На Магілёўшчыне на 100 дзяўчынак да 17 гадоў прыпадае 105 хлопчыкаў.
На пачатку 2022 году ў Магілёўскай вобласці пражывала 196,8 дзяцей да 17 гадоў. Гэта пятая частка насельніцтва рэгіёну (19,7%), піша газета Хоцімскага раёну «Шлях кастрычніка»
Пасля 35 гадоў гадоў дэмаграфічная сытуацыя іншая. На 1000 мужчын – 1149 жанчын.
Эксперты цвердзяць: прычыны дыспрапорцыі ў высокай смяротнасці мужчын працаздольнага ўзросту. Для мужчын характэрныя «няправільныя паводзіны ў быту». Значная частка іх злоўжывае алкаголем і праз гэта заўчасна канае. Сярод прычынаў называецца траўматызм на вытворчасці і на дарогах, а таксама гвалтоўныя смерці. Эксперты адзначаюць, што мужчыны больш церпяць ад стрэсаў, чым жанчыны. І часцей сканаюць жыццё самагубствам.
Паводле звестак галоўнага статыстычнага ўпраўлення Магілёўскай вобласці, якія падае газета «Магілёўскія ведамасці» на сяле жанчын меней, чым у горадзе. На 1000 мужчын у сельскай мясцовасці – 1071 жанчына, а ў горадзе – 1169.
У Беларусі сярэдняя працягваюць жыцця 71,2 гадоў. У мужчын – 65,6. а ў жанчын – 77,2.
Драйверам росту беларускага біржавога экспарту стане сельскагаспадарчая прадукцыя, лічыць намеснік старшыні праўлення Беларускай універсальнай таварнай біржы Эдуард Бельскі.
Ва ўмовах павышанага попыту на прадукты харчавання і ўмацаванне гандлёва-эканамічных адносінаў у межах Эўраазійнага эканамічнага саюзу біржавы механізм здольны максімальна эфектыўна рэалізоўваць патэнцыял беларускага аграпрамысловага комплексу, падае меркаванне прадстаўніка біржы інфармагенцтва Белта.
Паводле Бельскага за мінулы год экспарт сельскагаспадарчай прадукцыі склаў 6,7 мільярдаў долараў ЗША. З іх амаль палова (2,7 мільярдаў) прыпадала на малако і малочныя прадукты, якія прадавалі ў 58 краінаў.
«Мы гатовыя нарошчваць экспартныя пастаўкі, пагатоў, што рэсурс для гэтага ёсць – на біржавай пляцоўцы акрэдытаваныя ўсе малакаперапрацоўчыя прадпрыемствы Беларусі», – цытуе словы Бельскага Белта.
Прадстаўнік біржы выступаў на малочнай алімпіядзе ў казахскай Алматы.
«У Беларусі рамантызацыі вайны не мусіць быць», выказаў меркаванне нашаму выданню жыхар Магілёўскага раёну, пабачыўшы фотарэпартаж газеты «Прыдняпроўская ніва» з назвай «Партизанские тропы Приднепровского края».
“Уласнасць газэты “Прыдняпроўская ніва”
У лісце мужчына назваўся пенсіянерам і сынам ветэрана вайны. Па ягоных словах фотаздымкі, размешчаныя на адной са старонкак у Фэйсбуку яму паказалі дзеці. Як высветлілася яны належаць магілёўскай раёнцы.
«Так нельга аб вайне, – піша наш чытач. – Я не ведаю, як бы адрэагаваў на іх мой памерлы амаль 30 гадоў таму бацька. Не думаю, што фотаздымкі з бутлямі, у якіх відаць, самагон яму б спадабаліся. За п’янства ў партызанскіх атрадах сувора каралі».
“Уласнасць газэты “Прыдняпроўская ніва”
На ягоную думку дэманстравання алкаголю, нават яго імітацыі, не мусіць быць на імпрэзе, на якую прыходзяць дзеці.
Чытач прызнаецца, што свой погляд асцерагаецца агучваць у лісце непасрэдна кіраўніцтву газеты і арганізатарам імпрэзы, але «не выключае, што напіша ім».
На сайце газеты «Прыдняпроўская ніва» сапраўды апублікаваны матэрыял аб якім напісаў чытач. Імпрэзу ў лясным масіве ля вёскі «Адраджэнне», напісана ў раёнцы, арганізаваў Магілёўскі райвыканкам, Магілёўскі райсавет і Семукацкі сельсавет.
“Уласнасць газэты “Прыдняпроўская ніва”
«Вёска Адраджэнне знаходзіцца на мяжы трох рэгіёнаў, дзе ў гады Вялікай Айчынай граміў ворага партызанскі атрад Асмана Касаева», адзначана ў публікацыі газеты «Прыдняпроўская ніва»
«Белнафтахім» аб’явіў аб павышэнні рознічных коштаў на аўтамабільнае паліва.
