складае амаль 24 тысячы чалавек. Годам раней колькасць працаздольнага насельніцтва сягала 54,9 працэнты.

Адшукаць больш менш дакладныя дадзеныя па існуючых у раёне вакансіях не ўдалося. На сайце, які падаецца, як электронны цэнтр насельніцтва Клімавічаў нямала прадпрыемстваў, арганізацыяў і прадпрымальнікаў, якія чакаюць работнікаў. Беглы аналіз заробкаў паказаў, што іхны памер ад 300 рублёў да 1300 і вышэй.

В Могилеве 11 мая пройдет электронная ярмарка вакансий для молодежи

Мероприятие состоится на платформе e-vacancy.by с 10.00 до 12.00. Электронный вариант ярмарки обеспечит общение нанимателя и соискателя в режиме онлайн. Каждый из соискателей сможет задать вопросы, предоставить резюме для поиска работы.