У Беларусі з 1 кастрычніка падаражэюць некаторыя маркі цыгарэт. Пра гэта паведамілі ў Міністэрстве па падатках і зборах.
На 20-45 капеек падаражэюць некаторыя віды цыгарэт Магнат, Мінск, Прэм’ер, Фэст, Dove, Credo, NZ, Queen, Matrix, portal, Pall Mall, Rigins, Kent, Vogue, Rothmans, RB ад Гродзенскай тытунёвай фабрыкі “Нёман”.
“Тытунь-інвест” павышае цэны на 5-40 капеек на некаторыя віды цыгарэт Mac, Карона, Форт, Kalipso, LD, Pall Mall, Camel, Richmond, Kent, Rothmans, Vogue, Lucky Strike.
У «Інтэр-Табака» на 40-45 капеек даражэюць некаторыя віды цыгарэт Dove і Red Bor.
Некаторыя маркі цыгарэт сталі даражэйшымі ў Беларусі з 1 верасня. Пра гэта паведамляецца на сайце Міністэрства па падатках і зборах.
Гродзенская тытунёвая фабрыка “Нёман” павысіць цэны на 5 капеек на цыгарэты “Магнат”, “Магнат 7”, “Мінск”, “Мінск 7”, “Мінск Superslims”, “Мінск 5 Superslims”, “Minsk city MS”, Minsk сapital MS, “Прэм’ер”, “Прэм’ер 7”, “Прэм’ер QS”, “Фэст”, “Фэст 7”.
На 5 капеек стануць даражэй і некаторыя віды цыгарэт Dove, Credo, а таксама Minsk city, Minsk capital, Minsk city QS, Minsk capital QS, Matrix Blue, Queen, Portal, Rigins Original, RB Perliamutr. На 5-10 капеек вырасце кошт на некаторыя віды NZ.
“Тытунь-інвест” на 10 капеек павысіць кошт на некаторыя віды цыгарэт “Карона”. А некаторыя віды Winston стануць даражэй на 5-25 капеек. Шэраг цыгарэт Sobranie падаражэе на 20 капеек.
У «Інтэр-Табака» на 20-25 капеек вырасце кошт на некаторыя цыгарэты Red Bor.
Цэны на ўвазныя ў Беларусь кампаніяй “Беларусьгандаль” цыгарэты маркі Chapman стануць вышэйшымі на 30 капеек.
Беларускія вытворцы і імпарцёры цыгарэт маюць права штомесяц дэклараваць максімальныя рознічныя цэны на тытунёвыя вырабы.
Міністр антыманапольнага рэгулявання і гандлю Аляксей Багданаў нагадаў, што ў 2023 годзе чакаецца чарговае павышэнне тарыфаў жыллёва-камунальнай гаспадаркі. Яно пройдзе ў міжсезонны перыяд, у чэрвені.
– Першы этап павышэння тарыфаў на жыллёва-камунальныя паслугі для насельніцтва рэалізаваны з 1 студзеня 2023 года. Другі запланаваны на чэрвень 2023 года, калі ў міжсезонны перыяд будуць павышаны тарыфы на цеплавую энергію для насельніцтва – рост 12,7 працэнта. – паведаміў чыноўнік.
Ліхаманкавы рост коштаў на самую банальную гародніну ў Беларусі высвеціў прагматычнасць масавых гандлёвых сетак на фоне папулісцкіх заяваў пра замарожванне коштаў і паказальныя суды за павышэнне цэн на тры капейкі.
Mogilev.media прайшліся па некалькіх самых папулярных крамах абласнога цэнтра і высветлілі, якімі сталі рэальныя цэны на такую элементарную сельскагаспадарчую прадукцыю, як агуркі і памідоры, і параўналі гэтыя кошты з экзатычнай садавіной, якая не расце ў нашым клімаце і дастаўляецца з далёкіх краін.
Пачнем мы з гіпермаркета сеткі “Тройка”, якая лічыцца адной з самых дэмакратычных на фоне іншых гігантаў рынку. Гуркоў у цэнтральнай краме сеткі, што месціцца ў ЦУМе не знайшлося наогул, а таматы з Туркменістана заважылі без адной капейкі 9 рублёў за кілаграм.
Як мы пабачым далей, гэта нешта сярэдняе паміж зусім бесцырымоннымі рашэннямі і – сапраўднымі дыскаўнтэрамі. Дарэчы, у той жа “Тройцы” гранаты каштавалі 6,59, бананы 4,99 а грэйпфруты 4,38.
“Суседзі” ў “Атрыўме” прадвалі толькі адзін гатунак таматаў, расфасаваны па 250 грамаў мараканскі чэры за касмічную цану 24,80 за кілаграм. Гэта абсалютны рэкорд сённяшняга назірання. А вось гуркі тут жа – 12,72 побач з манга за 8,99 (на загалоўным фота). Па гурках – таксама блізка да космасу. Звярніце ўвагу, што на цэнніку да таматаў, на фота ніжэй, кошт 6,20 выстаўлены за 250 грамаў, а за кілаграм сума ўказаная ў самым нізе. Пры гэтым какос – 7,27, кумкват 19,99, пасіфлора 16,99.