У Беларусі з 24 траўня зноў даражэе аўтамабільнае паліва, паведамляе канцэрн «Белнафтахім».
Гэта 13-е павышэнне цэн на паліва Кожны раз кошт павялічваюць на 2 капейкі за літр. Ад пачатку году паліва падаражэла на 26 капеек.
Цяпер літр абыдзецца аўтамабілісту:
– АІ-92-К5-Еўра – 2 рублі 26 капейкі;
– АІ-95-К5-Еўра – 2 рублі 36 капейкі;
– АІ-98-К5-Еўра – 2 рублі 58 капеек;
Паводле Нацыянальнага банку24 мая курс долара ЗША да рубля – 2,4645, еўра –2,6015. Адсюль вынікае, што літр паліва АІ-98-К5-Еўра каштуе больш за 1 долар ЗША і амаль 1 еўра.
У Шклоўскім касцёле святых Пятра і Паўла разгорнутая выстава вядомых цудадзейных абразоў Беларусі, якія шануюцца каталікамі. Мясцовая святыня першая на Магілёўшчыне, якая прымае іх у вандроўцы па Беларусі. Абразы прабудуць у Шклове да 28 мая.
Па словах шклоўскага краязнаўцы і актывіста мясцовай каталіцкай парафіі Аляксандра Грудзіны ў касцёле святых Пятра і Паўла абразы Маці Божай прабудуць тыдзень, а затым іх можна будзе пабачыць у касцёл святога Антонія, што ў Магілёве.
Аляксандр Грудзіна дадае, што ў Шклоўскім касцёле26 мая ўпершыню за амаль сто гадоў адбудзецца канцэрт арганнай музыкі.
Ён кажа, што незвычайная пілігрымка цудадзейных абразоў Беларусі распачалася ў лютым 2021 года. Яе задумалі, бо з-за пандэміі ковіду вернікі былі пазбаўленыя штогадовых вандровак да святых мясцінаў.
Выявы маці Божай з Баруноў, Браслава, Брэста, Будслава, Бялыніч, Гродна, Гудагаю, Лагішына, Мінска і Тракелі, створаныя мастачкай Ядвігай Сянько пабывалі ў многіх мясцінах Беларусі, каб абараніць яе ад пошасці. Ля абразоў вернікі маліліся аб спакоі і міры ў краіне і аб спыненні пандэміі.
24 мая 2022 года погода в Могилёве и Могилевской области ожидается, по данным синоптиков, в основном солнечная, без осадков. Большая вероятность, что солнечная погода сохранится и в ближайшие дни. Погоду будет определять область повышенного атмосферного давления.
По данным источника Gismeteo.by днем воздух прогреется до 20- 22°C.
Ветер северо-западный 5-10 м/с. Атмосферное давление в течение суток в пределах 743-744 мм ртутного столба. Вероятность выпадения осадков вечером низкая.
По данным из открытых источников, температурная норма для Могилева24 мая в последние годы составляет 20°С. Минимальная температура за все время инструментальных наблюдений -1°С была зафиксирована в 1980 году, а максимальная 31°С в 2005 году.
24 мая – Дзень славянскай пісьменнасці. Дзень святых Мяфодзія і Кірылы, святых праваслаўнай і каталіцкай царквы, братоў-місіянераў, стваральнікаў стараславянскай азбукі і царкоўнаславянскай мовы.
24 мая 1377 года памёр вялікі князь (1345–1377) ВКЛ Альгерд (1296-1377), князь крэўскі і віцебскі, войскавод Вялікага Княства Літоўскага.
З 80 гадоў жыцця, кіраваў дзяржавай 32 гады. Бацька 12 сыноў. Сярод іх Ягайла, Андрэй Полацкі, Свідрыгайла, Скіргайла, Уладзімір. За часамі княжання тэрыторыя ВКЛ павялічылася больш чым удвая. Беларускія землі занялі цэнтральнае месца ў дзяржаве, што забяспечыла рост эканомікі, развіццё культуры, умацаванне беларускай мовы, якая тады была афіцыйнай дзяржаўнай. У 2014 годзе Альгерду паставілі помнік у Віцебску.
24 мая 1706 года ў Магілёў увайшлі рускія войскі генерала Бауэра – саюзніка Рэчы Паспалітай у вайне са Швецыяй і сталі лагерам пад Машакоўскай гарой.
Ад 1706-1708 гг. у Магілёве знаходзіліся рускія военачальнікі: Меншыкаў, Брус, Бауэр, Галавін, Рапнін, Даўгарукі, Сініцкі, Галоўкін, Нотаў, Чамберс, Сініцкі. Іх атрады, як і 30–тысячнае войска татар, спустошылі горад і наваколлі рабаваннямі.
8 верасня 1708 г. на загад Пятра I горад быў спалены.
24 мая 1780 года ў Магілёве сустрэлася расейская самаўладца Кацярына ІІ з аўстрыйскім імператарам Іосіфа ІІ для абмеркавання другога падзелу Рэчы Паспалітай.
Іосіф прыехаў у Магілёў 23 мая. У гонар сустрэчы з Іосіфам, 29 мая на Саборнай плошчы Магілёва быў закладзены Іосіфаўскі кафедральны сабор. Сабор будаваўся з цэглы ў 1780-1998 гг. архітэктарам Мікалаем Львовым у класіцыстычным стылі. Адзін з найбольш ранніх помнікаў класіцызму ў культавай архітэктуры Беларусі.
Зруйнаваны ў 1937 годзе, бо «не ўпісваўся» у архітэктуру будучай сталіцы БССР. На яго месцы пабудавалі гатэль «Дняпро».
У кастрычніку 2011 года намеснік старшыні Магілёўскага гарвыканкаму Ігар Шардыка паведаміў, што сабор трапіў у лік першых у чарзе на аднаўленне разбураных помнікаў архітэктуры Магілёва.
24 мая 1863 года расейцамі ў Вільні расстраляны ксёндз Раймунд Зямацкі (1810-1863). Ён зачытаў у Ваверскім касцёле (цяпер Лідзкі р-н) маніфест паўстання, вядомага, як паўстанне пад кіраўніцтвам Кастуся Каліноўскага.
24 мая 1891 года ў Менску арганізавана першая публічная выстава выяўленчага мастацтва, на якой былі прадстаўленыя амаль 100 работ мясцовых мастакоў.
24 мая 1917 года заснавана першая беларуская газета ў Мінску «Грамада» – орган Беларускай Сацыялістычнай Грамады. Выдавалася да 11 чэрвеня (4 нумары). Рэдагаваў выданне – ураджэнец вёскі Бацэвічы (зараз Клічаўскі раён), географ, грамадскі дзеяч Аркадзь Смоліч.
24 мая 1918 года Народны Сакратарыят БНР пастанавіў выдаткаваць 5000 рублёў на выданне штотыднёвай газеты ў Магілёве.
24 мая 1918 года першай на тэрыторыі Беларусі, у Магілёве створана губернская ЧК па барьцьбе з сабатажам і контррэвалюцыяй. ЧК размясцілася ў будынку Архіерэйскага палаца.
Пачынаюцца рэпрэсіі супраць іншадумцаў.
24 мая 1956 года ў швейцарскім Лугана прайшоў першы конкурс песні «Еўрабачанне», у якім прынялі ўдзел прадстаўнікі Бельгіі, Нідэрландаў, Італіі, Люксембурга, Францыі, ФРГ, Швейцарыі. Да конкурсу дапускалася толькі сольнае выступленне выканаўцаў.
Беларусь удзельнічала ў конкурсе «Еўрабачанне» з 2004 па 2019 год. Першымі прадстаўнікамі краіны стаў дуэт «Аляксандра і Канстанцін» з песняй «My Galileo» (10 балаў і 19-е месца ў паўфінале). Найлепшы вынік меў Дзмітрый Калдун. У 2007 годзе ў яго было 6 месца ў фінале.
За ўсю гісторыю ўдзелу Беларусь кваліфікавалася ў фінал усяго толькі 6 разоў і толькі аднойчы ўвайшла ў дзясятку найлепшых у фінале (2007).
У сакавіку 2021 годзе Беларусь дыскваліфікавалі з-за палітычнага падтэксту ў песні «Я навучу цябе» гурта «Галасы ЗМеста». 28 мая 2021 г. Еўрапейскі вяшчальны саюз пазбавіў членства Белтэлерадыёкампаніі ў арганізацыі з-за пытанняў адносна правоў чалавека ў краіне на фоне пераследу апазіцыі.
З апублікаваных ёю звестак вынікае, што ў параўнальна з сакавіком у Беларусі выраслі цэны на:
– капусту ў 2,2 рызы;
– яблыкі на 57,5 працэнтаў;
– буракі на 22, 4 працэнты;
– цыбулю – на 9,9 працэнтаў;
– моркву – 9,5 працэнтаў;
– гуркі – 9,2 працэнтаў
Цукар вырас на 40,2 працэнты, маргарын і пшанічная мука на 10,1 працэнт.
А што на Магілёўшчыне?
На Магілёўшчыне ў лідарах росту цэнаў – капуста. Яна стала даражэй у 2,31 разы. За ёй ідуць садавіна для дзіцячага і дыетычнага харчавання – на 29,6 працэнтаў і сухафрукты – на 24,2 працэнты.