“Александрыйскае” таматы прапаноўвала за сярэдне-высокі кошт 9,55, а вось “Грошык” апраўдаў сваё пазіцыянаванне ў сектары самых дэмакратычных гіпермаркетаў, дэманструючы два гатункі памідораў і самы нізкі кошт на тамат – 7,49. Агуркі тут 9,29, але гэта не рэкорд таннасці.
Дасягненне “Грошыка” па кошце на памідоры паўтарыла нядаўна адкрытая на базе “Перакросткаў” сетка “Впрок”, таксама выставіўшы кошт у 7,49. І менавіта ў “Впрок” мы сустрэлі самыя танныя гуркі ў горадзе – сустракайце, 6,47.
Ну, і для паўнаты агляду. Агуркі ў “Радыусе” на Астроўскага – 7,86. У “Грыне” – астранамічныя 14,29 за кілаграм агуркоў (рэкорд, нават авакада тут танней – 12,99), а памідоры па 9,20.
9,99 – і за агуркі, і за памідоры ў прадуктовым “Плюс” каля кінатэатра “Радзіма”, у яшчэ адным дыскаўнтэры, “Копеечка” таматы прадавалі за 7,99 а гуркі за 7,55.
Такім чынам, мы не знайшлі ніводнай крамы, абышоўшы ў агульнай суме амаль дзясятак, дзе гуркі альбо памідоры каштавалі б танней за такі экзатычны прадукт, як манга – 5,49 у “Грошыку”.
Фантастычны ўзлёт коштаў на гэтыя два тавары за апошнія дні – гуркі і памідоры – выглядае здзекам над той папулісцкай рыторыкай пра замарожванне цэн, якая ўжо не адзін месяц грыміць па ўсіх дзяржаўных каналах інфармацыі.
Рост акцызаў на беларускія цыгарэты, алкаголь і электронныя сістэмы курэння звязаны з беларуска-расійскім пагадненнем пра ўранаванне цэн.
Міністэрства фінансаў Беларусі паведаміла, што на працягу 2023 года адбудзецца рэзкае павышэнне акцызаў на цыгарэты і моцны алкаголь. У пералік падакцызных тавараў трапілі таксама электронныя сістэмы курэння. Рост акцызаў прывядзе да павышэння рознічных коштаў.
За 2023 год стаўкі акцызаў на цыгарэты першай цэнавай групы вырастуць у 2,2 разы, другой – на 60,9%, а на стыкі для электронных цыгарэт – на 86%. Павышэнне ставак акцызаў на іншыя тытунёвыя вырабы (тытунь трубачны, курыльны, для кальяна, цыгары, цыгарылы) будзе ў межах 13,1-21,3 працэнтаў.
На 2023 год таксама прадугледжана павышэнне ставак акцызаў на вадкасці для электронных сістэм курэння ў 5,1 раза, а на моцныя алкагольныя напіткі – на 31,1 працэнта.
Каментарый Міністэрства па падатках і зборах паказвае, што рост акцызаў звязаны з міжурадавымі пагадненнямі паміж Беларуссю і Расіяй на фоне інтэграцыі. Цыгарэты і алкаголь працягнуць даражэць і наступныя два гады, пакуль кошты на іх не зраўняюцца з коштам гэтых тавараў на расійскім рынку.
З апублікаваных ёю звестак вынікае, што ў параўнальна з сакавіком у Беларусі выраслі цэны на:
– капусту ў 2,2 рызы;
– яблыкі на 57,5 працэнтаў;
– буракі на 22, 4 працэнты;
– цыбулю – на 9,9 працэнтаў;
– моркву – 9,5 працэнтаў;
– гуркі – 9,2 працэнтаў
Цукар вырас на 40,2 працэнты, маргарын і пшанічная мука на 10,1 працэнт.
А што на Магілёўшчыне?
На Магілёўшчыне ў лідарах росту цэнаў – капуста. Яна стала даражэй у 2,31 разы. За ёй ідуць садавіна для дзіцячага і дыетычнага харчавання – на 29,6 працэнтаў і сухафрукты – на 24,2 працэнты.
Кошт спажывецкага кошыка на Магілёўшчыне 763,9 рублі. Меней толькі на Брэстчыне – 733,9 рублі. У сталіцы ягоны кошт – 834,2 рублі.
Спажывецкі кошык – гэта набор рэчаў і паслуг першай неабходнасці, зацверджаны заканадаўствам. Пры яго складанні ўлічваюцца першачарговыя прадукты харчавання, прадметы гардэробу, медычныя прэпараты, а таксама аплата транспартных, камунальных, а таксама некаторыя іншыя віды расходаў.