Кошт спажывецкага кошыка на Магілёўшчыне 763,9 рублі. Меней толькі на Брэстчыне – 733,9 рублі. У сталіцы ягоны кошт – 834,2 рублі.
Спажывецкі кошык – гэта набор рэчаў і паслуг першай неабходнасці, зацверджаны заканадаўствам. Пры яго складанні ўлічваюцца першачарговыя прадукты харчавання, прадметы гардэробу, медычныя прэпараты, а таксама аплата транспартных, камунальных, а таксама некаторыя іншыя віды расходаў.
Жыхара Краснапольскага раёну даставілі ў рэанімацыйнае аддзяленне раённай больніцы, але выратаваць яго не ўдалося. Праз дзве гадзіны ён сканаў. Мужчыну не было 50 гадоў.
Выпіў антысэптычны сродак ад 70 грам якога надыходзіць смерць
Паводле афіцыйнай прадстаўніцы абласнога ўпраўлення камітэту судовых экспертыз Ірыны Рачкоўскай у арганізме памерлага жыхара Краснапольшчыны быў выяўлены этылавы спірт і іоны бензалканія хларыду.
Як піша Хоцімская раённая газета «Шлях кастрычніка» гэтае рэчыва выкарыстоўваюць у сельскай гаспадарцы, хімічнай вытворчасці, медыцыне, касметалогіі ды як антысептык у растворах для распылення.
Ужыванне раствору выклікае хімічны апёк слізевай абалонкі. 50-70 мл раствору 10%– канцэнтрацыі можа выклікаць смяротнае атручванне. Чалавек канае ад парушэння звароту крыві, дыхальнай нястачы і паражэння цэнтральнай нервовай сістэмы.
Летась у рэгіёне ад алкаголю і яго сурагатаў сканала 210 чалавек. Штогод такіх выпадкаў становіцца болей
Сёлетняй статыстыкі аб смерцях ад алькаголю і ягоных суратаў адшукаць у адкрытых крыніцах не ўдалося.
На пачатку гэтага году Ірына Рачкоўская ў інтэрв’ю інфарагенцтву Белта казала, што за 2021 год зафіксаваныя больш за 210 лятальных выпадкаў атручвання метанолам, этанолам і этыленглікалем. Паводле прадстаўніцы камітэту судовых экспертыз «амаль усе ахвяры алкаголю і яго сурагатаў – мужчыны працаздольнага веку».
У 2021-ым ад алкаголю і яго сурагатаў сканала 149 чалавек. Паводле інфармацыйнага рэсурсу Mycity годам раней такіх смерцяў было на 12 меней.
Да могілак кіламетр. Цяпер трапіць на іх можна толькі праз суседнюю вёску, альбо на ўседарожніку, апавядаюць жыхары вёскі Шалаханаўка, што ў Горацкім раёне. Сельсавет абяцае сітуацыю выправіць і больш падобнага не дапускаць.
Шалаханаўка за дзясятак кіламетраў ад райцэнтру. У ёй жыве меней за 50 чалавек.
Па словах вяскоўцаў, да могілак вяла праз поле добра ўкатаная дарога, якая задавальняла іхныя патрэбы. Дабрацца да магілаў родных яны маглі пешкі альбо на машыне. Аднак, летась поле з дарогай зааралі.
«У лістападзе мінулага года ў мяне памерла мама і мы ледзь змаглі даставіць труну да магілы. Добра, што было сухое надвор’е! А вось памянуць яе на могілках праз дзевяць дзён мы ўжо не змаглі. Зямля намокла, і мы туды проста не змаглі прабрацца», – распавяла выданню Horki.info жыхарка вёскі Ірына Аляксандраўна.
Калі памерла іншая жыхарка Шалаханаўкі супрацоўнікі рытуальнай службы неслі труну на руках.
Ёсць іншая дарога да могілак, але яна ляжыць праз суседнюю вёску, да якой шлях няблізкі. Але і тут праблема. Паводле вяскоўцаў, труба, якая адводзіць ваду з тутэйшага ручая перастала функцыянаваць. У нізіне збіраецца вада.
Старшыня Паршынскага сельсавету, да якога адносіцца вёска, паведаміў выданню, што з праблемамі Шалаханаўкі знаёмы. Ён гарантуе: як поле засеяць, то дарогу зноў пракладуць па ім. Па ягоных словах сельсавет прасочыць, каб на далей могілкі для вяскоўцаў былі даступныя.
Адносна падтаплення мясціны, то высветлілася: прычына не ў прапускной здольнасці трубы, а ў бабрах, якія засялілі ручаіну і запрудзілі яе.
